هذه هي بلادي وهؤلاء هم أهلي (صور )

[حجر الظلت]

http://www.uusikaupunki.fi/~ertotter/images/Kashm-el-Girba%20Sudan.jpg

[الصفر البارد]

عايزين نعرف يا كمال مكان الصور دي وين


اعتقد انها في الثورة الحارة ستمائة ومافي ..............


بالله يا كمال قول وين مكان الصور دي لينا سريع


الصفر البارد

[حجر الظلت]

http://www.wadmadani.com/sport/m06.JPG

ديل بتعرفوهم يا الصفر ؟؟؟؟؟؟؟؟؟؟؟؟

[حجر الظلت]

http://www.wadmadani.com/sport/m10.JPG

سامي عز الدين

[حجر الظلت]

http://www.wadmadani.com/sport/m09.JPG

سامي عز الدين طفلا

[حجر الظلت]

http://home.wanadoo.nl/~schoelink/khartoum%20street.jpg

[حجر الظلت]

http://home.wanadoo.nl/~schoelink/meloen%20tentje.jpg

[حجر الظلت]

http://www.aljazeera.net/mritems/images/2004/11/24/1_511954_1_34.jpg

[حجر الظلت]

http://www.exfoleyation.co.uk/images/Sudan%202/images/4_%20Kitchener's%20'Malik'%20gunboat%20sailing%20c lub_JPG.jpg

[الزعيم]

هلا كمال الطريفي طبعا طولنا كتير وشوقنا طال لمن مللنا من بعد الديار..
لكن بكرر ليك سؤال أخونا الصفر البارد الصورة الأولى دي من وين..
غايتو أنا من أمدرمان وكنت بزور أصدقائي في الأهلية الثانوية أ في حتات زي دي لاقتني هناك أوفي الثوات نااااس ورا كده ..ما عارف المهم علشان راسي ما يلف بس وريني الصورة دي من وين لو كان في أم درمان ولا الحارات ورا أو في أي مكان تاني عليك الله..

أقوليك والله مجهودك وافر وأنت كريم لكن نحنا بنستاهل صاح :wink: (أوكي) أتفقنا
طيب لو في طريقة عايزين صور ذكر ونوبة وابهاتنا شيوخ الطرق الصوفية لكن بس تكون خاصة بالموقع يعني ما قديمة حصرية وكده زي ما بتقول (العصابة) لا آسف أقصد الصحافة :)

وتخت فيها ختم عنوان الموقع ضروري جدا يا حبوب الختم ده كويس علشان الحرامية كتار وبقت ما عندهم شغلة وما في مواد غير الدخول للمواقع وسرقتها ونشرها كأن المجهود مجهودم هم الحراميين

أقوليك صغر الصور حبة علشان ما تخرب منظر البوست وراح أرجع تاني حلو يا لا باي[/list][/list][/url][/quote]

[هادية بدر الدين]

انا دخلتة هسى هنا وقبل ما اقول سلام
الجهنمية قطعت قلبى وساقتنى بعيييييييييييييييد
لى عشرة سنين ما شفتها.

[هادية بدر الدين]

http://sloh.org/PhotoGallery/displayimage.php?album=3&pid=15&slideshow=5000

ودى كييف[/img]

[حجر الظلت]

الأخت العزيزة هادية ،
أول حاجة بنرحب بيك في المنتدى ونتمنى ليك إقامة طيبة بيننا ..
الصور غاية في الروعة وقد حركت بداخلي شجونا وأحاسيس لا أدري مصدرها ..
...
كمال
أمين الموقع

[الزعيم]

هادية..
الصور تجنن .. وطائرات سودانير تحنن.. تواجدك بينا يون ون..
يعني زي عربية النجدة وكده.. داخلة بقوة الله يديك العافية ومشكورة شديد ع اللمحات الفنية البديعة والصور الجميلة ومن خلالا في اللحظات البسيطة دي عشنا أحلى أوقات وعدنا لعاداتنا وتقاليدنا وتراثنا وحاجات كتيرة من الصعب وصفها زي ما قال الأخ كمال وعلى أي حال مكسبنا كبير بتواجدك بينا ومرحب بيك كتير يا هادية بس إن شاء الله ما تنقطعي وعن المنتدى تكوني راضية هههي شاعر مش :P ..

كمال...

