حجر الظلت
13-08-2005, 11:36 AM
الشاعر المدني الكردوسي
من أبناء قبيلة البوادرة ، وهم أبناء عم الشكرية ، وكان يسكن في قرية الكراديس ، إحدى قرى ضواحي مدينة القضارف وهو صديق للشاعر أحمد عوض الكريم أبوسن ، وقد جاراه في الكثير من أشعاره .
والشاعر المدني من مواليد 1910م وتوفي في الستينات ولا نعلم تاريخ وفاته على وجه الدقة. وقد كان الشاعر يعشق في أواخر أيامه إحدى حسناوات مدينة القضارف وقد بلغ عشقه لها درجة شغلته عن عمله ، فكان دائما ما يحوم حول ديارها ويتغنى بجمالها . ونورد له هنا قصته في "محكمة الغرام" فقد صورها تصويرا مدهشا يدل على عمق الرؤية الشعرية والخيال العريض والتداعي والإسهاب في الوصف والتصوير الراقي . ويتميز شعر المدني الكدوسي بسهولة الألفاظ ووضوح المعنى .
ويقول في قصيدته " محكمة الغرام" :
طالبني الغرام رسل لي خمسة عساكر
وأنا عامل جنايات والعقل مو فاكر
بعد ودوني قابلتو القبيح الماكر
قال ختوه يرقد في السجن لا باكر
*****
بعد الصبح أصبح والسجن فتحوه
والمكتب عمر قالوا الأسير جيبوه
قال ليهم الولد ياتو هــــو ؟
قالوا عشوق خدود اللينة ماعرفتوه؟
*****
قالوا ها بالحيل بنعرف الغرام شاويهو
ومن فضلك تسامحو وغايتو لا تقاويهو
الماسكو الهوى العذري نازل فيهو
في حكم الشرع لا يكون جناية عليهو
*****
اتنفش الغرام برنيطو شالها نفاها
ضرب الكوبيا لا من سرحا وشقاها
إتناول قلم غيرها وكتابتو محاها
قال أمسكتو خمسين جلده إتنين نجمة غايتو معاها
*****
بعدما فاق بقول ودوه للباشكاتب
يمكن يلقى أورنيكو ويزيدلو الراتب
وجد عندو جمهور ناس فلانة مراتب
قال ليهو كون جالس لا تخاطب
*****
أخد ساعتين مصنقر فوق جمر قلاية
لا سمع رد جواب لا جاتني راجعة حكاية
فتش أوراقي أبد ما وجد لي خطايا
قال ودوهو للنائب غلبت براية
*****
يا خلاي بعد ما جيت وصلت النايب
قال أووك يا سلام أورنيكو فيهو نصايب
دا أصلو حرامي كان مسحب وغايب
ودوه للمامور براه الشايـــــب
*****
المامور بعدما جيت وقف قابلتو
شخص أبصاروا وعاين لي مسك في شغلتو
قال للعسكر التابعني كيف عملتو
ده ودوه للمستر يشوف مسألتو
*****
المستر بعدما جيت وقف قدامـو
عاين لي نص ساعة وطلب ترجامو
ترجاميهو ترجملو وعدل لو كلامو
قال ودوه لي مولاه قاضي إسلامو
*****
قاضي المحكمة الشرعية جيت عن بابو
مقدار ثانية فورا رد لي جوابو
قال لي معاك ما أحوال الغرام وأسبابو؟
قت لو القصة من زولا حرير قربابو
*****
القاضي إتمحن والمفتي برضو معاهو
قال ودو لي حكيم الصحة يكشف داهو
يمكن تكون مسألتو هينة والدوا بيلقاهو
ما يدروه حسرور المزرقن فاهو
*****
قم من حيني قاصد لي حكيم الصحة
امشي عليهو أردف كل مرة الوحة
قت لي سيبني ما عندك دوايا صح
أنا طبي .. ( ليم القرنهن ما شح )..
*****
سبتو براهو في اودتو ومرق خليتو
والحسس العلي جوه الضلع دسيتو
كل ما يهف لي عجلول الترى الفي قيدتو
ما لدواي طب أكان ما صديهن جسيتو
*****
يا خلاي خلاص هذا الحديث إنتم
والنوم فر والعينان دموعهن جم
مريودة أمها السولها السوار والكم
تجمع شملنا وبعد الفراق نتلم.
