المساعد الشخصي الرقمي

مشاهدة النسخة كاملة : ست أيام وكم ساعة

الحاج أبو عاقلة
10-06-2007, 06:55 PM
ست أيام وكم ساعة
مجافي قليبي للفرحة
وعيوني الهايمه دماعة
عايش في ضلام دامس
وفرقة صعيبه أوجاعة
شايل الليل بكي وآهات
وروح الشاردة ملتاعة
ست أيام وكم ساعة

طول ما كنت في بعدك
على وهم الخيال عايش
ومتوشح دموع الشوق
ولى مرسى الحنين كايس
صابر في العذاب والهم
على إبر الفراق دايس
بدون عينيك وا أسفاي
كل اليوم حزين عابس
لا طل الفرح لحظات
ولا غمض الجفن ساعة
ست ايام وكم ساعة

ليه نتباكا دون أسباب
وتبقى ظروفنا شماعة
لو طل الأمل بسام
عليه نميل ونداعه
ولو غابت نجيمة الفال
نقول ايامنا فجاعة
مصير الدينا مهما تدور
برضو خطاها رجاعة
بدون عينيك عشت وحيد
ست ايام وكم ساعة
محمد ابوعاقلة
10-06-2007, 07:00 PM
ست أيام وكم ساعة
مجافي قليبي للفرحة
وعيوني الهايمه دماعة
عايش في ضلام دامس
وفرقة صعيبه أوجاعة
شايل الليل بكي وآهات
وروح الشاردة ملتاعة
ست أيام وكم ساعة

طول ما كنت في بعدك
على وهم الخيال عايش
ومتوشح دموع الشوق
ولى مرسى الحنين كايس
صابر في العذاب والهم
على إبر الفراق دايس
بدون عينيك وا أسفاي
كل اليوم حزين عابس
لا طل الفرح لحظات
ولا غمض الجفن ساعة
ست ايام وكم ساعة

ليه نتباكا دون أسباب
وتبقى ظروفنا شماعة
لو طل الأمل بسام
عليه نميل ونداعه
ولو غابت نجيمة الفال
نقول ايامنا فجاعة
مصير الدينا مهما تدور
برضو خطاها رجاعة
بدون عينيك عشت وحيد
ست ايام وكم ساعة

كان تميت اسبوع كنت عملت شنو ...
جميييييل يا حاج

طول ما كنت في بعدك
على وهم الخيال عايش
ومتوشح دموع الشوق
ولى مرسى الحنين كايس
صابر في العذاب والهم
على إبر الفراق دايس
بدون عينيك وا أسفاي
كل اليوم حزين عابس
لا طل الفرح لحظات
ولا غمض الجفن ساعة
ست ايام وكم ساعة

حساباتك دقيقة ... دقيقة بدقيقة
الحاج أبو عاقلة
10-06-2007, 07:03 PM
شقيقي محمد أبو عاقله
يا خي ما تخليها تبرد شوية
شنو شايتها ضفاراي كده
على كل حال أن اشكرك بحراره على المرور السريع الأنيق الراقي الجميل
محمد ابوعاقلة
10-06-2007, 07:08 PM
شقيقي محمد أبو عاقله
يا خي ما تخليها تبرد شوية
شنو شايتها ضفاراي كده
على كل حال أن اشكرك بحراره على المرور السريع الأنيق الراقي الجميل

انا زاتي ما صدقت لقيتا قدامي تشوشو ..
علي بال ما بردتها وبردتا قلبي معاها شوتها ضفاري
الحته دي نسيت ما اقولا ليك

ليه نتباكا دون أسباب
وتبقى ظروفنا شماعة

غايتو شوتها قبل ما اعلقا في ظروفك ...
عشان ما اجي بعدين ابكي ..
الحاج أبو عاقلة
10-06-2007, 07:50 PM
والله يا شقيقي دا كلام عجيب جداً
معقول بردتا قلبك يعني انت ذي أخوك الكبير ولا شنو ؟
الكليس
10-06-2007, 08:28 PM
بدون عينيك وا أسفاي

عيونك شاسعه مابتضيق
تغرِّق كم نفر عوام
جديراً للبحور عدَّاي
وفيهن قصة أفراحي البحسها
من زمن بدري ولسه بشيله في جواي
بخاف ترحل تسيبني تفوت
وأعيش من غيره ما معناي

