حجر الظلت
24-08-2005, 02:02 PM
الإخوة في السودان أون لاين ،،
تحية طيبة ،
هذه الأبيات للشاعر أحمد عوض الكريم أبو سن يرثي فيها الشيخ محمد حمد أبو سن ناظر الشكرية :
بي يوم الجمعة بي قدرة كريما كافي
راحت مقدرة وتقوى وثباتا مافي
الرجل العظيم من قومتو صادق وصافي
رب العزة بالعاملها ليهو يكافي
******
وكت جاني الخبر قالوا لي حاصل موت
قت ليهم منو ؟ قالوا لي صاحب الفوت
محمد ود حمد ليهو الفضل مثبوت
في البدو والحضر جضن عليهو بيوت
*****
الفحل البتشهد لي ناسو والغير ناسو
سيد بيتا كبير في الجودة غالق ساسو
فرع المدرعات الليهو دقوا نحاسو
ود أب هلبة والشيخ المشرط راسو
******
الله أداهو عقلا تام رئيس الديش
رايق مستقيم من قومتو ماشي بشيش
وكت الناس تضيق وتجيهو فاقده العيش
تقيل الهم يزول يصبح خفيفا ريش
*******
أب رايا سديد حكمو زلقا ما زادو
جاري ورا السلف عمو وأبو وأجدادو
بركتو الوافرة شايبنا المقدم زادو
ماتدخل قبور تبقالنا في أولادو
*****
ود فارس دبركي عمارة قلبوس بين
ضكر واجواد وقلبو علي المساكين لين
أب كفا متل وابل السما المتحين
عندو المشكلات بالمر حللهن هين
*****
شكرا ياعزيز ود الفحول القرح
بلوك المر وفوق غلبو الشديد بتطرح
شايل هم قبايلو وللمساكين فرح
أصلا ما براك من التقيلة وسرح
********
راح سيد الخلاوي ال للمهاجرين لامه
وراح شيخ العرب تقل القلوب الهامة
وكت قالوا أتفقد صاحب النفايل التامة
علي كل الخلوق صعبت مصيبتو العامة
*****
وطنو ودار أبو وكافة نظارتو قبيل
باكين فاقدين تلبا لزوم للشيل
ياخد ليهو في سؤال الكريم وجليل
يعدي نهارو كسرة وحكمو ماشي عديل
******
ود أب علي وحسان عريس الخيل
ود كاكوم عقيد الزايلة ضلو ضليل
عملو الساهو مو داب نفسو مدو طويل
موية ومدرسة ونور ضلام الليل
*******
وكت سوالو معهد في النقيب وقفارو
سكان البنادر والبطانة أحتارو
الرجل المهذب وكاملات أفكارو
بدور كل الجهات تقرا العلم في دارو
******
المشروع بقول في الساها كتر خيرو
نفع بي نفع مانا طالبين غيرو
أعاش للعامة بي رايو وسمح تدبيروا
في الحلة أم خلا وسكان ووحشو وطيرو
*******
وكتو الكان شديد نايب مع النواب
مشهود ليهو عاقل والبقولو صواب
دراج الضعيف اللي المساكين كاب
قبال يبقى ناظر ما انقرالنا جواب..
*******
بي راحة البهايم وعمالو البتدور
تشهدلو القراية وموية الحفور
سالم من تكبر وذاكرا مشكور
عشان ما يلقى في الدار النعيمة سرور
********
وكت الحي وقاعد في الغرور أم جور
من الله ورسولو الليه خلق النور
منا وسلوى جنات من جنان الحور
-------------------------
المصدر : حسان أبوعاقلة أبوسن
تحية طيبة ،
هذه الأبيات للشاعر أحمد عوض الكريم أبو سن يرثي فيها الشيخ محمد حمد أبو سن ناظر الشكرية :
بي يوم الجمعة بي قدرة كريما كافي
راحت مقدرة وتقوى وثباتا مافي
الرجل العظيم من قومتو صادق وصافي
رب العزة بالعاملها ليهو يكافي
******
وكت جاني الخبر قالوا لي حاصل موت
قت ليهم منو ؟ قالوا لي صاحب الفوت
محمد ود حمد ليهو الفضل مثبوت
في البدو والحضر جضن عليهو بيوت
*****
الفحل البتشهد لي ناسو والغير ناسو
سيد بيتا كبير في الجودة غالق ساسو
فرع المدرعات الليهو دقوا نحاسو
ود أب هلبة والشيخ المشرط راسو
******
الله أداهو عقلا تام رئيس الديش
رايق مستقيم من قومتو ماشي بشيش
وكت الناس تضيق وتجيهو فاقده العيش
تقيل الهم يزول يصبح خفيفا ريش
*******
أب رايا سديد حكمو زلقا ما زادو
جاري ورا السلف عمو وأبو وأجدادو
بركتو الوافرة شايبنا المقدم زادو
ماتدخل قبور تبقالنا في أولادو
*****
ود فارس دبركي عمارة قلبوس بين
ضكر واجواد وقلبو علي المساكين لين
أب كفا متل وابل السما المتحين
عندو المشكلات بالمر حللهن هين
*****
شكرا ياعزيز ود الفحول القرح
بلوك المر وفوق غلبو الشديد بتطرح
شايل هم قبايلو وللمساكين فرح
أصلا ما براك من التقيلة وسرح
********
راح سيد الخلاوي ال للمهاجرين لامه
وراح شيخ العرب تقل القلوب الهامة
وكت قالوا أتفقد صاحب النفايل التامة
علي كل الخلوق صعبت مصيبتو العامة
*****
وطنو ودار أبو وكافة نظارتو قبيل
باكين فاقدين تلبا لزوم للشيل
ياخد ليهو في سؤال الكريم وجليل
يعدي نهارو كسرة وحكمو ماشي عديل
******
ود أب علي وحسان عريس الخيل
ود كاكوم عقيد الزايلة ضلو ضليل
عملو الساهو مو داب نفسو مدو طويل
موية ومدرسة ونور ضلام الليل
*******
وكت سوالو معهد في النقيب وقفارو
سكان البنادر والبطانة أحتارو
الرجل المهذب وكاملات أفكارو
بدور كل الجهات تقرا العلم في دارو
******
المشروع بقول في الساها كتر خيرو
نفع بي نفع مانا طالبين غيرو
أعاش للعامة بي رايو وسمح تدبيروا
في الحلة أم خلا وسكان ووحشو وطيرو
*******
وكتو الكان شديد نايب مع النواب
مشهود ليهو عاقل والبقولو صواب
دراج الضعيف اللي المساكين كاب
قبال يبقى ناظر ما انقرالنا جواب..
*******
بي راحة البهايم وعمالو البتدور
تشهدلو القراية وموية الحفور
سالم من تكبر وذاكرا مشكور
عشان ما يلقى في الدار النعيمة سرور
********
وكت الحي وقاعد في الغرور أم جور
من الله ورسولو الليه خلق النور
منا وسلوى جنات من جنان الحور
-------------------------
المصدر : حسان أبوعاقلة أبوسن