يا خي حرام عليك قوليا الصورة دي من وين.. خليتني أسرح بخيالي بعيد جدا وأغالط في نفسي قربت تجنني كفاااية حرااااام قووول يا ود الناس..


الزعيم أنا بس.. وأرسنال.. وهلال الملايين.. والعين الإماراتي.. كويس ولا ما كويس

[Nachtigall]

الاخت هادية بدرالدين والاخ كمال الطريفى
مالكم علينا !!
عايزين تجيبوا كثافتنا ولاشنو قصدكم؟؟
على كل رغم الجرسة استمتعت بالصور الرائعة والراقية

ناخ تيغال

[حجر الظلت]

أولا بشكركم جميعا علي المرور..

يا زعيم الصورة من بلدنا ( الباوقة ) .. إن شاء الله تكون إرتحت ..

يا ناخ تيغال :
إنت شكلك ح تجن بالجد لو تابعت البوستات بتاعتي !!!

[الزعيم]

آآه أخيرا الحمدلله ..
أخير الباوقا خلاص لازم أزورا ولو جيت هناك راح أتصل عليك علشان نمشي سوى لأنو المناطق دي بتحس فيها بي طيبة وإلفة وحاجات كده خليها ساكت يا كيمو...
الله...


وين الصور...




ما جبت جديد لسع...


مستنينك...





الزعيم أنا بس ... وأرسنال .. وهلال الملايين.. والعين الإماراتي.

[حجر الظلت]

أصبر علي شوي يازعيم ..
أنا نازل إمتحانات بعد يومين !!!
تصدق!!

[الزعيم]

من القلب ندعو لك المولى عز وجل بالتوفيق يا رائع..
ركز وشد حيلك .. عشان أنا ناوي أنزل قريب أجي أبارك ليك في السودان..
والصفر راح يعمل ليك قصيدة.. وتيغال بيعمل التوزيع بتاعا وبوب بغنيها .. ما في مشكلة بضبط الإيقاع لأنو راح يخرج عن النص صاحبنا بوب ويعملا لينا كلها ديشك ديشك هههه :)
وطبعا ناس تماضر وهادية ومنى وسوسو البنات يعني عليهم الطورتات والأكل الطيب بس المشكلة يكونوا فصيحات ساكت أصلو بنات الزمن ده شاطرات وفالحات ويدهم طاعمة هههه :P ..
ويا حليل كسرة حبوبتي وعصيدة عمتي ..
يالا بالتوفيق يا معلم إن شاء الله ..
وكلنا مضغوطين الأيام دي أعفوا لينا لو مقصرين معاكم لكن تأكدوا إنو ما في يوم بمر من غير ما ناخد جولة في المنتدى..

[Nachtigall]

أنا نازل إمتحانات بعد يومين !!!
الاخ كمال الطريفى
بالتوفيق والنجاح الباهر الذى يثلج الصدور
بس اهم شئ تخلى الحوامة من مزيرة لمزيرة
:lol: :lol: :lol:
وتيغال بيعمل التوزيع بتاعا
عزيزى الزعيم
كتر خيرك!!
بس انت فاكرنى منو ؟؟ الموسيقار جميس لاصت مثلا

ناخ تيغال

[الزعيم]

[quote]عزيزى الزعيم
كتر خيرك!!
بس انت فاكرنى منو ؟؟ الموسيقار جميس لاصت مثلا

ناخ تيغال

طبعا طبعا نحنا بنعرفك يا تيغال من خلال كتاباتك ولمساتك وأفاكرك ودا كلوا بدل على إنك زووول فنان عشان كده راح توزعا وبالطريقة الصاح كمان شنو ليك.. :)

صراحة الموضوع دا أنا راح أرفعوا علشان الشباب الهناك يمدونا بي الصور لحدي ما تنتهي امتحانات كماااال .. 8)

هادية عووووووووك مرة واحدة بس جبت صور وتاني ما في يلا مستننينك عايزين جديد لأنك أدهشتينا المرة الفاتت وبدايتك خلتنا نأمل في المزيد.. ههي :P يا خي والله قربت أكون شاعر بس البلد ضيقة مش كده :cry:

[حجر الظلت]

الإخة الكرام،
هذه صورة شعرية يرسمها حميد لأهل بلادي وأنقلها لكم من مكتبة الشعر السوداني :
آه يا غبش
http://alsudanonline.com/php/viewtopic.php?t=402

