عماد الدين النخلي
07-10-2008, 01:03 PM
اليكم في بدايات رحلة صفحة مدني النخلي في رفاعة العلم والشعر والتعليم والكرامة
حزَمَت رحل غناي
وبديتْ
أجُر النْم
ومسْداري
عزف نغم الحنين البي
يدوزن رقة أوتاري
على ما يشتهي المعنى
يغازل نجمك الساري
فلا سجد الحرف طابع
لغير الخالق البارئ
ويا وطن
السلامْ والحُب
تقبل
عاطِر أشعاري
بعض شُعاع
يا بعض شُعاع
خداعْ وبعيد
كذابْ الفجْر البيضارا
في عيون العتمة الغدارا
يا بعض مداد ...
وحنين وسؤال ...
للناس الساءت أخبارا
أديني القدرة
أكان أحلم
أبحث جواك
عن مرسى يحن
لي خطوة تحن
وأصعد ربوات الحلم
وأشوف ...
غيمات بتطوف ...
والدنيا مطر ...
شباك مفتوح
وهبوب الله ...
برداً وسلام
علي خلق الله
غازلت الفكره
أكان أكتب
إسمك بالبرق العداي
وأقدل في الدرب الوادي
وأضحك للمطر البكاي
على فجرالورده...
أخُشّ مُرتاح
وجداني براح
وكلامي مراح
على سطح الورقة
المقلوبة ...
أحزانْ العُمر
المكتوبة ...
زي بعض شعاع
خداع وبعيد
واقف براك
واقِفْ براك
والهمْ عَصَفْ ...
ريحاً كسْح
زهرة صباكْ
ليلاً فتحْ
شرفه وَجَعْ
قمراً رحل
فارق سَمَاك
واقِف براكْ
مطر الحُزن
عاود هَطَل
جدد عذاب
الأرصفة
ضي المصابيح
البعيد
أتعب عيونك
وانطفى ...
لمتين مواعيدك
سراب
والريد شقا
وحرقة وجفا
واقف براك
بعد المشاوير البِقَتْ
ممدودة في
نبض التعب ..
بتعود وتلقى
رجاكا زول
حفظ الوداد
زمناَ صعب ...
والباقي من كل الغنا
سيل الكتابة
الما نضب ...
والباقي من ليل الهوى
عطر الصبابة
الما إنسكب
واقف براك
والهم عصف ...
مناديل الحنين
آب السحاب
والطير بجي
يا مشحتفة الروح لي مجيك
لمتين سفر ... وأنا روحي فيك
هفت مناديل الحنين
وأنا إنتظار وعد الخريف
لازال غنا الشدر الحفيف
إتنين ... أنا ووله الغريب
لمتنا أحزان الرصيف ...
شوقي وغناي الما انسمع
سطرتو بي دمع الوجع
سهواً سقط
حرفوا المتيم ما سجع
ولا زي وِجيهك يبتسم
قمر المحنة الما طلع
لمتين سفر وأنا
روحي فيك
يا مشحتفة الروح لي مجيك
يا خطوتين ...
يا شوق متين
يا ضفتين ... بين بيْن
وبين ...
اتنين أنا وحلمي الضِهِب
في ليل متاهك تعب
درب الوصول الليك صِعِب
لمتين أنا روحي فيك
يا مشحتفة الروح
لي مجيك ...
زهرة بخيلة
لو متلي هداكي الحُزن
أو غاب حبيب عن موعِدك
لو عِشتي أحلامك سراب
وأبت الظروف ما تسعِدك
كان يوم عرفتي ضَنَا الجرِح
جوّايا وكتين أفقدك
يا زهرة بِخْلت بالأريج
ما الليلة مات فيني الأجيج
وفَتَر حنيني الكان زمان
...
عودتِك النوم في العُيون
وفضلْت سهْران ما بنوم
لو ليلي من بعدِك حزين
ما العِشتو جنبك كان هموم
لا بقيت أنا الراجي السرابْ
لا الرامي أملو علىا الغيوم
ما الليلة مات فيني الأجيج
وفْتر حنيني الكان زمان
يا ما الترقُب طال وزاد
والزاد مواعيد في الخيالْ
الليله في درب السلامه
من الأسى وليل المُحالْ
إرتحت من سفر الغمامه
الياما عانت إرتحال
ما الليله مات فيني الأجيج
وفتر حنيني الكان زمان
...
ياني الزمان جيتك معاي
كُلْ المشاعِر والغُنا
ما قدرت ارجع ليك خطاي
العايده من درْب الضنا
لا شوق فَتَر في ليل أساي
يقْدر يعيد ليكي الهنا
ما الليله مات فيني الأجيج
وفتر حنيني الكان زمان
لحظات نديه
في خاطري
لحظاتنا النديه
وإنتي ساعة
المغربيه
قعدتِك جنبي
وعيونِك
سارحه في
الدنيا البهيه
خايفه من
سفراً بودي
للمساتْ القَصِيه
قصة الزول المفارق
قلبو عشره
على الوصيه
كنت جد
ناوي الرحيل
إلا شايل ذكرى منك
خُفَْتَ في
الغربه البعيده
المسافات يبعدْنك
العيون الشايله سِيرتِك
بكره يبكن ويفقدنك
والاماسي الحالمه
تحزن
والمشاوير يتْعِبنكْ
شُفتي كيف ؟
شُفتي كيف لما الشمِسْ
مَدَت نوافير الشعاع
الضفاف بِعْدَت كتير
والريح مَلت جوف الشِراع
كيف هناك بدت الظلال
تتلاشى في
زمن الضياع
وإنتي ساعة المغربيه
خايفه من
كلمة وداع
ضلك شارد
شن ترسُم
وريشتك بتسافر
في الوَهَمْ الشّوه الوانَك
عُمَركْ ضاع ومكانَك سِر
مُتْسمِر ... واقف في زمانك
يالضل الشارد من ضلو
في الغربة الهَدّت بُنيانَك
قِدامَك زَمَناً لا بِرحْم
لا بِعرِف قيمة إنسانك
ووراك الليل المُتْمدِد
والمطر الهاطِل أحزانك
البلد العزت جنياتا
إشتقنا كتير لي غيماتا
كجّنا الغربه وحنينا
لي سماحة ناسا ولماتا
الأرض الرائع إنسانا
الحُضُن الدافي الرَبانا
بنُوتا مَحَل ما نْطراهِن
نتحدىا الهم الهْدانا
أُماتنا البِدعْن للرجعه
الدنيا بلاهِن خَرْبانه
والبلد العزْتْ إنسانا
إشتقنا كتير لي أحضانا
النيل من منبعو يتهادى
عانيها ويركع في قيفا
البلد المُشْرَعَة أبوابا
ببشاشه تقالد في ضيفا
كجّنا الغربه وحنينا
لسموماً تلفح في صيفا
دي البلد العزت إنسانا
إشتقنا نعود لي أحضانا
البِتْ الشالت كراسا
الند والعَنَبر أنفاسا
التبْني وترسُم مُسْتَقَبل
للمُدن الدَقَت أجراسا
أسراب القمري البتغني
الدنيا مباهج أعراسا
الفيّه وفروة وطوريه
الخير البيّن في ناسا
دي البلد الرائع إنسانا
إشتقنا كتير لي أحضانا
شن تحْسِب وعُمَرك مُتْباقص
شن ترسم وريشتك بتسافر
في الوهَمْ الشّوه الوانك
عمرك ضاع ومكانك سر
مُتسَمِر واقِف في زمانك ...
يا الضُل الشارِد من ضُلو
في الغُربه الهْدت بنيانَكْ
أنا صدقتك
أنا صدقتِك ...
بدري الطلْ .. عم هضاب
الرّوح وإنساب
لسه وراي الغيمه تظلل
درب العَشَم الودا وجاب
عاد العِيد الفرْهَد فالْ
يلا نَغْني الفرحْ الغابْ
يا الطعمتِي زماني الحنْضَلْ
بي ضحكات الشَهَدْ القَطّر
عمّ مساي الهنا بي جيتِك
من نفحات المُنى إتعطّر
عاد لغناي الفرح الغايب
شقّ الدنيا معاك يتبختر
يلا معاي ...
من همي اللازمني نَدَهْتِك .. يلا معاي
بي عشمي البملاني بشاير
عِمي شقاي
من الخوف أمليني يقين
كوني ضراي
أنا صدقتِك ...
