مهيرة الوطن المتألق
04-08-2005, 12:57 PM
بكائيتى وحدى
الي روح علاء الدين مصطفي الطاهر
ابن شقيقتى سعاد حسن الياس
نظمت هذه البكائية علي روح علاء الدين مصطفي الطاهر بدوى ووالدة علاء هى سعاد حسن الياس ابنة عمى الشقيق لوالدى وشقيقة زوجى عمر حسن الياس ، كان علاء قد وصل الي الجماهيرية برفقة اسرة خاله محجوب حسن الياس عن طريق حلفا اسوان عبورا ببلاد النوبة الي اسكندرية حيث دخلوا الي مدينة بنغازي ومكث علء معنا ثم عاد الي السودان وتزوج نهى ابنة عمته وعاد الي بنغاززي ومكث فيها اربعة سنوات انجب خلالها ابنته مثانى وابنه موسي وابنته ملاذ , وبدون سابق انذار قر علاؤ مغادرة بنغازي للعمل في بنى جواد ولما كان مستأجراً احد الشقق طلب منه خاله عمر وهو زوجي أن يخلي الشقة الشهرين القادمين ويمكث معنا لحين التأهب لمغادرة بنغازي وفعلاً اقام علاء برفقة زوجته نهى وبناته الاثنين وابنه موسى معنا لمدة شهرين بعدها غادرا بنغازي في يوم 14/5/2000 م الي مدينة بنى جواد حيث تحصل علي عمل افضل مما كان ببنغازي .. ومرت الظروف وانشغل كل منا في غربته وكفاحه مع ابنائه فأنجب هنالك ملاك ومشتهى . وفي ظهر احد اليام وصلنا من يبلغنا بان علاء قد أجرى عملية جراحية لنزع كيس دهنى من جبينه ولم يحتمل البنج فتوفي في لحظتها وسيحضر الجثمان اليوم الي بنغازي للمشرحة وكانت فاجعة وقعت علينا كوقوع الصاعقة ووصل جثمان علاء المسجى بالصندوق وأدخل الثلاجة بالمستشفي لمدة ثلاثة ايم ثم قام أخواله محجوب وعمر ومحمد وابناءهم وهم رفاق عمر المرحوم وهم عز الدين الملقب بعزو وعصام الدين واحمد ابنى وبقية اخوانه الا ان هؤلاء كانوا مع الجثمان منذ دخوله الثلاجة وحتى توارى الثرى يرافقهم خيلانه عمر ومحجوب ومحمد ورحل علاء كأنه لم يكن وكانت مرثيتى هذه :
****
جانى الخبر1 قالولى مات
وجنازتو توصل في الصباح
تبيت تقول قايدانى نار
واتبكمت لغة الصياح
ما تقولى مات !! رحماك ما تقولي مات
قوليا جاييكى الدغش
شاديهو ليك شوق البعاد
جاييك يكمل ما انقطع
من ونسه فات فيها الفوات
قوليا بمزح أوكِضب
لملمنى من عمرى الضِهِب
أصفعنى علنى أفتكر
واستوعب العامر خِرِب
ما مات علاء !!!واعدنى يوم سافر مشى
انو المحال مهما اغترب
يرحل يسافر دون وداع
أو حتى ما يجيبو الدرب
آآآآآآخ يا علاء
رغم العزاء انتابنى احساس بي لقاك
في اى مكان
سافرته ليك بعد فراق وفجوة سنين رغم الحنان
وفجيت زحام الانشغال
شان القي فيك روحى الزمان
ضهبت تفتش عن وشيشاً
مرسومه فيه غرة صلاة2
ومرقرقه موية الوضو ء بين الحواجب
زى تقول عايزانى أملى عيونى زين من لمحتك
قبال يفوت منى الآوان
ومرقته3 شان طلة لقاك
بترجع الضهبان سنين
وشربته بُقه علي العطش قُت تنبلع
نزلت علي حلقي التقول حرقة جمر
وكشحت مويتى علي الرهاب في شان أمُر
