يا دكتور محمد محبوب

[خالد سليمان]

ما هي أسباب الصداع؟

و ياخي داير لي عملية في المخ لزيادة الذكاء و لو أمكن يعني تزيد سرعة المعالجة و تزيد الذاكرة بكم جيجابايت كدا على ذوقك بس ما تخرب التسريحة
:D

بعداك دايرينك تعمل عملية زرع مخ أصلي و جديد لحجر الظلط لآنو الراجل ما قصر معانا تب
ى:D

:cool:

[خالد سليمان]

:rolleyes:

[حجر الظلت]

ما هي أسباب الصداع؟

و ياخي داير لي عملية في المخ لزيادة الذكاء و لو أمكن يعني تزيد سرعة المعالجة و تزيد الذاكرة بكم جيجابايت كدا على ذوقك بس ما تخرب التسريحة
:D

بعداك دايرينك تعمل عملية زرع مخ أصلي و جديد لحجر الظلط لآنو الراجل ما قصر معانا تب
ى:D

:cool:

أخونا المغترب سلام

بالنسبة للذكاء أنصحك بتغيير البروسيسر بواحد سنترينو ديو كور dual core Centrino سرعتة 4.2 Ghz
ود بحل ليك المشكلة دي نهائي

بالنسية لي مخي أنا يا زول مالك شايف علي شنوو؟:D

مخي الهسه ده أصلي وأنا بعمل ليه update كل يوم من موقع الشركة فما بحتاج حاجة ;)


ولك تحياتي

[خالد سليمان]

:D
يا حجر الظلط ياخوي انت ما سمعت بالمثل اليوناني البيقول الجديد شديد..ياخي انت ما قصرت معانا و قلت نخلي الأخ العالم بالمخ و الكوارع و الكمونية ود المحبوب يزرع ليك مخ جديد
بعدين ال update
ما كفاية في الأيام دي
:)

[خالد سليمان]

بالمناسبة سوف أنتهز هذه الفرصة و أبارك للأخ الدكتور محمد نجاح أول عملية منظار للعمود الفقري يقوم بها و مزيدا من الإنجازات لأخواني الجعليين
..
و أتمنى بأنو ما يكون عوق المريض لأنو سمعنا تحت تحت بأنو الزول دخل في غيبوبة شديدة
ههههههخخخخخ

[حجر الظلت]

يا ود سليمان ياخي عايز لي antivirus أصلي لي مخي ده

لو ود محبوب ده عندهم نسخ أصلية يكون كويس عشان الفايروسات كرهتنا ..

وسلامي

[خالد سليمان]

نشوف يمكن عندو تطعيمات جديدة..وين هو الليلة..الزول دا لما تكون دايرو ما بتلقاه ولما ما تكون دايرو بيكون عامل لينا وجع وش
هههها

[محمد محبوب]

ما هي أسباب الصداع؟


:cool:

الاخ خالد تحياتي واشواقي الحارة,

بالنسبة للصداع المزمن اسبابه كتيرة جدا و مريض الصداع المزمن ممكن يقابل 7 اخصائيين من تخصصات مختلفة لتحديد السبب حاحاول اشمل ليك الاسباب دي:

العيون: ارتفاع ضغط العين نتيجة للقلوكوما, عيوب الابصار (طول وضعف النظر اضافة لللابؤرية).
الاسنان: مشاكل التسوس واعصاب الاسنان.
الجيوب الانفية: التهابات الجيوب الانفية التحسسية المزمنة او التهابات الجيوب الانفية الحادة, و غالبا ما يكون الصداع مصحوبا بغثيان و يزداد سؤا بالانحناء للامام.
الاذن: التهابات الاذن الوسطي او الداخلية حيث تكون التهابات الاذن الوسطي مصحوبة بافرازات من الاذن اما التهابات الاذن الداخلية فتصحبها مشاكل في التوازن وطنين في الاذن.
الصداع النصفي (الشقيقة): هنا غالبا ما يكون الصداع في جانب واحد من الراس و تصحبه اعراض بصرية وغثيان.
مشاكل الجهاز الهضمي: مثل الامساك.
اسباب نفسية: اكثر انواع الصداع شيوعا و يعرف باسم (stress headache) صداع الاجهاد وهو غالبا ما يصيب اصحاب المهن التي تتطلب تركيزا وعادة ما يكون في نهاية ساعات العمل.
المخ : علي الرغم من ان مكان الصداع هو الراس الا انه من النادر ان يكون سبب الصداع من المخ, ارتفاع الضغط داخل الجمجمة نتيجة لاورام الدماغ او الاغشية المغلفة له او استسقاء الدماغ اوحتي ارتفاع ضغط الدم او تشوهات بالاوردة و الشرايين بالمخ كلها تسبب انواعا قاسية جدا و مزمنة من الصداع ولنها نادرة والحمد لله.

علي مريض الصداع ان يحاول معرفة الاشياء التي تسبب له الصداع و ليبدا بالنظر ثم الجيوب الانفية فهي الاكثر شيوعا.

اتمني انك وجدت الاجابة

[محمد محبوب]

و ياخي داير لي عملية في المخ لزيادة الذكاء و لو أمكن يعني تزيد سرعة المعالجة و تزيد الذاكرة بكم جيجابايت كدا على ذوقك بس ما تخرب التسريحة
:D

:cool:

بالنسبة لزيادة الذكاء فالامر بسيط جدا و بدون عملية حاول انك تفطر الصباح قبل ما تطلع الشغل و الفطور مش مربي وزبدة بل علي العكس من ما هو شائع السكريات تسبب ارتفاعا مفاجئا في مستوي السكر فيشعر الانسان بالنشاط ولكن سرعان ما تحترق و تسبب شعورا بالخمول, افضل انواع الطعام في الافطار الصباحي هي البروتينات مثل البيض المسلوق و البلوبيف والساردين.