طال ما حمام الشوق في هديلُو
أنا صدقتِك ...
طال ما إيدك في إيديّ
حازمة الهمْ ومعاي بِتْشِيلُو
أنا صدقتك ...
اتخيلتك ... جايه وجيتي
قَلْب العاشِق ديمه دَلِيلو
وأنا صدقتك ...
بدري الطل
عمّ هضاب الروح إنساب
إنتي الجيتي الفرح الغابْ
وأنا صدقتك
علمي عيوني السفر
علمي عيوني السَفَرْ
ما البِسافِر في عيونك
سِكْتو بتبقى السلامه
ينسى أحزانو ويعرف الدنيا
جنْبِك إبتسامه
ظلّلي الناس بي حنانِك
أبقي ليهُم ضُل غَمَامَه
وعلمي عيوني السفر
...
الشقا اللازمني مدة ...
يوم يفوت والفرحه تبدأ
ما بقول فارقني عدى
عشان بخاف ترحل عيونك
وتنهزم فيني الأماني
وبي أساهو وبي شقاهو
تاني يتوشح زماني
أصلو غير عينيك وحاتِك
مافي للأفْراح مَعانِي
وعلمي عيوني السفر
جينا ليك شوق في عيوننا ·
وفي عيونك ريد يناغمْ
الشجون باكر بترحل
والزمن يصفا ويسالِم
الحلم يصبح حقيقه
وتنسجم في الحب ظروفو
الحنين تزهر غصونو
والعشم دانيات قطوفو
شوفي كيف يوم بكره عامر
هاتي إيدك شان نشوفو
وعلمي عيوني السفر
عشم باكر
في عينيك عَشمْ باكِر
ما إنتي العُمُر كُلو
والشَمِس الوِشاحا ورود
وزغرودة بتزُف للناسْ
خَبَر زمناً .. بجي ومُوعود
لقيت غيرك بضيع إسمي
وأكون حي وزي مفقود
وفي عينيك عشم باكِر
لاقيني يا عُشقي الخُرافِي
لاقيني في كل المرافي
زفاف ربيع وفرح قوافي
وإنشري في حُزْن السنابِل
غيمه يا كُل البشاير
أمشي قُبالْ الصباحْ
وزعي الطل للأزاهِر
وأبقى يا شوقي الخُرافي
خير وضمي شقا البيادِر
لا قيني يا عشقي الخرافي
غنوه من أزمان بعيده
طالعه من صخب الدميره
تلقيني راجيك
في الأماسِي
وفي المراسِي
وفي القواسِي
وفي الملْمات الخَطِيره
في رجاك
فوق البيوت فّر الغروب
شالوا المطرز بالسُكونْ
الطير رجَع شايِل بواقي الدِفء
لي عُشو الحنون
وإنا في رجاك قلباً بغالب
في ظروفو الغربه
والهم والشجون
يا نجمه في سفر الغريب
أبْقِيلي في ضَهَبي الدليلْ
بوحْ النِسيماتْ العليلْ
صُبْح الغَمَامات الجَمِيل
وإتخْيلِك ...
مَدْ البساطْ السُندِسي
الضَحْكه مارقه من القلب
كُل ما سمع صدحك حزين
احزانو ترْحَلْ وينْطَرِب
وأنا كُلُما إتأملت فيك
عطر الصباباتْ ينْسَكِب
وإتوسمِك ...
فرحي المهاجر ومْغّتَرِبْ
وإسْتَسمَحِكْ ...
وإسْتَسمَحِكْ ...
لو فُتْ مِن أفُقِكْ نَجِم
مَرَقْتَ مِن سَفَر الأماني
الرائعة ضايع منهزم ..
تلقيني منك ولسه فيك
حافِظْ عُهًودِكْ مُلتَزِم
في حضْرتِك ...
هسه المكانْ بيكِ إحتفل
إتلاقوا في زي مهرجانْ ...
الوادي والغيم والسهل
يا داخله أزمنتي الضياع
وهج الكليماتْ الأمل
بتْوَسمِكْ ...
جية الشروق المُحتَمْلْ
في موعِدِك ...
وأنا في رجاكْ
أنوار المساء
ما بان عليك سَفَر العُمُرْ
لِسه الربيع يا دابو زار
لِسه الضِفافْ المُترَعه
بِتْفِيضْ ندى وتدي الثِمار
الناس عليك ناداها فالْ
في عيونا نام الإنبهار
وأنا جوه قلبي المُشْتَهِيك
نَزَفَتْ جِراحات الوَدَار
جوه العيون
أطفال فَرَح
لَمة زَفافْ
جوه العيون
تشرِقْ شموسْ
أزمات بتَغْرَق في النَعِيم
وحَنانْ غَمَرَ
عاشْقينْ رُهافْ
وأنا جوه قلبي المُشْتَهِيك
نَزَفَتْ جِراحات الوَدَار
يا زهرة طالت بالفرح
بتراقص أنوار المسا
ما بان عليك أثر القطاف
ما جاتِك أزمان القسا
ما أروعِكْ وإنتي الشبابْ
بي حمرة الريد إكتسى
الناس عليك ناداها فالْ
في عيونا نام الإنبهار
وأنا جوه قلبي الكلو ليك
نَزَفَتْ جِراحات الوَدَار
صباح الطل
منو البِفْتَح
صباح البوحْ
يلملم صوتك
المجروح
على شُرفَة قَماري تَنَوح
ويغني عديله للجايات
اسفْ لو دون مَدَاك شايِفْ
شَظَف عِيشِكْ ...
ولا تُخْمَة رحيلْ زايِف
وقار صَمَت الكلام المر
ولا وعَدَ الغُنا الهايفْ
ردمت الهوة بيناتنا
في بدء الكلام يا دوب
أنا العرْيت قوامِيس اللُغاتْ
غنْيتَ ...
لا قبلِكْ ولا بَعدِك
عشقْ يمخرْ عُباب الهمْ
أجاوبِك بالقصِيد النمْ
أسائلِك كيف ؟ ووين نتلمْ
إلا ما يلفُظِكْ حلمكْ
ويغفلْ فيكْ شَقَاك وينجمْ
عَشَم فيك من عَشَم فيّا
ويمازِجنا إلتقاء الدمْ
أنا اليادوب
طشاشْ حلمِكْ
نَدَهني طشّاش
أداريِك والسمُوم تَلَفحْ
أتاريك غيمه جات تَرَمحْ
إلا ما تْنزحِي وأنْزَحْ
نقوم من ضوْ
يفِج المَشَهَد الزاهي
سكُون الكونْ ويِطل باهي
يلاقي الشارع الفارعْ
ناساً في الحياة تصارع
تضيقْ الهُوه بيناتنا
ولا عاد الرصيف ضاراي
ولا شقشق صباح مرساك
ولا درب الفرح ناداي
ندهتِك هلْ ؟
غشاكي الطلْ؟
جفاف زَهْرَ العُمُر إنبلْ
عَزَرتِك لوْ يساوركْ شكْ
إذا إنسدت مداخل الحلْ
متى إنهزمت بشاراتِك
وإيقاع الظِلال إختلْ
على لوحة شروق الفالْ
يزف وردِكْ صَبَاح الطلْ
على شُرْفَة قماري تنوحْ
ويغني عديله للجايات
أملنا الباقي
أملنا الباقي يسرح بي
وتبقى الدُنيا في عِيني
هدأة موجه
في بحر الأسى المدود
رجعت غنوة من
زمن الضنا المهدود
هجعة خطوة في
سكة فرح مفقود
وأفتش ليك
حناني معاك
خطاوي تصارع المكتُوبْ
عشانِك
لا مسافه تطول
ولا بتصعبْ
معاكي دُرُوب
ولسه معاكْ
على الوَعَد
الحزينْ مصلوبْ
أجُوب الدُنيا
وأرجعْ ليك
أجيك فارساً يشقْ
صَمَت المتاهه الطال
مواعدك
بي حكاوي الشوق
وبي شمساً
وراها منالْ
وبي فرحاً يغرٍد في سماكْ
ألحانْ .. ويجيب البهجه
للأطفال ...
