صلاح بدر العوضى
27-07-2007, 10:00 AM
فى انتظــــارك فى انتظـــارك
يا ريت تشــوفه حال صغـــارك
سايقــنو للـــيلك على نهــارك
يرتـــبوا فى حــرارة استقبالك
ولا رجوعا فى حديثك
ولا خاطرعلى بالك
* * *
لو الدموع بتجيب
جابتك يا الحبيب
صبّن صبـيب
كبّــن كبيــب
حيرانة تسأل= كيف تجيب ؟
تسيبنا وتسافر شن عايز تجيب
ما نحن رزق الدنيا كـله
ونحن ملكك وليك نصيب
ماالغنى خيال ، ظنون قد
يصــادف وقد يخيب
قعادك ما بيمنع قدر نافذ
والأعمار بيد حســيب
الا نحن شبابنا هسّـه
وجاى علينا كهول وشيب
* * *
يا الحبيب ، أمرك عجيب
براك تخيّــل لحظة من وقتى الكئيب
أقاسى وحدة وفى ظلمة الليل الرهيب
طـفل يصــرخ ومين بيمنع الحمى
للأطفـــال تصيب
لا بياكل ، لا بيشرب لا بيطيق رؤية
حبــــوب
لا مونس لا موازر لا حد يرفق للطبيب
بصراحة مواقفنا ، اجترارا بخوّفنـا
سيبو أحسن ، زى ما أعتدت لينا تسيب
المحرّش ما بيكاتل والموجوع مابوصوه بالنحيب
والما بتجيبو المواجع ،ماظن كلماتنا ليهو تجيب
أديك ملحوظة :-
فى الواصلنا عنــّك
ف غيرنا شــاغلنـك
لا الماغصنا ماغصـك
ولا الناقصنا نـاقصك
السهر أنهك عيــونك
مع محطـات تلفزيونك
أســراب صــبايا
لابسات وعــــرايا
حسب هواك و لــونك
ومهما كانت أخبـــارك
والفايح من شمــــارك
ان حيــيت ، نحن فى انتظارك فى انتظارك
وان مــتّ ، مخـيـّر مع نارك
فى انتظارك فى انتظارك
* * *
* *
يا ريت تشــوفه حال صغـــارك
سايقــنو للـــيلك على نهــارك
يرتـــبوا فى حــرارة استقبالك
ولا رجوعا فى حديثك
ولا خاطرعلى بالك
* * *
لو الدموع بتجيب
جابتك يا الحبيب
صبّن صبـيب
كبّــن كبيــب
حيرانة تسأل= كيف تجيب ؟
تسيبنا وتسافر شن عايز تجيب
ما نحن رزق الدنيا كـله
ونحن ملكك وليك نصيب
ماالغنى خيال ، ظنون قد
يصــادف وقد يخيب
قعادك ما بيمنع قدر نافذ
والأعمار بيد حســيب
الا نحن شبابنا هسّـه
وجاى علينا كهول وشيب
* * *
يا الحبيب ، أمرك عجيب
براك تخيّــل لحظة من وقتى الكئيب
أقاسى وحدة وفى ظلمة الليل الرهيب
طـفل يصــرخ ومين بيمنع الحمى
للأطفـــال تصيب
لا بياكل ، لا بيشرب لا بيطيق رؤية
حبــــوب
لا مونس لا موازر لا حد يرفق للطبيب
بصراحة مواقفنا ، اجترارا بخوّفنـا
سيبو أحسن ، زى ما أعتدت لينا تسيب
المحرّش ما بيكاتل والموجوع مابوصوه بالنحيب
والما بتجيبو المواجع ،ماظن كلماتنا ليهو تجيب
أديك ملحوظة :-
فى الواصلنا عنــّك
ف غيرنا شــاغلنـك
لا الماغصنا ماغصـك
ولا الناقصنا نـاقصك
السهر أنهك عيــونك
مع محطـات تلفزيونك
أســراب صــبايا
لابسات وعــــرايا
حسب هواك و لــونك
ومهما كانت أخبـــارك
والفايح من شمــــارك
ان حيــيت ، نحن فى انتظارك فى انتظارك
وان مــتّ ، مخـيـّر مع نارك
فى انتظارك فى انتظارك
* * *
* *