الاغتراب وهموم الرجعة للوطن

[كمال الشيخ النفاري]

اخواني الاحزاء في منتدي السودان اون لاين السلام عليكم ورحمة منة وبركاتة .طبعا انا فرد من عدة اشخاص مغتربين خارج البلد العزيز ودفعنا ما دفعنا ضريبة الغربة من فراق للاهل والاولاد غير الدفع المادي من ضريبة وزكاة اجبارية ودمغة جريح وما شابة وحان الاوان لكي نعود للبلد فما كان من الاجدر بان تقوم الحكومة بشي وتقدم خدمة للمغترب مثل اعفاء ضريبي لي سيارة او شي تشجعة كي يرجع لوطنة ويعيش بين اهلة وانا من هذا المنبر وبناشد الرئيس عمر البشير وليس مدير شئون المغتربين بان ينظر في شئون المغتربين الحالتم لا تسر اي شخص .
والله من وراء القصد

[الزعيم]

كمال الشيخ النفاري أزيك ومرحب بيك إن شاء تكون إقامة بينا طيبة وإضافة حقيقة لأقلام المنتدى البنستفيد منهم كتير وكتير جدا .
تصدق قبل كم يوم قريت موضوع للصفر البارد وكنت خلاص راح آخد الإجازة بتاعتي في الشهر الجاي لكن لمن وصف لينا الألم والعذاب وعوووووك طبعا الزووول كان مكلم ناااس بيتم هناك والتجهيزات وكده لكن لمن قت ليهم أنا مااا جاااي لظروووف العمل وكده جن جنونم والسب حكومتنا المجنونة عملت هي آه لكن ما شايفين خير كلوا زيادة في زيادة والخير ما شي لجيوب الجماعة يشوفوا كل النااس لأنو المغتربين مصيرم يكونوا هناك في البلد الطيب أهلو السودان يعني مفروووض تنقص وما تزيد تعريفة الكهرباء لأننا بقينا بلد بترولي وحضاري واقتصادي وخيروا كتير الشعارات المغلفة ديك بنسمعهامن زمن نميري..
كده خلينا منهم بجي اليوم البينصلح فيه الحال

وأهلا أهلا مرحب بيك نورت الموقع وشرفت البيت

[كمال الشيخ النفاري]

اهلا يا زعيم وكيفك وكيف حالك ان شاء الله انت بخير وعافية واتمني ليك رجعة سريعة لارض الوطن
وهه هو الريس استجاب للمغتربين اخيرا ولحد الان ما عرفنا التفاصيل البتخص المغترب اية من نقصان للضريبة
لك احترامي ونلتقي بحول الله
مع السلامة / السعودية الدمام

[atifabdaltam]

بسم اللة الرحمن الرحيم
فى بادى الامر الشكر للاخوان الذين فتحوا هذة النافذة لشريحة هامة جدا فى المجتمع شبة مهضومة الحقوق واعطت كثيرا للوطن والى هذة اللحظة لم ارى احدا كفاءها على ذلك ومن معايشتى للاخوان المغتربين ان كل مطالبهم بسيطة جدا وفى نفس الوقت مستحقة فالكثير منهم يفكر فى قطعة ارض فى حى شعبى والبعض الاخر كما قال اخونا يفكر فى اعفاء جمركى لسيارة وفرصة عمل حسب الاختصاص وفى نظرى انا شخصيا اذا توفرت هذة الاشياء او واحد منها اؤكد لكم ان معظم اخواننا المغتربين سوف يعودوا الى ارض الوطن ويساهموا فى بناء وطنهم وفى هذة الايام الوطن محتاج الى كل ابناءة لدفع مسيرة السلام والتنمئة .
وبكل صراحة معظم الاخوان هنا فى الغربة احوالهم يرسى عليها وهذا كلة محسوب على سمعة البلد لذلك اغتنم هذة الفرصة واناشد جميع صناع القرار فى هذا الامر ومن قراء هذا الكلام ان يضعوا الحلول المناسبة ويرحموا الكثير من الاخوان من الزل والاهانة وبلدنا اولى بنا نعم بلدنا اولى بنا ولكن لا نريد ان نعود ونتسكع فى الشوارع نعم معظمنا يحمل شهادات ولدينا خبرة لاباس بها ولدينا ايضا مسؤليات لا نريد ان نهدر الوقت فى ايجاد فرصة العمل اوكد لكم بان كل واحد مغترب زهق من الغربة ويريد العودة الى الوطن لكن يريد التشجيع على ذلك اتمنى الى جميع الاخوان العودة الى ارض الوطن وان يعيشوا تحت ظل السودان الواحد الموحد وينعموا بكل جيراتة ........................
ولكم منى جزيل الشكر والتقدير
................................

