اجمل ما كتب الشاعر الراحل ابو آمنة حامد...

[ساداتكو]

اجمل ما كتبالشاعر الراحل ابوآمنه حامد
ولحنه وغناه الموسيقارمحمد وردي


)بنحب من بلدنا(


بنحب من بلدنا..

بنحب منبلدنا
ما برا البلد
سودانية تهوى عاشق ود بلد
بعيون المفاتن شي ما ليهوحد..

التوب المهبهب فوق أم الضفاير
والخد المعطر زي أحلى الأزاهر
والخطوة الأنيقة ترنيمة مشاعر
أنا بي كلو عمري بمشيلا وبسافر
مين فيالدنيا دية أجمل من بناتنا
الليهن قلوبنا والفيهن صفاتنا
الكامنات في روحناوالعايشات في زاتنا..
في حلفا البداية أحلامي وهنايا
أنا عايش لحبيالمخضر برايا
النافرة الأليفة بجروحي وهنايا
أنا لي في كريمة شايقية بشلوخا
نعتز بصفاتا ما نجهل تاريخا
ماها المابية ريدتي ومو ياهاالمسيخة..

في شندي العظيمة تلقى بنات جعل
وحدات في المتمة زي لون العسل
النايرات خدودن زي فجرا أطل
في سنكات بنعشق بت سمرة وأبية
ترتاح فيالضريرة خصلاتا الغنية..
عاشت في شعوري أحلى هدندوية
الواردات جدودن فيالجود والشجاعة
البظهر جمالن من زمن الرضاعة
سودانية مية المية في زوقاوطباعة
يا ناس أرحموني أنا قلبي فرطاعة ..
لو تلقطنا اليانعة السمحةونضيرة
تستنى الحليوة في مشية أميرة
أجمل حب عندي في قلب الجزيرة
لي فيالغرب أغيد في دار حمر والبقارة
نحميها بسيوفنا تفاحنا ونضارة
تسكرناالليالي وتطربنا النقارة
لي في جوبا الساحر تسلم لي خدودو
يمرح في غاباتويسرح في ورودو
حبي الغالي ليهو ما بعرف حدودو..

[الكليس]

التحيه لك أيها الرائع دوماً ساداتكو والتحيه لأبوأمنه حامد في آخرته
ولوردي هذا العملاق , وأين أنت أيها الساده نشتاقك كثبراً أيها الجميل .

أنا عارف عاجباك بتاعة شندي دي وبنات جعل :
ولك الحق أن تفتخر بهن كما قال :
فيها بنات جعل حفظن عروضِن صاااح
لبعن صُرة النـــيل حاكن التمساح
ــــــــ
ودام الود

[جبر الدار محمد جبر الدار]

سلامات ايها الرائع دوما وشكرا لتناولك احدى قصائد العملاق ابو امنه حامد هذا الادروبى الساخر
رحمه الله عاشق الجمال الطبيعى وكم رددنا مع ابن الباديه , سال من شعرها الذهب وتدلى ومنسكب
كلما عبثت به نسمه ماج واطرب.

[ساداتكو]

سلامات الكليس الحبوب الخفّاش...
عساك بألف عافية...
شكراً للمرور الأنيق...

وبيني وبينك كدي يا الحبوب والله اي كلام في سودانية او سوداني بعجبني شديد وبالذات الشُكُر...

ودمت ألقاً...

[ساداتكو]

جبر الدار الرجل الرصين... سلامات

شكراً للزيادة الطيبة التي كانت متوقعة منك حقاً...
إذاً فلك الهدية...

http://up.graaam.com/p9ic/b03c905c8e.jpg (http://www.graaam.com/)


ودام التواصل...

[جبر الدار محمد جبر الدار]

شكرا العزيز ساداتكو ,لكن انت ما عارفنى فى الحاجات دى طماع ما تتمهم اربعه ومن دار جعل كمان عشان تكون حقيت الشكر ولا شنو يا كليس

[ودالحاج]

«®°·.¸.•°°·.¸¸.•°°·.¸.•°®»اللهم ارحم الشاعر الرقيق ابوامنة حامد «®°·.¸.•°°·.¸¸.•°°·.¸.•°®»