مهيرة الوطن المتألق
14-10-2005, 12:15 AM
أريكـــا
أريكا ما عميا ..
أريكا يا يمه .. قوية الهمة ..
عيونها تضوى
الليل والضلمه
أريكا ما عميا ..
أريكا يا يمه
سمحه أزدانت ..
ولبست ثوب العزة وبانت ..
ورفعت رأسك ..
وصبحت علمك
وضى نبراسك ..
وبعد ما كانت ..
خرزه وجرتق ..
بخور وضريره ..
صبحت بيك العز
والجيرة ..
عيونها ريال
أب عشره مفتح ..
فى كل بقعة
برايها تصرح ..
التوضيح فتحت أبوابه ..
هدت مدن الجهل
الجرح ..
شامخه جريئه
ما بتلمح ..
أريكا ما عميا ..
أريكا يوم شافت ..
ارضى البارت ..
وكيف حرقوها
وسعوا لى خرابها ..
وحتى العيش فى مطموراتوا ..
عيشا عرقوا عليه غلابه ..
أريكا شايقاهم يوم باعوه .
وساوموا فيه ونحن تعابى ..
أريكا شايفاهم ..
بس واهماهم ..
أنها عمياء
الناس لاعبابها ..
وأريكا ما عميا ..
قالت كل الشفتوا أذانى ..
أخير أتحامى لى بشكابه ..
أريكا يايمه سنين حرمانه ..
تحسب ترجى المابتغابى ..
رفعت أيده وندهت الله ..
فى شان يديها وليدا بار
ينهيهوا عذابها ..
وكانت دعوة أريكا مجابه ..
وجات القافلة الطول ليلنا ..
نرجى تجيب لينا الجلابه ..
وتروى الأرض الطال حرمانه ..
وقرفت من نفخ الكضابه ..
برق القبلى الشلع بقه ..
أريكا فى عيونها الحزن سحابه ..
سحابة صيف أنهملت وعدت ..
وقفت أريكا فى عيون جذابه ..
واريكا ما عميا ..
اريكا عشمانه فى وليداتها
الشالو الوجعه ..
وبقولها مثابه
فى شان اولادها
ضى النور الضوه السكه
وفتح الدار لى الناس
ما عابه
وكبرت اريكا
فى عيون احبابه ..
وسمحت اريكا وكتروا خطابه..
وأريكا ما عميا
اريكا ناس يمه ..
واريكا ناس يابه..
اريكا العمه الزايده مهابه
وكل من رادها ..
ولاعب بنوتها واحفادها..
ما باع ارضو..وخان الذمه ..
ولا اتنصل ورماها العمه..
اريكا لصغارنا النطه الشماء..
اريكا لولادنا الجر والضمه…
اريكا لى بناتنا الفرح التمه..
وللحبوبه الدار واللمه..
اريكا اماتنا ..سند ابواتنا..
وصوت صلواتنا..
وخشوع دعواتنا..
وحلو غنواتنا
وصدق حجواتنا ..
وحلف حرم للضبح السمى ..
وشهامة الرمة الناقص تمه
وسيرة السمحة ..
وسنبل قمحة ..
وزرقة ملحة ..
ونوارة القطن المنشلحة ..
وعرضة فارسا
تب ما همه..
وقولة خى ..
وخيتى ويمه
واريكا فى بلادنا
مثال للقمة..
واريكا يا يمه
اريكا ما عميا..
طرابلس/يوليو/1993م
أريكا ما عميا ..
أريكا يا يمه .. قوية الهمة ..
عيونها تضوى
الليل والضلمه
أريكا ما عميا ..
أريكا يا يمه
سمحه أزدانت ..
ولبست ثوب العزة وبانت ..
ورفعت رأسك ..
وصبحت علمك
وضى نبراسك ..
وبعد ما كانت ..
خرزه وجرتق ..
بخور وضريره ..
صبحت بيك العز
والجيرة ..
عيونها ريال
أب عشره مفتح ..
فى كل بقعة
برايها تصرح ..
التوضيح فتحت أبوابه ..
هدت مدن الجهل
الجرح ..
شامخه جريئه
ما بتلمح ..
أريكا ما عميا ..
أريكا يوم شافت ..
ارضى البارت ..
وكيف حرقوها
وسعوا لى خرابها ..
وحتى العيش فى مطموراتوا ..
عيشا عرقوا عليه غلابه ..
أريكا شايقاهم يوم باعوه .
وساوموا فيه ونحن تعابى ..
أريكا شايفاهم ..
بس واهماهم ..
أنها عمياء
الناس لاعبابها ..
وأريكا ما عميا ..
قالت كل الشفتوا أذانى ..
أخير أتحامى لى بشكابه ..
أريكا يايمه سنين حرمانه ..
تحسب ترجى المابتغابى ..
رفعت أيده وندهت الله ..
فى شان يديها وليدا بار
ينهيهوا عذابها ..
وكانت دعوة أريكا مجابه ..
وجات القافلة الطول ليلنا ..
نرجى تجيب لينا الجلابه ..
وتروى الأرض الطال حرمانه ..
وقرفت من نفخ الكضابه ..
برق القبلى الشلع بقه ..
أريكا فى عيونها الحزن سحابه ..
سحابة صيف أنهملت وعدت ..
وقفت أريكا فى عيون جذابه ..
واريكا ما عميا ..
اريكا عشمانه فى وليداتها
الشالو الوجعه ..
وبقولها مثابه
فى شان اولادها
ضى النور الضوه السكه
وفتح الدار لى الناس
ما عابه
وكبرت اريكا
فى عيون احبابه ..
وسمحت اريكا وكتروا خطابه..
وأريكا ما عميا
اريكا ناس يمه ..
واريكا ناس يابه..
اريكا العمه الزايده مهابه
وكل من رادها ..
ولاعب بنوتها واحفادها..
ما باع ارضو..وخان الذمه ..
ولا اتنصل ورماها العمه..
اريكا لصغارنا النطه الشماء..
اريكا لولادنا الجر والضمه…
اريكا لى بناتنا الفرح التمه..
وللحبوبه الدار واللمه..
اريكا اماتنا ..سند ابواتنا..
وصوت صلواتنا..
وخشوع دعواتنا..
وحلو غنواتنا
وصدق حجواتنا ..
وحلف حرم للضبح السمى ..
وشهامة الرمة الناقص تمه
وسيرة السمحة ..
وسنبل قمحة ..
وزرقة ملحة ..
ونوارة القطن المنشلحة ..
وعرضة فارسا
تب ما همه..
وقولة خى ..
وخيتى ويمه
واريكا فى بلادنا
مثال للقمة..
واريكا يا يمه
اريكا ما عميا..
طرابلس/يوليو/1993م