بالنسبة للذاكرة في نوعين في الذاكرة القصيرة والذاكرة الطويلة, الذاكرة القصيرة علي سبيل المثال لو واحد قال ليك رقم تلفون ممكن تضربو من راسك بعد دقيقة لكن ما حتكون عارفو بعد ساعة مثلا, تكرار هذا الرقم لاكثر من مرة بحولو من ذاكرة قصيرة لذاكرة طويلة.

افضل الاطعمة لوظائف المخ هي تلك التي تحتوي علي الفسفور واليود مثل الاسماك وفواكه البحر والموز.

و سلامة ذاكرتك يا ولدي لسه جاهل وصغير بنات عمك ما سمعن بيك

[محمد محبوب]

بعداك دايرينك تعمل عملية زرع مخ أصلي و جديد لحجر الظلط لآنو الراجل ما قصر معانا تب
:D

:cool:

انت عارف لي فترة طويلة بفكر في الموضوع ده لكن لسه ما لقيت المقاس, لو عندك متبرعين كلمنا

[محمد محبوب]

مخي الهسه ده أصلي وأنا بعمل ليه update كل يوم من موقع الشركة فما بحتاج حاجة ;)




المشكلة اساسا في موقع الشركة يا حجر الزلط ههههههههههه

[محمد محبوب]

:D
يا حجر الظلط ياخوي انت ما سمعت بالمثل اليوناني البيقول الجديد شديد..ياخي انت ما قصرت معانا و قلت نخلي الأخ العالم بالمخ و الكوارع و الكمونية ود المحبوب يزرع ليك مخ جديد
بعدين ال update
ما كفاية في الأيام دي
:)

عارف يا خالد الليلة ذكرتني مقولة بضاعتكم ردت اليكم, انا قاعد اشاغل اصحابنا ناس العظام بقول ليهم يا ناس الكوارع وناس الجراحة العامة بقول ليهم يا بتاعين الكمونية.

و قصة المخ الجديد دي شوفوا لينا متبرع بس و ما عندكم مشكلة هههههههه

[محمد محبوب]

بالمناسبة سوف أنتهز هذه الفرصة و أبارك للأخ الدكتور محمد نجاح أول عملية منظار للعمود الفقري يقوم بها و مزيدا من الإنجازات لأخواني الجعليين
..
و أتمنى بأنو ما يكون عوق المريض لأنو سمعنا تحت تحت بأنو الزول دخل في غيبوبة شديدة
ههههههخخخخخ

تشكر يا خالد علي و ربنا يوفقنا جميعا لخدمة البلاد والعباد

ثم تانيا عرفت كيف بقصة الغيبوبة دي؟؟؟ ههههههههه

[محمد محبوب]

يا ود سليمان ياخي عايز لي antivirus أصلي لي مخي ده

لو ود محبوب ده عندهم نسخ أصلية يكون كويس عشان الفايروسات كرهتنا ..

وسلامي

غايتو لو داير virus بلقا ليك ويكون اصلي ههههههه

[محمد محبوب]

نشوف يمكن عندو تطعيمات جديدة..وين هو الليلة..الزول دا لما تكون دايرو ما بتلقاه ولما ما تكون دايرو بيكون عامل لينا وجع وش
هههها

معاكس مش هههههههههههههههه

[محمد محبوب]

*

[خالد سليمان]

شكرا ليك..وقبل ما اكتب الكلمات دي انا ماكل سمك الهامور..يعني جاهز هههها..شكرا ليك يا دكتور على المعلومات القيمة و حقيقة علمتني حاجات جديدة ما كنت أعرفها ..أما بالنسبة لموضوع المخ الجديد فهل تعتقد بأنو ممكن زراعة مخ قرد في راس بني أدم من باب العلاقة الأسرية الوطيدة بين القرود و البشر
؟؟؟
:D
بعدين ياخي الزول لو راسو كبير مثلا زي البتيخة هل دا بيدل على أنو مخو كبير و بالتالي أكثر ذكاءا من الزول الراسو صغير؟
ولي عودة يا دكتورنا و معليش الأسئلة كتيرة لكن أنت قدها

تحياتي

[حجر الظلت]

حضور ويا خالد حقو تسمي البوست "عيادة الدكتور محبوب المفتوحة" - الكشف مجانا - عشان الناس تدخل ..

وكده تكون خدمة يقدمها لينا الدكتور محبوب

ولا شنو؟

[السليماني]

معلومات حلووووة وفي غاية الأهمية

ولك الشكر عليها يادكتور

[خالد سليمان]

حجر الظلط
انا ما عندي مانع لكن خلينا نشوف رأي الدكتور...
تحياتي

[محمد محبوب]

والله ابشروا تب و الفكرة عجبتني جدا جدا خلاص يا حجر الزلط ضيف الاقتراح ده للتصميم الجديد

[محمد محبوب]

شكرا ليك..وقبل ما اكتب الكلمات دي انا ماكل سمك الهامور..يعني جاهز هههها..شكرا ليك يا دكتور على المعلومات القيمة و حقيقة علمتني حاجات جديدة ما كنت أعرفها ..تحياتي

لا شكر علي واجب يا رائع و بالهناء والشفاء, واخوك تحت امرك في اي حاجة انت بس اسال

[محمد محبوب]

..أما بالنسبة لموضوع المخ الجديد فهل تعتقد بأنو ممكن زراعة مخ قرد في راس بني أدم من باب العلاقة الأسرية الوطيدة بين القرود و البشر
؟؟؟
:D


حصل مرة و عملو عملية زراعة مخ قرد لقرد تاني لكن مات بعد فترة وجيزة من العملية.

فكرة زراعة الاعضاء انك تنقل عضو معين من مانح الي مستقبل متطابقين او متشابهين علي الاقل عشان ما يحصل رفض, يتم توصيل العضو المزروع بشرايين واوردة من المستقبل وذلك لضمان دفق دموي جيد للعضو المزروع بما يضمن بقاء انسجته حية.

