الكترحااااااااااااااااااااااابه [الأرشيف] - شبكة الجعليين

مشاهدة النسخة كاملة : الكترحااااااااااااااااااااااابه

البصاص

11-09-2005, 03:17 PM

هويييييييييي
يا ناس هنا انا جيت ولقيت الباص وورد بتاعي
بعد ما راح مني ليهو زمن .. وبعد ما فتحت خشم البقره
لقيتو في رقبة الفار الكان بشرب من القله بتاعت الروووب

بالمناسبه البقول حمد لله على السلامه صاحبي
من هسي والبطنشني يرجى الراجيهو ببقى ليهو في تولتا

مثل حقي أنا ...
كعب الزول يلاقي الزول يقوم الزول يقبل منو

مدخل للخروج ..
نحنا الليله ما طابخين جيبو
صينتكم وتعالوا عشان ما نقعد بدون غدا

الزعيم

11-09-2005, 08:26 PM

كدي أول حاجة علشان نأمن شرك نقوليك حمدلله ع السلامة شنو ليك ولقيت الزعيم كيف يا معلم
البصاص يا خوي إنت بتذكرني بي حبيبي العزيز بوب مارلي الله يديهو العافية إنت عارف كان شعلة نشاط في المنتدى لمن كان بنصطل هناااك في بلد الحشيش بالطريقة الصاح جامايكا..
لكن آخر مرة كانت قبل شهور ما بسيطة كتب فيها مقال وقال أنا ماشي السودان يا أمة وطفش الطفشة الياها تاني أصلا ولا بالغلط دخل المنتدى وأظن النت زاتو..
بسأل الله إنو يرد غربتوا لأننا لمن نمشي بلدنا بنبقى أغراب في كل شيء وده طبعاً للظروف والضغوط والألم والعذاب البنلقاه هنااك برغم الشوق الشديد البيحملوا كلوا واحد فينا بعيد عن أرض الوطن حالم هايم زيي كده..
ويصطدم بواقع جهاز الذباحين أقصد المغتربين..
وبعدها يقول لي الناااس أحكوا ليا ويسرتجعوا ليهو شريط موت قرنق والسجم والرماد وعلى فكرة أنا بقيت إنفصالي وبدعو لحزب أسموا أبناء الشمال الإنفصالي من هسع وتقرير المصير القالتوا الحكومة ده في الجنوب أنحنا دايرنو في الشمال ما عايزين أي علاقة مع المخاليق ديل كويس.. بس شي واحد يشتتوا ويمشوا بعيد عننا وعايزين إنفصال بس إنفصال حلو ولا ماحلو...
كدي إنت رايك شنو في الكلام ده لأتنك ما شاركتنا في المشكلة دي عايزين نعرف رايك يا بصاص لأنك اخترت اسم بتاع نااااس ده شغلم ولا شنو يا معلم

حجر الظلت

12-09-2005, 01:32 PM

البصاص

15-09-2005, 04:25 PM

يازعيم قبل أي شي كدي الننفض رماده
نبداء
مانديلا ده منو أقصد بوب مارلي ولا شنو إنت قلت

والله الواحد اليومين ديل ما عارفين بسمع بي عيونو ولا بشوف
بي شنو خلينا

*تاني ياخي والله انا مجنني شي
أنه الواحد يفارق البلد كم سنه إن شاء الله عشرة سنين عشرين
يجيك يقول ليك ياخي أنا ما بعرف حاجه وحتى حلتو الياها ذاته
بي بيوت الجالوص ذاته يعمل فيها سائح اجنبي ولازم أخوه ولا صاحبه يقوموا معاهو بدور المرشد السياحي
ياخي في زول في الدنيا بنسى أول حبيبه ولا أول .... ولا ... ولا ..
ياخي حيطنا وشوارعنا انا والله في النوم بشوفه تجي تقول لي بقيت غريب فيها (الكلام ده ما ليك)....
* وبي مناسبة قرنق والحصل داك كلو تعرف بي مشروعك ده
حاتطرشق لي مشروعي والله أنا عندي رغبه قويه أعرس لي
دينكاويه طويله ابنوسه بس (نجاضه) ياخي بعد أعرس قوم أفصلوا
وبعدين حايكونوا أصحاب جنسية مزدوجه وكده

ياخي ثقافة الخير يخص والشر يعم دي ما نخليها شويه
بالمناسبه عندي موضوع جائز أنزلوا في اليومين ديل
عن خيارات الوحده والإنفصال عبر قراءات من تاريخ
السودان القديم الله يقدرني أتمو

*الزعيم يافرده الباقي يقولو لي براك ...

* كمال الطريفي زول النصيحه ..
شنو يا أخوي حمد لله على السلامه ما ناشفه كدي
حبة سكر مافيها

تسلم أيها الرائع

الزعيم

17-09-2005, 12:36 PM

ههههههههههههه :P
مانديلا وبوب مارلي والقلتو ده زولاً علينا عزيز مسطول بتعرف معناها شنو ولا أزيد
بعدين تعال يلا الحبيب أقوليك حاجة منو القال الحبيبة الأولى ما بتتنسي خلينا من كلام الكتب والشعارات البالية الحب جربناهو والحب البتوفروا لشخص بي عينوا حاول وزعوا عل يناس كتار علشان ما تدوش وطش وجن مرة وااااحدة كده ..
تعال أقول ليك حاجة ممكن تكون فايتا عليك إنو المغترب لمن يمشي مع وااحد ما بكون كمرشد سياحي ليهو لا ما تفهم الناااس غلط وتصور حاجاتك يا بصاص إنها صاح
فلمن المغترب يمشي مع زول الزول ده بكون اتفرغ ليهو لأنو عارف مدى الحب والشوووق الشايلوا الزل ده في قلبوا تجاه أهلوا وأحبابوا هناااك وبكون عايز يونسوا ويدردش معاهو علشان ما يحسسوا فعلاً هو غريب في بلدوا بعد الغربة الجايي منها وده طبعاص بعدما اتغيرت أخلاق الناااس وفسدت الكتير من الحاجات اللي ما من السهل إصلاحا بي حبة مفردات منمقة فأتمنى إنك تراجع حاجاتك يا حبوب وما تقعد تجيب حاجات لا أصل لها ولكنها معشعشة في خيالك الغريب
والله يكون في عونك بس ..
أقول ليك يا بصاص متع نفسك كويس 8)

البصاص

20-09-2005, 09:07 AM

عزيزي الزعيم ..
شكراً كثيراً .. لهذا الإستقبال حقاً لقد بدات احس
إنني في بيتي ..

نرجع ..
عذراً للأخ بوب مارلي ..
فقط إنني رديت ليك بإحساس المسطول لما يكون بره
الشبكه والإحترام فوق ..

اما بخصوص المغترب فهذه حقيقة مازالت المشاعر هي المشاعر
لكن هذه حالات رايتها بأم عيني وكيف إن المرافق يقوم بذلك الدور خصماً الكثير من برامجه وأقول الأحاسيس عندما تكون خصماً على حاجات الزول لابد له من مراجعتها لأن الزمن يقتضي
وبخصوص الحبيبة الأولى فلكل منا منطلقاته فأنا لم أشتغل (تكَّاسي )
والإحترام فوق ..
أما بخصوص خيالي الغريب فشكراً فأنا لم أكن أعرف ذلك ..

مدخل للخروج :
الصاح راي والغلط راي

شكراً كثيراً مرة أخرى