حجر الظلت
26-04-2005, 10:56 AM
ورقة وقلم
أبو عبيدة محمد محمود
السودان - الخرطوم - الحاج يوسف
متمرد ضدك يا زمن 00 وكفرت بالنمط القديم 00
حاولت ابن مليون حلم في سكة النمط الجديد 00
وهربت من خوفي الزمان 00 وقلعت من جلدي الكذب 00!
وقدرت امسك لجام قليب ماشي في السكة وتعب 00
وعلمت القلب الحنين ما ينجرح شان هوى 00 وعلمتو كيف انو الالم انو الشجن في سكتو ماشين سوا 00
وعرفت كيف من الفراغ اخلق مدن 00اخلق تلال 00ارحل بعيد اصل القمر
وابني في نص القمر عالم جديد 00!!
عارفك ما فهمت القصد الجاي من صيغة الكلام 00 اصلك عنيد وماشي علي النمط القديم 00
وعارف سؤالك الرتيب كيف الفراغ يصبح مدن وعالم جديد نص القمر ؟؟؟
اجــــــــــــــــــــــــــــــابة :
بورقة وقلم 00!!
ورقة وقلم وانامل بتخط سريع مع لفحة الهوا للعرق 00
وتدون لنبضة القلب الحلم 00
قبل الوقوف في صف رغيف 00 وافضل اقيف افضل اقيف
والليل خلص وصوتا يدندن في الاذان 00 (العيش فنش) 00!
اسف انا 00 طلعت من موضوع سؤالك القبيل وحلمي الجنا 00ومصيرو يكبر يصبح كبير زي مبني ساكنو الوزير الجارو في قطية ساكن ومعاهو مليون نفس 00!
وحاجة ثابتة يا وهم 00 ماقدرت تغير سكتة 00 او نطقتة 00 او كلمتة 00 عنـــــــــــــــد اللــــــــــــه النفــــــــــــــــــس 00!
ورقة وقلم 00
وابقي سيد نفسي براي واضحك عليك وعلي الفراغ 00
وادندن في السطر الكلام 00
واشد وتر حبي القديم المن ذكرتي بدا يتمحي بفكرتك 00
لكن محال ورقة وقلم من ذكرتي ان تتمحي 0!
ورقة وقلم وارسم جسد فيهو روح مافيهو دم 00!!
واحفظو درسي الجديد 00 من الألف يحفظو صم 00
ولمن تجيهو بفكرتك 00 يكون قوي ولكلمتك يصبح اصم 00
ولو انجرح (فــــــــس) ينزف هوا اصلو الجسد في رسمتي مافيهو دم !!
وروح الجسد تطلع تجي 00 وترحل تعود 00
اصلو الهدف انو الروح ابدا وحاتك ماتموت 00
وتقعد تحوم وسط الطريق 00 تتفرج علي عنوان دناك وتضحك عليك 00
ورقة وقلم 00
وارسم مدينة من دون بيوت اسوارة عالية مزركشة بلون بهيج 00
شاقيها نيل 00
تقوم تحرش موج نيلي شان يهزز للحيط 00 واضحك عليك 00
اصلو السور ماراح يقع 00اصلو السور بانيهو في نص الورق 00واصلو موية النيل حبر وعمر الحبر ماكسر ورق اصلو الورق بيشرب حبر شان ما يروي لدنيتي واضحك عليك 00
ورقة وقلم 00 وارسم قمر واوصلو بنيلي القبيل واسبح براي زول ما معاي 00 وتحاول تسد لسكتي وترسل الريح للسحاب شان يغطي للقمر واغرق براي 00
واضحك عليك 00 اصلو القمر في رسمتي من دون سحاب 00!
ورقة وقلم 00 واكتب مقال من دون حروف 00 وانشرو 00
وتفهم الناس فكرتي 00 من دون تعب او شرح مكثف للمقال 00
اصلوا المقال ورقة بيضة من دون حروف 00 ولون البياض اصل المقال وفكرتو 0000!!!
ورقة وقلم وارسم جواز لونه دم للسفر 00
وختم 00 وتأشيرة جاهزة للسفر 00
وصورة زول بيضحك مبتسم 00 زي بيضحك عليك 00 وزي دا انا !!
