بت الخدر
02-03-2011, 03:25 PM
مسدار الوهيط
_
من طيبة الخواض الي شندي
مابي الغمدة بصري من اللجاجه مدبس
تراريلي واتب مخلوع قدر ما أكبـــــــس
الخلاني فوق ضهر الوهيط متيبــــــس
مهيرة الفارس الدخل المحاص متلبـس
***
شدوهو المنسل من حرارة الجـــــد
العاتي المجنزر بالحديد مو قـــــــــد
بدل اللوري والقطر اب تمانيه بســد
بسوي فعايلو من بعد المسافه تمد
***
الحر الوهيط الحلوه لي مي هيلـــــــــو
مشطوط سيدو بي الريد والبنط مابقيلو
بعد شدوهو ديداب المسافه بكيلـــــــو
بسعف سيدو بالدكتور يداوي عليلـــــو
***
طربان الوهيط لي السفره تب نتقتــــو
قلبي بشاشي فرحاناً غريمي عتقتــو
ريداً كنت داسو وبي السنين عتقتــــو
فضحو غناي بي سيرة العطيره فتقتـو
***
مشغول بالسفر لي شندي طاري فلانه
قصدي زياره لي البي الغي غرامو بلانا
الخّل النفس بي ريدتو زاعت اعلانــــــا
اكحل وافزر المربوع فنايدو ملانـــــــــه
***
قاصد شندي من طيبه وهبر في ضيق
قافاها الضحي رويان وفاك الريـــــــــق
علي الملبوسا فرده وفوقا ختت زيـــق
دق الكيته يا فالت كنو اب ابريــــــــــق
***
الطاحونه والسوق في جفلةً جابــــــــا
عداها الوهيط لمحه ودخل في الغابــه
جاب في قوز عمر صرمه ومعاها صلابه
قاصد كاملة الادب ام جمال ونجابـــــــه
***
من القوز جفل خرت الرسن واتمادي
زي لمح البصر حصلبي في العقــاده
علي الكبايه الكيف ديمه في بـــراده
عجلان ماغشي الدكان وشالـو زواده
***
خاتم حلة النقراب وشّور فاتـــــــــــا
ماغي يمينو بي شمالو البقت كفاته
جوهرة اليمانيه البديعه صفاتـــــــــا
عانيها الوهيط اللي النجف خفاتــــه
|***
عقب حوش الخضر وجه حليلة البــــــــان
جاها يسوي قمزي الاريل الدركـــــــــــان
يارب العباد الواحــــــــــــد المــــــــــــنان
نشوف العرضو وافر وفي السماحه ملان
***
فوق قوز الهزيلاب السيالو معلــــف
طرب الراوي فوق جملو وبدالو يولف
اب زوقا طبيعي معاهو مو متكلـــف
مو معقول نواعدو ولي وعدنا نخلف
***
ميعة قمبر الفيها الخلوق متكتـــــــله
فيها اتخيلا الفوق السرير منحتـــــــله
ست المحفل الفي عطورا حتلت حتله
جاها برنجي مو كنجي التلاوي التتلى
***
الصفاره اولاد عز اهلنا نسابــــــــــــــه
قلنالن سلام بي الكفه والسبابـــــــــه
اسفين جينا بي فوق يا القوى وحسابه
عندنا دعوه في شندي الغمرنا تسابــه
***
من قمبر مرق فوق حلة النوراب
وظــــــهرتلو البنيه وقبة البادراب
حشيم المنطق الماقالو ود وجاب
طويل دربو بيكتلك ويأكل السلاب
***
جوير ودضبعه عقبو وقفى منو الخاتر
تريرو بيبعد الشــــــك البقولك فاتــر
مشتول القريرات اب وضيباً داتــــــر
ضماناً عندو مرواح بي قدرة الساتـر
***
ميعة ود حسوب شقاها جاري مزود
سوّ تدردق الكتحي الكلاب متعـــود
وجهاً طابق الاسبوع وديسو مسـوّد
نيتي اشوفو قبال الدماس ما يهــوّد
***
بخيت الختوه قيزان الكمير شقاهــن
ناطح التم شكرات الغناء وحقاهــــن
بعد الدلكه رماناتو خمره سقاهــــب