من مسام الرؤيه والفرح المؤجل
عدى حلمك
عابر الردهات صدى
واهب النجمات مدى
جاي مارق من طلاسم
هاجس الورده
المبلل بالندي
داخل مواني الروح شفيف
موشى حرفك بالنغم
مغطي صدحك النزيف
لوحات من الزمن الشروق
آه يا موات الفكره
في عصب الصبر
آه من شقاك
وأنا في غناك مجبود عليك
مهما كسح زمن الرخام نبت المنى
مهما جرح زيف المعاني
الروعة في صدق الغنا
مهما اختفت صور الجمال
وسط الظروف المحزنة
وانت المشيت
ما بان عليك سفر العمر
تدينا احساس الامل
في كل رحلة شوق تطول
تهدي النجيمات التضيع
اشراقا في الزمن الافول
وإنت المحلق فينا غيم
واعد تجي وتسقي الحقول
فيا أصدق رحيق الريد
غياباً ما اختلاف وعدك
ولا انسحب الرحيل صدك
شبابيك الغنا إنسدت
ولا جاز الصهيل
بعدك
فرح القصائد
لا حلم لا كان خيال
لا وعد ولا جيت أشوفا
دي البنيه الكست ليها
ومنتظر طلة طيوفا
حلوة خدرت الصحاري
ورشت الغيمه الولوفه
جرتقت فرح القصائد
لونت بالود حروفا
دي البنه الدابا تابة
جايه تفرح بي شبابا
صفوة الغيد الرشقيه
إتقدمت سرب الحسان
لما رقصت زي فراشه
سيّج الفرح المكان
هبت النسمه النديه
الليلة زغرد يا زمان
دي الوحيده الضاويه لينا
وراشه في الدنيا الحنان
دي البنيه الدابه تابه
جايه تفرح بي شبابا
يا مسا الحب وبهجه
يا صباح النور وورده
يا حدائق عامره خضره
يا عيون ضاحكات موده
من متين أنا في إنتظارك
والزمن بي عمري عدى
ما غريبه الليله ترجع
يا فرح خاصمني مده
الغصين الدابو بتق
شايل النوار مندي
يا عيون تتحدي صمتي
وأصلي قبلان التحدي
يا الصباحات البهيه
اللي ضفافك جيت أعدي
للبنيه الدابا تابه
قربي الخطوات ومِدِي
شبال البرق
على بعد مداك
أنا يا غيمه
بندهلك
آمل ومستني
كتبت نشيدك
طمني
بي حلم البت
البتغني
على كيفك
ضلك ترميهو
وراء طيفك
سارح وبغني
وبقاسم حلمك مشوارو
في درب الوطن
المستني
من قبل رحيلك
ناغمتك
سميتك غابه
وجلابه
شبال البرق
البتلاصف
شلال الرحمه المنسابه
اطفال البلد العزيتا
أطياف الذكرى وأسرابا
يا واضحه وصادقه
ورقراقه
وعذوبة طهرك
دفاقه
أنا جيت أتعلم
من صبرك
كلمات العز البراقه
وأنا طيف أتفتق
من شمسك
أحلام الورده واشراقه
بقسام حلمك مشوارو
في زمن الغربه الحراقه
مرتاح الليل المداكي
في شوراع الذكرى
أريحيه
جميل المرسى
الناداكي
لجزائر الوعد
النيليه
تكلت الحيل
أنا في حيلك
سويتك منجل
وطوريه
غنيتك وطني الزقيتو
لشموسو العاشقه
الحريه
الموج الكاسح
في قبالك
للضفه يوزع شبالك
الورد الفتح آمالك
لإتنسم فالوا المن فالك
وأنا حاضن صبرك
وبغني
للعشم الطول في بالك ...
كتبت نشيدك
طمني
بي حلم
البت البتغني
من جديد
من جديد
جيت تاني تكسر
صمتي بالنظره
الخجوله
يا أمل عمري القبيل
ويا سنين عامرات
فصولا
ما قدرت أنساك من زمان
بس ضاعت أحلام
الطفوله
الحنين الجيتني بيهو
جاني في لحظات ندم
في زمان ضيع صبانا
وكل أشتات العشم
من جديد جيت تاني
كيف تبني فيني الإنهدم
وما قدرت انساك
من زمان
بس ضاعت
أحلام الطفولة
ما يفيد أنا لو الملم
من عيونك ذكريات
أو أصحي الماضي فيهن
وأنسى حزن الأمسيات
برضو زمن البهجه عدى
وعمري فات
فيهو الفوات
ما قدرت أنساك من زمان
بس ضاعت
أحلام الطفوله
سفر الخريف
نفس التصور والفهم
فسرت حلمك في
البيوت الراقده بين
سندس صباح المويه
والقش النعس
منسي الخريف
الطير يردد مقطعين
من غنوه للحب والسلام
أهديك صباح وردتين
من سكة السفر الهيام
أدمنت كيف عشق الأرض
بين التوافق والخصام
نضم السكوت ..
دابا البيوت الأدركت
إستدركت
غنايا ما جابو الفضول
ما فسرت سر العلاقه
حكمة الخالق
تجلت في الفصول
من زحمة الموج البجيب
نفس الخصوبه
التملأ أحضان الحقول
ما أندرك
يا طير نبت
ريشو المشتت
ضرب الجهات الأربعه
فجّ الوهج
وإتبدى من ليلو الحلك
ما أجملك ...
يا ماشي تحت الغيمه ضل
كيف يستقيم الضل
إذا العود انعوج
كيفن ثبات الضو
إذا مات الوهج
نفس الفهم
نفس البشر
الحوجه والشقا والنزيف
مسكونه هذي الأمسيات
بي روعة النغم الظريف
نفس البيوت الراكزه
وسط العتمه
والريح المخيف
خبأ الشدر أحزانو
في الضل الوريف ..
غيه المطر ..
لكنو ما سفر الخريف
الغنوه أدمنت الصهيل
أتوسد الحلم الرصيف
أمرق من أحزانك وأقيف
أدخل صباحات الدعاش
البشبهك
ما بشبهك ...
إلا الصهيل
البشبهك
كسيت الليل ألق الألحان
عصفور صداح
عشقك أفنان
تختصر الهم
ريشه والوان
مسكون ابداع
إنت الفنان
قسمت الليل والساعه رحيل
إتكى جنبي التعب الجواي
زاملني الهم والغربه وراي
ميلت عليك
في لمحه مشيت
نعنعت الشاي
عن برد الليل
والناس والغربه
الساكنه الروح
شديت وترك
غنيت مجروح
كلماتك توقد
في الخاطر
شمعات الذكرى
المطفيه
وقسمت الليل والساعه رحيل
تنده شمس تمرق
من ضفه نيليه
واتدفقوا العمال
البخلصو النيه
إتبادلو التغريد
انسام وقمريه
يا شاتل الإحساس
أنغام وحنيه
قلبك بلم الناس
مرسى وحميميه
شريت الغيمه القبليه
على وعد المدن المنسيه
كلام في العز
سمح النحاس يا بت
وكتين يهز ويرز
وشن الكلام طعمو
إن ما إنكتب في العز
كعب البفوت عولو
ويضرب خلاهو يفز
تب الجنا أب وشين
منو النفوس بتكز
ويبقي الكلام يا بت
في العز .. ويزيدك عز
غنيت بقول يا ناس
في جملة الفراس
الما إنكرو إنخذلو
لو بالدهب والماس
في البثبتو وقدلو
أهل الكرم والساس
ويحلى الكلام يا بت
في العز ويزيدك عز
***
غنيت بقول شكري
فوق الخيول الغر
بغزل غناي وأهدي
ناساً جباها سمر
ماليني عز في عز
عشق التراب الحر
ويبقى الكلام يا بت
كل الكلام في العز
سمح الشدر يا بت
قمريهو قوقا حنين
سمحه الدميره تجيب
تدي الخصوبه الطين
باهي الشروق مرسوم
في هامة الطيبين
ويحلى الكلام في العز
يا بت ويزيدك عز
تغريد
سمعت نداك
عيونك ليل
وحزنانه
قلبك ده الملان غربه
أغاني بديعه ألحانا
خطاك عابره
الوهم صابره
نداك هز الشدر بلْحِيلْ
علمو يلزم الجابره
حكايتك قعده العارض
ممدد من سنين غابره
سمعتك جوقة التغريد
تداخل بين حنين جدول
وبحة صوتك البسأل
نزل في نبره
الإيقاع
يقالد في الصدى
الأسماع
يجمل في شقا
الأوضاع
وسالم هم
كمنجه بعيد
مغطي الليل
بأشجانو
مدينة وضفه
إنتي الحاسه
براكي وعارفه
وكايسه معاي لي ضل مرتامي
وين تلاقى
مدينه وضفه
وطلق البيننا الواصل حامي
منك وين
أنا بفتح شرفه
منها يسطع قمر أحلامي
وتبقى الحاسه
براكي وعارفه
يا اللازمتي الخطوه مشيتي
زهو الروح
والزاد متباقص
لوأ شرعتي
الهوى أبو ابو
كنتي عرفتي الشقا أسبابو
وزمن الإلفه
إترامى سرابو
يا الغنيتي معاي لي غيمه
شدو الناس
الراجيه هطولا
كم خليتي البال لنجيمه
ضيها قاوم
لحظة أفولا
الأيام شايلانا بشاره
والأفراح الجايه مهوله ..
