مهيرة الوطن المتألق
11-10-2005, 12:26 AM
لازم تكبر
******
وحاتك انت يا سودان ..
قدر ما تضج معانينا..
نشوفك فوق على الأوزان
درر من البديع تبهر..
واقول حتما ولابد ولازما تكبر
وشان شمسا حملنا لظاها فى جوانا
وغلت فى صدورنا زى بركان
وبقت فى عيون ولاد بلدى
شرار يضفر يقالد ايدين ..
مضرجة دم..
تدق الباب..
وتفتح نافذة الحرية
على الأوطان..
حمم بشموخنا تتفجر..
أقول حتما ولابد
ولازما تكبر..
وشان ليلا كما دمانا
وكت ينساب فى جوانا …
يحرك عزة الانسان
تعانق فى الطمى الأسمر..
وشان أرضك
نقيل عرضك ..
ونبقى سماح متل عرضك..
وممتدين ومترابطين ..
كما الاحداق على المحجر..
وأقول حتما ..ولابد..
ولازما..تكبر
وشانك يا بلد لا كان ..
ولا كانت ملامحك
زيها فى بلدان..
فريد فى روعة المنظر
وشان أهلي السماح بلحيل..
عشان ناسى البشدوا الحيل..
بكرموا الضيف ..
بقيموا الليل..
وشان سكينن الحمراء
نفرت من جفيرها عديل..
وشان الزين ..
وشان الشين..
وشان ما فينا تب وشين..
تكون القومه ليك عنوان
وساحتك للادب منبر..
واقول حتما ولابد
ولازما تكبر
وشان بنوتنا لا هانن ..
ولا لانن..
ولا كانن قليلات شان..
مضامينن مسك عنبر..
شبابيلن كما ليلن ..
معبفه بى عفاف مزدان..
اصالة نفيسة فى الجوهر..
يقشن دمعتك بالدم ..
ويكسرن سيرتن بالنم..
نساوينا قريب ما يحلفن حرم..
ترابك لا رخص لا هان..
ولا شافن..
غيرك يا وطن اكبر..
وشانن..لازما لابد..من تكبر..
وشان لابد من تكبر..
نكون الفأس ..
ونبقى الرأس ..
والمرزبه والمنجل
وشان طورية تدلى
تحاكى فى نغيماتها
انين صاجاتنا والحله..
ولما تشق جروف بلدى ..
كأنها زى دراويشا ..
يسبحوا بى اسم الله
يختوا البركه فى ترابنا ..
ويخضروا بالدعاء يبابنا ..
وتتفتح حقول خضراء ..
ينعموا بيها أترابنا…
واسمك يبقى عنوانا
وخلوتنا وكتابنا..
ويبقى النيل مع الحلال ..
وحتى القمره تسكن
ترفض الترحال..
وسمانا يسح ..
وينزل مطرو صافى زلال…
ويجينا السيل ..
يغسل الويل
لا جاحدين ولا ناكرين ..
ولا ..طالبين فى حبك من..
ولا دايرين جميل يذكر
واقول حتما ولابد.
ولازما ..تكبر..
وشان لابد من تكبر..
نكرب الحيل وما نتهد..
ولازم تبقى واحده اليد..
وحتما حبل الوداد يمتد..
ولابد..لابده نتوحد..
وتتلاصق كتوفنا السمراء
تكبر بيك
وروسينا تعانق فى نجيماتك
تحاضن المجد….
ونكون يانا ..ونظل نحنا..
لا فى تاريخنا يوم جلنا ..
ولا مسكونا فى قلنا ..
ولا السودانى يوم دنقر
وشان لابد من تكبر..
قدر ما تضج معانينا ..
نشوفك فوق على الأوزان
درر من البديع تبهر..
واقول حتما ولابد
ولازما تكبر
******
وحاتك انت يا سودان ..
قدر ما تضج معانينا..
نشوفك فوق على الأوزان
درر من البديع تبهر..
واقول حتما ولابد ولازما تكبر
وشان شمسا حملنا لظاها فى جوانا
وغلت فى صدورنا زى بركان
وبقت فى عيون ولاد بلدى
شرار يضفر يقالد ايدين ..
مضرجة دم..
تدق الباب..
وتفتح نافذة الحرية
على الأوطان..
حمم بشموخنا تتفجر..
أقول حتما ولابد
ولازما تكبر..
وشان ليلا كما دمانا
وكت ينساب فى جوانا …
يحرك عزة الانسان
تعانق فى الطمى الأسمر..
وشان أرضك
نقيل عرضك ..
ونبقى سماح متل عرضك..
وممتدين ومترابطين ..
كما الاحداق على المحجر..
وأقول حتما ..ولابد..
ولازما..تكبر
وشانك يا بلد لا كان ..
ولا كانت ملامحك
زيها فى بلدان..
فريد فى روعة المنظر
وشان أهلي السماح بلحيل..
عشان ناسى البشدوا الحيل..
بكرموا الضيف ..
بقيموا الليل..
وشان سكينن الحمراء
نفرت من جفيرها عديل..
وشان الزين ..
وشان الشين..
وشان ما فينا تب وشين..
تكون القومه ليك عنوان
وساحتك للادب منبر..
واقول حتما ولابد
ولازما تكبر
وشان بنوتنا لا هانن ..
ولا لانن..
ولا كانن قليلات شان..
مضامينن مسك عنبر..
شبابيلن كما ليلن ..
معبفه بى عفاف مزدان..
اصالة نفيسة فى الجوهر..
يقشن دمعتك بالدم ..
ويكسرن سيرتن بالنم..
نساوينا قريب ما يحلفن حرم..
ترابك لا رخص لا هان..
ولا شافن..
غيرك يا وطن اكبر..
وشانن..لازما لابد..من تكبر..
وشان لابد من تكبر..
نكون الفأس ..
ونبقى الرأس ..
والمرزبه والمنجل
وشان طورية تدلى
تحاكى فى نغيماتها
انين صاجاتنا والحله..
ولما تشق جروف بلدى ..
كأنها زى دراويشا ..
يسبحوا بى اسم الله
يختوا البركه فى ترابنا ..
ويخضروا بالدعاء يبابنا ..
وتتفتح حقول خضراء ..
ينعموا بيها أترابنا…
واسمك يبقى عنوانا
وخلوتنا وكتابنا..
ويبقى النيل مع الحلال ..
وحتى القمره تسكن
ترفض الترحال..
وسمانا يسح ..
وينزل مطرو صافى زلال…
ويجينا السيل ..
يغسل الويل
لا جاحدين ولا ناكرين ..
ولا ..طالبين فى حبك من..
ولا دايرين جميل يذكر
واقول حتما ولابد.
ولازما ..تكبر..
وشان لابد من تكبر..
نكرب الحيل وما نتهد..
ولازم تبقى واحده اليد..
وحتما حبل الوداد يمتد..
ولابد..لابده نتوحد..
وتتلاصق كتوفنا السمراء
تكبر بيك
وروسينا تعانق فى نجيماتك
تحاضن المجد….
ونكون يانا ..ونظل نحنا..
لا فى تاريخنا يوم جلنا ..
ولا مسكونا فى قلنا ..
ولا السودانى يوم دنقر
وشان لابد من تكبر..
قدر ما تضج معانينا ..
نشوفك فوق على الأوزان
درر من البديع تبهر..
واقول حتما ولابد
ولازما تكبر