أنا شتَّ بي بطن كراعي شوتة كيشه , لكن صاحبك دا ساكيهو الكمساري
ما دفع التذكره وكان معاهو بنيه بريده ,,,خلي اللشيل نفسو ,,
ــــــــ
ودام الود
ساداتكو
10-06-2007, 08:36 PM
سلام احبتنا الخفافيش... فأنتُم هكذا دوماً تظهروا وقت خفاء الدُنيا لأنكُم تستحون من الضياء يا منبع الضياء...
ابو عاقلة الأكبر...
محمد ابو عاقلة الطيب...
الكليس... الرجُلُ الخفّاش...

سلام بروعة الحضور الأنيق...
يا سلااااااااااااااااااااااااااااااام...


فحقيقةً ملئتني هذه القصيد بشتى ألوانُ الذكريات التي كانت مندثرة في حشائش نبضي...

سلمت الحاج ابو عاقلة الرجُلُ المدندنُ الأولُ في السودان اون لاين بأهازيجك العذبة الرنّانة...

تدفق أيها النيلُ ولا تُبالي في الخريرُ...
تدفق أنت ايها الحاج ابو عاقلة وليترنّم هذا المنتدى بما تحمله من عذب الحُرُوفِ...
تدفق دون انقطاعٍ...

ودمتم ألقاً في سماء هذا المنتدى ايها الأكابِر...
الحاج أبو عاقلة
11-06-2007, 06:31 PM
عيونك شاسعه مابتضيق
تغرِّق كم نفر عوام
جديراً للبحور عدَّاي
وفيهن قصة أفراحي البحسها
من زمن بدري ولسه بشيله في جواي
بخاف ترحل تسيبني تفوت
وأعيش من غيره ما معناي

أنا شتَّ بي بطن كراعي شوتة كيشه , لكن صاحبك دا ساكيهو الكمساري
ما دفع التذكره وكان معاهو بنيه بريده ,,,خلي اللشيل نفسو ,,
ــــــــ

والله يا الكليس أنت الحريف انت الكلس شوتك دي شوتت معلم أقصد هيثم مصطفى ....!!!! هيثم شنو يا اخي دا شوت العجب عديييييييييل كده
شكراً على المرور والمداعبه
الحاج أبو عاقلة
11-06-2007, 06:40 PM
يا سلااااااااااااااااااااااااااااااام...


فحقيقةً ملئتني هذه القصيد بشتى ألوانُ الذكريات التي كانت مندثرة في حشائش نبضي...



سلمت الحاج ابو عاقلة الرجُلُ المدندنُ الأولُ في السودان اون لاين بأهازيجك العذبة الرنّانة...

تدفق أيها النيلُ ولا تُبالي في الخريرُ...
تدفق أنت ايها الحاج ابو عاقلة وليترنّم هذا المنتدى بما تحمله من عذب الحُرُوفِ...
تدفق دون انقطاعٍ...

والله يا ساداتكو لو تصدق سبب التخفيش والزيارات الليلية للمنتدى لأنكم أنتم دوماً تخجوننا تواضعابهذا المدح ولإطراء واكيد الواحد بخاف من الهطرقة والكتابات الطائشة التي لا ترضي ازواق الآخرين.
شكراً جزيلا
وما عدمناك
أبوبكر محمد الصادق
12-06-2007, 07:47 AM
طول ما كنت في بعدك
على وهم الخيال عايش
ومتوشح دموع الشوق
ولى مرسى الحنين كايس
صابر في العذاب والهم
على إبر الفراق دايس
بدون عينيك وا أسفاي
كل اليوم حزين عابس
لا طل الفرح لحظات
ولا غمض الجفن ساعة
ست ايام وكم ساعة

زي ما قال شقيقك أيها اللدود كان تميت أسبوع كان الحصل شنو
طيب نحن البسنين نعمل شنو
روعة ياسيدي ولا شيئ سوى الروعة

تحياتي
صديقك اللدود ود الصادق
مينو
12-06-2007, 08:20 AM
صباحكم زين
***********
سلام ايها المتألق دوما فينا صاحب الحس الجميل الحاج ابو عاقله
**************
بدون عينيك عشت وحيد
ست ايام وكم ساعة

****************

وكل الرائعين هنا ايه الجمال دا كلو لكن البوست بيت عزابه بس
ساداتكو
12-06-2007, 11:25 AM
سلامات...