وإنتي الحاسه
براكي وعارفه
عز الشوق
والهم والعاصفه
إنتي الحيل
راكزاهو وواقفه
ووكت الليل
الأرخى سدولو
تبقى عيوني
بلاك ما شايفه
وما محتاج
أكتبلك وأشرح
إنتي الحاسه
براكي وعارفه
الشوق سفر
يا الجايه جايبه
الشوق معاك
لي عيوننا من
ناساً عزاز
يا حليل
صباحات البلد
وأنساما
وأطفالا اللذاذ
يا حلينا
وأيامنا بتمر
في غربه
كايسين الملاذ
وأشواقنا شايله
الشوق مطر
للالفه والفرح الرذاذ
يا جايه جايبه
الشوق كتير
من سكة
الندى والعبير
عبق النهارات
المقيل
اللمه في
الحوش الكبير
الغيمه
والضل السمح
إترامى هتف
تحتو زير
وانا شوقي شال
الشوق مطر
للإلفه والفرح الرزاز
يا حساه
بالحاسي ومعاي
مشتاقه
للمشتاق زمن
ساهرتي بي
لما النجوم خلني
فاتن ودعن
إتناهي
خلاني وبعد
صدح القماري
البسجعن
حسيت بغربه
زول بعيش
فقد الحبايب
والوطن
سبتيني شايل
الشوق مطر
للإلفه
والناس العزاز
وهج الشعاع
زي ما بيموت وهج الشعاع
تمتد سحابات الغروب الغاني
تشرب روعتو
وزي قدر المسافر لي مدن
مجهولة لما تضيع خطاوي
البهجه في هم سكتو
حبك صبح أشتات ظلال
وأطلال خيال
ما صاغت الأفراح
مباهج قصتو ...
برحل عشان أنساك
وأسيب الذكرى في وجع الدروب
أمسح دموع شمس الهوى
المصلوبه في صمت الغروب
وأمسح دموع قلبي التعب
كان من هواك يقدر يتوب
ويا ريتني زي وهج الشعاع
تمتد سحابات الغروب
الغاني تشرب دمعتو
ما كان عشم قلبي المعاك
يترجى من عينيك صدود
كان عندي في سفر الأمل
درباً يودى عليك ويعود
والليله يا حبي اللي راح
في روعة إشراق الوعود
مد الغروب الغاني إيدو
وماتت أحلام الورود
يا ريتني زي وهج الشعاع
تمتد سحابات الغروب
الغاني تشرب دمعتو
الكلام إحساس
غنيت
والكلام إحساس
حنيت
للبيوت والناس
يا أماً حنينه على
بتوسد رسايلك لي
دعواتك بعينني
في الغربه أم لهيباً حي
حنيت لي صباح الحي
للسمحه أم وجيهاً ضي
يت نيلاً مدى وفكره
يا أرضاً ندى وبكره
من فتك تقل همي
شغلي الشاغل الذكرى
في الخاطر حبيبه وبيت
وديواناً ملوهو ضيوف
على الخضرة القدر ما تشوف
غيماتا ظليله تطوف
أغني وأقول سلام ناسي
أنا الرافع بكم راسي
وعامر بيكم إحساسي
تعل مني الكلام أحكي
عن درباً بسوق ما بيجيب
وفي الغرف الأباها الضو
حليل داراً بلم ورحيب
ما الغربه أم زماناً طال
لا صبحاً يلاقي الفال
ولا جرحاً بزول ويطيب
أقول فيها الكلام إحساس
حنيت للبيوت والناس
مجال الشوف
عديت مجال الشوف
والدهشة والواقع
لون الأماني طشاش
درب الأمل شاسع
ما لا الشمس حردت
ضي الهنا الفاقع
وينو الصدى الراجع
من الغنا الرايع
وأنا في إنتظارك لي
ذكرى وزمن ضايع
حاولت أرسم ليك
صوره بتلاقي رؤاي
كتم الألم صوتي
الزيف رماهو وراي
ماني الجنا المعروف
فوق البنات غناي
وماني البهزو قصيد
ويشجيهو عزف الناي
كان قتّ في البنوت
حداث وما سواي
باريت ضللة الحي
مهموم وتالف راي
عديت مجال الشوف
والدهشه والواقع
ميّل حتل حلمي
إتلاشى في الأعماق
لميت كلامن لي
دسيتو في الأحداق
أطوي المجاهل طي
وتعذب الأشواق
غنيتي والبراق
زفن مطر دفاق
قتّ إن صدق ظني
يبدأ العشم مني
تتفتح أزهارو
الليل يطل قمرو
إتلاقو سمارو
وأنا تاني أرسم ليك
صوره بتلاقي رؤاي
أبقى الجني المعروف
فوق البنات غناي
عديت مجال الخوف
والدهشه والواقع
إحساس بالأمل
أديني إحساس بالأمل
مع كل رحلة شوق تطول
وأدي الخطاوي الراجعه ليك
في سكتك حلم الوصول
ما الدنيا كلها إنتظار
والإرتحال قدر الفصول
الموجه تحلم بالضفاف
والغيمه تحلم بالهطول
راحل معاي ضي الأماني
وذكرى للأيام هناك
لحظات بتذخر بالمعاني
وكيف أنسى تذكارات هواك
نتحمل الغربه ونعاني
ونصبر عشان نكسب رضاك
ونغني لو زاد الحنين
يا ريتو كان
سفراً معاك
غمام الشوق
بحلق فوق
غمام الشوق
وأهو الأخضر
رقد سندس
على كتف الضفاف
صفصاف
رسم ضلو
رقص فلو
على نسم الضحى
الهفهاف
وجا الأزرق
حضن أبيض
علة نغمة غنا الأرياف
مال وإنداح عناق اتنين
وشوف العين
دميره تفيض
وعصفورين
يغردوا في
هوى النيلين
طريتك هسه
والإحساس
مدينة وناس
وصيتك لي
كلامك لي
بشارة عيد
ولمات الحسان الغيد
وطيبة العالم المنك
عرف معنى
الوضوح والحب
جمال السندس المارق
من إحساسك
صفا النيه
دفق في روحي حنيه
وجرتق كا ما أمكن من
الغنوه الحماسيه
غناي للسنبل الخدر
ولوز الأبيض الأزهر
وغيم أحلامك الأمطر
ملاني هواك
جساره وحب
وبارك عشقي لي ذاتك
لاقي مشاعري
زي نسمات
تقالد شوق شراعاتك
وردا خطاي علي فرحا
يأشر من عويناتك
وحلق فوق
غمام الشوق
انتظرتك
كم يفتش عني عنك
في مداين ما بتعرفك
أم بتسال عن ضناها
غيمه هجت من سماها
زحمة المدن البعيده
صرخة الكلمة وصداها
وكم يفتش عني عنك
إنتظرتك ياما ياما
والمواني أبت تجيبك
لا تعبت من المسافه
لا بفكر يوم أسيبك
روحي حامت زي فراشه
جات تحلق فوق لهيبك
وكم تفتش عني عنك
مرة شفتك والمسافه
الليل يوزع أمنياتك
قلت زولتي الما غريبه
رغم همك ياكي ذاتك
كنتي عايزه تقولي حاجه
كلمة ابلغ من سكاتك
وكنت أسأل عني عنك
في مداين ما بتعرفك
أمشي والهم الغلبني
مالي روحي وشايلو كتفك
الكلام تاهت حروفو
في النعاس الجافا طرفك
لا ملامح صدحي صوتك
ومني ضايع حتي وصفك
كم يفتش عني عنك
في مداين ما بتعرفك
معتحياتي عماد الدين النخلي صفحة مدني النخلي مع كل جديد
حقوق الحفظ والنشر محفوظ لدينا
حزَمَت رحل غناي
وبديتْ
أجُر النْم
ومسْداري
عزف نغم الحنين البي
يدوزن رقة أوتاري
على ما يشتهي المعنى
يغازل نجمك الساري
فلا سجد الحرف طابع
لغير الخالق البارئ
ويا وطن
السلامْ والحُب
تقبل
عاطِر أشعاري
بعض شُعاع
يا بعض شُعاع
خداعْ وبعيد
كذابْ الفجْر البيضارا
في عيون العتمة الغدارا
يا بعض مداد ...