جاياك وعشمانه في ضراك
وجاياك وعارفه انى بجرى وراء سراب
جاياك يالعبد التقي
جاياك يالقلب النقي
جاياك انا بالرغم من أنك وراى4
جسدك ممد في حداى
يا وجعة العمر الصبي
ما انسده نفاج حزنى الا وانفتح
وعاود رجع
وقَدّ مجامرو في حشاى
ونفخ علي كير الوجع
انا شن بكفينى بى وراك
واى نوع من الحزن من الحريق
ما بسد بُكاك
من عبرة الحلق المحنظلة في رجاك
ما كان عشم ده يكون لقاك
ما كان وعد بيناتنا إنك يوم تجى
ترجع ممد في صنيديق من خشب
عائد براك
أنا كنته راجياك يوم تجى
يرجع معاك صاحب العصا5
الداخراه عصاك
انا كنته راجياك يوم تجى
ترجع ملاذ6
وفي كتفك التانى العريض شايل بنياتى العزاز
انا كنت راجياك يوم تجى
شايل ملاك7
ما كنته قايلاك بتجى راجع براك
من غير نهى8 أو منتهى9
أنا كنت راجياك
لكن رجاى فلخ الكبد
وعرفته كيف حرق الحشا
وكيف الحشا فتح علي
ضلفة جحيم ما بتنهمد
يا زولي يا بعد الأسى
وغربة اسف وحسرة بعاد
يا زولي يا حُرقة سعاد10
يا وشحة الجرح الممد بالسواد
في عيون نجاة11
يا زولي بدرى عليك تفوت
ونادية12 ذابله عليك تفتش في البيوت
راجياك مها13
تمسح دميعات امها
وتشيل صعابها وهمها
ونحن لسه مصنقرين
فاتحين خشومنا متمحنين
كيفن وليه ؟
ثكلنا ما أجدى الثكيل
وجسمك هناك ممدود وراقد
زى تقول نايم قبيل
ما عزو14 قال وغلبو الدمع
كبر الفجع
أحمد15 نزف من الوجع
وعصام16 دميعات حسرتو اتقطرن
تبتب عليك وبقولها ليك
انا بي هنا
مذهول بكى زى التقول بستحلفك
تفتح عويناتك تشوفو برفقتك
اخوانك الكانوك قبيل17
رفقة درب ورقصة قلب
وقطر الرحيل18
من حلفا لي اسوان وحلة نوبتها
وسمح المقيل
هبوش19 مخلد ذكرتها
وأسف الفراق من غير وداع
أمراً تقيل
قبلته سبتنا فتهم
يا عليوه20 ما كان زى قبيل
ما بدرى يا عليوه الفراق
ما بدرى يا وجعى الطويل
ما بدرى يا عشماً فتر من الرجا
ولملم رحل قبل المقيل
يا ود متين ؟ ؟
يا اللسه في عيون خيتك
بتتاتى زى كلمة حليل
يا ود متين .؟ والله بدرى عليك تفوت
يا ود متين واستغفر الله عليك تموت
الضحكة زى ما سبتها
صوت رنتها بجلجل هناك
وانا كنته راجياك يوم تجى
افتفت معاك
ما كنت أجمل لحظة
في غربة العمر المرير
كته لي ولادى الرجا والمرتجى
وسنداً كبير
موته في عيونهم حُجا
الحزن في قلوبهم سجا
يا ود متين ينسوك كيف ؟؟؟
طعنة سنه من غمد سيف21
جددتها وكب النزيف
أبكيك كيف ؟؟؟
وفي كل عيون الناس بشوف
مرسوم هواك
أبكيك كيف ؟؟ قمحان قليب ما إحتواك
سجمان رفيق لسه في رجاك
صمة خشم أمك وأبوك
وما زال صداك
حبوبه22 جات
ولسه بترن ضحكة مثانى تشابي لي
حبوبه برقد في حداك
آآآآآآآآ ه يا علاء
والله مامته براك
موته حبوبه في رجاك
آآآآآآآخ يا علاء
اتشتت العقد اللي كان
منضوم بدقة وانتظام
آآآآآآآآآخ يا علاء اتفرزعت في خاطرى قافية الكلام
