اخطار بالجلسة الاخيرة

[مهيرة الوطن المتألق]

اخطار بالجلسة الأخيرة
*******

بالامس كنا سيرةً عبقت
بارصفة الدروب
وتنسم العشاق عطر اريجها وتبسمت
من طيبها كل القلوب
ابداً انا ما كنت اعلم ان لقيانا استحالت
لما غدونا عصارة العطر
المضمخ بالطيوب
اوآب أرتادُ محاريب الهوى فلعلنى
القاك يوماً إذ تؤوب
لا تحسب السنوات تقصينى
ولا ناءت بدنياى الخطوب
وحدى انا أرنو اليك فكلما بعدت
علي دربي خطاك استميحه أن يضيق
وحدى انا ادركت سر تغلغلك
فيشب في قلبي الحريق
وحيناً تضج قوافىالابيات في خلدى
فيلسعنى البريق
وألوذ منك اليك يا نزف الحريق
ابدا انا ظلاً يقيك الحر
ويهديك الطريق
وبصدرى تغفو فتزهر
بوارق الأمل الوريق
تتحايل الأشواق تؤجج مهجتى
أن أستفيق
وتهدهد الروح فتسرى في دمى
إنى افيق ولا تفيق
يا ايها الطفل المشاكس دغدغت
احشائى وجئتنى وهجاً
تدفق كل ما فيه بريق
يأيها الثر العريق
غربتى تجثو اليك ضراعةً
فلا تكلنى لغربتى انى غريق
حزمت أمتعة الرحيل فما تبينت الطريق
ايها الصب الرفيق
انى اطيق ولا اطيق
أن انظم الكلم الرقيق
بسبائك الدفء المنمق
بردةً من حر أنفاسى تقيكً
وعقدتُ عزمى
بعهد أيامى الوثيق
انى هويتك رغم رغمى
ورغم رغم
نزيف ايامى واوجاع الحريق
اما تكن قارورة للعطر تندلق
فأغفو ولا أفيق
او لا تكن حدثاً بعمرى
دونما قدراً يليق
لا عذر اوجده غداً اذ ما تفتقت الورود
وابيت ان تبقى الرحيق

[الصفر البارد]

يا بت انتي شايقية ولا شنو

مالو كلامك سمح شديد كده لازم يكون فيك عرق شايقية والا ما اظن الكلام السمح دا يطلع من زول غير شايقي بسهولة



الصفر البارد

[الزعيم]

والله إنت عنصري بي شكل يا الصفر :P
يا خي مهيرة الوطن المتألق دي جعلية مية المية
ولو ما جعلية أكيد أكيد حلفاوية لأنو الكلام السمح حق ديلا بس أحم أحم أحممممممم 8)

[مهيرة الوطن المتألق]

أخوانى الرائعون د . جلال والزعيم
لفك ه>ا التلابس اوضح حقيقة تاريخية تجعلنى أشبه ما أكون الي شخصية سودانية تشكلت بكل مضامين المرأة الحدث التى أرخ لها تاريخنا العريق
تزامن نضال إثنتين من نساء السودان في شعر المقاومة فكانت من قبيلة الشايقية مهيرة بت المك نمر - يا الباشا الغشيم قول لي جدادك كر- وبنونة بت المك نمرى في معقل الجعليين بشندى حين رثت أخاها ال>ي كانت تتمنى أن يموت في ساحة الوغى والنضال حين قالت 0 مادايرالك الميته ام تراباً شح - وللحقيقة نحن جيل الخمسينا من تأثر بالمدرستين في الادب النضالي عند المرأة السودانية تأثرنا بمهيرة ورسخت في افكارنا كاعظم ما يكون الثبوت ومن خلالها عشقنا قبيلة الشايقية وكل ما هو شايقي فأحدثت المراة مهيرة في دواخلنا رسوخا وقناعةً بأن الشعر من أنجع الوسائل التى مارستها المرأة في ساحات القتال التحية لكل نساء الشايقية عبر المنتدى أما بنونة بت المك نمر تلك الشاعرة الرثائية فقد أثرت الفكرالنسائي بملاحمها النضالية وهى تمجد قبيلتها ووالدها البطل المك نمر انا من قبيلة الجعليين من المتمة وحوش بانقا الااننى عصارة نضال ورثته عن مهيرة وبنونه ورابحة الكنانية وكلكم تعرفون فإمتزجت كل الصور النضالية لتكون الخطاب الشعرى لدى نجاة الياس اشكركم لعبوركم وليتأكد الجميع باننى أحمل بداخلي كل مصنفات القبائل السودانية ويظهر >لك في كثير من قصائدى وساهديكم واحة بعنوان نحنا انتظرونى