يا ابو عاقلة مينو قالت بيت عذابة كمان...
بالله اديها واحدة كدي خلي باقي البنات يجوا يتاوقن بالحيطة عشان تقتنع كمان...

وراجنك وراجعين ليك يا حبوب...


ودمتم احلى...
rose
12-06-2007, 12:59 PM
سلام الرائعون هنا ...
ومن يتاوق للروعة من بعيد .... فهو حتما رائع فشدته الروعة إذن ...

سته أيام وكم ساعه ..
تلقى النفس طماعه ...
تجيكم ديمه بطاعه ..
ومن اخلاقكم طبّاعه ...
وتمر الساعه فوق ساعه ...
وما تلقاها شبّاعه ...


اها يالرائعون .. ننفع ... ؟؟


ودام الود
الحاج أبو عاقلة
12-06-2007, 09:23 PM
زي ما قال شقيقك أيها اللدود كان تميت أسبوع كان الحصل شنو
طيب نحن البسنين نعمل شنو
روعة ياسيدي ولا شيئ سوى الروعة

تحياتي
صديقك اللدود ود الصادق


روعة ياسيدي ولا شيئ سوى الروعة

روعة أنت يا صديقي والله أنا أدعو الله صباح مساء أن يد غربتك وغربه كل السودانين المنتشرين في دول المهجر
أسأل اله لك الصحة والسلام وتعود الايام والقابله على ما يرام
الحاج أبو عاقلة
12-06-2007, 09:25 PM
سلام ايها المتألق دوما فينا صاحب الحس الجميل الحاج ابو عاقله
**************
بدون عينيك عشت وحيد
ست ايام وكم ساعة


مينو يا ستهم وين طولتي الغيبة والله مشتاقين بقدر ما يسع الخيال
اخبارك شنو لعلك بخير
الحاج أبو عاقلة
12-06-2007, 09:28 PM
[quote]
يا ابو عاقلة مينو قالت بيت عذابة كمان...
بالله اديها واحدة كدي خلي باقي البنات يجوا يتاوقن بالحيطة عشان تقتنع كمان...

وراجنك وراجعين ليك يا حبوب...
[quoteآ
ها يا ساداتكو..... لعزابه ديل يا تم أوعي تكون معاهم
طبعاً أنا بره لكن ....................
الحاج أبو عاقلة
12-06-2007, 09:31 PM
سلام الرائعون هنا ...
ومن يتاوق للروعة من بعيد .... فهو حتما رائع فشدته الروعة إذن ...

سته أيام وكم ساعه ..
تلقى النفس طماعه ...
تجيكم ديمه بطاعه ..
ومن اخلاقكم طبّاعه ...
وتمر الساعه فوق ساعه ...
وما تلقاها شبّاعه ...


اها يالرائعون .. ننفع ... ؟؟


ودام الود

الله يا روز ايتها الحورية أنت تنفعي ونص وخمسه
لكن ما قلتي لي طالما إنك تملكين كل هذه الموهبة الفذه دي تاكلين بيك الباب مالك؟
ساداتكو
12-06-2007, 09:40 PM
سلامات الرونق ابو عاقلة...

قلنا نسجل حضور لاستنشاق شذى هذا البوست الجميل...


ودام التواصل...
الحاج أبو عاقلة
12-06-2007, 09:47 PM
العبير والريم على ضفف النيل يا راجل يا راقي
أوعى تحرمنا منو
قلنا نسجل حضور لاستنشاق شذى هذا البوست الجميل...
محمد ابوعاقلة
14-06-2007, 08:30 PM
في زول جاب سيرتي هنا !!!!
استورد الفاظ من حتة هناك ...
هو زاتو طلع ساكيني .
لمتين نكون مساككين ومجابدين
والتذكرة بالدين .

مساء الخير يا حاج
الحاج أبو عاقلة
16-06-2007, 10:37 PM
في زول جاب سيرتي هنا !!!!
استورد الفاظ من حتة هناك ...
هو زاتو طلع ساكيني .
لمتين نكون مساككين ومجابدين
والتذكرة بالدين .

مساء الخير يا حاج

مساء النور حبيب محمد أبو عاقله
منور والله