واختمو 00 وارحل براي زول ما معاي 00 واضحك عليك بورقة وقلم 00
أبو عبيدة محمد محمود
السودان - الخرطوم - الحاج يوسف
متمرد ضدك يا زمن 00 وكفرت بالنمط القديم 00
حاولت ابن مليون حلم في سكة النمط الجديد 00
وهربت من خوفي الزمان 00 وقلعت من جلدي الكذب 00!
وقدرت امسك لجام قليب ماشي في السكة وتعب 00
وعلمت القلب الحنين ما ينجرح شان هوى 00 وعلمتو كيف انو الالم انو الشجن في سكتو ماشين سوا 00
وعرفت كيف من الفراغ اخلق مدن 00اخلق تلال 00ارحل بعيد اصل القمر
وابني في نص القمر عالم جديد 00!!
عارفك ما فهمت القصد الجاي من صيغة الكلام 00 اصلك عنيد وماشي علي النمط القديم 00
وعارف سؤالك الرتيب كيف الفراغ يصبح مدن وعالم جديد نص القمر ؟؟؟
اجــــــــــــــــــــــــــــــابة :
بورقة وقلم 00!!
ورقة وقلم وانامل بتخط سريع مع لفحة الهوا للعرق 00
وتدون لنبضة القلب الحلم 00
قبل الوقوف في صف رغيف 00 وافضل اقيف افضل اقيف
والليل خلص وصوتا يدندن في الاذان 00 (العيش فنش) 00!
اسف انا 00 طلعت من موضوع سؤالك القبيل وحلمي الجنا 00ومصيرو يكبر يصبح كبير زي مبني ساكنو الوزير الجارو في قطية ساكن ومعاهو مليون نفس 00!
وحاجة ثابتة يا وهم 00 ماقدرت تغير سكتة 00 او نطقتة 00 او كلمتة 00 عنـــــــــــــــد اللــــــــــــه النفــــــــــــــــــس 00!
ورقة وقلم 00
وابقي سيد نفسي براي واضحك عليك وعلي الفراغ 00
وادندن في السطر الكلام 00
واشد وتر حبي القديم المن ذكرتي بدا يتمحي بفكرتك 00
لكن محال ورقة وقلم من ذكرتي ان تتمحي 0!
ورقة وقلم وارسم جسد فيهو روح مافيهو دم 00!!
واحفظو درسي الجديد 00 من الألف يحفظو صم 00
ولمن تجيهو بفكرتك 00 يكون قوي ولكلمتك يصبح اصم 00
ولو انجرح (فــــــــس) ينزف هوا اصلو الجسد في رسمتي مافيهو دم !!
وروح الجسد تطلع تجي 00 وترحل تعود 00
اصلو الهدف انو الروح ابدا وحاتك ماتموت 00
وتقعد تحوم وسط الطريق 00 تتفرج علي عنوان دناك وتضحك عليك 00
ورقة وقلم 00
وارسم مدينة من دون بيوت اسوارة عالية مزركشة بلون بهيج 00
شاقيها نيل 00
تقوم تحرش موج نيلي شان يهزز للحيط 00 واضحك عليك 00
اصلو السور ماراح يقع 00اصلو السور بانيهو في نص الورق 00واصلو موية النيل حبر وعمر الحبر ماكسر ورق اصلو الورق بيشرب حبر شان ما يروي لدنيتي واضحك عليك 00
ورقة وقلم 00 وارسم قمر واوصلو بنيلي القبيل واسبح براي زول ما معاي 00 وتحاول تسد لسكتي وترسل الريح للسحاب شان يغطي للقمر واغرق براي 00
واضحك عليك 00 اصلو القمر في رسمتي من دون سحاب 00!
ورقة وقلم 00 واكتب مقال من دون حروف 00 وانشرو 00
وتفهم الناس فكرتي 00 من دون تعب او شرح مكثف للمقال 00
اصلوا المقال ورقة بيضة من دون حروف 00 ولون البياض اصل المقال وفكرتو 0000!!!
ورقة وقلم وارسم جواز لونه دم للسفر 00
وختم 00 وتأشيرة جاهزة للسفر 00
وصورة زول بيضحك مبتسم 00 زي بيضحك عليك 00 وزي دا انا !!
واختمو 00 وارحل براي زول ما معاي 00 واضحك عليك بورقة وقلم 00