طبعا كل نسيج عندو فترة معينة ممكن يتحمل فيها انقطاع الدم والاكسجين فالعظام و العضلات مثلا ممكن تتحمل ساعات طويلة من غياب الدم والاكسجين, الجلد بتحمل فترة اقل (في حال تم تجميد الجلد ممكن ان يبقي حيا لايام) المخ بتحمل اربعة دقايق فقط و بعدها بموت ومشكلة نسيج المخ انو خلايا المخ من نوع الخلايا التي لا تتجدد يعني مافي خلايا جديدة بتطلع لتحل محل الخلايا الميتة.

حاليا تجري دراسات لاجراء تعديلات جينية علي انواع من الفيروسات و من ثم زرعها مكان الخلايا الميتة بحيث يتكاثر الفايرس علي انه خلايا عصبية.

و شكرا

[محمد محبوب]

بعدين ياخي الزول لو راسو كبير مثلا زي البتيخة هل دا بيدل على أنو مخو كبير و بالتالي أكثر ذكاءا من الزول الراسو صغير؟


العلاقة بتكون بين عدد الانحناءات الموجودة في المخ و بين الذكاء بمعني كل ما كان عدد انحناءات المخ اكتر كل ما كان الكائن اذكي.

عادة حجم الراس البكون كبير بصورة ملحوظة يشير الي مرض معين حاقول ليك علي بعض الامراض:

1- عند الاطفال: اشهر الاسباب هو الاستسقاء الدماغي (hydrocephaly) و ديل عادة بعملو ليهم تحويلة (shunt) لتوصيل بطينات المخ مع تجويف البطن و ذلك لتفريغ السائل النخاعي الشوكي,سبب تاني هو الانسداد المبكر للفراغات بين بعض عظام الجمجمة (craniocynestosis) مما يؤدي الي نمو الجمجمة بصورة اكبر في الاتجاه الاخر.
2- عند الكبار: هناك امراض ايضية معينة مثل مرض باجيت (Paget's disease) و فيه تحدث زيادة في سمك العظام و لكنها تكون هشة, هناك امراض هرمونية ناتجة عن زيادة هرمون النمو (growth hormone) يعني لو زاد الهرمون ده قبل البلوغ بيحصل مرض اسمو العملقة (gigantism) وهنا بكون الزول بالكامل ضخم جدا, و اذا زاد بعد البلوغ بعمل حاجة اسمها ضخامة الاطراف (acromegaly).

http://www.darg3l.com/uploaded/1607_1216398839.jpg

دي صورة للاستسقاء الدماغي

http://www.darg3l.com/uploaded/1607_1216398896.jpg

دي صورة الالتحام المبكر لبعض عظام الجمجمة (الصورة a1 / a2) دي لطفل طبيعي (اما الصورة b1 / b2) فلطفل مصاب بالالتحام المبكر لا حظ في الصورة b2 غياب الفراغ السهمي ما ادي لبروز العظم الجبهي والعظم القذالي (القفوي).


http://www.darg3l.com/uploaded/1607_1216399178.jpg

العملقة


http://www.darg3l.com/uploaded/1607_1216399208.jpg


ضخامة الاطراف (الصورتين لنفس الشخص قبل وبعد الاصابة)


اتمني ان تجدوا هذا الرد ممتعا ومفيدا

[محمد محبوب]

:Dيا جماعة لو في زول الصور دي ممكن تضايقو نرجو ان يبلغنا

[خالد سليمان]

سبحان الله
شكرا يا دكتور محمد ويا سلام عليك..
السؤال التالي ..وضح أهمية النوم بالنسبة للمخ و كم هي عدد ساعات النوم التي يحتاجها الجعلي عشان يكره الناس العيشة
ههههها؟
5

[حجر الظلت]

العلاقة بتكون بين عدد الانحناءات الموجودة في المخ و بين الذكاء بمعني كل ما كان عدد انحناءات المخ اكتر كل ما كان الكائن اذكي.

عادة حجم الراس البكون كبير بصورة ملحوظة يشير الي مرض معين حاقول ليك علي بعض الامراض:

1- عند الاطفال: اشهر الاسباب هو الاستسقاء الدماغي (hydrocephaly) و ديل عادة بعملو ليهم تحويلة (shunt) لتوصيل بطينات المخ مع تجويف البطن و ذلك لتفريغ السائل النخاعي الشوكي,سبب تاني هو الانسداد المبكر للفراغات بين بعض عظام الجمجمة (craniocynestosis) مما يؤدي الي نمو الجمجمة بصورة اكبر في الاتجاه الاخر.
2- عند الكبار: هناك امراض ايضية معينة مثل مرض باجيت (Paget's disease) و فيه تحدث زيادة في سمك العظام و لكنها تكون هشة, هناك امراض هرمونية ناتجة عن زيادة هرمون النمو (growth hormone) يعني لو زاد الهرمون ده قبل البلوغ بيحصل مرض اسمو العملقة (gigantism) وهنا بكون الزول بالكامل ضخم جدا, و اذا زاد بعد البلوغ بعمل حاجة اسمها ضخامة الاطراف (acromegaly).

http://www.darg3l.com/uploaded/1607_1216398839.jpg

دي صورة للاستسقاء الدماغي

http://www.darg3l.com/uploaded/1607_1216398896.jpg

دي صورة الالتحام المبكر لبعض عظام الجمجمة (الصورة a1 / a2) دي لطفل طبيعي (اما الصورة b1 / b2) فلطفل مصاب بالالتحام المبكر لا حظ في الصورة b2 غياب الفراغ السهمي ما ادي لبروز العظم الجبهي والعظم القذالي (القفوي).


http://www.darg3l.com/uploaded/1607_1216399178.jpg

العملقة


http://www.darg3l.com/uploaded/1607_1216399208.jpg


ضخامة الاطراف (الصورتين لنفس الشخص قبل وبعد الاصابة)


