خيمة أولاد جعل للدوبيت والمساجلات والمجادعة

[عادل الخضر]

يا أولاد جعل تعالو ندق خيمتنا
نحن أهل الكلام ونحن الكرم شيمتنا
نحن المن زمان معروفة جد قيمتنا
وكضاب البقول قادر علي هزيمتنا

[عادل الخضر]

شحدت الله الكريم وقلت يا كريم يا مسهل
تعدل لي طريقي ولي خطاي تمهل
من شوق الجميل دمعي صار متبهل
بدور محبوبي الفي مشيو مترهل

[حجر الظلت]

الأخ الصديق عادل

والله خيمتك عامرة إنشاء الله لكن شيطاني أظنو رقد نام
هههههههه

[ودبامسيكا]

سلام ودالخضر جرعة عقود السم
في خيمة دار جعل داير اقعد معاك انجم
ليك ماني نديد ولاني بصير في جر النم
لكن اهلنا زمان قالوا القحة ولاصم الخشم

[الزيدابي]

والله يا ود الخضر خيمتك عامرة إنشاء الله
مع تحياتي لك

[جبر الدار محمد جبر الدار]

ود خضر فى خيمتكم الليله جيتكم ضيف
ما عزمتونى براى جيت وما بدور حلّيف
مانى جعلى وحاتكم لكن اقبلونى حليف
وتانى مانى فايتكم كان خريف او صيف

[عادل الخضر]

سلام ودالخضر جرعة عقود السم
في خيمة دار جعل داير اقعد معاك انجم
ليك ماني نديد ولاني بصير في جر النم
لكن اهلنا زمان قالوا القحة ولاصم الخشم

حباب ود بامسيكا أخويا ود العم
مرحب يا صديق يا البيك بطير الهم
في خيمة أولاد جعل ألقاك معاك إتلم
خليك تب هنا وما بتفوت يمين حرَّم

[عادل الخضر]

والله يا ود الخضر خيمتك عامرة إنشاء الله
مع تحياتي لك

هلا بالزيدابي

تجدني سعيداً جداً بوجودك هنا ...

تخريمة :
لي زكريات جميلة مع الزيداب

[عادل الخضر]

ود خضر فى خيمتكم الليله جيتكم ضيف
ما عزمتونى براى جيت وما بدور حلّيف
مانى جعلى وحاتكم لكن اقبلونى حليف
وتانى مانى فايتكم كان خريف او صيف

جبر الدار أخوي إنت تب ماك ضيف
والشايقي دوام للجعلي تلقا حليف
قول يا الضرى وأنضم بدون تكليف
بي جيتك هنا والله تم الكيف

[عادل الخضر]

ست البنات الفوقن زايدة سماحه
دنياي بيها ضحكت وأشرقت أفراحه
نفسي الديمة في بلود الجمال سواح
وقفت عندها وقفلت عليها الساحه

[حجر الظلت]

الأخ عادل
مساك الله بالخير

[عادل الخضر]

الأخ عادل
مساك الله بالخير

أخوي حجر الزلط مســَّـــاك ربي أمان
جيتك تب تقيل زي ما كنت زمان
أنا في دار جعل مبسووووط وجد فرحان
قالو العز أهل وأنا فيهو جد غرقان

[حجر الظلت]

أبشر والله يا عادل

نحن بيك نفتخر ونعتز

تحياتي

[جبر الدار محمد جبر الدار]

ست البنات الفوقن زايدة سماحه
دنياي بيها ضحكت وأشرقت أفراحه
نفسي الديمة في بلود الجمال سواح
وقفت عندها وقفلت عليها الساحه
ست البنات البيها اذدانت وضوت الساحه
يوم جانى الكرت شان احضر واشوفو صفاحا
روحى اعتلت فقد مكنونى و تانى ما عرفت الراحه
وشفت كل الكون ضلام و نفسى انسدت وغادرت افراحه

[ودارتولي]

حلف بالله زولا ماهو منكم انتو ندمان في حياتو ندم (المنتدي دا ماكان يعملو فيه صوت عنج ياود خضر علشان ناخذ صوتين تلات )

[ودبامسيكا]

ست البنات الفوقن زايدة سماحه
دنياي بيها ضحكت وأشرقت أفراحه
نفسي الديمة في بلود الجمال سواح
وقفت عندها وقفلت عليها الساحه


ست البنات الزينة ضاوية الساحة
تخجل للقمر شان عليهو زايده سماحه
تقدل بي مهل وقلبي وراها فاقد الراحه
روحتي عليها قفلت وراح مفتاحا

[دابي الرتجه]

ست البنات من جم ملكه عموم الساحه
تدفـــــدع متل قصبت التقنت المُرناحــــه
هردت قلبي بي الغنج المعاهو ملاحــــه
نافره الظبيه جافله ما نلنا غير كتاحـــه

[باسعيد]

هع هع هع
دا الكلام

[عادل الخضر]

أنا الوليد الأصيل الجعلي دمو
وأنا الدقر الكبير الهاري سمو
وأنا المن رويسو الشر بلمو
وأنا الدخري لي بنوت أعمو

[عادل الخضر]

