وقفــــــــه (محاوله شعريه)

[مجد]

ماني ندمانه على هواك
ياالهواك فى قلبى اتختم
ومستحيل انساك عارفه نفسى
مابتنسى حبيب كان ظلم
برضو مابرجع للعذاب
مهما تتأسف وتبكى دم
ياما عذبتنى بي الجفا
وانت تستمتع بالالم
شوف وجرب نار الفراق
كيف بتحرق جوه العضم
ضوق لهيب الريده والحب
والعذاب الفيو معلم
اشرب اروى كمان فى الجفا
ذي مابيضوق الطابخ السم
ورغم انو هواك فى القلب
وفى حياتى كمان اتبصم
الا مابرجع ليك اكيد
وفيك انقطع العشم
وانسى انك فى يوم هويت
زوله كانت بيك تهتم
امشى فتش يمكن تقابل
واحده ترضى تعيش فى وهم
ومابسامحك فى كذبك على
وحقى القاو عند الحكم
مابيضّيع حق زول اكيد
وللعباد يوم ماظلـــم

لكم التحيه

[عماد المتمه]

دي مامحاولة

دا نص مكتمل والله
مشكورة علي الابداع

تقبلي مروري

[مجد]

دي مامحاولة

دا نص مكتمل والله
مشكورة علي الابداع

تقبلي مروري

شكراً اخي على المرور
من تواضع لله رفعه واحمد الله انها نالت اعجابكم

[حمدي السمر]

مجد بي شوية اجتهاد منك في الاوزان
والموسيقي الداخلية ... ح يشار اليك بالبنان
واصلي الروعة

[الدُراشابي]

مشكورة علي المحاولة الجميلة , والكلمات الرائعة ,,

{ المسامح كريم }

[مجد]

مجد بي شوية اجتهاد منك في الاوزان
والموسيقي الداخلية ... ح يشار اليك بالبنان
واصلي الروعة

شكراً ليك ود بقروسي علي المرور وياريت استفيد منك يااستاذ

[مجد]

مشكورة علي المحاولة الجميلة , والكلمات الرائعة ,,

{ المسامح كريم }

يديك العافيه الدراشابي وشكراً على المرور

[وهج الحروف]

مجد

اكيد محاولة موفقة

واصلي دون الانقطاع اكيد حتكوني احلى

[مجد]

مجد

اكيد محاولة موفقة

واصلي دون الانقطاع اكيد حتكوني احلى




يديك العافيه وهج الحروف وان شاء الله اكون عند حسن ظنك