اتمني ان تجدوا هذا الرد ممتعا ومفيدا


يا ود محبوب زولك الطويل ده كم متر؟

[الاريل]

التحية لك يادكتور على هذة المعلوماتالمفيدة قراتها مرتيين لان ذاكرتي قصيرة ...بس قصة الفطور ساردين دى العرب ديل بقولو الزول اتقلب فلبينى......والتحية لخالد بس مامدينا فرصة نسال؟؟؟؟؟؟؟واثني باب مخصص للاسالة للدكتور حتى تتم الفايدة ..... وياحجر الزول الطويل دة يمكن الاريل يقرب لية.....وسوالي بعد خالد؟؟؟؟؟؟

[محمد محبوب]

سبحان الله
شكرا يا دكتور محمد ويا سلام عليك..
السؤال التالي ..وضح أهمية النوم بالنسبة للمخ 5

اخي خالد سلام:

يحتاج جسم الانسان عموما للنوم و المخ بصفة خاصة, اثناء النوم تقل الحاجة للطاقة فينقص معدل الاستقلاب (........................bolism) فتنقص بالتالي المخلفات الناتجة عن عملية الاحتراق و التي قد تسبب اضرار للمخ, الحاجة التانية وكما نعلم فان المخ هو مركز القيادة لجسم الانسان و هو المسؤول عن كل الوظائف الارادية واللا ارادية فلما الانسان يكون نايم خلايا المخ بتكون مرتاحه.

[محمد محبوب]

سبحان الله
شكرا يا دكتور محمد ويا سلام عليك..
كم هي عدد ساعات النوم التي يحتاجها الجعلي عشان يكره الناس العيشة
ههههها؟
5

يختلف عدد الساعات التي يحتاجها الانسان للنوم باختلاف عمره, و ذلك لان عمليات البناء تتم اثناء النوم فالاطفال مثلا تكون اجسامهم في حالة ايض بنائي (anabolism) فنجد ان حديث الولادة ينام اكثر من عشرين ساعة تبدا هذه الساعات بالانخفاض حتي تصل الي ثمان ساعات وهو معدل نوم الانسان العادي في منتصف العمر وعندما يتجاوز الانسان الاربعين تبدا هذه الساعات بالانخفاض.


الجعلي يا خالد مفروض ما ينوم اصلا من باب (سهر الجعلي ولا نومو)

تحياتي

[محمد محبوب]

يا ود محبوب زولك الطويل ده كم متر؟

بصل تلاتة امتار غايتو

[محمد محبوب]

التحية لك يادكتور على هذة المعلوماتالمفيدة قراتها مرتيين لان ذاكرتي قصيرة ...بس قصة الفطور ساردين دى العرب ديل بقولو الزول اتقلب فلبينى......والتحية لخالد بس مامدينا فرصة نسال؟؟؟؟؟؟؟واثني باب مخصص للاسالة للدكتور حتى تتم الفايدة ..... وياحجر الزول الطويل دة يمكن الاريل يقرب لية.....وسوالي بعد خالد؟؟؟؟؟؟

اخي الاريل تحياتي و شكرا علي المداخلة

بالنسبة للفطور ممكن عشان اهلنا العرب نخليه ملاح تقلية و بيض و روب, كلها فيها بروتينات, ولو العربي مصر شديد علي رفض الساردين قول ليه اكل كجيك ههه اهو كلو سمك

و شكرا لك مجددا

[خالد سليمان]

شكرا جزيلا دكتور محمد و أتمنى بأنو ما أكون أثقلت عليك بالأسئلة
..هذا البوست به معلومات مهمة جدا..
عامل كدا زي برامج المقابلات التلفزيونية هههها
...
ننتقل الآن إلى الحب..هل يحب الإنسان بقلبه أم بالمخيخ؟ ههها و إذا كان بالمخيخ فهل يوجد مكان محدد مسؤول عن الحب..
تحياتي

[محمد محبوب]

شكرا جزيلا دكتور محمد و أتمنى بأنو ما أكون أثقلت عليك بالأسئلة
..هذا البوست به معلومات مهمة جدا..
عامل كدا زي برامج المقابلات التلفزيونية هههها


الاخ خالد حياك الله و لا شكر علي واجب, و اسئلتك مرحب بها فانت تطرح السؤال العلمي باسلوب فكاهي جميل.

[مدثر الرباطابي]

بالله انت دكتور ؟؟

العِبر والنِبر:D:D

[خالد سليمان]

اوالتحية لخالد بس مامدينا فرصة نسال؟؟؟؟؟؟؟

حياك الله يا الاريل.. و تفضل أسأل يا استاذ .. الفرصة عندك
:D
دقيقة قبل ما تسأل أنا داير أسعلك سوعال بسيط..أشرح لينا الاريل

[خالد سليمان]

بالله انت دكتور ؟؟
D:D

:D
عندك مانع؟

[محمد محبوب]

ننتقل الآن إلى الحب..هل يحب الإنسان بقلبه أم بالمخيخ؟ ههها و إذا كان بالمخيخ فهل يوجد مكان محدد مسؤول عن الحب..
تحياتي

الموضوع ده فعلا صعب و لكن المعروف انه الجزء المسؤول عن العديد من العواطف في الانسان هو المهاد (thalamus) و هو يقع تحت نصفي المخ.


دي صورة للمهاد


http://www.darg3l.com/uploaded/1607_1216487476.jpg

[محمد محبوب]

بالله انت دكتور ؟؟

العِبر والنِبر:D:D

لا لا متدكتر

[مدثر الرباطابي]

انا داير لي علاج لمرض حامد

[خالد سليمان]

الاخ خالد حياك الله و لا شكر علي واجب,.

