قلبي فاكرك .. السر دوليب

[حجر الظلت]

حبيبي ليه قلبي فاكرك وإنت ليه خالي قلبك
خالي خالي والله ما عليه
***
كنت فاكر ألقى عندك الحنان تغمرني بيه
قلبي يرثى ألقى جنبك
الأماني الأماني تدوم عليه
بحنانك تحتويني
وبي ودادك تصطفيني
ليه تسيبني يا ضنيني لدلاك اشتكيك
****
عهدي بيك وأشكي ليك
وتواسيني في آلامك
غيروك بدلوك عن حنيني يا غرامي
لا بقيت تسأل علي لا بتقول واحشاك عيني
أو عذابي رضيته لي يا حبيب أنا راضي بيه
******
إنت لي نور عيني في الليالي تضوي ليا
ذكرياتي وأغنياتي في فؤادي لسه حيه
لو نسيت أشواقي ليك أو شبابي هان عليك
قلبي لسه أملو فيك راجي لو تعطف عليه
****
أي لحظة أي لمحة من حياتي إنت فيها
في كلامي في ابتسامي في الأماني البشتهيها
يا نضاري وإزدهاري يا ربيعي واخضراري
يا حبيبي وإنت داري بالعذاب الإحنا فيه

[magdanaeem]

سلام لكل الاصدقاء في هذا المنتدي وأتمنا من الله ان نتبادل الخبرات ونستفيد منكم الكثير المثير

[بت ملوك النيل]

بارك الله فيك
اذكر انني قد سمعت هذه الكلمات من السر دوليب شخصياً وتضارب الرأي عندي هل هي اجمل بالسماع ملحنة من عثمان حسن ام بإلقاء من السر

[صلاح بدر العوضى]

نعم الأستاذ السر دوليب مبدع نادر الطراز
شعره الأندلسى فى الغناء العاطفى كان منعطفا
توافق مع كل العشاق منذ الخمسينيات وسيظل
كم انتى محظوظة ( ما بنت ملوك النيل )
شكرا لك

[بت ملوك النيل]

تعرف انا من عشاق غناء المرحوم عثمان حسين وانشاء الله الله يقدرني اكتب بعض أغانيه