عصراً بدري في بلوزة الحرير وقاهن
***
فوق القوز شرف واتجوجا جاب مديده
والصهريج ظهر شندي القربلو بليــدا
الفي كفيلا مهره وفي عيونا الصيده
ليك اكرام ولي سيدك محنه وريـــده
***
ختم جبل الكدركول اب حدايد وفاتــــــو
بي زوع النعام الحارسو من اماتـــــــــو
في العقده ام سلم ولعان وسوّ سواتو
قاصد التبــــري لــــونو وبرتكانه حلاتــو
***
العاتي الخرير دوماتو جاري مسيـــــل
صبح الليله يضرع في المسافه واكيل
الخلاهو شايل الهاجره مابي اقــــــيل
مكلوف عرضه مو الخام الكرش متفيل
***
خور الكرده والرحماب وحللو المـــدّن
وخرن البصر سرجو الوهيط ماهــدّن
عرك الطاقه لي الدوماتو سالن وندّن
جباهو الادعج البي كلو راقي اتمدّن
***
ختم الكرده من قدام وجـــاها يـــــــزوع
هدّن لي شراب سيدو وقلملو فــــــروع
علي المضموره خلقه ولو عطش لو جوع
دومتك كبّت البكري السمح في النــــوع
***
دومات الحميراب والترس والسمـره
باننلي ووطيتو الوهيــــــط الجمـــره
الموصوفه بي تقل الرداف والضمـره
نصباها العشا وبنضوق حلاوة التمره
***
فات سيال كريم الدين ووجه شندي
اتخيــــل خيــــالاتا وفتــح لي بندي
الخلاني دافق كل موجـود عنــــدي
فرحان قلبي قرب لي الفريرو بيندي
***
البحر البخيت خير القدام والجــــــــدو
فيهو وردنا كملنا العطش لا حــــــــدو
صرفولنا الاوامر قالو روقو وهـــــــــدو
بنطون خمسه لي ناس الزوامل يعدو
***
البنطون وقف قدت الوهيط ودخــــــلت
مشغول قلبي بي سيد الجمال الفلته
ود الابيض النسل العنانيف خلتـــــــــه
لا أتلس وقف لا دارلو جدوة غلــــــــته
***
عدينا البحر ختوه وبخيته عديـــــــــــله
حنستو وقمز فوقو الفرقتو بكيـــــــــلا
سيد المحفل الفصل اللبيق بي التيله
هجمو الهايج الكمل شروط الحيــــــله
***
الباب المبروز بي الحجر والجيـــــــــــــــر
جينا وجانا سيدو المالفحلو هـجيــــــــــر
بي قلدي المحنه الما بسيها اجيـــــــــر
عزمنا علي الصرايه المي قطاطي حجير
***
قادوهو الوهيط لي محلة التنظيـــــــم
اهتموبو غايه ادوهو زايد قيـــــــــــــم
في الحوش المضلل بي النخل والنيم
نسفولو العلوق وارتاح وقنب يزيــــــم
***
نزلو الاقربون متل الصقور الخــــــرّت
زولنا يتاتي بي طربه وبسمةً فــــرّت
انا وجيرانو عندو العودو خلقه مخرّت
اتمسينا فوق قهوه وونسةً جــــرّت
***
اهوقي وجسمي بينات الطلق والصر
فايراً سمي زي كافر الدبيب في الحر
كترة شوقي والزمن التقيل ينجـــــــر
خلن عقلي يحسب وقلبي طاير فـــر
***
زولاً زوقو فنّي وبي الســماحه مقدّر
فرّشن السراير وفوق حريرن ســـدّر
فوق العالي جداً وغير مخده محـــدّر
ارتح راحه تامه وهمي زاح واتــــودّر
***
هوّد ليلنا واندرجن نجومو وساقن
اتقبلن ضمايرنا وصفن واتلاقــــن
ليلاً كان طويل منو الموايق ضاقن
الليل انمحق ساعاتو جت ما حاقن
***
بكره اصبحت مبسوط عند فلانه العاجـبـه
دخلت السوق وقضيت اللوازم الواجبـــــه
السمحه السماحتا لي السماحات حاجبه
اكرمناها بي اسبوع المهيره الناجبـــــــه