آآآآآآآآآآخ يا علاء
1. اتانى بالخبر زوجى خال المرحوم .2 كان المرحوم تقيا ورعا زاهدا في الدنيا .3. بعد مواراة الجثمان سافرنا الي لقاء زوجته بمدينة بنى جواد.4. المقصود بي وراى ان الثلاجة التى رقد فيها الجثمان خلف منزلي مباشرة 5. صاحب العصاء ارمز بها الي ابنه الذي اسماه موسى 6.7.8.9 ملاك ومثانى وملاذ ومنتهى بناته ونهى زوجته .10.سعاد والته .11.12. نجاة ونادية شقيقاته .13.مها طبيبة صيدلانية وهى ابنة شقيقته نادية طلبت منى عند تواجدى بالسودان ان اطلب من علاء ان يساهم معها في مشوار تعليمها الا انه مات قبل ان يحقق لها حلمها .14.عزو هو عز الدين ابن خاله ورفيق صباه وشبابه لم يفترقا الا بعد سفر المرحوم وقد كان عزو برفقة الجثمان حتى لحظاته الاخيرة .15. احمد ابنى اى ابن خال المرحوم وكان ايضا برفقة الجثمان 16. عصام اخ عز الدين ورفيق المرحوم بمعنى هم ابناء خاله .17. مقصود رحلة حلفا 18 . قطر حلفا الذي اقلهم من الخرطوم لحلفا .19. هبوش اسم حركى اطلقه عليه ابناء خاله اثناء دخولهم ليبيا عن طريق حلفا مصر السلوم البرى الي بنغازي وكناية عن الحركة وخفة الظل .20 عليوه هو علاء. 21. بعد سنة منوفاة شقيقي الوحيد وفي نفس اليوم 19/4 توفي علاء وفي نفس يوم مواراة جثمان اخى توارى جسد علاء .22. كان ابناء علاء يطلقون عليا اسم حبوبه لاننى خالة والدهم وكانوا يمثلون لي جزءاً من نبضاتى لايمكن نسيانه .
الي روح علاء الدين مصطفي الطاهر
ابن شقيقتى سعاد حسن الياس
نظمت هذه البكائية علي روح علاء الدين مصطفي الطاهر بدوى ووالدة علاء هى سعاد حسن الياس ابنة عمى الشقيق لوالدى وشقيقة زوجى عمر حسن الياس ، كان علاء قد وصل الي الجماهيرية برفقة اسرة خاله محجوب حسن الياس عن طريق حلفا اسوان عبورا ببلاد النوبة الي اسكندرية حيث دخلوا الي مدينة بنغازي ومكث علء معنا ثم عاد الي السودان وتزوج نهى ابنة عمته وعاد الي بنغاززي ومكث فيها اربعة سنوات انجب خلالها ابنته مثانى وابنه موسي وابنته ملاذ , وبدون سابق انذار قر علاؤ مغادرة بنغازي للعمل في بنى جواد ولما كان مستأجراً احد الشقق طلب منه خاله عمر وهو زوجي أن يخلي الشقة الشهرين القادمين ويمكث معنا لحين التأهب لمغادرة بنغازي وفعلاً اقام علاء برفقة زوجته نهى وبناته الاثنين وابنه موسى معنا لمدة شهرين بعدها غادرا بنغازي في يوم 14/5/2000 م الي مدينة بنى جواد حيث تحصل علي عمل افضل مما كان ببنغازي .. ومرت الظروف وانشغل كل منا في غربته وكفاحه مع ابنائه فأنجب هنالك ملاك ومشتهى . وفي ظهر احد اليام وصلنا من يبلغنا بان علاء قد أجرى عملية جراحية لنزع كيس دهنى من جبينه ولم يحتمل البنج فتوفي في لحظتها وسيحضر الجثمان اليوم الي بنغازي للمشرحة وكانت فاجعة وقعت علينا كوقوع الصاعقة ووصل جثمان علاء المسجى بالصندوق وأدخل الثلاجة بالمستشفي لمدة ثلاثة ايم ثم قام أخواله محجوب وعمر ومحمد وابناءهم وهم رفاق عمر المرحوم وهم عز الدين الملقب بعزو وعصام الدين واحمد ابنى وبقية اخوانه الا ان هؤلاء كانوا مع الجثمان منذ دخوله الثلاجة وحتى توارى الثرى يرافقهم خيلانه عمر ومحجوب ومحمد ورحل علاء كأنه لم يكن وكانت مرثيتى هذه :