من أبناء قبيلة البوادرة ، وهم أبناء عم الشكرية ، وكان يسكن في قرية الكراديس ، إحدى قرى ضواحي مدينة القضارف وهو صديق للشاعر أحمد عوض الكريم أبوسن ، وقد جاراه في الكثير من أشعاره .
والشاعر المدني من مواليد 1910م وتوفي في الستينات ولا نعلم تاريخ وفاته على وجه الدقة. وقد كان الشاعر يعشق في أواخر أيامه إحدى حسناوات مدينة القضارف وقد بلغ عشقه لها درجة شغلته عن عمله ، فكان دائما ما يحوم حول ديارها ويتغنى بجمالها . ونورد له هنا قصته في "محكمة الغرام" فقد صورها تصويرا مدهشا يدل على عمق الرؤية الشعرية والخيال العريض والتداعي والإسهاب في الوصف والتصوير الراقي . ويتميز شعر المدني الكدوسي بسهولة الألفاظ ووضوح المعنى .
ويقول في قصيدته " محكمة الغرام" :
طالبني الغرام رسل لي خمسة عساكر
وأنا عامل جنايات والعقل مو فاكر
بعد ودوني قابلتو القبيح الماكر
قال ختوه يرقد في السجن لا باكر
*****
بعد الصبح أصبح والسجن فتحوه
والمكتب عمر قالوا الأسير جيبوه
قال ليهم الولد ياتو هــــو ؟
قالوا عشوق خدود اللينة ماعرفتوه؟
*****
قالوا ها بالحيل بنعرف الغرام شاويهو
ومن فضلك تسامحو وغايتو لا تقاويهو
الماسكو الهوى العذري نازل فيهو
في حكم الشرع لا يكون جناية عليهو
*****
اتنفش الغرام برنيطو شالها نفاها
ضرب الكوبيا لا من سرحا وشقاها
إتناول قلم غيرها وكتابتو محاها
قال أمسكتو خمسين جلده إتنين نجمة غايتو معاها
*****
بعدما فاق بقول ودوه للباشكاتب
يمكن يلقى أورنيكو ويزيدلو الراتب
وجد عندو جمهور ناس فلانة مراتب
قال ليهو كون جالس لا تخاطب
*****
أخد ساعتين مصنقر فوق جمر قلاية
لا سمع رد جواب لا جاتني راجعة حكاية
فتش أوراقي أبد ما وجد لي خطايا
قال ودوهو للنائب غلبت براية
*****
يا خلاي بعد ما جيت وصلت النايب
قال أووك يا سلام أورنيكو فيهو نصايب
دا أصلو حرامي كان مسحب وغايب
ودوه للمامور براه الشايـــــب
*****
المامور بعدما جيت وقف قابلتو
شخص أبصاروا وعاين لي مسك في شغلتو
قال للعسكر التابعني كيف عملتو
ده ودوه للمستر يشوف مسألتو
*****
المستر بعدما جيت وقف قدامـو
عاين لي نص ساعة وطلب ترجامو
ترجاميهو ترجملو وعدل لو كلامو
قال ودوه لي مولاه قاضي إسلامو
*****
قاضي المحكمة الشرعية جيت عن بابو
مقدار ثانية فورا رد لي جوابو
قال لي معاك ما أحوال الغرام وأسبابو؟
قت لو القصة من زولا حرير قربابو
*****
القاضي إتمحن والمفتي برضو معاهو
قال ودو لي حكيم الصحة يكشف داهو
يمكن تكون مسألتو هينة والدوا بيلقاهو
ما يدروه حسرور المزرقن فاهو
*****
قم من حيني قاصد لي حكيم الصحة
امشي عليهو أردف كل مرة الوحة
قت لي سيبني ما عندك دوايا صح
أنا طبي .. ( ليم القرنهن ما شح )..
*****
سبتو براهو في اودتو ومرق خليتو
والحسس العلي جوه الضلع دسيتو
كل ما يهف لي عجلول الترى الفي قيدتو
ما لدواي طب أكان ما صديهن جسيتو
*****
يا خلاي خلاص هذا الحديث إنتم
والنوم فر والعينان دموعهن جم
مريودة أمها السولها السوار والكم
تجمع شملنا وبعد الفراق نتلم.