وحنين وسؤال ...
للناس الساءت أخبارا
أديني القدرة
أكان أحلم
أبحث جواك
عن مرسى يحن
لي خطوة تحن
وأصعد ربوات الحلم
وأشوف ...
غيمات بتطوف ...
والدنيا مطر ...
شباك مفتوح
وهبوب الله ...
برداً وسلام
علي خلق الله
غازلت الفكره
أكان أكتب
إسمك بالبرق العداي
وأقدل في الدرب الوادي
وأضحك للمطر البكاي
على فجرالورده...
أخُشّ مُرتاح
وجداني براح
وكلامي مراح
على سطح الورقة
المقلوبة ...
أحزانْ العُمر
المكتوبة ...
زي بعض شعاع
خداع وبعيد
واقف براك
واقِفْ براك
والهمْ عَصَفْ ...
ريحاً كسْح
زهرة صباكْ
ليلاً فتحْ
شرفه وَجَعْ
قمراً رحل
فارق سَمَاك
واقِف براكْ
مطر الحُزن
عاود هَطَل
جدد عذاب
الأرصفة
ضي المصابيح
البعيد
أتعب عيونك
وانطفى ...
لمتين مواعيدك
سراب
والريد شقا
وحرقة وجفا
واقف براك
بعد المشاوير البِقَتْ
ممدودة في
نبض التعب ..
بتعود وتلقى
رجاكا زول
حفظ الوداد
زمناَ صعب ...
والباقي من كل الغنا
سيل الكتابة
الما نضب ...
والباقي من ليل الهوى
عطر الصبابة
الما إنسكب
واقف براك
والهم عصف ...
مناديل الحنين
آب السحاب
والطير بجي
يا مشحتفة الروح لي مجيك
لمتين سفر ... وأنا روحي فيك
هفت مناديل الحنين
وأنا إنتظار وعد الخريف
لازال غنا الشدر الحفيف
إتنين ... أنا ووله الغريب
لمتنا أحزان الرصيف ...
شوقي وغناي الما انسمع
سطرتو بي دمع الوجع
سهواً سقط
حرفوا المتيم ما سجع
ولا زي وِجيهك يبتسم
قمر المحنة الما طلع
لمتين سفر وأنا
روحي فيك
يا مشحتفة الروح لي مجيك
يا خطوتين ...
يا شوق متين
يا ضفتين ... بين بيْن
وبين ...
اتنين أنا وحلمي الضِهِب
في ليل متاهك تعب
درب الوصول الليك صِعِب
لمتين أنا روحي فيك
يا مشحتفة الروح
لي مجيك ...
زهرة بخيلة
لو متلي هداكي الحُزن
أو غاب حبيب عن موعِدك
لو عِشتي أحلامك سراب
وأبت الظروف ما تسعِدك
كان يوم عرفتي ضَنَا الجرِح
جوّايا وكتين أفقدك
يا زهرة بِخْلت بالأريج
ما الليلة مات فيني الأجيج
وفَتَر حنيني الكان زمان
...
عودتِك النوم في العُيون
وفضلْت سهْران ما بنوم
لو ليلي من بعدِك حزين
ما العِشتو جنبك كان هموم
لا بقيت أنا الراجي السرابْ
لا الرامي أملو علىا الغيوم
ما الليلة مات فيني الأجيج
وفْتر حنيني الكان زمان
يا ما الترقُب طال وزاد
والزاد مواعيد في الخيالْ
الليله في درب السلامه
من الأسى وليل المُحالْ
إرتحت من سفر الغمامه
الياما عانت إرتحال
ما الليله مات فيني الأجيج
وفتر حنيني الكان زمان
...
ياني الزمان جيتك معاي
كُلْ المشاعِر والغُنا
ما قدرت ارجع ليك خطاي
العايده من درْب الضنا
لا شوق فَتَر في ليل أساي
يقْدر يعيد ليكي الهنا
ما الليله مات فيني الأجيج
وفتر حنيني الكان زمان
لحظات نديه
في خاطري
لحظاتنا النديه
وإنتي ساعة
المغربيه
قعدتِك جنبي
وعيونِك
سارحه في
الدنيا البهيه
خايفه من
سفراً بودي
للمساتْ القَصِيه
قصة الزول المفارق
قلبو عشره
على الوصيه
كنت جد
ناوي الرحيل
إلا شايل ذكرى منك
خُفَْتَ في
الغربه البعيده
المسافات يبعدْنك
العيون الشايله سِيرتِك
بكره يبكن ويفقدنك
والاماسي الحالمه
تحزن
والمشاوير يتْعِبنكْ
شُفتي كيف ؟
شُفتي كيف لما الشمِسْ
مَدَت نوافير الشعاع
الضفاف بِعْدَت كتير
والريح مَلت جوف الشِراع
كيف هناك بدت الظلال
تتلاشى في
زمن الضياع
وإنتي ساعة المغربيه
خايفه من
كلمة وداع
ضلك شارد
شن ترسُم
وريشتك بتسافر
في الوَهَمْ الشّوه الوانَك
عُمَركْ ضاع ومكانَك سِر
مُتْسمِر ... واقف في زمانك
يالضل الشارد من ضلو
في الغربة الهَدّت بُنيانَك
قِدامَك زَمَناً لا بِرحْم
لا بِعرِف قيمة إنسانك
ووراك الليل المُتْمدِد
والمطر الهاطِل أحزانك
البلد العزت جنياتا
إشتقنا كتير لي غيماتا
كجّنا الغربه وحنينا
لي سماحة ناسا ولماتا
الأرض الرائع إنسانا
الحُضُن الدافي الرَبانا
بنُوتا مَحَل ما نْطراهِن
نتحدىا الهم الهْدانا
أُماتنا البِدعْن للرجعه
الدنيا بلاهِن خَرْبانه
والبلد العزْتْ إنسانا
إشتقنا كتير لي أحضانا
النيل من منبعو يتهادى
عانيها ويركع في قيفا
البلد المُشْرَعَة أبوابا
ببشاشه تقالد في ضيفا
كجّنا الغربه وحنينا
لسموماً تلفح في صيفا
دي البلد العزت إنسانا
إشتقنا نعود لي أحضانا
البِتْ الشالت كراسا
الند والعَنَبر أنفاسا
التبْني وترسُم مُسْتَقَبل
للمُدن الدَقَت أجراسا
أسراب القمري البتغني
الدنيا مباهج أعراسا
الفيّه وفروة وطوريه
الخير البيّن في ناسا
دي البلد الرائع إنسانا
إشتقنا كتير لي أحضانا
شن تحْسِب وعُمَرك مُتْباقص
شن ترسم وريشتك بتسافر
في الوهَمْ الشّوه الوانك
عمرك ضاع ومكانك سر
مُتسَمِر واقِف في زمانك ...
يا الضُل الشارِد من ضُلو
في الغُربه الهْدت بنيانَكْ
أنا صدقتك
أنا صدقتِك ...
بدري الطلْ .. عم هضاب
الرّوح وإنساب
لسه وراي الغيمه تظلل
درب العَشَم الودا وجاب
عاد العِيد الفرْهَد فالْ
يلا نَغْني الفرحْ الغابْ
يا الطعمتِي زماني الحنْضَلْ
بي ضحكات الشَهَدْ القَطّر
عمّ مساي الهنا بي جيتِك
من نفحات المُنى إتعطّر
عاد لغناي الفرح الغايب
شقّ الدنيا معاك يتبختر
يلا معاي ...
من همي اللازمني نَدَهْتِك .. يلا معاي
بي عشمي البملاني بشاير
عِمي شقاي
من الخوف أمليني يقين
كوني ضراي
أنا صدقتِك ...
طال ما حمام الشوق في هديلُو
أنا صدقتِك ...
