نحن أهل الكرم شبعنا الجيعان .. في يوم القدم مين الزينا

[حجر الظلت]

http://www.albawga.com/turath/darg3l/Geigam/meen_alzayna.mp3

التحميل من هنا (http://www.albawga.com/turath/darg3l/Geigam/meen_alzayna.mp3 )

[طارق اللبيب]

دا الكلام تسلم يا العشا

[حجر الظلت]

شكرا يا لبيب على المرور وهاك النص الكامل

فتش في الدول عربان والعجم
بيقابلوا الغريب بي كشرة وسجم
وحالف باليمين شايل لي قسم
يا الأزرق نديدك في الكون إتعدم
وين الزينا
نحن أهل الكرم شبعنا الجيعان
في يوم القدم مين الزينا

سودانية سود عاليين الهمم
نصطاد السمين ما بناكل الرمم
لابسين العفاف والوقار عمم
طاهرين القلوب صافيين الزمم

مافينا الجبنان من ضيفو إحتمى
ما فينا البخيل اللي الطعام حمى
يوم ربط العجاج والدواس حمى
ستارين عروض حامين الحمى

نحن أهل المكارم وأسياد معدنا
تاريخ الجدود يثبت مجدنا
بوصيك يا لبيب أقصد ودنا
في الغنى والفقر ثابت عهدنا

نحن الفي الكرم زنادنا إتقدح
بنسد الضعيف في البكى والفرح
وإن جيت يا غريب تلقى الباب فتح
الفقران يجيك مزموم بي قدح

نحن أهل الكرم شبعنا الجيعان
----------------------

[الزيدابي]

عوافي عليك يا حجر الزلط والله انك ود رجال

[حجر الظلت]

عوافي عليك يا حجر الزلط والله انك ود رجال

الزيدابي
ده من كرم أصلك

تسلم

[محمد محبوب]

تسلمو علي الكلام السمح ده

[حجر الظلت]

ود محبوب

شكرا على المرور يا راقي