****
جانى الخبر1 قالولى مات
وجنازتو توصل في الصباح
تبيت تقول قايدانى نار
واتبكمت لغة الصياح
ما تقولى مات !! رحماك ما تقولي مات
قوليا جاييكى الدغش
شاديهو ليك شوق البعاد
جاييك يكمل ما انقطع
من ونسه فات فيها الفوات
قوليا بمزح أوكِضب
لملمنى من عمرى الضِهِب
أصفعنى علنى أفتكر
واستوعب العامر خِرِب
ما مات علاء !!!واعدنى يوم سافر مشى
انو المحال مهما اغترب
يرحل يسافر دون وداع
أو حتى ما يجيبو الدرب
آآآآآآخ يا علاء
رغم العزاء انتابنى احساس بي لقاك
في اى مكان
سافرته ليك بعد فراق وفجوة سنين رغم الحنان
وفجيت زحام الانشغال
شان القي فيك روحى الزمان
ضهبت تفتش عن وشيشاً
مرسومه فيه غرة صلاة2
ومرقرقه موية الوضو ء بين الحواجب
زى تقول عايزانى أملى عيونى زين من لمحتك
قبال يفوت منى الآوان
ومرقته3 شان طلة لقاك
بترجع الضهبان سنين
وشربته بُقه علي العطش قُت تنبلع
نزلت علي حلقي التقول حرقة جمر
وكشحت مويتى علي الرهاب في شان أمُر
جاياك وعشمانه في ضراك
وجاياك وعارفه انى بجرى وراء سراب
جاياك يالعبد التقي
جاياك يالقلب النقي
جاياك انا بالرغم من أنك وراى4
جسدك ممد في حداى
يا وجعة العمر الصبي
ما انسده نفاج حزنى الا وانفتح
وعاود رجع
وقَدّ مجامرو في حشاى
ونفخ علي كير الوجع
انا شن بكفينى بى وراك
واى نوع من الحزن من الحريق
ما بسد بُكاك
من عبرة الحلق المحنظلة في رجاك
ما كان عشم ده يكون لقاك
ما كان وعد بيناتنا إنك يوم تجى
ترجع ممد في صنيديق من خشب
عائد براك
أنا كنته راجياك يوم تجى
يرجع معاك صاحب العصا5
الداخراه عصاك
انا كنته راجياك يوم تجى
ترجع ملاذ6
وفي كتفك التانى العريض شايل بنياتى العزاز
انا كنت راجياك يوم تجى
شايل ملاك7
ما كنته قايلاك بتجى راجع براك
من غير نهى8 أو منتهى9
أنا كنت راجياك
لكن رجاى فلخ الكبد
وعرفته كيف حرق الحشا
وكيف الحشا فتح علي
ضلفة جحيم ما بتنهمد
يا زولي يا بعد الأسى
وغربة اسف وحسرة بعاد
يا زولي يا حُرقة سعاد10
يا وشحة الجرح الممد بالسواد
في عيون نجاة11
يا زولي بدرى عليك تفوت
ونادية12 ذابله عليك تفتش في البيوت
راجياك مها13
تمسح دميعات امها
وتشيل صعابها وهمها
ونحن لسه مصنقرين
فاتحين خشومنا متمحنين
كيفن وليه ؟
ثكلنا ما أجدى الثكيل
وجسمك هناك ممدود وراقد
زى تقول نايم قبيل
ما عزو14 قال وغلبو الدمع
كبر الفجع
أحمد15 نزف من الوجع
وعصام16 دميعات حسرتو اتقطرن
