الكليس
31-07-2007, 08:07 PM
الإخوه الكرام أقدِّم إليكم مسدار السكران للشاعر الكبير ودشوراني
وهو أحد شعراء البطانه الكبار جداً وهو من قبيلة الكواهله فرع
المرقماب .. والسكران هو جمله الذي يمتطيه في هذه الرحله والتي
بدأت من أُم شديده والحبيب في قرية الصباغ قلب البطانه . قال :
هجين حد الجُمال قبله وشمال وجنوب
شهر واسبوع ممقر فوق صعود وحبوب
ذورو صغير وكوعو مع اللباط مــقلوب
أحدب كلو من الفقره للعرقــــوب
قبَّاض قُصة الرِكُب الجنــينه بجرو
أسرع من عجل تكسي الزلط في ترو
هجَّام الغـــرامو بزهد الروح حرُّو
علَّق عارف الشـبَّاب بقوم بي شرو
سكران ليهو دور تمـانيه أيـامي
أخفف فيهو عامل للمسـافه نظامي
فارط القود علي دور المسـادره منامي
رايح أحاسبو بالعيش والصعوت ومقامي
الليل حيلو راح والعالمين إنضــمُّو
أنا ودعيني ساهر وقلبي كتَّر همو
بلد الجرحو بلصِف في الضماير دمو
عازم بُكره السكران أقبضو وأزمو
عاصي القمَّز العنافه خـالو وعمو
عند السكران ونسب أُم بهيب بنلمُّو
مُرتاح راحةً بارده سمين ورايق دمو
مو عارف حقايق سيدو كيفو وهمّو
مُقلي اللصبحن من السهر ناشفات
يرعن في الكواكب لامِن الليل فات
قصدي الليله ياهجَّام البجن كارعات
أشوفلي جنيبه تابره حجوله قعَّادات
سكران البمثِّل طــــايرة التليــاني
قال لي قوم أهبر الشايه من سيقاني
قُتلو الشاي قفل والبكري عقبو التاني
بُوريك دورو إن كان الكريم أحيـاني
سكران النقيب من جوه سرجو مـرقتو
شديت فوقــو سويتلو السفر في وقتو
قبضت منافسو بي يدي وركوبو سرقتو
دوار جوهر المرجـان بقيسبو فرقتو
سكران ناشِف الخُمَر أب كُلباً عـالي
ختيت فوقو قام شادلو الرسن بشمـالي
هجين ركف الكنودي البيعو مو إجمالي
منوال الصُباغ من شايتو جاهو موالي
سكران حر جريهو الفاهمو ود الــشوش
مهما أكون موارِك خلى راســي يدوش
علي الما قالوا سرها لي سعوب مكفوش
مصع اللريل الفيهو الكـلب موشــوش
ود جمل الملوك الفي المهـاير عاشر
فات عقد البياره ردع النقيب الكـاشر
الخلاهو زي عربـات طريق الفاشر
قصدو مع المغيب ست ريدو ليهو تباشر
دناي النقــيب سكران كُلُب ودقون
فات حدب الرسينات وإنفتن في البون
دور لولية الغواص فريدة الكـــون
قرَّب ليهو ديك رهو الدليب مـامون
عليوات النعــام جاهِن يرش متسارع
عارف سيدو أزمن للمـراير جـارع
جريهو علي أم سلاحاً في الضماير هارع
زي ملاكي خط حلفا البِلِف بالشــارع
مشكور الفعال ومحرر الأنســاب
وخر هُرمة القاعه وعليو مصــحاب
ركف الكنودي الليهو غلبنا حسـاب
مهما غادي عِن سكران بُلُودو قُراب
ياتلفون محاكم المكتب البتشورن
عقب حمريب شريره سيت رحيلك فورن
أسرع واقلو دكتور جرحنا اللتعورن
سمحاً حامي عيني والغميد يتجورن
سكران الشريطات وخرن في الحين
قعد مابخلي شرفاً في عدلنا يبين
علي دور السحي الفي عصرو مالو وزين
