المغترب السوداني الاسطورة والخيال

[الصفر البارد]

اغريب انا ام بين اهلي لست اداري بل هنا كانت زكرياتي ......


عندما يعود المغترب الي ارض الوطن يكون غريبا بمعى الكلمة يجد دوما في كل اجازة تغير في طباع الناس ويجد انه مازال واقفا في تلك السنة التي غادر فيها السودان من ناحية الطباع والاخلاق وكثير ما يجد بان الزمان تجاوزه الي زمن اخر و يجد نفسة غريبا بين اهلة واصحابه ........ دا لو وجد من اصحابة شخصي واحد ما زال موجود في السودان ......... ؟؟؟

كثير ما يعود المغترب الي ارض الوطن ويجد ان فلان هاجر وصديق عمره اختفى نجما في السماء وضاع بين طيات النسيان .....


وجهاز المغتربين وما ادارك ما جهاز المغتبرين ؟؟؟؟؟؟


دا فلم لوحدة وخاصة كميه البنات الشعالات في جهاز المغتبرين وما يحملن من عجرفة وغطرسة فارغة لا تمت لشخصية الفتاة السودانية باي صلة كانت ؟؟؟؟!!!!!!!!!!!

جهاز المغتربين عبارة عن مضجرة للمغترب بكل ما تحملة الكلمة من معنى وتعال داخل في الجهاز ومن الباب !!!!!

الحارس :- داخل وين يا زول داير شنو هنا ؟؟؟؟؟
الحارس الثاني ( متشبر ) وين جوزا سفرك انت مغترب ولا زول طاشي - ممنوع الدخول وما عايزين زحمة لو سمحت )

الزائر :- يا جماعة انا مغترب ومشكلتي بقيت مغترب وانا هنا في بلدي

الحارس :- كدى نشوف جوز سفرك ( بعد طنطنة وتقلب في الجواز ( طيب اتفضل لكن اسمع دفعت رسوم القدوم وانتهيت الخدمة العسكرية ولا احسن ليك امشي اول شي في شباك رسوك القدوم والخدمة العسكرية وبعدين قدم للضرائب والذكاء

الزائر : حاضر حاضر ( بصوت مكسور ومسكين من هرشة العسكري )

الزائر :- دخل يتلفت شمال يمن وماعارف من وين يقول بسم الله ( طب طبا ليه في واحد مغترب دايش زيه )

الزائر : السلام عليكم

المغترب الدايش : وعليكم السلام

الزائر : يا زول نبداء وين هسع وياتو شباك الاول ونمشي كيف والحاصل شنو ونعمل شنو وعشان شنو زاتو ....

المغترب الدايش :- اسمع تعال اول شي نصور الجوازات دي وبعدين الله كريم


بتاع الصورة : ( وشة مكشر ) عايزين شنو الصورة بي 3 الف احنا هنا بتاعين الجهاز ديل بيدفعونا ايجار زي السم لازم نطلعة من الناس الداقسة الزيكم ديل ( طبعا الكلام دا في سره مش علن


وهاكذا تستمر ماساة المغتبر وغدا نواصل


الصفر البارد

[الزعيم]

لا لا والله العظيم يا الصفر لو الكلام ده صاح خلاص ما راجع السودان تاني ده شنو ده الناااس ماشه لي قدام ونحنا لا ورى تارين تصدق حسيت ألم ومعاناة من خلال كلماتك دي بس الله يسامحك.. لأني كنت بفكر آخد الإجازة في الشهر الجاي لكن والله العظيم إنت بقيت لي سبب بعدما كلمتهم ومستعدين هناك وكلوا مية مية لكن ما في رجعة السودان إلا نهائي قرار يعمل به بعد قراءة هذا المقال الرائع للصفر البارد

[الصفر البارد]

الشكر ليك يا زعيم وانت ديما زعيم ومعرف وبدون المنتدى بيكون ما ليه طعم


الصفر البارد

[حجر الظلت]

سمعنا قالوا ح تكون في تخفيضات في الرسوم المفروضة علي المغتربين ..
ما مدى صحة ما ورد في خطاب الرئيس ؟؟
إن شاء الله ما يكون كلام في الهواء زي ما تعودنا!!

[الصفر البارد]

لا اعتقد بان هنالك تخفيض يا اخ كمال بل اعتقد بان هنالك زيادة في رسوم الدراسة لابناء المغتربين

والايام تثبت لك ذلك قريبا


الصفر البارد

[osama elsinari]

yes ur 100% right but what can we do we have to return back home one day and that will not be a big deal that is our country and they are our people we know how to deal with them it takes sometimes but it will be all right dont worry brother