طال ما إيدك في إيديّ
حازمة الهمْ ومعاي بِتْشِيلُو
أنا صدقتك ...
اتخيلتك ... جايه وجيتي
قَلْب العاشِق ديمه دَلِيلو
وأنا صدقتك ...
بدري الطل
عمّ هضاب الروح إنساب
إنتي الجيتي الفرح الغابْ
وأنا صدقتك
علمي عيوني السفر
علمي عيوني السَفَرْ
ما البِسافِر في عيونك
سِكْتو بتبقى السلامه
ينسى أحزانو ويعرف الدنيا
جنْبِك إبتسامه
ظلّلي الناس بي حنانِك
أبقي ليهُم ضُل غَمَامَه
وعلمي عيوني السفر
...
الشقا اللازمني مدة ...
يوم يفوت والفرحه تبدأ
ما بقول فارقني عدى
عشان بخاف ترحل عيونك
وتنهزم فيني الأماني
وبي أساهو وبي شقاهو
تاني يتوشح زماني
أصلو غير عينيك وحاتِك
مافي للأفْراح مَعانِي
وعلمي عيوني السفر
جينا ليك شوق في عيوننا ·
وفي عيونك ريد يناغمْ
الشجون باكر بترحل
والزمن يصفا ويسالِم
الحلم يصبح حقيقه
وتنسجم في الحب ظروفو
الحنين تزهر غصونو
والعشم دانيات قطوفو
شوفي كيف يوم بكره عامر
هاتي إيدك شان نشوفو
وعلمي عيوني السفر
عشم باكر
في عينيك عَشمْ باكِر
ما إنتي العُمُر كُلو
والشَمِس الوِشاحا ورود
وزغرودة بتزُف للناسْ
خَبَر زمناً .. بجي ومُوعود
لقيت غيرك بضيع إسمي
وأكون حي وزي مفقود
وفي عينيك عشم باكِر
لاقيني يا عُشقي الخُرافِي
لاقيني في كل المرافي
زفاف ربيع وفرح قوافي
وإنشري في حُزْن السنابِل
غيمه يا كُل البشاير
أمشي قُبالْ الصباحْ
وزعي الطل للأزاهِر
وأبقى يا شوقي الخُرافي
خير وضمي شقا البيادِر
لا قيني يا عشقي الخرافي
غنوه من أزمان بعيده
طالعه من صخب الدميره
تلقيني راجيك
في الأماسِي
وفي المراسِي
وفي القواسِي
وفي الملْمات الخَطِيره
في رجاك
فوق البيوت فّر الغروب
شالوا المطرز بالسُكونْ
الطير رجَع شايِل بواقي الدِفء
لي عُشو الحنون
وإنا في رجاك قلباً بغالب
في ظروفو الغربه
والهم والشجون
يا نجمه في سفر الغريب
أبْقِيلي في ضَهَبي الدليلْ
بوحْ النِسيماتْ العليلْ
صُبْح الغَمَامات الجَمِيل
وإتخْيلِك ...
مَدْ البساطْ السُندِسي
الضَحْكه مارقه من القلب
كُل ما سمع صدحك حزين
احزانو ترْحَلْ وينْطَرِب
وأنا كُلُما إتأملت فيك
عطر الصباباتْ ينْسَكِب
وإتوسمِك ...
فرحي المهاجر ومْغّتَرِبْ
وإسْتَسمَحِكْ ...
وإسْتَسمَحِكْ ...
لو فُتْ مِن أفُقِكْ نَجِم
مَرَقْتَ مِن سَفَر الأماني
الرائعة ضايع منهزم ..
تلقيني منك ولسه فيك
حافِظْ عُهًودِكْ مُلتَزِم
في حضْرتِك ...
هسه المكانْ بيكِ إحتفل
إتلاقوا في زي مهرجانْ ...
الوادي والغيم والسهل
يا داخله أزمنتي الضياع
وهج الكليماتْ الأمل
بتْوَسمِكْ ...
جية الشروق المُحتَمْلْ
في موعِدِك ...
وأنا في رجاكْ
أنوار المساء
ما بان عليك سَفَر العُمُرْ
لِسه الربيع يا دابو زار
لِسه الضِفافْ المُترَعه
بِتْفِيضْ ندى وتدي الثِمار
الناس عليك ناداها فالْ
في عيونا نام الإنبهار
وأنا جوه قلبي المُشْتَهِيك
نَزَفَتْ جِراحات الوَدَار
جوه العيون
أطفال فَرَح
لَمة زَفافْ
جوه العيون
تشرِقْ شموسْ
أزمات بتَغْرَق في النَعِيم
وحَنانْ غَمَرَ
عاشْقينْ رُهافْ
وأنا جوه قلبي المُشْتَهِيك
نَزَفَتْ جِراحات الوَدَار
يا زهرة طالت بالفرح
بتراقص أنوار المسا
ما بان عليك أثر القطاف
ما جاتِك أزمان القسا
ما أروعِكْ وإنتي الشبابْ
بي حمرة الريد إكتسى
الناس عليك ناداها فالْ
في عيونا نام الإنبهار
وأنا جوه قلبي الكلو ليك
نَزَفَتْ جِراحات الوَدَار
صباح الطل
منو البِفْتَح
صباح البوحْ
يلملم صوتك
المجروح
على شُرفَة قَماري تَنَوح
ويغني عديله للجايات
اسفْ لو دون مَدَاك شايِفْ
شَظَف عِيشِكْ ...
ولا تُخْمَة رحيلْ زايِف
وقار صَمَت الكلام المر
ولا وعَدَ الغُنا الهايفْ
ردمت الهوة بيناتنا
في بدء الكلام يا دوب
أنا العرْيت قوامِيس اللُغاتْ
غنْيتَ ...
لا قبلِكْ ولا بَعدِك
عشقْ يمخرْ عُباب الهمْ
أجاوبِك بالقصِيد النمْ
أسائلِك كيف ؟ ووين نتلمْ
إلا ما يلفُظِكْ حلمكْ
ويغفلْ فيكْ شَقَاك وينجمْ
عَشَم فيك من عَشَم فيّا
ويمازِجنا إلتقاء الدمْ
أنا اليادوب
طشاشْ حلمِكْ
نَدَهني طشّاش
أداريِك والسمُوم تَلَفحْ
أتاريك غيمه جات تَرَمحْ
إلا ما تْنزحِي وأنْزَحْ
نقوم من ضوْ
يفِج المَشَهَد الزاهي
سكُون الكونْ ويِطل باهي
يلاقي الشارع الفارعْ
ناساً في الحياة تصارع
تضيقْ الهُوه بيناتنا
ولا عاد الرصيف ضاراي
ولا شقشق صباح مرساك
ولا درب الفرح ناداي
ندهتِك هلْ ؟
غشاكي الطلْ؟
جفاف زَهْرَ العُمُر إنبلْ
عَزَرتِك لوْ يساوركْ شكْ
إذا إنسدت مداخل الحلْ
متى إنهزمت بشاراتِك
وإيقاع الظِلال إختلْ
على لوحة شروق الفالْ
يزف وردِكْ صَبَاح الطلْ
على شُرْفَة قماري تنوحْ
ويغني عديله للجايات
أملنا الباقي
أملنا الباقي يسرح بي
وتبقى الدُنيا في عِيني
هدأة موجه
في بحر الأسى المدود
رجعت غنوة من
زمن الضنا المهدود
هجعة خطوة في
سكة فرح مفقود
وأفتش ليك
حناني معاك
خطاوي تصارع المكتُوبْ
عشانِك
لا مسافه تطول
ولا بتصعبْ
معاكي دُرُوب
ولسه معاكْ
على الوَعَد
الحزينْ مصلوبْ
أجُوب الدُنيا
وأرجعْ ليك
أجيك فارساً يشقْ
صَمَت المتاهه الطال
مواعدك
بي حكاوي الشوق
وبي شمساً
وراها منالْ
وبي فرحاً يغرٍد في سماكْ
ألحانْ .. ويجيب البهجه
للأطفال ...