خوه جناحو مندوف صافق العردين
ديك شدرة بخيته ياكومر الظبطيه
وينك وين فلانه الجوهره اللوليه
دور الليها ساساقي وغُناي وجريه
بينك وبينه مطروح واسع الأرضيه
قال لي قارح الريل القمِح شرَّاعو
لا تهددني بي طول النقيب ووساعو
بلد الخدو كالقمر البضوي شعاعو
مُحطات ليهو بي مصعي النعام وسِراعو
حفيرات الفرج جاهن صباح مو مهجِّر
غراق زِمه لي مكيال خـــلاتو مفجِّر
علي لتيبة الوادي الوريثو مـــحجِّر
طايرن فوقو ما بغفى وأنوني وأسجِّر
سكران الشَري البعرف طغا ومضمورو
فات أسليت مِدعدِع وحوفو ماغي سيورو
العانيلو بالرهو المســـــاخره طيورو
سمحن صيد وتابراً خيل وفايحه عطورو
داوي البيهو لي نظرة فلانه معين
طلع فوق سمرة الكبره أُم لباياً بين
الما قالوا دربها للـــسوافل هين
ذوقه وشوقه ماخلنلي قلباً ديِّن
سكران القطيع شافو جابلو علاوه
سالو الخب عرِك وعاند حسكتو وقاوه
ذاغباهو اللتيبه أُم سبرقـــاً دراوه
منقه وكبده عجكت التمر مي جاوه
هجام الظريف وخر شِروف صهـــاق
زغبو مِخلي رسنو وسيور حسكتو رقاق
غالي حرير فنيد القاسي في النيفاق
أنعم منو جسم الحرَّق العُشَّــــاق
الفشقه وهويده وخِلقته المفــلوخه
وخرِن البجيب زمل السبق مشلوخه
ناطح طاقة الحضري المعظم جوخه
ديسه بهيم ظلام الليل كهاربو شلوخه
ونقف في الفشقه ونعود مره أُخرى نواصل فيها الرحله حتى الصُباغ ,
والغالبو معنى يسأل ونحن سوف نشرح .
ـــــــــــــــــــــــــــــــ
ودام الود
وهو أحد شعراء البطانه الكبار جداً وهو من قبيلة الكواهله فرع
المرقماب .. والسكران هو جمله الذي يمتطيه في هذه الرحله والتي
بدأت من أُم شديده والحبيب في قرية الصباغ قلب البطانه . قال :
هجين حد الجُمال قبله وشمال وجنوب
شهر واسبوع ممقر فوق صعود وحبوب
ذورو صغير وكوعو مع اللباط مــقلوب
أحدب كلو من الفقره للعرقــــوب
قبَّاض قُصة الرِكُب الجنــينه بجرو
أسرع من عجل تكسي الزلط في ترو
هجَّام الغـــرامو بزهد الروح حرُّو
علَّق عارف الشـبَّاب بقوم بي شرو
سكران ليهو دور تمـانيه أيـامي
أخفف فيهو عامل للمسـافه نظامي
فارط القود علي دور المسـادره منامي
رايح أحاسبو بالعيش والصعوت ومقامي
الليل حيلو راح والعالمين إنضــمُّو
أنا ودعيني ساهر وقلبي كتَّر همو
بلد الجرحو بلصِف في الضماير دمو
عازم بُكره السكران أقبضو وأزمو
عاصي القمَّز العنافه خـالو وعمو
عند السكران ونسب أُم بهيب بنلمُّو
مُرتاح راحةً بارده سمين ورايق دمو
مو عارف حقايق سيدو كيفو وهمّو
مُقلي اللصبحن من السهر ناشفات
يرعن في الكواكب لامِن الليل فات
قصدي الليله ياهجَّام البجن كارعات
أشوفلي جنيبه تابره حجوله قعَّادات
سكران البمثِّل طــــايرة التليــاني
قال لي قوم أهبر الشايه من سيقاني
قُتلو الشاي قفل والبكري عقبو التاني
بُوريك دورو إن كان الكريم أحيـاني
سكران النقيب من جوه سرجو مـرقتو