يا سلام عليك ..جزاك الله خيرا
:)

[محمد محبوب]

http://www.darg3l.com/uploaded/1607_1216483650.jpg


دي للرباطابي

[مدثر الرباطابي]

http://www.darg3l.com/uploaded/1607_1216483650.jpg


دي للرباطابي


طيب الضمني شنو انو التحتك دا زول ما نعجه ولا عز ولا خروف ولا جداده

[محمد محبوب]

طيب الضمني شنو انو التحتك دا زول ما نعجه ولا عز ولا خروف ولا جداده

لا كده غلبتني تب :D

[مدثر الرباطابي]

لا كده غلبتني تب :D

الاعتراف بالذنب فضيله

[محمد محبوب]

لكن هاك دي


http://www.darg3l.com/uploaded/1607_1216041446.jpg

[محمد محبوب]

ديل خرفان يا رباطابي؟

[مدثر الرباطابي]

لكن هاك دي


http://www.darg3l.com/uploaded/1607_1216041446.jpg

المبطوح وراك داك وقاعد يصوط فيهو الزول داك انا شايف الضلوف الشي دا حمار باقي لي

[محمد محبوب]

انا نسيت انت عندك عشي ليلي, ارجع الصباح وشوفها يا رباطابي

[مدثر الرباطابي]

يازول اقتنعت انو دي مستشفى

بس انت اظنك شغال حانوتي

[محمد محبوب]

يازول اقتنعت انو دي مستشفى

بس انت اظنك شغال حانوتي

هي عرفت كيف؟؟؟؟؟؟؟؟؟:eek:

[مدثر الرباطابي]

هي عرفت كيف؟؟؟؟؟؟؟؟؟:eek:

اها الدفن عندك بي كم
والكفن عليك ولا علي اهل المرحوم:D

[محمد محبوب]

اها الدفن عندك بي كم
والكفن عليك ولا علي اهل المرحوم:D

طبعا حالة الوفاة الناس بكونو محتاجين شديد انهم يسترو زولهم وانا قاعد استغل النقطه دي (اخوك استغلالي شديد) فاسعاري غالية شوية, لكن لمن يجي يومك بجامل فيك ما تخاف

[أبو محمد]

ما هي أسباب الصداع؟

و ياخي داير لي عملية في المخ لزيادة الذكاء و لو أمكن يعني تزيد سرعة المعالجة و تزيد الذاكرة بكم جيجابايت كدا على ذوقك بس ما تخرب التسريحة
:D

بعداك دايرينك تعمل عملية زرع مخ أصلي و جديد لحجر الظلط لآنو الراجل ما قصر معانا تب
ى:D

:cool:

كدي قول بسم الله يا ولدي

هل تعلم أن الإنسان الطبيعي يستخدم 2-3% من قدرات الدماغ ؟

يعني باقي ليك من 97-98% من القدرات الدماغية يعني آلاف التيرا بايت

أكان عندك صداع أشرب ليك كباية شاي واعصر فيها ليمون وسم بالله واشرب.

مرة مشيت لدكتور كان عندي صداع شديد متواصل

قاس الضغط و كتب لي دواء مشيت الاجزخانة لقيت 3 حبات بالشئ الفلاني اسما ايمقران

الصيدلي قال لي ابلع الحبوب دي عند اللزوم التلاتة حبات دي بتكفيك 3 شهور

قلت ليهو دي حبوب شنو؟

قال دي حبوب صداع نصفي .................. قلت بسم الله الله الرحمن الرحيم

قلت للصيدلي : اسمع يا زول أديني بندول أحمر

والدواء دا انا ما دايرو.

والحمد لله أنا اسع نصيح .

بس المستغرب منو ليشنو الدكتور طوالي قال صداع نصفي بدون "ام ار اي" ولا فحص ولا اشئ

الله يصلح حال الدكاترة................................مش كدي يا ود الجكيكة بس أوعا تكون منهم.:D

[الاريل]

التحية يادكتور ...نسال مادام خالد نضمو الكتيرخلص..اولا:ـــ نحن ناس قعاعد الكراسي جاب لينا الكرش اذا عندك وصفة الحقنا بيها ؟ واللة حول سوالى الي دكاترة الكمونيةـــ اما عــــن العظام ياخوى الركبة اليمين دى عذبتنا ادونا الحبوب خربت البطن وبعض وصفاتة عدم استخدام الحمام البلدي ـــــ عدم طلوع السلالم المهم عدد لنا سبب ظهور الالام في الركبة ؟ لا تقول لي دة كبر ساكت واللة لسع شباب ممكن يتحول لدكاترة الكوارع هذا السوال؟اما عن صورة المخيخ تعليق ابني "قال لي دي مصاصة " اي حلاوة حربة فى السودان يارباطابي باللة عليك ماتقول صـــــــورة مصاريين

[الاريل]

التحية يادكتور ...نسال مادام خالد نضمو الكتيرخلص..اولا:ـــ نحن ناس قعاعد الكراسي جاب لينا الكرش اذا عندك وصفة الحقنا بيها ؟ واللة حول سوالى الي دكاترة الكمونيةـــ اما عــــن العظام ياخوى الركبة اليمين دى عذبتنا ادونا الحبوب خربت البطن وبعض وصفاتة عدم استخدام الحمام البلدي ـــــ عدم طلوع السلالم المهم عدد لنا سبب ظهور الالام في الركبة ؟ لا تقول لي دة كبر ساكت واللة لسع شباب ممكن يتحول لدكاترة الكوارع هذا السوال؟اما عن صورة المخيخ تعليق ابني "قال لي دي مصاصة " اي حلاوة حربة فى السودان يارباطابي باللة عليك ماتقول صـــــــورة مصاريين

[محمد محبوب]

بس المستغرب منو ليشنو الدكتور طوالي قال صداع نصفي بدون "ام ار اي" ولا فحص ولا اشئ

الله يصلح حال الدكاترة................................مش كدي يا ود الجكيكة بس أوعا تكون منهم.:D