[حجر الظلت]

الإخوة الكرام،
هذه صورة شعرية يرسمها حميد لأهل بلادي وأنقلها لكم من مكتبة الشعر السوداني :
آه يا غبش
http://alsudanonline.com/php/viewtopic.php?t=402

[Nachtigall]

الاخ العزيز كمال
شكرا على اعادة نشر القصيدة الرائعة

وأصلي لمن أدور أجيك ..
لا بتعجزني المسافة
لا يقيف بيناتنا عارض ..
لا الظروف تمسك في إيدي
ولا من الأيام مخافة
يا نفس فجر القصائد ..
لا ضهب في بعدي عنك
وأصلي متغرب عشانك ..
راضي بالبيجيني منك
ويظل الوطن ملتاع بين ساسة ادمنوا نشر الخراب ومساكين ليهم من الطين شراب!!!

ناخ تيغال

[خالد العزيب]

بلادي انا ..
يابلاد الكنوز الغنية
تمد يدا من قلب النجوم ..
بيضاء مثل صفاء الطوية الي كل شعب مضي
صاعدا الي النبع بين الجبال العتية ..
فاغرودة من بلاد الجنوب تعانق اغرودة اسيوية ...
فتحنا النوافذ يافجر... فانثر ضفائرك البيض والسوسنية
وبعثر علي عتبات الطريق اغاريدك الحلوة الشاعرية ...

[حجر الظلت]

http://storage.msn.com/x1pX4aYqvB-_dYTtBX-2885KrFHT1M40mtwexFbmAzM8QGqy6o88Goibf98uq-0aToWJBhzzBwO80nljV1hvZij6fX-K0_6V5FWcaZMFVwzs1Co4ZeYK0X4s-L8Koibo3PY5PCBOTT6Yd65y9RtdFIXfg

[أحمد ضحية]

جميلة هي هذه الصور
أعني ذاكرة المكان فيها بما يعكس شيئا متواريا وبعيدا بالنسبة لنا نحن خارج البلاد الكبيرة .. شيئا يبدو ضبابيا في ذاكرتنا تلمح إليه الصور : بعضها يلمح في حياء للحياة السودانية الشعبية" الملجة - الثوب المحلي لبائع البطيخ - إيقاع الناس الذين يمكننا أن نتخيلهم خارج الصورة" .. بعضها الاخر يبدو سافرا ضد رومانسية الطبيعة كاشفا عن النيل - النخلة رموز المقاومة والخصب في عالم علب الاسمنت ..
شكرلك اخي كما وانت تستحاول ان تستردنا لما تبقى من بوح في أغتراباتنا البديعة
احمد ضحية :wink:

[osama elsinari]

http://www.wadmadani.com/sport/m06.JPG

ديل بتعرفوهم يا الصفر ؟؟؟؟؟؟؟؟؟؟؟؟
كمال يا راجل يا رائع دائما تتحفنا بالروائع الصورة دى مرقتها من وين و اعتقد لو ما اخاف الكضب انها لمنتخب الخرطوم الذى نازل ليفربول الانجليزى والفنان سكسك احرز هدف منتخب الخرطوم الوحيد عليك الله لو عندك المزيد من صور الزمن الجميل اتحفنا بيها

[حجر الظلت]

الأخ أسامة تحياتي لك بلا حدود،،
حقيقة أنا في هذه الأيام أقوم بمحاولات كبيرة لدخول مكتبة الصوير الفوتوغرافي في وزارة السياحة وطلبت منهم أن يسمحوا لي بنسخ بعض الصور النادرة من أيام المهدية وبداية العهد الثنائي وإنشاء الله لو توفقت في مهمتي فسترون هذه الصور النادرة قريبا جدا... كما أرجو من من يملك أي صور ويريد إضافتها لقسم الصور في الموقع أن يطلب مني تكوين حساب خاص به حتى يتمكن من تحميل ما لديه من صور ...
وشكرا يا أخ أسامة على المرور والتعليق ..
ملاحظة :
الصورة الشخصية في جانب البوست غير مرتبطة يا ريت لو أعدت تحميلها ..