عوض محمد بلة شطيبي
_
من طيبة الخواض الي شندي
مابي الغمدة بصري من اللجاجه مدبس
تراريلي واتب مخلوع قدر ما أكبـــــــس
الخلاني فوق ضهر الوهيط متيبــــــس
مهيرة الفارس الدخل المحاص متلبـس
***
شدوهو المنسل من حرارة الجـــــد
العاتي المجنزر بالحديد مو قـــــــــد
بدل اللوري والقطر اب تمانيه بســد
بسوي فعايلو من بعد المسافه تمد
***
الحر الوهيط الحلوه لي مي هيلـــــــــو
مشطوط سيدو بي الريد والبنط مابقيلو
بعد شدوهو ديداب المسافه بكيلـــــــو
بسعف سيدو بالدكتور يداوي عليلـــــو
***
طربان الوهيط لي السفره تب نتقتــــو
قلبي بشاشي فرحاناً غريمي عتقتــو
ريداً كنت داسو وبي السنين عتقتــــو
فضحو غناي بي سيرة العطيره فتقتـو
***
مشغول بالسفر لي شندي طاري فلانه
قصدي زياره لي البي الغي غرامو بلانا
الخّل النفس بي ريدتو زاعت اعلانــــــا
اكحل وافزر المربوع فنايدو ملانـــــــــه
***
قاصد شندي من طيبه وهبر في ضيق
قافاها الضحي رويان وفاك الريـــــــــق
علي الملبوسا فرده وفوقا ختت زيـــق
دق الكيته يا فالت كنو اب ابريــــــــــق
***
الطاحونه والسوق في جفلةً جابــــــــا
عداها الوهيط لمحه ودخل في الغابــه
جاب في قوز عمر صرمه ومعاها صلابه
قاصد كاملة الادب ام جمال ونجابـــــــه
***
من القوز جفل خرت الرسن واتمادي
زي لمح البصر حصلبي في العقــاده
علي الكبايه الكيف ديمه في بـــراده
عجلان ماغشي الدكان وشالـو زواده
***
خاتم حلة النقراب وشّور فاتـــــــــــا
ماغي يمينو بي شمالو البقت كفاته
جوهرة اليمانيه البديعه صفاتـــــــــا
عانيها الوهيط اللي النجف خفاتــــه
|***
عقب حوش الخضر وجه حليلة البــــــــان
جاها يسوي قمزي الاريل الدركـــــــــــان
يارب العباد الواحــــــــــــد المــــــــــــنان
نشوف العرضو وافر وفي السماحه ملان
***
فوق قوز الهزيلاب السيالو معلــــف
طرب الراوي فوق جملو وبدالو يولف
اب زوقا طبيعي معاهو مو متكلـــف
مو معقول نواعدو ولي وعدنا نخلف
***
ميعة قمبر الفيها الخلوق متكتـــــــله
فيها اتخيلا الفوق السرير منحتـــــــله
ست المحفل الفي عطورا حتلت حتله
جاها برنجي مو كنجي التلاوي التتلى
***
الصفاره اولاد عز اهلنا نسابــــــــــــــه
قلنالن سلام بي الكفه والسبابـــــــــه
اسفين جينا بي فوق يا القوى وحسابه
عندنا دعوه في شندي الغمرنا تسابــه
***
من قمبر مرق فوق حلة النوراب
وظــــــهرتلو البنيه وقبة البادراب
حشيم المنطق الماقالو ود وجاب
طويل دربو بيكتلك ويأكل السلاب
***
جوير ودضبعه عقبو وقفى منو الخاتر
تريرو بيبعد الشــــــك البقولك فاتــر
مشتول القريرات اب وضيباً داتــــــر
ضماناً عندو مرواح بي قدرة الساتـر
***
ميعة ود حسوب شقاها جاري مزود
سوّ تدردق الكتحي الكلاب متعـــود
وجهاً طابق الاسبوع وديسو مسـوّد
نيتي اشوفو قبال الدماس ما يهــوّد
***
بخيت الختوه قيزان الكمير شقاهــن
ناطح التم شكرات الغناء وحقاهــــن
بعد الدلكه رماناتو خمره سقاهــــب
عصراً بدري في بلوزة الحرير وقاهن