[حجر الظلت]

*******

[كمال الشيخ النفاري]

سلام عليكم اخواني وابائي واصدقائي بمنتدي دار جعل والله من ندخل المنتدي دةالواحد برتاح كانو في البلد اولا السلام عليكم والرحمة واسف للغيبة الطويلة التي لم اقصدها ولكن كنت في السودان في اجازة وعارفين مشاكل البلد شنو
وكنت كتبت عن شريحة المغتربين والان عندي اقتراح بان يكون جهاز شئون العاملين بالخاج في السودان با ينقلب الاسم ويكون جهاز شئون غير العاملين بالداخل لاسباب كتيرة ان شاء الله سوف اسردها لكم قريبا
ولي عودة بحولي الله

[السليماني]

لك التحية أخي الغالي كمال

أولا نورت المنتدي ومرحب بيك في دارك وبيتك وبين أهلك
وثانيا ... سوف أعود لموضوع واضيف المزيد ..نسبة لأهمية الموضوع يتطلب رفعه كل بعد فترة

وبعدين أنت موجود قريب مني وما أعرفك سبحان الله .. ومن هنا نشكر الاخ حجر الزلط الذي ربطنا بكم

ولي عودة

السعودية --- الاحساء

[مهدي]

غريب و الغربة سترة حال
غريب و الغربة اقسي نضال

[ود ابديه]

مرحب بيك اخونا كمال ونورت المنتدى والموضوع هام جدا ومنتظرين التنوير منك وخصوصا انت جاى طاظه من البلد

[مهيدي]

الاغتراب ببساطه:
هو عباره عن ( حلم ) غريب
نحنا علافين انو 1+1=2
وفى ناس قالت 1+1=3
بتيرير انو(1) فكره و (1) فكره و(2) وهى حاصل الجمع اعتبروها فكره ثالثه
اذن : سنوات من العمر+بعد عن الاهل+معاناه مع الكفيل + اختناق نفسي = (مديونيه)
هذه بصراحه معادله الاغتراب
والله يكون فى عونا
دعواتكم!!!!!!!!!!!

[كمال الشيخ النفاري]

بسم الله الرحمن الرحيم
والله يا ود النفاري الغربة دي ادمان عديل وزي لزقة جونسون ونحن والله كايسين للحل تصور بعد ثلاثون سنة غربة راس الخيط يضيع عليك وتبقي لا لامي الطوف ولا لامي المركب وبالله يا الجعليين لو عندكم واحد حكيم يدينا راس الخيط ثبل ما نقوليكم عوووووووووووووووووك الحقونا

اخوكم محجوب الكرار من الباوقة
..

[كمال الشيخ النفاري]

بسم الله الرحمن الرحيم
طبعا مهم الواحد أتكلم عن صعوبة الغربة ممكن يوصفا ربنا يهون علينا ويردنا في ساعة خير
اخوك ابوبكر صالح..

[مهدي]

تحياتي يا اخي مهيدي وحقيقة اسمك دا ملخبطني جدا

[حجر الظلت]

تحياتي يا اخي مهيدي وحقيقة اسمك دا ملخبطني جدا

ممكن نغير ليك اسمك لو داير يا مهدي .. بس اقترح اسم وأديني ليه

[السليماني]

شن نسوي ... بس ضعف ايمان مننا ... الناس الفي السودان ديل ماعايشين ...

والله الوضع في السودان اتصلح وبقي احسن من زمااان وانشاءالله عن قريب خروج نهائي

البروفيسر عبد الله الطيب قال ... المغترب مفتكر عندو عمرين ... الاول يلم فيهو القروش ... والثاني يرجع يقعدو مع اهلو

لكن كلو بيضيع في لم القروش لما ترجع لأهلك تلقي الجابوا ليهو تلاتة عيال وتلقي الماتو كتار وكدا