مهيرة الوطن المتألق
27-07-2005, 10:24 AM
أعود إليكم حسب الوعد بقصيدة { شليل} وهى إحـــــدى قصائد ديوانى الأول الذي يحمل أسم : { الحب في عيون سودانية } وهو بالشعر الدارجى وقريباً سيصدر ديوانى الثاني والذي يحمـل أسم { وقتٌ للإحتمالات الممكنة وحكاية غربة الروح } فقط أبحث عمن يُمول هذا الديوان ليرى النور .. وإليكم القصيدة واسمها :
{ شليل }
شليل الختفو { الدودو } وخنقوا
وخته عليهُ جنازير سده
وقطع النفس القومه حماهو
قعد بي تُقلو عليه إتمده
وقال قبال ما بي إتعشى
أخير بي شليل أشبع وإتغدى
وفات كيفن يا { دودو } عليك
شليل عضماً ما فيه ليك كده
شليل عضماً مما قمنا
بلمنا في محبه وفي موده
وكان عِشقوا القمره الضوايه
وركضاً فيهُ عزيمه وشِده
وشليل عضماً مما قمنا
لا مدّ إيدو ولا إستجدى
أبيض من يوم ما عرفناه
لا غير لونو ولا هده
وشليل أرضاً حضنت نيلنا
قطر عرق اولاده وندى
مُساح هم الطول ليلو
حاقنين دم لخلاف إشتده
مُقنه للمكشوفه إنحسرت
بُلامتها بي طول المُده
خلاوى .. تكاوى ... ونار قران
جذوتها إمتدت في كل حِته
سبيل رواى لكل من تاهت
عنو السكه ودربو إتسده
حِضن مفتوح بترجى الغابو
يشوفو شليل في قمة مجده
وشليل وسط الخُضره النايره
عقيده ... وحب ..وإيمان ..بل ..مبدأ
شليل الخُضره الحضنت نيلنا
وفرهد خيرها قديم ما جده
شليل السله الدفق خيرها
وكرع كل العالم لما شليل
للجوع في الدنيا إتصده
شليل مليون ميل في جوانا
شليل الخير للشر إتحدى
شليل طوريه .. سواعدو قويه
قَلب الأرض الدهب الأبيض
دهباً حر لا بقل لا صده
شليل النيل البروى عطشنا
بِشُق وادينا جروف ممتده
كنانه ... بطانه .. بساط الخُضره
حنين الروح الهزه الشوق
أحشايا وهدَّ
تُرابك وطِينك .. وطميك دينك
حنينى حنينك .. أنينى أنينك
والكتاحه .. والكنداكه ...
والهبباى أجمل تلحينك
شليل الطيفو ..طوافو
الشال أحزانى وعدى
وأنا بتحدى
{ الدودو } الغلبو شليل ورماهو
وحتى الشُفع فِهموا اللعبه
وحلفوا { كبلو } يخمدو .. خمده
شليل في بطن التمساح طمه
وسُم زعاف لي الليهو إتعدى
شليل في شانو كُلنا نبقي
شليل نتحدى ونحارب الرده
شليل في شانو تطول السجده
شليل نادانا تعالوا نعدى
والببرانا يرفع يده
والبتردد .. أها دى في خشمو
قمحان وآندمو الإمتده
أنا جاياك سودان الِعزه
ثوبي اللي العورات كم غطى
أنا جاياك والليل بي هود
دوباى بيك أنا في كل حِته
أنا جاياك يا الضُل العنك
كم باعدته وما عاتبته
حنينى أقيل في ضحواتك
وأرجع تانى صغيره اتشعلق
تهدهدنى وأناديك يا أبه
أنا جاياك يالتاكيت عمرى
سندته رويسى بقيتلو مخده
وما بي خاطرى فراقك وبُعدك
حاجات خلتنى عليك بِعِدته
وآسجم الما هبَّ وجاك
وباع الدم والروح والجِته
شليل القلب البنسى الذِله
وبمحى الشينه بمد الإيد
من غير سوء بضه
شليل راجينا حنينو بحِسو
في شريانى ودفق النبضه
وشوقي الترع وعانق نيلنا
خريفو ينوح
شليل شالوه سُماح الهيبه
وعاد يا شليل أفتح أبوابك
التعمير في أول ركبه
شليل ساسى ... وشليل ناسى .. وشلي رأسى ..
شليل العِمه العاليه في هيبه
شليل السِبحه والتبروكه
رجال أهلي يشهوك الهبه
العتران ببقولوا سناده
شليل اولادو بعرفوا السنده
البجدعنا يخُم ويصُر
يموت بي حسرتو من النكده
مصير الفات في ليله شليلو
يعود لي شليل بي طول المُده
أنا جاياك وبموت في بُعدك
ولو شوقي قتلنى وما وصلته ؟؟؟؟؟
قدِر لي حرمانى العِشتو
وأحفر لي في ترابك حِته ..