***
فوق القوز شرف واتجوجا جاب مديده
والصهريج ظهر شندي القربلو بليــدا
الفي كفيلا مهره وفي عيونا الصيده
ليك اكرام ولي سيدك محنه وريـــده
***
ختم جبل الكدركول اب حدايد وفاتــــــو
بي زوع النعام الحارسو من اماتـــــــــو
في العقده ام سلم ولعان وسوّ سواتو
قاصد التبــــري لــــونو وبرتكانه حلاتــو
***
العاتي الخرير دوماتو جاري مسيـــــل
صبح الليله يضرع في المسافه واكيل
الخلاهو شايل الهاجره مابي اقــــــيل
مكلوف عرضه مو الخام الكرش متفيل
***
خور الكرده والرحماب وحللو المـــدّن
وخرن البصر سرجو الوهيط ماهــدّن
عرك الطاقه لي الدوماتو سالن وندّن
جباهو الادعج البي كلو راقي اتمدّن
***
ختم الكرده من قدام وجـــاها يـــــــزوع
هدّن لي شراب سيدو وقلملو فــــــروع
علي المضموره خلقه ولو عطش لو جوع
دومتك كبّت البكري السمح في النــــوع
***
دومات الحميراب والترس والسمـره
باننلي ووطيتو الوهيــــــط الجمـــره
الموصوفه بي تقل الرداف والضمـره
نصباها العشا وبنضوق حلاوة التمره
***
فات سيال كريم الدين ووجه شندي
اتخيــــل خيــــالاتا وفتــح لي بندي
الخلاني دافق كل موجـود عنــــدي
فرحان قلبي قرب لي الفريرو بيندي
***
البحر البخيت خير القدام والجــــــــدو
فيهو وردنا كملنا العطش لا حــــــــدو
صرفولنا الاوامر قالو روقو وهـــــــــدو
بنطون خمسه لي ناس الزوامل يعدو
***
البنطون وقف قدت الوهيط ودخــــــلت
مشغول قلبي بي سيد الجمال الفلته
ود الابيض النسل العنانيف خلتـــــــــه
لا أتلس وقف لا دارلو جدوة غلــــــــته
***
عدينا البحر ختوه وبخيته عديـــــــــــله
حنستو وقمز فوقو الفرقتو بكيـــــــــلا
سيد المحفل الفصل اللبيق بي التيله
هجمو الهايج الكمل شروط الحيــــــله
***
الباب المبروز بي الحجر والجيـــــــــــــــر
جينا وجانا سيدو المالفحلو هـجيــــــــــر
بي قلدي المحنه الما بسيها اجيـــــــــر
عزمنا علي الصرايه المي قطاطي حجير
***
قادوهو الوهيط لي محلة التنظيـــــــم
اهتموبو غايه ادوهو زايد قيـــــــــــــم
في الحوش المضلل بي النخل والنيم
نسفولو العلوق وارتاح وقنب يزيــــــم
***
نزلو الاقربون متل الصقور الخــــــرّت
زولنا يتاتي بي طربه وبسمةً فــــرّت
انا وجيرانو عندو العودو خلقه مخرّت
اتمسينا فوق قهوه وونسةً جــــرّت
***
اهوقي وجسمي بينات الطلق والصر
فايراً سمي زي كافر الدبيب في الحر
كترة شوقي والزمن التقيل ينجـــــــر
خلن عقلي يحسب وقلبي طاير فـــر
***
زولاً زوقو فنّي وبي الســماحه مقدّر
فرّشن السراير وفوق حريرن ســـدّر
فوق العالي جداً وغير مخده محـــدّر
ارتح راحه تامه وهمي زاح واتــــودّر
***
هوّد ليلنا واندرجن نجومو وساقن
اتقبلن ضمايرنا وصفن واتلاقــــن
ليلاً كان طويل منو الموايق ضاقن
الليل انمحق ساعاتو جت ما حاقن
***
بكره اصبحت مبسوط عند فلانه العاجـبـه
دخلت السوق وقضيت اللوازم الواجبـــــه
السمحه السماحتا لي السماحات حاجبه
اكرمناها بي اسبوع المهيره الناجبـــــــه
عوض محمد بلة شطيبي