المساعد الشخصي الرقمي

مشاهدة النسخة كاملة : هلالنا فوووووووق!

Manar
20-08-2007, 11:59 PM
البارحة توجت فرحة المواطنين السودانيين و كل مشجعي فريق الهلال الازرق السوداني بفوز فريقنا الذهبي على الاهلي المصري 3-0 لصالح الازرق
انتهت المباراة بعد ان صفر الحكم معلنا انتهاءها بفوز الهلال و لم تكن روح الفريق المنافس رياضية بل تم شن هجوم عجيب من جهة فريق الاهلي الذي بدأ بتسديد ضربات ترجيحية "شتائم" نحو الهلال السوداني و لاعبيه و الشعب السوداني عموما.. "طب انتو زعلانين ليه يوم ليك و يوم عليك"
الطريف في الامر انه في احد المحطات المصرية سئل مواطن مصري "في الشارع" عن رأيه في المباراة و قال "لا هلال ايه؟ دا الاهلي عمل كدا عشان ما نكسفش الجماعة و المباراة على ارضهم و ميبقاش شكلهم وحش" ..

لا تعليق !
الكليس
21-08-2007, 12:51 AM
أختنا منار لك التحيه ياهلالابيه ومبروك الفوز للهلال العظيم
ونتمنى أن يلحق به المريخ كمان عشان الجماعه مايزعلو .

ـ عندما فاز فريق الشباب مره على الفريق المصري وهم كانوا
عمر أقل من 17 سنه , المعلق محرووووق ليك من الغلب , وكان
في لاعب سوداني شات كوره قويييييه من خارج خط 18 فقال:
بص بص بص هم بيقولوا عمرو 17 سنه وهو أد ثابت البطل .

ولما انتهت المباراه هتفوا ( إحنَ أولاد النيل وهم أصحاب الفيل)
فكتب محمد سليمان المحامي ( عندما يأتي لقاء الخرطوم
سوف نعرف من هم أولاد النيل ومن هم أصحاب الفيل ) , فأنسحبو من المباراه .

وعندنا زميلنا مصري اليوم غايب لكن مشينا ليهو في البيت .

ـــــــــــــــــــ
ودام الود
جبر الدار محمد جبر الدار
21-08-2007, 11:48 AM
شكرا اخت منار يا هلالبيه يا اصيله .وتحيات للمبدع الكليس
معروف الهلال جساره وقوه.
ومن زمن بعيد دائما بردم الهوه
كالونا الشتائم بالربع والملوه
وردنا كان يا حضرى هات من جوه
Manar
21-08-2007, 08:12 PM
يسلمو شباب على المرور و عشان ما يزعلو شبابنا انشاااااااااالله يفوز المريخ "ضهب ساي!"
ابو الصادق
22-08-2007, 11:57 AM
يسلمو شباب على المرور و عشان ما يزعلو شبابنا انشاااااااااالله يفوز المريخ "ضهب ساي!"


تضهبي من سنونك يا رشاشة



المريخ متعلم علي الفوز المشكلة فيكم انتو سنة اولي فوز ديل



المهم فرحنا لنصر الكرة السودانية علي المصرية


عقبال نتقابل في السوبر الافريقي
abuayman
22-08-2007, 02:19 PM
يســــألونك عن الأهلة قل هي الميعاد والميقات والنور الأطل
وهدي الطريق الوعر حين تسلكه ومن سار علي درب الاهلة وصل
فاللعب الشفيف في بطن ساحته والشعــــــر الأغر ومن يقل
وللحديث بقية ...................
artoli
16-11-2007, 05:28 PM
الهلال الشاغل الناس هلالي