حسين عبدالوهاب عبدالكريم
19-08-2007, 11:37 AM
أهواك...
بخاف
أتلاشي في حبك يقين
أهواك بخاف
اصبح أسير
في حبك الطاغي المتين
أو في عيونك لو رأيت
ليس بالشاب الحَسِين
دون طموحك أن أكون
يا غالية بس لو تعلمين
كم خوفي من حبك مهول
يمنعني ذلك أن أُبين
خليني بس أعشق براي
أسعد وحبك لي يزين
غاية وصالك لي منى
لوكان وصالك مستحيل
أستحلى آلام الجــوى
واستعذب الشوق المهين
ولو إنت جاوبتي الهوى
دابك بتقطعي للوتين
بس لي تقدري للهــوى
وتعرفي بي حبي المكين
الناس بتضعف بالجـوى
لكني في حبك سميـن
فرهدتي في عروقي الحياة
زودتي في عمري السنين
لكن بقول
بشتاق إليك
زي طفل للحضن الحنين
يتشابى يحلم بالأمان
مشتاق اليك
زي أرض تحلم بالسحاب
جافاها ودع من زمان
مشتاق اليك
في قلبي حبك قد ملك
ما فيهو لي غيرك مكان
سيرتك كمان لمّن تجي
بفرح وادوّر في المكان
زي صوفي هوّم وإنجذب
يهذي وترجم باللسان
درويش تعمّق في هواك
عمّاهو يا ليلى الجنان
بتنفسك في كل لحظه
وارتجيك..
يرْوي الفؤاد منك حنان
وين إنت يا كل الحياة
ده العمر من غيرك هوان
أهواك والنار في حشاي
اديني من قربك أمان
واطفي اللهيب الفي الفواد
ندخل بقربك في الجنان
بخاف
أتلاشي في حبك يقين
أهواك بخاف
اصبح أسير
في حبك الطاغي المتين
أو في عيونك لو رأيت
ليس بالشاب الحَسِين
دون طموحك أن أكون
يا غالية بس لو تعلمين
كم خوفي من حبك مهول
يمنعني ذلك أن أُبين
خليني بس أعشق براي
أسعد وحبك لي يزين
غاية وصالك لي منى
لوكان وصالك مستحيل
أستحلى آلام الجــوى
واستعذب الشوق المهين
ولو إنت جاوبتي الهوى
دابك بتقطعي للوتين
بس لي تقدري للهــوى
وتعرفي بي حبي المكين
الناس بتضعف بالجـوى
لكني في حبك سميـن
فرهدتي في عروقي الحياة
زودتي في عمري السنين
لكن بقول
بشتاق إليك
زي طفل للحضن الحنين
يتشابى يحلم بالأمان
مشتاق اليك
زي أرض تحلم بالسحاب
جافاها ودع من زمان
مشتاق اليك
في قلبي حبك قد ملك
ما فيهو لي غيرك مكان
سيرتك كمان لمّن تجي
بفرح وادوّر في المكان
زي صوفي هوّم وإنجذب
يهذي وترجم باللسان
درويش تعمّق في هواك
عمّاهو يا ليلى الجنان
بتنفسك في كل لحظه
وارتجيك..
يرْوي الفؤاد منك حنان
وين إنت يا كل الحياة
ده العمر من غيرك هوان
أهواك والنار في حشاي
اديني من قربك أمان
واطفي اللهيب الفي الفواد
ندخل بقربك في الجنان