الزول البريدو ومني عامل نايم
من شوقي ليهو صبح النــَفــَس قايم
في بحور الريد قلبي دايماً عايم
لا بتصدو جراح ولا بتكسرو هزايم

[الهميم]

من أم در.. الليلة جاتني نسايم
وطريت الصغير الدابو بتّق قايم
أحمر خشيمو تمرة فطور الصايم
من نظرة عيونو ألطف علي يادايم

[عادل الخضر]

من أم در سلام عدد الخلوق في الكون
سلاماً للجميع فيهو الوداد مكنــون
طولت جد بالحيل وشوقي جنَّ جنون
أنا أصلي بي ريدكم قلبي صار مسكون

[ود الاسد المكابرابي]

بسم الله الرحمن الرحيم
الاخ/ عادل الخضر سلامٌ من الله عليك ورحمة منه
خيمتك والله خيمة وضلها واسع تسع كل الخلوق
من الكلام الفيها ومريح للضميك ويطرد الهم
كلام حماسة وشجاعة وأدب وتقدير
لك منى كل الشكر والتقدير على هذا الابداع
اخوك/ ود الاسد المكابرابي

[ودأم هوشة]

ود الخضرأخوي عقب جيتك وفي خيمتك نيتي مقيل*ياك ودتميرجدك نمرالبسند الصف محل مايميل

أهلك تلوب اللازمة بيملوهاالعين لامن تفيض وتكيل*من دار زيد جيتك قاصدك دغري عدييل:dance9bh:

[ودأم هوشة]

ودالخضرأخوي قولة مرحب ماسمعناهاخبارنا*وين كلمة حباب الضيف حباب الزارنا

الخلانامنشغلين وحايرةأفكارنا*عدم الردالسمح البخلي القلوب مطامنة

[ود شيخ العرب]

أنا الوليد الأصيل الجعلي دمو
وأنا الدقر الكبير الهاري سمو
وأنا المن رويسو الشر بلمو
وأنا الدخري لي بنوت أعمو
انا البعشوم الساكن الخلاء واحرازى
الفول والعدس خلنى ديمه ارازى
حالف بى طلاق يوم اجور عوكازى
اركبكم لقط واكسر كراع حجازى
:las1:

[ودأم هوشة]

انا البعشوم الساكن الخلاء واحرازى
الفول والعدس خلنى ديمه ارازى
حالف بى طلاق يوم اجور عوكازى
اركبكم لقط واكسر كراع حجازى
:las1:


أنا الوليد الأصيل الجعلي دمو
وأنا الدقر الكبير الهاري سمو
وأنا المن رويسو الشر بلمو
وأنا الدخري لي بنوت أعمو


أنا الوليد الجعلي أصيل ما تقليد
وأناالماضربوهو في راسو قالو بليد
وأنادقرالوقش البضوق سمي شهيد
وأنادخريهن سمحات فريقنا أكيد

[أبوماجد]

نحنا اولاد جعل شيالين تقيل والضعيف بنسندو
نحنا صغيرنا ديمه فايت الكبار و الندو
نحنا كريمنا البشرى لى العندو و الماعندو
همبول اى زول جد دار جعل مو جـــــدو

[أبوماجد]

ياطير ان مشيت قولة السلام شن فيها
تصلو الهجعه قول ليهو الفناير اطفيها
وشوف لى حويلو والحنه كيف خاتيها
وقولو اهجع والفنايد بالوضيب قتيها

[أبوماجد]

[خيمةً حد عامره بى سرايه
ياولاد جعل معاكم بشيل الرايه
شايل لى الجدع قلماً معاو برايه
.دايماً عامره من كتابه لا قرايه

[ودأم هوشة]

وين ياأخوانا ودالخضر؟؟؟علي الحرام الذول ده شفقنا عليهوعديييييييل كدي الحاصل شنو؟؟؟؟

[أبوماجد]

ياأ ولاد جعل اليله دايرين نوحد روق
ونورى اوكامبو الزنيم الباشا مات محروق
قولو فى دار جعل حرم تموت مشروق
ياود السفاح يمين ابوك قبيل مسروق

[الاسكندر]

سلام سلام ياملكة الجيل الابوكي الشيخ
سلام يا الفدنه ومربوعة ومشيك مليخ
سلام يا العندك قوانين الادب تاريخ
سلام يا الغيرك الجيل عندي كل مسيخ

[عثمان مصطفى]

اهلي الديمة شبعانين وباعن طايل اهلي اشراف نظاف ما فيهن ابدا قايلاهلي اولادجعل شدرالسنط مشايلاهي الشافعن بالخير دوام متفائلعوضية جعل الفي البلد ركازة صقيرن في الحرب ما انفزر واتخازةعدوهن بالرعب بي سرعة دنقر وزازة ظاهرين من زمان والدنيااهي عزازةالعوضية اهلي وين زيكن في الناس شف بي عيني فارسهن ولابنقاس كرام وعفاف اولاد جعل فراس وارثين الثبات من جدكن عباس0العوضي 0ابن عم عثمان مصطفى 0ورمضان كريم 0وتصومو وتفطرو علي خير0ونواصل انشاء اللةخ