سبتمبر 1993م
وصية : الي كل صديق مخلص في حالة مماتى بالغربه أرجوكم أصروا علي ان يُوارى جسدى ثري وطنى
نجاة محمد الياس
{ شليل }
شليل الختفو { الدودو } وخنقوا
وخته عليهُ جنازير سده
وقطع النفس القومه حماهو
قعد بي تُقلو عليه إتمده
وقال قبال ما بي إتعشى
أخير بي شليل أشبع وإتغدى
وفات كيفن يا { دودو } عليك
شليل عضماً ما فيه ليك كده
شليل عضماً مما قمنا
بلمنا في محبه وفي موده
وكان عِشقوا القمره الضوايه
وركضاً فيهُ عزيمه وشِده
وشليل عضماً مما قمنا
لا مدّ إيدو ولا إستجدى
أبيض من يوم ما عرفناه
لا غير لونو ولا هده
وشليل أرضاً حضنت نيلنا
قطر عرق اولاده وندى
مُساح هم الطول ليلو
حاقنين دم لخلاف إشتده
مُقنه للمكشوفه إنحسرت
بُلامتها بي طول المُده
خلاوى .. تكاوى ... ونار قران
جذوتها إمتدت في كل حِته
سبيل رواى لكل من تاهت
عنو السكه ودربو إتسده
حِضن مفتوح بترجى الغابو
يشوفو شليل في قمة مجده
وشليل وسط الخُضره النايره
عقيده ... وحب ..وإيمان ..بل ..مبدأ
شليل الخُضره الحضنت نيلنا
وفرهد خيرها قديم ما جده
شليل السله الدفق خيرها
وكرع كل العالم لما شليل
للجوع في الدنيا إتصده
شليل مليون ميل في جوانا
شليل الخير للشر إتحدى
شليل طوريه .. سواعدو قويه
قَلب الأرض الدهب الأبيض
دهباً حر لا بقل لا صده
شليل النيل البروى عطشنا
بِشُق وادينا جروف ممتده
كنانه ... بطانه .. بساط الخُضره
حنين الروح الهزه الشوق
أحشايا وهدَّ
تُرابك وطِينك .. وطميك دينك
حنينى حنينك .. أنينى أنينك
والكتاحه .. والكنداكه ...
والهبباى أجمل تلحينك
شليل الطيفو ..طوافو
الشال أحزانى وعدى
وأنا بتحدى
{ الدودو } الغلبو شليل ورماهو
وحتى الشُفع فِهموا اللعبه
وحلفوا { كبلو } يخمدو .. خمده
شليل في بطن التمساح طمه
وسُم زعاف لي الليهو إتعدى
شليل في شانو كُلنا نبقي
شليل نتحدى ونحارب الرده
شليل في شانو تطول السجده
شليل نادانا تعالوا نعدى
والببرانا يرفع يده
والبتردد .. أها دى في خشمو
قمحان وآندمو الإمتده
أنا جاياك سودان الِعزه
ثوبي اللي العورات كم غطى
أنا جاياك والليل بي هود
دوباى بيك أنا في كل حِته
أنا جاياك يا الضُل العنك
كم باعدته وما عاتبته
حنينى أقيل في ضحواتك
وأرجع تانى صغيره اتشعلق
تهدهدنى وأناديك يا أبه
أنا جاياك يالتاكيت عمرى
سندته رويسى بقيتلو مخده
وما بي خاطرى فراقك وبُعدك
حاجات خلتنى عليك بِعِدته
وآسجم الما هبَّ وجاك
وباع الدم والروح والجِته
شليل القلب البنسى الذِله
وبمحى الشينه بمد الإيد
من غير سوء بضه
شليل راجينا حنينو بحِسو
في شريانى ودفق النبضه
وشوقي الترع وعانق نيلنا
خريفو ينوح
شليل شالوه سُماح الهيبه
وعاد يا شليل أفتح أبوابك
التعمير في أول ركبه
شليل ساسى ... وشليل ناسى .. وشلي رأسى ..
شليل العِمه العاليه في هيبه
شليل السِبحه والتبروكه
رجال أهلي يشهوك الهبه
العتران ببقولوا سناده
شليل اولادو بعرفوا السنده
البجدعنا يخُم ويصُر
يموت بي حسرتو من النكده
مصير الفات في ليله شليلو
يعود لي شليل بي طول المُده
أنا جاياك وبموت في بُعدك
ولو شوقي قتلنى وما وصلته ؟؟؟؟؟
قدِر لي حرمانى العِشتو
وأحفر لي في ترابك حِته ..
سبتمبر 1993م
وصية : الي كل صديق مخلص في حالة مماتى بالغربه أرجوكم أصروا علي ان يُوارى جسدى ثري وطنى
نجاة محمد الياس