الغربة كدا

[سيد موسى محمد]

و انت غريب ....
مراكب القدرة كاسحات بيك ... وين سايقاك ما عارف !!!
مدن بى غادى ....تتوجع تلوح ليك ... مدن بى جاى .. تمد ايديها
يوماتى .. تكفت فيك ... تكفت فيك.... كانه الفيك مامكفيك !!!
و تتبهدل .. و تمرض .. ياوليد الناس !!
و طب الدنيا .. كل الدنيا .. كان جمعوهو مابشفيك !!!
و فى الاخر تموت وجعة ... لا زولا يجيب كفنك ... لا زولا يقيف يبكيك !!
هى .....دى ...الغـــــــــــــــربة !!!!!
تعال ياعبيد .... روح ياعبيد !!!
دا انت الكنت فى بلدك .... مبجل سيــــــــــــــــــد !!!!!!
دا انت الكنت .. نخلة عـــزة ... شامخ و مابتطولك ايد !!
و اخر العام ....
تصرف ليك كم صندوق !!!!
و تمشى السوق .. تخم ماتخلى اسم شلتوت !!!
و تجى الحلة ....
و يقابلوك بالزغروت !!!
و تنفش ريشك الممعوط ...
و تتبختر ... و فيك تسمع غنى البنوت ...
ناس تديها .. ناس تحميها ... ناس ماتلقى غير شلوت ...
و تخطف ليك بنية ناس ... تخلى الفرحة فيها تموت ..
و انت هناك ..... يا المتعوس .. فى بلد السجم هلفـــــوت !!
و ترجع بكرة لى سيدك ...
لى قبرا حفرتو براك بى ايدك !!!
و تبقى حــــــمــــار... ترجع ترعى بى قيدك..
و اجرك فى النهاية علوق !!!!!!
و فوق دبرك يختوهو الحمل مطبوق ..
و تمشى السوق !!!!
و ياويلك لو تطلع حمار ممحوق ..
تبقى مصيبة ... لا راحة .... لا شيتا يسمو حقوق ...
متين يا انت ... ترجع تانى ... تبقى انسان ؟؟؟؟
متين من سكرتك دى تفوق ؟؟؟
و ترجع تانى لى بلدك ...
و ناس بلدك...
و عز بلدك...
و الفاتك قبيل ملحــــــــــــــــــــــــــــــــوق.....


سيد موســــــــــى

[سنهرة]

ااااااه يا أخ موسى تسلم يدك كلام في الصميم

[صلاح بدر العوضى]

يا أبو الســـــيد ،
نحتاج ليك
عشان زولا بعرف الكى
وكت تعدم حبيب يكويك
وعشان فارسا نجيض مو نى
يصرّح بالمغلغل فيك
ينتش فى لحمنا الحى
بس كيفن بنقنع ، ديك
يسلم فوك0
كل عام وانت بخير

[محمد النمير]

ابو السيد اتجلى وانثر الروائع على مافيها من مررات نحتاجك كثيرا امل ان لاتنقطع ودمت القا بارائع

[الكلس]

تسلم يا سيد
سرد . . . كلام متجانس . .
عزف علي وتر حساس
وأنا ملاحظ من أوائل الناس اللي أضافوا ردو هم المغتربين . . . !!!!!!!!

[حجر الظلت]

كلام من القلب الى القلب

رد الله غربة الجميع

وتحياتي لك يا أستاذ سيد وللأخوة المغتربين بالخارج

[سنهرة]

يا اخوي يا الكلس ما دايما الي يدو في النار والمقتربين مكويين منها وخاصة المقبمين في السعودية لكن ما نقول الا الله يرجعنل لي أهلنا سالمين

[هشام]

تسلم يابومازن
اه من الغربة تتصور بقت اصعب من ماتصور
ونحن مركبنا كاسحة مامعروفه متين ترسي

ان توعدني الحضور هنا
وصفدني البقاء ظلما بالبقاء
ولا عيون السعد طالعتي
ولا التبريح اغرقه البكاء
ان توعدني الحضور هنا
والارض ماعادت تغني
ولا انفرجت اسارير السماء
او اه يأفق المرافئ
والبحار الظامأت الي نشيدي
هنا كل الحروف تجمعت
كل الحروف تسرحت
اسرجت شعري
وهتفت ان هذه مغارس احرفي
هذه ينابيعي فشربيها يامرافئ
واطفئ نار اشتهاء
فالشوق اكبر من رحيلي
حين يأتي
ومازال يقتلني التوجع
ومازال يقتلني التسكع
ومازال يقتلني النداء