شديت فوقــو سويتلو السفر في وقتو
قبضت منافسو بي يدي وركوبو سرقتو
دوار جوهر المرجـان بقيسبو فرقتو
سكران ناشِف الخُمَر أب كُلباً عـالي
ختيت فوقو قام شادلو الرسن بشمـالي
هجين ركف الكنودي البيعو مو إجمالي
منوال الصُباغ من شايتو جاهو موالي
سكران حر جريهو الفاهمو ود الــشوش
مهما أكون موارِك خلى راســي يدوش
علي الما قالوا سرها لي سعوب مكفوش
مصع اللريل الفيهو الكـلب موشــوش
ود جمل الملوك الفي المهـاير عاشر
فات عقد البياره ردع النقيب الكـاشر
الخلاهو زي عربـات طريق الفاشر
قصدو مع المغيب ست ريدو ليهو تباشر
دناي النقــيب سكران كُلُب ودقون
فات حدب الرسينات وإنفتن في البون
دور لولية الغواص فريدة الكـــون
قرَّب ليهو ديك رهو الدليب مـامون
عليوات النعــام جاهِن يرش متسارع
عارف سيدو أزمن للمـراير جـارع
جريهو علي أم سلاحاً في الضماير هارع
زي ملاكي خط حلفا البِلِف بالشــارع
مشكور الفعال ومحرر الأنســاب
وخر هُرمة القاعه وعليو مصــحاب
ركف الكنودي الليهو غلبنا حسـاب
مهما غادي عِن سكران بُلُودو قُراب
ياتلفون محاكم المكتب البتشورن
عقب حمريب شريره سيت رحيلك فورن
أسرع واقلو دكتور جرحنا اللتعورن
سمحاً حامي عيني والغميد يتجورن
سكران الشريطات وخرن في الحين
قعد مابخلي شرفاً في عدلنا يبين
علي دور السحي الفي عصرو مالو وزين
خوه جناحو مندوف صافق العردين
ديك شدرة بخيته ياكومر الظبطيه
وينك وين فلانه الجوهره اللوليه
دور الليها ساساقي وغُناي وجريه
بينك وبينه مطروح واسع الأرضيه
قال لي قارح الريل القمِح شرَّاعو
لا تهددني بي طول النقيب ووساعو
بلد الخدو كالقمر البضوي شعاعو
مُحطات ليهو بي مصعي النعام وسِراعو
حفيرات الفرج جاهن صباح مو مهجِّر
غراق زِمه لي مكيال خـــلاتو مفجِّر
علي لتيبة الوادي الوريثو مـــحجِّر
طايرن فوقو ما بغفى وأنوني وأسجِّر
سكران الشَري البعرف طغا ومضمورو
فات أسليت مِدعدِع وحوفو ماغي سيورو
العانيلو بالرهو المســـــاخره طيورو
سمحن صيد وتابراً خيل وفايحه عطورو
داوي البيهو لي نظرة فلانه معين
طلع فوق سمرة الكبره أُم لباياً بين
الما قالوا دربها للـــسوافل هين
ذوقه وشوقه ماخلنلي قلباً ديِّن
سكران القطيع شافو جابلو علاوه
سالو الخب عرِك وعاند حسكتو وقاوه
ذاغباهو اللتيبه أُم سبرقـــاً دراوه
منقه وكبده عجكت التمر مي جاوه
هجام الظريف وخر شِروف صهـــاق
زغبو مِخلي رسنو وسيور حسكتو رقاق
غالي حرير فنيد القاسي في النيفاق
أنعم منو جسم الحرَّق العُشَّــــاق
الفشقه وهويده وخِلقته المفــلوخه
وخرِن البجيب زمل السبق مشلوخه
ناطح طاقة الحضري المعظم جوخه
ديسه بهيم ظلام الليل كهاربو شلوخه
ونقف في الفشقه ونعود مره أُخرى نواصل فيها الرحله حتى الصُباغ ,
والغالبو معنى يسأل ونحن سوف نشرح .
ـــــــــــــــــــــــــــــــ
ودام الود