من مسام الرؤيه والفرح المؤجل
عدى حلمك
عابر الردهات صدى
واهب النجمات مدى
جاي مارق من طلاسم
هاجس الورده
المبلل بالندي
داخل مواني الروح شفيف
موشى حرفك بالنغم
مغطي صدحك النزيف
لوحات من الزمن الشروق
آه يا موات الفكره
في عصب الصبر
آه من شقاك
وأنا في غناك مجبود عليك
مهما كسح زمن الرخام نبت المنى
مهما جرح زيف المعاني
الروعة في صدق الغنا
مهما اختفت صور الجمال
وسط الظروف المحزنة
وانت المشيت
ما بان عليك سفر العمر
تدينا احساس الامل
في كل رحلة شوق تطول
تهدي النجيمات التضيع
اشراقا في الزمن الافول
وإنت المحلق فينا غيم
واعد تجي وتسقي الحقول
فيا أصدق رحيق الريد
غياباً ما اختلاف وعدك
ولا انسحب الرحيل صدك
شبابيك الغنا إنسدت
ولا جاز الصهيل
بعدك
فرح القصائد
لا حلم لا كان خيال
لا وعد ولا جيت أشوفا
دي البنيه الكست ليها
ومنتظر طلة طيوفا
حلوة خدرت الصحاري
ورشت الغيمه الولوفه
جرتقت فرح القصائد
لونت بالود حروفا
دي البنه الدابا تابة
جايه تفرح بي شبابا
صفوة الغيد الرشقيه
إتقدمت سرب الحسان
لما رقصت زي فراشه
سيّج الفرح المكان
هبت النسمه النديه
الليلة زغرد يا زمان
دي الوحيده الضاويه لينا
وراشه في الدنيا الحنان
دي البنيه الدابه تابه
جايه تفرح بي شبابا
يا مسا الحب وبهجه
يا صباح النور وورده
يا حدائق عامره خضره
يا عيون ضاحكات موده
من متين أنا في إنتظارك
والزمن بي عمري عدى
ما غريبه الليله ترجع
يا فرح خاصمني مده
الغصين الدابو بتق
شايل النوار مندي
يا عيون تتحدي صمتي
وأصلي قبلان التحدي
يا الصباحات البهيه
اللي ضفافك جيت أعدي
للبنيه الدابا تابه
قربي الخطوات ومِدِي
شبال البرق
على بعد مداك
أنا يا غيمه
بندهلك
آمل ومستني
كتبت نشيدك
طمني
بي حلم البت
البتغني
على كيفك
ضلك ترميهو
وراء طيفك
سارح وبغني
وبقاسم حلمك مشوارو
في درب الوطن
المستني
من قبل رحيلك
ناغمتك
سميتك غابه
وجلابه
شبال البرق
البتلاصف
شلال الرحمه المنسابه
اطفال البلد العزيتا
أطياف الذكرى وأسرابا
يا واضحه وصادقه
ورقراقه
وعذوبة طهرك
دفاقه
أنا جيت أتعلم
من صبرك
كلمات العز البراقه
وأنا طيف أتفتق
من شمسك
أحلام الورده واشراقه
بقسام حلمك مشوارو
في زمن الغربه الحراقه
مرتاح الليل المداكي
في شوراع الذكرى
أريحيه
جميل المرسى
الناداكي
لجزائر الوعد
النيليه
تكلت الحيل
أنا في حيلك
سويتك منجل
وطوريه
غنيتك وطني الزقيتو
لشموسو العاشقه
الحريه
الموج الكاسح
في قبالك
للضفه يوزع شبالك
الورد الفتح آمالك
لإتنسم فالوا المن فالك
وأنا حاضن صبرك
وبغني
للعشم الطول في بالك ...
كتبت نشيدك
طمني
بي حلم
البت البتغني
من جديد
من جديد
جيت تاني تكسر
صمتي بالنظره
الخجوله
يا أمل عمري القبيل
ويا سنين عامرات
فصولا
ما قدرت أنساك من زمان
بس ضاعت أحلام
الطفوله
الحنين الجيتني بيهو
جاني في لحظات ندم
في زمان ضيع صبانا
وكل أشتات العشم
من جديد جيت تاني
كيف تبني فيني الإنهدم
وما قدرت انساك
من زمان
بس ضاعت
أحلام الطفولة
ما يفيد أنا لو الملم
من عيونك ذكريات
أو أصحي الماضي فيهن
وأنسى حزن الأمسيات
برضو زمن البهجه عدى
وعمري فات
فيهو الفوات
ما قدرت أنساك من زمان
بس ضاعت
أحلام الطفوله
سفر الخريف
نفس التصور والفهم
فسرت حلمك في
البيوت الراقده بين
سندس صباح المويه
والقش النعس
منسي الخريف
الطير يردد مقطعين
من غنوه للحب والسلام
أهديك صباح وردتين
من سكة السفر الهيام
أدمنت كيف عشق الأرض
بين التوافق والخصام
نضم السكوت ..
دابا البيوت الأدركت
إستدركت
غنايا ما جابو الفضول
ما فسرت سر العلاقه
حكمة الخالق
تجلت في الفصول
من زحمة الموج البجيب
نفس الخصوبه
التملأ أحضان الحقول
ما أندرك
يا طير نبت
ريشو المشتت
ضرب الجهات الأربعه
فجّ الوهج
وإتبدى من ليلو الحلك
ما أجملك ...
يا ماشي تحت الغيمه ضل
كيف يستقيم الضل
إذا العود انعوج
كيفن ثبات الضو
إذا مات الوهج
نفس الفهم
نفس البشر
الحوجه والشقا والنزيف
مسكونه هذي الأمسيات
بي روعة النغم الظريف
نفس البيوت الراكزه
وسط العتمه
والريح المخيف
خبأ الشدر أحزانو
في الضل الوريف ..
غيه المطر ..
لكنو ما سفر الخريف
الغنوه أدمنت الصهيل
أتوسد الحلم الرصيف
أمرق من أحزانك وأقيف
أدخل صباحات الدعاش
البشبهك
ما بشبهك ...
إلا الصهيل
البشبهك
كسيت الليل ألق الألحان
عصفور صداح
عشقك أفنان
تختصر الهم
ريشه والوان
مسكون ابداع
إنت الفنان
قسمت الليل والساعه رحيل
إتكى جنبي التعب الجواي
زاملني الهم والغربه وراي
ميلت عليك
في لمحه مشيت
نعنعت الشاي
عن برد الليل
والناس والغربه
الساكنه الروح
شديت وترك
غنيت مجروح
كلماتك توقد
في الخاطر
شمعات الذكرى
المطفيه
وقسمت الليل والساعه رحيل
تنده شمس تمرق
من ضفه نيليه
واتدفقوا العمال
البخلصو النيه
إتبادلو التغريد
انسام وقمريه
يا شاتل الإحساس
أنغام وحنيه
قلبك بلم الناس
مرسى وحميميه
شريت الغيمه القبليه
على وعد المدن المنسيه
كلام في العز
سمح النحاس يا بت
وكتين يهز ويرز
وشن الكلام طعمو
إن ما إنكتب في العز
كعب البفوت عولو
ويضرب خلاهو يفز
تب الجنا أب وشين
منو النفوس بتكز
ويبقي الكلام يا بت
في العز .. ويزيدك عز
غنيت بقول يا ناس
في جملة الفراس
الما إنكرو إنخذلو
لو بالدهب والماس
في البثبتو وقدلو
أهل الكرم والساس
ويحلى الكلام يا بت
في العز ويزيدك عز
***
غنيت بقول شكري
فوق الخيول الغر
بغزل غناي وأهدي
ناساً جباها سمر
ماليني عز في عز
عشق التراب الحر
ويبقى الكلام يا بت
كل الكلام في العز
سمح الشدر يا بت
قمريهو قوقا حنين
سمحه الدميره تجيب
تدي الخصوبه الطين
باهي الشروق مرسوم
في هامة الطيبين
ويحلى الكلام في العز
يا بت ويزيدك عز
تغريد
سمعت نداك
عيونك ليل
وحزنانه
قلبك ده الملان غربه
أغاني بديعه ألحانا
خطاك عابره
الوهم صابره
نداك هز الشدر بلْحِيلْ
علمو يلزم الجابره
حكايتك قعده العارض
ممدد من سنين غابره
سمعتك جوقة التغريد
تداخل بين حنين جدول
وبحة صوتك البسأل
نزل في نبره
الإيقاع
يقالد في الصدى
الأسماع
يجمل في شقا
الأوضاع
وسالم هم
كمنجه بعيد
مغطي الليل
بأشجانو
مدينة وضفه
إنتي الحاسه
براكي وعارفه
وكايسه معاي لي ضل مرتامي
وين تلاقى
مدينه وضفه
وطلق البيننا الواصل حامي
منك وين
أنا بفتح شرفه
منها يسطع قمر أحلامي
وتبقى الحاسه
براكي وعارفه
يا اللازمتي الخطوه مشيتي
زهو الروح
والزاد متباقص
لوأ شرعتي
الهوى أبو ابو
كنتي عرفتي الشقا أسبابو
وزمن الإلفه
إترامى سرابو
يا الغنيتي معاي لي غيمه
شدو الناس
الراجيه هطولا
كم خليتي البال لنجيمه
ضيها قاوم
لحظة أفولا
الأيام شايلانا بشاره
والأفراح الجايه مهوله ..