اخي العزيز ابو محمد تحية طيبة وسلاما زاكيا

الصداع النصفي هو عبارة عن مجموعة أعراض بتكون مع بعضها و بتجي علي هيئة نوبات, الأعراض دي تشمل الصداع واضطرابات بصرية مع طمام بطن ودي نتيجة لتوسع الاوعية الدموية بالمخ , سبب التوسع ده شنو ؟ ما معروف , لكن الارجح انو ناتج عن حساسية, و من اشهر المواد اللي ممكن تتعب ناس الصداع النصفي الموز الشكلاطه البيبسي و الروائح النفاذة, العلاج بكون بالتوضيح للمريض بانو الصداع النصفي ده ما شيء خطير و ممكن الانسان يتعايش معاه و يكون مرتاح بعدين بوروهو الحاجات اللي مفروض يتجنب اكلها او التعرض ليها و ينصح بالاسترخاء في مكان هادئ و مظلم, و بعدين بوصفوا ليه ادوية لتضييق الاوعية الدموية و هذه الادوية هي (Ergotamines) زي الميجريل مثلا.

تشخيص الصداع النصفي أو الشقيقة (Migrine) بعتمد غالبا علي أخذ التاريخ المرضي المفصل بدون طرح اسئلة مباشرة للمريض فلو المريض وصف النوبة البتجيهو وصف نمطي فيمكن اعتماد التشخيص.

الصداع المزمن اللي ما بيكون متفق مع باقي اعراض الصداع النصفي و البكون قوي جدا اثناء ساعات الصباح و بكون مصحوب بقيء و أعراض ضعف بالعضلات والإحساس (أعراض القصور العصبي) ده يعتبر مؤشر خطير شوية و يستلزم اجراء رنين مغناطيسي (MRI) للمخ لاستبعاد وجود اي ورم او ارتفاع في الضغط داخل الدماغ.

اخي ابومحمد:

70% من التشخيص يعتمد علي التاريخ المرضي المفصل و اعطاء المريض فرصه لشرح اعراضه بدون مقاطعه, وبجي بعدين الفحص الاكلينيكي علي المريض وده بوضح التشخيص اكثر, في النهاية بكون الطبيب حسم التشخيص او علي الاقل رسي علي احتمالات بسيطة جدا فيلجاء حينها لاجراء تحليل او فحص معين لتأكيد التشخيص.

لك الود واتمني اني اوفيت

[محمد محبوب]

التحية يادكتور

حياك الله يا حبيبنا و تسلم يالاريل يا أصيل

[محمد محبوب]

اولا:ـــ نحن ناس قعاعد الكراسي جاب لينا الكرش اذا عندك وصفة الحقنا بيها ؟ واللة حول سوالى الي دكاترة الكمونيةـــ

بالنسبة للكرش (اخوك عندو وحده صغيره) الانسان مفروض يغير حاجات في نمط الاكل بتاعو, يعني لما ياكل ما ضروري يملاها شديد, ممكن الواحد ياكل كميات اقل و يزيد عدد المرات, الحاجة التانية العشا مفروض ما يكون متأخر, الواحد مفروض يتعشا بدري و يتحرك مش يتعشي متأخر وينوم طوالي, المشي مفيد جدا لتنزيل الكرشه, ممكن الانسان يتبع حمية غذائية بمعني يكتر من الالياف في الطعام يعني ياكل خضروات كتيرة و دهون ونشويات اقل, و الحركة بركة

[محمد محبوب]

اما عــــن العظام ياخوى الركبة اليمين دى عذبتنا ادونا الحبوب خربت البطن وبعض وصفاتة عدم استخدام الحمام البلدي ـــــ عدم طلوع السلالم المهم عدد لنا سبب ظهور الالام في الركبة ؟ لا تقول لي دة كبر ساكت واللة لسع شباب ممكن يتحول لدكاترة الكوارع هذا

بالنسبة لآلام المفاصل فاسبابها كتيرة جدا جدا, عموما السبب قد يكون ليه علاقة بالعمر زي ماقلت او الوزن و علي فكرة الام الركبة ما شرط انها تكون ناتجة عن مشكلة في الركبة ممكن يكون السبب في الفخذ او اسفل الظهر.

حارجع للموضوع ده بشيء من التفصيل, بس احب انبهك بعدم تناول المسكنات بشكل دائم اخد حبة بتاعة فولتارين لما خلاص تكون ما قادر تستحمل الالم (ملحوظة: الفولتارين ممنوع في حالات قرح والتهابات الجهاز الهضمي).

تحياتي

[أبو محمد]

70% من التشخيص يعتمد علي التاريخ المرضي المفصل و اعطاء المريض فرصه لشرح اعراضه بدون مقاطعه, وبجي بعدين الفحص الاكلينيكي علي المريض وده بوضح التشخيص اكثر, في النهاية بكون الطبيب حسم التشخيص او علي الاقل رسي علي احتمالات بسيطة جدا فيلجاء حينها لاجراء تحليل او فحص معين لتأكيد التشخيص.

لك الود واتمني اني اوفيت

كفيت ووفيت يادكتور


لكن الدكتور المشيت ليهو عجيب والله

اولا هو دكتور عام و متخصص في طب الطيران كما يقول

بعدين انا بدييهو طرف الحديت وهو يتمو من راسو كان غلط كا ن صح

و كتب دواء الصداع النصفي طوالي .......أنا فسرتها انو الدواء يكون كتير عندهن في الصيدلية

وخايفينو يبوظ..........ههههههههههه

[أبو محمد]

بالنسبة لآلام المفاصل فاسبابها كتيرة جدا جدا, عموما السبب قد يكون ليه علاقة بالعمر زي ماقلت او الوزن و علي فكرة الام الركبة ما شرط انها تكون ناتجة عن مشكلة في الركبة ممكن يكون السبب في الفخذ او اسفل الظهر.