تخريمة:
عندي خطاب تنقل ياخال ليك محتفظ بيهو ليك
بس ارجع السودان
الشوق بحر

[سيد موسى محمد]

ولدنا الغالى ....هشام الدرديرى ...كل رمضان و انت مفرهد .. و زائد عافية .. عايزين نسمع منك ...دا لو مابالغنا و قلنا عايزين نشوفك ... لاننا عارفين ... وحل الغربة دا ...عايز ليهو كرعين قويات شـــــــــــددددديد....عشان الواحد يتخارج منو !!!!! و الله يديك كرعينا نصاح ... ياغالى يا ود الغالى .....

سيد موسى

[الهمزابي]

بعد ماكنت شايل الرايه قدامنا
بعد ما كنت في حوارنا
رجعت ونسيتنا ونسيت ايامنا
ياابو السيد

لك التحيه اخي السيد والاشواق زي لهيب ظبيه فتوار
ولمن لا يعرف ابو السيد فهو قارئ نهم وقاص بارع جدا يمتلك خيال واسع في تاليف القصص وياما كان يمتلك زمام حكاوي ليالي السمر في قصصه الطويله التي كان يالفها في حينه بحذاقه وحنكة في السرد والخيال.فقد سبق قصص الخيال العلمي الان في تاليف القصص وكان ذلك من خلال الليالي سمر في القرية فتوار.
اما عن شعره فهو قد خلد القريه وخلد نفسه من خلال اغنيته ظبيه في فتوار
فتجلت عبقريته الشعريه وفاضت في كلمات هذه الاغنيه. فقد عالجها بكلمات
بسيطه مع الاخذ بالمعنى العميق .فقد اراد لهذه الاغنيه ان تشيع وتعم لتخلد
فتوار فكان له ما اراذ

التحيه لك اخي السيد وشوقنا ليكم زي ما قلت لهيب في لهيب

[الهميم]

فيض الهميم في الغربة.

قدرك يالهميم لابد يجيك محتوم
شلت الجواز بي دمع العيون مختوم
سافر جسدي وباقيني في الخرتوم
طالب السترة ..ودراهم آل مكتوم


عدن سنين الغربة والليلة يوم الجردة
وكل الحصاد الفيها حبة دراهم خردة
من هذي البلد ياأخوانا لازمة الشردة
لي أم در الحبيبة نعمل شتات يافردة


ضربت في الوتر الحساس ياسيد الناس....تحياتي

[سيد موسى محمد]

بعد ماكنت شايل الرايه قدامنا
بعد ما كنت في حوارنا
رجعت ونسيتنا ونسيت ايامنا
ياابو السيد

لك التحيه اخي السيد والاشواق زي لهيب ظبيه فتوار
ولمن لا يعرف ابو السيد فهو قارئ نهم وقاص بارع جدا يمتلك خيال واسع في تاليف القصص وياما كان يمتلك زمام حكاوي ليالي السمر في قصصه الطويله التي كان يالفها في حينه بحذاقه وحنكة في السرد والخيال.فقد سبق قصص الخيال العلمي الان في تاليف القصص وكان ذلك من خلال الليالي سمر في القرية فتوار.
اما عن شعره فهو قد خلد القريه وخلد نفسه من خلال اغنيته ظبيه في فتوار
فتجلت عبقريته الشعريه وفاضت في كلمات هذه الاغنيه. فقد عالجها بكلمات
بسيطه مع الاخذ بالمعنى العميق .فقد اراد لهذه الاغنيه ان تشيع وتعم لتخلد
فتوار فكان له ما اراذ

التحيه لك اخي السيد وشوقنا ليكم زي ما قلت لهيب في لهيب

و الله ياود الشيخ , جهجهتنا !! معقول القلتو دا كلو .. فينى !!!؟؟؟ لكن مابالغغغغغغت ... ليك تحياتى و سلامى ..

[ودحداف]

الاخ سيد لك كل الود واندى التحايا ويديك العافية ونحن فى انتظار المزيد واللة الغربة نار منقد عديل وناس السعودية اكتر ناس مكتوين بيها من سخافات البدو الرعاع وتسلطهم واستعبادم للعباد ونتمى من اللة ان يرد غربتهم الى حضن الوطن الدافى والوطن يسع الجميع بس البقنع الديك منو