دار جعل . .عز القبايل.. النحاس والنقارة ومكارم الأخلاق !!

[حجر الظلت]

من دار جعل سلام ...


أشعار ومربعات تحكي عزة ومكانة ورفعة هذه القبيلة المتفردة ..

دار جعل بلد الفرسان والخيول والشجاعة ومكارم الأخلاق

دار جعل ركازة القبايل في السنين السودة

دار جعل بلد المك نمر وأحفاده الأسود
----------
نمراً يركب الكيك البطل اتحرن
نمراً يقلب العوق اب صفوفن جرن
خلوات صدرة فى علوم الحروب كم قرن
سيفو بينسف الدرع الحديد مقرن

مو نمر الشجر حاضن فروعو مقيل
دا النمر البضاير الصف محل ما يميل
كل ما اقول شكر القاه فيه قليٌل
كفو بيخجل العينه السحابه منيل

[حجر الظلت]

قال العبادي يصف تجمع الجعليين بعد دق النحاس :


عقبان ما فضل جعلي القبيلة انساقت
خيول وسيوف كتارا شندي بيهن ضاقت
يمين وشمال تقول ضل السحابة الساقت
رجالا يعجبوك كان الوجوه إتلاقت

[حجر الظلت]

وقال الشاعر حسن خلف الله



نحن أولاد جعل أهل المُلك بالأولى
ونحن ملكنا معلوم خايلة فيه الصولة
ونحن فارسنا بتختشيه الدولة
ونحن الصاقعة كل الناس تقول لا حولَ
نحن أهل السواقى البكُر واسوقها
نهدى الصافنات للضيف ركوب ويسوقها
إن ضرب النحاس إحنا بنشلع عوقها
القيمان نلاقيها والوفها نسوقها
نحن الما بسمونا العريب وكلاته
ونحن على ضهور الصافنات صلاته
طيعناها من دار برقو لى فلاتة
إحنا بندخل الألف إن بقينا تلاتة

[حجر الظلت]

يلا يا أولاد جعل أطربونا وأشجونا

[حجر الظلت]

أخوان البنات الروح بسوموها

http://www.albawga.com/turath/darg3l/3zal_monw3/akhwan_albanat.mp3

[محمد محبوب]

يا حجر الزلط انقل الشعر الجميل ده للبوست بتاع المربعات

[حجر الظلت]

جاري النقل