وإنتي الحاسه
براكي وعارفه
عز الشوق
والهم والعاصفه
إنتي الحيل
راكزاهو وواقفه
ووكت الليل
الأرخى سدولو
تبقى عيوني
بلاك ما شايفه
وما محتاج
أكتبلك وأشرح
إنتي الحاسه
براكي وعارفه
الشوق سفر
يا الجايه جايبه
الشوق معاك
لي عيوننا من
ناساً عزاز
يا حليل
صباحات البلد
وأنساما
وأطفالا اللذاذ
يا حلينا
وأيامنا بتمر
في غربه
كايسين الملاذ
وأشواقنا شايله
الشوق مطر
للالفه والفرح الرذاذ
يا جايه جايبه
الشوق كتير
من سكة
الندى والعبير
عبق النهارات
المقيل
اللمه في
الحوش الكبير
الغيمه
والضل السمح
إترامى هتف
تحتو زير
وانا شوقي شال
الشوق مطر
للإلفه والفرح الرزاز
يا حساه
بالحاسي ومعاي
مشتاقه
للمشتاق زمن
ساهرتي بي
لما النجوم خلني
فاتن ودعن
إتناهي
خلاني وبعد
صدح القماري
البسجعن
حسيت بغربه
زول بعيش
فقد الحبايب
والوطن
سبتيني شايل
الشوق مطر
للإلفه
والناس العزاز
وهج الشعاع
زي ما بيموت وهج الشعاع
تمتد سحابات الغروب الغاني
تشرب روعتو
وزي قدر المسافر لي مدن
مجهولة لما تضيع خطاوي
البهجه في هم سكتو
حبك صبح أشتات ظلال
وأطلال خيال
ما صاغت الأفراح
مباهج قصتو ...
برحل عشان أنساك
وأسيب الذكرى في وجع الدروب
أمسح دموع شمس الهوى
المصلوبه في صمت الغروب
وأمسح دموع قلبي التعب
كان من هواك يقدر يتوب
ويا ريتني زي وهج الشعاع
تمتد سحابات الغروب
الغاني تشرب دمعتو
ما كان عشم قلبي المعاك
يترجى من عينيك صدود
كان عندي في سفر الأمل
درباً يودى عليك ويعود
والليله يا حبي اللي راح
في روعة إشراق الوعود
مد الغروب الغاني إيدو
وماتت أحلام الورود
يا ريتني زي وهج الشعاع
تمتد سحابات الغروب
الغاني تشرب دمعتو
الكلام إحساس
غنيت
والكلام إحساس
حنيت
للبيوت والناس
يا أماً حنينه على
بتوسد رسايلك لي
دعواتك بعينني
في الغربه أم لهيباً حي
حنيت لي صباح الحي
للسمحه أم وجيهاً ضي
يت نيلاً مدى وفكره
يا أرضاً ندى وبكره
من فتك تقل همي
شغلي الشاغل الذكرى
في الخاطر حبيبه وبيت
وديواناً ملوهو ضيوف
على الخضرة القدر ما تشوف
غيماتا ظليله تطوف
أغني وأقول سلام ناسي
أنا الرافع بكم راسي
وعامر بيكم إحساسي
تعل مني الكلام أحكي
عن درباً بسوق ما بيجيب
وفي الغرف الأباها الضو
حليل داراً بلم ورحيب
ما الغربه أم زماناً طال
لا صبحاً يلاقي الفال
ولا جرحاً بزول ويطيب
أقول فيها الكلام إحساس
حنيت للبيوت والناس
مجال الشوف
عديت مجال الشوف
والدهشة والواقع
لون الأماني طشاش
درب الأمل شاسع
ما لا الشمس حردت
ضي الهنا الفاقع
وينو الصدى الراجع
من الغنا الرايع
وأنا في إنتظارك لي
ذكرى وزمن ضايع
حاولت أرسم ليك
صوره بتلاقي رؤاي
كتم الألم صوتي
الزيف رماهو وراي
ماني الجنا المعروف
فوق البنات غناي
وماني البهزو قصيد
ويشجيهو عزف الناي
كان قتّ في البنوت
حداث وما سواي
باريت ضللة الحي
مهموم وتالف راي
عديت مجال الشوف
والدهشه والواقع
ميّل حتل حلمي
إتلاشى في الأعماق
لميت كلامن لي
دسيتو في الأحداق
أطوي المجاهل طي
وتعذب الأشواق
غنيتي والبراق
زفن مطر دفاق
قتّ إن صدق ظني
يبدأ العشم مني
تتفتح أزهارو
الليل يطل قمرو
إتلاقو سمارو
وأنا تاني أرسم ليك
صوره بتلاقي رؤاي
أبقى الجني المعروف
فوق البنات غناي
عديت مجال الخوف
والدهشه والواقع
إحساس بالأمل
أديني إحساس بالأمل
مع كل رحلة شوق تطول
وأدي الخطاوي الراجعه ليك
في سكتك حلم الوصول
ما الدنيا كلها إنتظار
والإرتحال قدر الفصول
الموجه تحلم بالضفاف
والغيمه تحلم بالهطول
راحل معاي ضي الأماني
وذكرى للأيام هناك
لحظات بتذخر بالمعاني
وكيف أنسى تذكارات هواك
نتحمل الغربه ونعاني
ونصبر عشان نكسب رضاك
ونغني لو زاد الحنين
يا ريتو كان
سفراً معاك
غمام الشوق
بحلق فوق
غمام الشوق
وأهو الأخضر
رقد سندس
على كتف الضفاف
صفصاف
رسم ضلو
رقص فلو
على نسم الضحى
الهفهاف
وجا الأزرق
حضن أبيض
علة نغمة غنا الأرياف
مال وإنداح عناق اتنين
وشوف العين
دميره تفيض
وعصفورين
يغردوا في
هوى النيلين
طريتك هسه
والإحساس
مدينة وناس
وصيتك لي
كلامك لي
بشارة عيد
ولمات الحسان الغيد
وطيبة العالم المنك
عرف معنى
الوضوح والحب
جمال السندس المارق
من إحساسك
صفا النيه
دفق في روحي حنيه
وجرتق كا ما أمكن من
الغنوه الحماسيه
غناي للسنبل الخدر
ولوز الأبيض الأزهر
وغيم أحلامك الأمطر
ملاني هواك
جساره وحب
وبارك عشقي لي ذاتك
لاقي مشاعري
زي نسمات
تقالد شوق شراعاتك
وردا خطاي علي فرحا
يأشر من عويناتك
وحلق فوق
غمام الشوق
انتظرتك
كم يفتش عني عنك
في مداين ما بتعرفك
أم بتسال عن ضناها
غيمه هجت من سماها
زحمة المدن البعيده
صرخة الكلمة وصداها
وكم يفتش عني عنك
إنتظرتك ياما ياما
والمواني أبت تجيبك
لا تعبت من المسافه
لا بفكر يوم أسيبك
روحي حامت زي فراشه
جات تحلق فوق لهيبك
وكم تفتش عني عنك
مرة شفتك والمسافه
الليل يوزع أمنياتك
قلت زولتي الما غريبه
رغم همك ياكي ذاتك
كنتي عايزه تقولي حاجه
كلمة ابلغ من سكاتك
وكنت أسأل عني عنك
في مداين ما بتعرفك
أمشي والهم الغلبني
مالي روحي وشايلو كتفك
الكلام تاهت حروفو
في النعاس الجافا طرفك
لا ملامح صدحي صوتك
ومني ضايع حتي وصفك
كم يفتش عني عنك
في مداين ما بتعرفك
معتحياتي عماد الدين النخلي صفحة مدني النخلي مع كل جديد
حقوق الحفظ والنشر محفوظ لدينا