صلاح بدر العوضى
27-06-2007, 10:43 AM
حنينة...كتير
طيبة...كتير
يالطيبة
* *
يالموهوبة قلب كبير
بحجم الكون
وأبيض لون
بسطتيه، الناس ورد وحرير
وظللتيه ، من حر وهجير
سحابة تكب بلبن الطير
ولو أهديتى الدنيا ضمير
لا دمعة تسيل فى خد صغير
ولا محروم ولا فى فقير
يالطيبة
* *
عطفك شامل حتى الطير
قمرية تصيح ،أبشرى بخير
أحمدوا الرب ،حمدتو كتير
شكرتو كتير آلاف أضعاف
النفس الطالع فضل كبير
يا ست الكل
عماك فى الدنيا سيرة الغير
يالطيبة
* *
صلة الدم غالية كتير
تصبح موية ؟ ما بتصير
ألفحى توبك .
أسرعى ، أمرقى
زولا مات فى حجر الطير
نلاقى الناس ، بخيت أعراس
فى قبــــّة جوير
ليك الحضرة ،بنيّة راقدة جاها نفاس
وضوعـــه عسير
أمرا لاحق ضغط جنين
وضعف الدم وتايفود عاول
وسر وخطــير
* *
مسافة بيتك من بت حاج أحمد
ما هى قر يبة ، أضناك مسير
شايلة المبخر
لقمة العيش
وزيت الخروع
جمر الكى
وموية الزير
* *
تساسقى خطاك
سايقة العاشّة
ومرة طبيب
ومرة حكيم
ومرة فقير
ومرة بصير
وبت حاج أحمد عايشة كتير
دهرا ماضى ما هو قصير
* *
شايلك صبرك
من بت حاج أحمد ماك أخير
ورم كرعين
ولفة راس
ضعف عيون
وجع أضراس
وكل الفيك ما كافيك
عايزة تطيرى خوف تأخير
* *
يا جماعة الخير
ديل كم زول لزموا سرير
أعراض السل ، مارضة الناس موية البير
عيشة تطير
بلدا فيها لبن الطير
ولا رزقا يطيع تربال
ولا أستاذ ولا دكتور
يا أم الخير
أبشرى بخير
علاج الحالة عود أكسير
وهاك أكسير
محراب ، القبلة والتبروقة
صـــلى كتير على البشير
و أتلى السر فى تلت أخـير
* *
الأهداء الى الوالدة خلود بت الفكى بابكر *
طيبة...كتير
يالطيبة
* *
يالموهوبة قلب كبير
بحجم الكون
وأبيض لون
بسطتيه، الناس ورد وحرير
وظللتيه ، من حر وهجير
سحابة تكب بلبن الطير
ولو أهديتى الدنيا ضمير
لا دمعة تسيل فى خد صغير
ولا محروم ولا فى فقير
يالطيبة
* *
عطفك شامل حتى الطير
قمرية تصيح ،أبشرى بخير
أحمدوا الرب ،حمدتو كتير
شكرتو كتير آلاف أضعاف
النفس الطالع فضل كبير
يا ست الكل
عماك فى الدنيا سيرة الغير
يالطيبة
* *
صلة الدم غالية كتير
تصبح موية ؟ ما بتصير
ألفحى توبك .
أسرعى ، أمرقى
زولا مات فى حجر الطير
نلاقى الناس ، بخيت أعراس
فى قبــــّة جوير
ليك الحضرة ،بنيّة راقدة جاها نفاس
وضوعـــه عسير
أمرا لاحق ضغط جنين
وضعف الدم وتايفود عاول
وسر وخطــير
* *
مسافة بيتك من بت حاج أحمد
ما هى قر يبة ، أضناك مسير
شايلة المبخر
لقمة العيش
وزيت الخروع
جمر الكى
وموية الزير
* *
تساسقى خطاك
سايقة العاشّة
ومرة طبيب
ومرة حكيم
ومرة فقير
ومرة بصير
وبت حاج أحمد عايشة كتير
دهرا ماضى ما هو قصير
* *
شايلك صبرك
من بت حاج أحمد ماك أخير
ورم كرعين
ولفة راس
ضعف عيون
وجع أضراس
وكل الفيك ما كافيك
عايزة تطيرى خوف تأخير
* *
يا جماعة الخير
ديل كم زول لزموا سرير
أعراض السل ، مارضة الناس موية البير
عيشة تطير
بلدا فيها لبن الطير
ولا رزقا يطيع تربال
ولا أستاذ ولا دكتور
يا أم الخير
أبشرى بخير
علاج الحالة عود أكسير
وهاك أكسير
محراب ، القبلة والتبروقة
صـــلى كتير على البشير
و أتلى السر فى تلت أخـير
* *
الأهداء الى الوالدة خلود بت الفكى بابكر *