مســـــــاجينك .. محجوب شريف

[حجر الظلت]

مســـــــاجينك

مساجينك

مساجينك

مساجينك

تغرد في زنازينك

عصافيراً مجرّحه بى سكاكينك

*

نغنى..

ونحن فى أسرك

وترجف..

وانت فى قصرك

!سماواتك دخاخينك

مساجينك

مساجينك

مساجينك

*

برغمك نحن مازلنا

بنكبر بى زلازلنا

بنعشق فى سلاسلنا

وبنسخر..

!من زنازينك

مساجينك

مساجينك

مساجينك

*

حكايات الهوى الأول..

بنحكيها

بدايات الغُنا الطول.. نغنيها

حقيقه وليس تتأول

!حتخجل من عناوينك

مساجينك

مساجينك

مساجينك

*

للسودان عواطفنا

وبالسودان مواقفنا

ولّما تهب عواصفنا

ما حيله قوانيك؟

مساجينك

مساجينك

[محمد عبد المنعم عمر]

يا بهلوي أمسك
يا بهلوي أمسك قوي

أوعك تقع

نكل بمن لا يرعوي

وأرخي السمع

أخد الحذر ثم الحذر من كل شئ

ضلك تحدق فى النظر ما تختشي

لو كشكشت صفقة شجر

روح وانزوي

خلي المشي

يمكن خطر

يا بهلوي

واطلق رصاص على كل شئ

على كل نسمة تمر وما تأخذ إذن

على كلمة بدون جواز

علم عصافير البلد تكتب تقارير الجهاز

علم شبابيك المدن علم فوانيس القرى

وكل عيدان الذرة

خلي النمل يدخل صفوف المخبرين

خلى الرذاذ يكتب تقارير الجهاز

أحسن تعبي الشعب أغلبه فى قزاز

ركز بشدة على الجياع

ركز لو تستطيع أو حتى قدر المستطاع

أخسف بكل الكادحين سابع أرض

أرجم رجم

صادر من الليل النجم

صادر من البحر الجذر

أشطب ولا تقبل عذر

وش الصباح

قصقص جناحين الرياح

جمد شرايين الحياة

وأنفي الأمل

الفى اكتشاف النار

وتقسيم العمل

المحتمل تلقى الملاذ
يا بهلوي

[سكرالسكريه]

كلام جميل

[احمد حسن]

مساجينك : الشاعر الفذ محمود شريف شاعر فحل وكلماته مميزة تجري مجرى الدم وليس غريب علينا اداءة الجميل فهو صاحب الكلمات الجميلة والخيال البعيد والحس المرهف

وله ولكل قراءة اجمل التمنيات

[الجبلابي]

الله الله
ياسلام علييكم ياشباب
والله يطي الشاعر الوطن الصحة والعافية
كم قدم ومتنازل عن حقوق المهمشين
تسلمو