حارجع للموضوع ده بشيء من التفصيل, بس احب انبهك بعدم تناول المسكنات بشكل دائم اخد حبة بتاعة فولتارين لما خلاص تكون ما قادر تستحمل الالم (ملحوظة: الفولتارين ممنوع في حالات قرح والتهابات الجهاز الهضمي).

تحياتي

يا ابلع ال Mobic الحبة ام 7.5 واكان قسمتها النص يكون أحسن ........ دي وصية صيدلي بالخبرة .

وأسأل الدكتور برضو

[محمد محبوب]

يا ابلع ال Mobic الحبة ام 7.5 واكان قسمتها النص يكون أحسن ........ دي وصية صيدلي بالخبرة .

وأسأل الدكتور برضو

موبيك من نفس فصيلة الفولتارين وهم الاتنين من مضادات الالتهاب الا استيرويدية, بس مهم جدا انو الزول ما تكون عندو قرحة او التهاب في القناة الهضمية.

حكاية انك تقسمها انو تاخدها كاملة انا حاديك قاعدة لاي دواء اتناول اقل جرعة فعالة من الدواء

[محمد محبوب]

كفيت ووفيت يادكتور


لكن الدكتور المشيت ليهو عجيب والله

اولا هو دكتور عام و متخصص في طب الطيران كما يقول

بعدين انا بدييهو طرف الحديت وهو يتمو من راسو كان غلط كا ن صح

و كتب دواء الصداع النصفي طوالي .......أنا فسرتها انو الدواء يكون كتير عندهن في الصيدلية

وخايفينو يبوظ..........ههههههههههه

انت عارف يا ابو محمد اساتذتنا علمونا حاجة مهمة قالوا لينا عشان تعالج المريض لازم تكسب ثقتو و عشان تكسب ثقتو لازم تستمع ليه كويس, اعمل حسابك دي اسرار مهنة هههههههههه

[الاريل]

التحية ياملك....ازيد يمكن تكون الم فى اسفل الظهرــــــكما ذكرت وهذة اشكو منه وبشدة يقول لي هي تمزق في الاربطةــــــــ هل الكرش بتسبب الم في الظهر.........افدنا جالك في تخصصك؟؟؟؟؟؟وشرح لنا كيف نتجنب اوجاع الظهر ةالارشادات؟؟؟

[حجر الظلت]

التحية ياملك....ازيد يمكن تكون الم فى اسفل الظهرــــــكما ذكرت وهذة اشكو منه وبشدة يقول لي هي تمزق في الاربطةــــــــ هل الكرش بتسبب الم في الظهر.........افدنا جالك في تخصصك؟؟؟؟؟؟وشرح لنا كيف نتجنب اوجاع الظهر ةالارشادات؟؟؟

الأريل سلام
يا زول إنت متين سيتلك كرش وباريت الضللة .....

حليل زمن المخازن والجري والمراوغة لامت سموك الأريل .. أتاريك بقيت طبق :):)

أطالب بسحب لقب الأريل :)

[الاريل]

اما عن الكرش واخلي الاكل دي مابنتفق كـــــــــــــل شـــــــى ولاافوت وجبة او وصــــــلة ؟؟؟؟؟؟؟؟؟ولاكن شغاليين سباحـــــــــة كل يوم لاكن بعــــــد العوم كل شـــــــيامامي بتنسف حلو ولا مــــــــــــــــــر وخاصة ام مصعب تخصص حلويات.......... مامخلية قناة ؟؟؟؟؟؟

[الاريل]

التحية باحجر بس زعلان من الدكتور محمدــــــــــــــــــ يقول لي خفف الاكلـ ...........انا رمضان لو في باب اقتراحات كان قلت اشطبوة..................؟

[محمد محبوب]

التحية ياملك....ازيد يمكن تكون الم فى اسفل الظهرــــــكما ذكرت وهذة اشكو منه وبشدة يقول لي هي تمزق في الاربطةــــــــ هل الكرش بتسبب الم في الظهر.........افدنا جالك في تخصصك؟؟؟؟؟؟وشرح لنا كيف نتجنب اوجاع الظهر ةالارشادات؟؟؟

بالنسبة لالام الظهر في منها انواع, في الم بكون اسفل الظهر و يحس باحد او كلا الطرفين السفليين لغاية الاصبع الاكبر او الاصبع الاصغر هذا الالم قد يشبه سريان التيار الكهربائي وده عادة بكون السبب انزلاق غضروفي ضاغط علي النخاع الشوكي او احد جذور الاعصاب, السبب التاني لالام اسفل الظهر هو التهاب بالمفصل العجزي الحرقفي (sacroilitis) و هنا الالم بكون موضعي في اسفل الظهر فقط, و سبب اخر هو التهاب المفاصل بين الفقرات و هنا الالم ايضا موضعي ما لم يؤدي هذا الالتهاب الي تاثيرات تضيق القناة الشوكية فحينها يحس الالم بالاطرف السفلية.

علاقة الكرش بالالم: نعم هناك علاقة لان البطن الكبيرة تجبر صاحبها علي ان ينفزر و الفزرة (hyperextension) تؤدي الي انزلاق غضروفي مع مرور الزمن.
سبب اخروهو الجلوس لفترات طويلة في اوضاع خاطئة: بالنسبة للبقعدو كتير مفروض يتاكدو انو الظهر بالكامل ملامس لظهرية الكرسي وما يقعدو متنيين.
اسباب اخري هي الشد العضلي و التمزقات .