تبتب عليك وبقولها ليك
انا بي هنا
مذهول بكى زى التقول بستحلفك
تفتح عويناتك تشوفو برفقتك
اخوانك الكانوك قبيل17
رفقة درب ورقصة قلب
وقطر الرحيل18
من حلفا لي اسوان وحلة نوبتها
وسمح المقيل
هبوش19 مخلد ذكرتها
وأسف الفراق من غير وداع
أمراً تقيل
قبلته سبتنا فتهم
يا عليوه20 ما كان زى قبيل
ما بدرى يا عليوه الفراق
ما بدرى يا وجعى الطويل
ما بدرى يا عشماً فتر من الرجا
ولملم رحل قبل المقيل
يا ود متين ؟ ؟
يا اللسه في عيون خيتك
بتتاتى زى كلمة حليل
يا ود متين .؟ والله بدرى عليك تفوت
يا ود متين واستغفر الله عليك تموت
الضحكة زى ما سبتها
صوت رنتها بجلجل هناك
وانا كنته راجياك يوم تجى
افتفت معاك
ما كنت أجمل لحظة
في غربة العمر المرير
كته لي ولادى الرجا والمرتجى
وسنداً كبير
موته في عيونهم حُجا
الحزن في قلوبهم سجا
يا ود متين ينسوك كيف ؟؟؟
طعنة سنه من غمد سيف21
جددتها وكب النزيف
أبكيك كيف ؟؟؟
وفي كل عيون الناس بشوف
مرسوم هواك
أبكيك كيف ؟؟ قمحان قليب ما إحتواك
سجمان رفيق لسه في رجاك
صمة خشم أمك وأبوك
وما زال صداك
حبوبه22 جات
ولسه بترن ضحكة مثانى تشابي لي
حبوبه برقد في حداك
آآآآآآآآ ه يا علاء
والله مامته براك
موته حبوبه في رجاك
آآآآآآآخ يا علاء
اتشتت العقد اللي كان
منضوم بدقة وانتظام
آآآآآآآآآخ يا علاء اتفرزعت في خاطرى قافية الكلام
آآآآآآآآآآخ يا علاء
1. اتانى بالخبر زوجى خال المرحوم .2 كان المرحوم تقيا ورعا زاهدا في الدنيا .3. بعد مواراة الجثمان سافرنا الي لقاء زوجته بمدينة بنى جواد.4. المقصود بي وراى ان الثلاجة التى رقد فيها الجثمان خلف منزلي مباشرة 5. صاحب العصاء ارمز بها الي ابنه الذي اسماه موسى 6.7.8.9 ملاك ومثانى وملاذ ومنتهى بناته ونهى زوجته .10.سعاد والته .11.12. نجاة ونادية شقيقاته .13.مها طبيبة صيدلانية وهى ابنة شقيقته نادية طلبت منى عند تواجدى بالسودان ان اطلب من علاء ان يساهم معها في مشوار تعليمها الا انه مات قبل ان يحقق لها حلمها .14.عزو هو عز الدين ابن خاله ورفيق صباه وشبابه لم يفترقا الا بعد سفر المرحوم وقد كان عزو برفقة الجثمان حتى لحظاته الاخيرة .15. احمد ابنى اى ابن خال المرحوم وكان ايضا برفقة الجثمان 16. عصام اخ عز الدين ورفيق المرحوم بمعنى هم ابناء خاله .17. مقصود رحلة حلفا 18 . قطر حلفا الذي اقلهم من الخرطوم لحلفا .19. هبوش اسم حركى اطلقه عليه ابناء خاله اثناء دخولهم ليبيا عن طريق حلفا مصر السلوم البرى الي بنغازي وكناية عن الحركة وخفة الظل .20 عليوه هو علاء. 21. بعد سنة منوفاة شقيقي الوحيد وفي نفس اليوم 19/4 توفي علاء وفي نفس يوم مواراة جثمان اخى توارى جسد علاء .22. كان ابناء علاء يطلقون عليا اسم حبوبه لاننى خالة والدهم وكانوا يمثلون لي جزءاً من نبضاتى لايمكن نسيانه .