حانزل ليك صور جميلة للحاجات دي

[محمد محبوب]

افدنا جالك في تخصصك؟؟؟؟؟؟؟؟؟

انت عارف يا الاريل سبحان الله, انا غرامي في الطب ده كلو مع العمود الفقري بس هههههههههه

[محمد محبوب]

حانزل بعض الصور لحالات مرضية تسبب الم اسفل الظهر


طيب ده الوضع الطبيعي للعمود الفقري,وكل لون بحدد منطقة من مناطق العمود الفقري وهي بالترتيب من فوق لتحت العنقية 7, الظهرية 12, القطنية 5, العجزية 5 والعصعص 1.

http://www.darg3l.com/uploaded/1607_1216554555.png


دي صورة من فوق لجسم الفقرة والدائرة الحمراء دي هي القناة الشوكية اللي بيمر فيها النخاع الشوكي

http://www.darg3l.com/uploaded/1607_1216554712.gif

ودي نفس الصورة الفوق مع تضيق بالقناة الشوكية

http://www.darg3l.com/uploaded/1607_1216555235.jpg

دي صورة لانزلاق غضروفي الجزء البنفسجي ده هو الغضروف (لا حظ الضغط علي النخاع الشوكي)

http://www.darg3l.com/uploaded/1607_1216554815.jpg


دي صورة لغضروف طبيعي و غضروف منزلق (لاحظ تضيق القناة الشوكية و الضغط علي النخاع الشوكي)

http://www.darg3l.com/uploaded/1607_1216554978.jpg


اتمني انها تكون مفيدة

[محمد محبوب]

بالنسبة للوقاية:

1- انقاص الوزن (الوزن المثالي بشكل تقريبي = الطول بالسنتمتر - 100).
2- ممارسة الرياضة.
3- للذين يعانون من الم بالظهر فينصح بعدم الوقوف لفترات طويلة, كما ينصح بتجنب الأعمال الشاقة, ينصح أيضا باجراء علاج طبيعي و تناول المسكنات ولكن بحذر.
4- استشر طبيبك اولا بأول بخصوص أي الام في الظهر.
اتمني للجميع دوام الصحة والعافية

[الاريل]

صــــــراحة يا محمـــــــد كفيت ووفيت اشكرك على هــــــذا الشـــــــرح.......وسجلت اسمي الدواء والتحية لابومحمد الصيدلاني بالخبرة علىالوصفة ....وعندى ســـــــــوال ؟؟؟؟؟؟؟؟برسلة لك ؟؟؟؟؟؟

[محمد محبوب]

صــــــراحة يا محمـــــــد كفيت ووفيت اشكرك على هــــــذا الشـــــــرح.......وسجلت اسمي الدواء والتحية لابومحمد الصيدلاني بالخبرة علىالوصفة ....وعندى ســـــــــوال ؟؟؟؟؟؟؟؟برسلة لك ؟؟؟؟؟؟

لو قصدك الدواء بتاع الصداع النصفي فما تاخدو.

لو الفولتارين ممكن بس ما تنسي القرحة, واخوك تحت امرك في اي سؤال

[محمد محبوب]

لي عودة لموضوع الام الركب و المفاصل قريبا ان شاء الله

[محمد محبوب]

الام المفاصل:

يتركب المفصل من: عظم, غضروف, كبسولة حول المفصل, سائل المفصل, الاربطة والاوتار حول المفصل.

اصابة او التهاب اي من هذه التراكيب قد يؤدي الي الم.

هناك اسباب اخري لالام المفاصل غير الاسباب الموضعية ومنها:
1- الامراض الجهازية: مثل الملاريا و الحمي المالطية...... الخ
2-الام من العمود الفقري, كالغضروف و غيره وعادة يكون الالم في الطرف بالكامل وليس في المفصل علي وجه الخصوص.

اشهر اسباب الام المفاصل هي التعظم المفصلي (osteoarthrosis) و عادة ما يحدث عند كبار السن ذوي الاوزان الزائدة نسبيا.

[محمد محبوب]

الصورة يسار لمفصل طبيعي و اليمين لمفصل مصاب بالتعظم المفصلي

http://www.darg3l.com/uploaded/1607_1216843022.jpg


عادة يبدا العلاج الطبي بالمسكنات وتخفيف الوزن و اذا لم يستجب المريض للعلاج تجري عملية تغيير نصفي او كلي للمفصل.

[العاصفه]

سلام يا دكتور عندى حمه ممكن علاج

[محمد محبوب]

دي صور لتغيير المفاصل (arthroplasty or joint replacement)


http://www.darg3l.com/uploaded/1607_1216843323.jpg


http://www.darg3l.com/uploaded/1607_1216843385.jpg

[محمد محبوب]

سلام يا دكتور عندى حمه ممكن علاج

السبب شنو؟

الحمي عرض و ليست مرض, بمعني انو مجموعة كبيرة جدا من الامراض ممكن تسبب حمي, لو عولجت هذه الامراض الحمي حتزول.

و لكن لتخفيض الحرارة يمكن استعمال مكمدات باردة (مش باردة شديد) توضع علي الجبهة او الابطين, كما يمكن استعمال ادوية مثل البانادول.

بالنسبة للاسبرين (الاسبرو) يمنع منعا قطعيا اعطائه للاطفال دون سن 12 سنة والمصابين بالحمي لانه يسبب ما يعرف بتناذر راي (Ray's syndrome) و الذي يؤدي الي اعتلال دماغي خطير.

و شكرا

[العاصفه]

والله ياخى انا حمتى مة زعل منكم بس

[محمد محبوب]

والله ياخى انا حمتى مة زعل منكم بس

العفو يالعزيز مالك؟

[محمد محبوب]

**

[محمد محبوب]

معليش عاوز ارفع الموضوع بس

[خالد سليمان]

يا دكتورناااااا و الله مشتاقين كتير...كيف احوالك؟ عساك بخير
تحياتي

[محمد محبوب]

و الله نحن أكتر يا خالد,,,,

وين الغيبة دي كلها؟؟؟؟ عرست و لا شنو؟

[خالد سليمان]

و الله نحن أكتر يا خالد,,,,

وين الغيبة دي كلها؟؟؟؟ عرست و لا شنو؟

سلالالالالالام..للأسف ما عرست لكنة المشاغل كتيرة ..مبروك منصب المودريتر و مبروك التصميم الجديد
:eh_s(9):