[مينو]

;كلل سنه وانتو طيبين
صدق القال
لو ماجيتا من ذى ديلا وا اسفاى ومآساتى
وا ذلى

الناس في العروض ما تقيسه بي تيبانه
مايغرك لباسن والعروض عريانه
ديل حراس رزق زي التكنو أمانه
زي إبل الرحيل شايله السقى وعطشانه

[حجر الظلت]

الرائعة مينو ..
شكرا على المرور والتعليق وما في أجمل من السودان رغم كل شي ...
تحياتي

[مبارك حامد]

قف
كل سنة وانتو طيبين
وعامره بكم المنتديات ...
وجعل الله أيامكم كلها
( خدره ومخدره )
ولكم وافر الامنيات طيباتها ومترفاتها وما بينهما من
وطن جميل

سلام

[أحمد ضحية]

أعلا

[osama elsinari]

هلا اخوتى كل عام وانتم بكل خير عزيزى كمال عندى صور عاوز اشارك بيها معاكم لكنها ما عاوزة تعمل نعمل ليها شنو عشان تنزل

[بدر الدين بابكر مصطفى]

الأخ كمال والأخوة الكرام :
بخصوص الصورة الأولى:
دي صورة الفريق القومي في التمانينات:
الواقفين من اليمين: شنان، قلة ، إبراهومة، غير معروف ، جمال أبوعنجة، سامي عزالدين، غير معروف، صديق العمدة ، بريمة،
الصف الثاني : من اليمين :
مجدي عبدالغني، سكسك، حمد دفع الله، تنقا، غير معروف، العوني ، طارق، غير معروف،
جلوس من اليمين:
احتمال يكون كندورة، غير معروف، عيسى صباح الخير، كمال عبدالغني، غير معروف، غير معروف، عاطف القوز، الديبة.


هذه الفريق رغم قوته لم يستطيع أن يصل الى نهائيات أمم أفريقيا، ولم يسجل شيئاً يذكر، رغم ذلك فقد أستمتعنا كثيراً بـ: سامي وحمد والديبة وبريمة وطارق أحمد آدم وعقليته الكروية الفذة... وإبراهومة ود المسعودية (الفنان) الذي اعتبره أفضل لاعب وسط مر على البلاد حتى الآن، طبعاً بجانب جمال أبوعنجة الذي يختلف عنه بقتاليته ومثابرته...
دائماً ما أقول أن بريمة لو ظهر اليوم لكان عملاقاً في الدوري الأسباني أو الإنجليزي أو الإيطالي... فقط لم يسعفه الحظ والوقت ...
مع ذلك كنت هلالابي...

[بدر الدين بابكر مصطفى]

الأخ الطريفي :
أفزعتني عندما قلت إن هذه الصورة للباوقة ... فقد تركت الباوقة في بداية التسعينات آية في الجمال والنضرة والنضار، وهاهي اليوم أراها عجوزاً شمطاء ، ما الذي حل بتلك الرياض ؟؟؟ هل امتدت إليها يد العبث التي عاثت بكل ما هو جميل في السودان؟ هل أصابها سوء؟
لآخر مرة زرت فيها الباوقة كانت متشابكة الأغصان، دانية الثمار، لا تدخلها إلا بترجمان، تركت أهلها يفيضون خيراً وبركة وكرماً، يدعونك بإلحاح أن تغشى جناينهم لتحمل ما طاب من الثمار، (بَخيلُن فنجري وعزَّام) .. أذكر عندما كنت في مدرسة عطبرة طلبت من أحد أصدقائي من الحواشات (فتح الرحمن الحاج) أن يحضر لي معه من طيبات الباوقة، عند ذهابه في نهاية الأسبوع، ففاجأني بان أحضر (شوّالاً) من الثمار....
قل لي إن تلك الصورة لضواحي الباوقة وليس الباوقة نفسها... قل لي إنها ليست التكاوين، أو المخازن، أو الحواشات، أو جرسي، أو العمارة، أو فتوار... قل لي إن ذلك بعيد عنها ... هل تدري يا أخ كمال إن تلك الباوقة كانت تسمى (الكويت)...

[ام بادر]

ابدا"
ما كويس

[مينو]

بلادك حلوه ارجع ليها

صدق القال
لو ماجيتا من ذى ديلا وا اسفاى ومآساتى
وا ذلى
انت البطيخه دى بطيخه اليوم ولا من الامس
بعدين اللعيبه ديل متاكد من السودان اصلى ماعرفت ولا واحد فيهم

[osama elsinari]

الأخ كمال والأخوة الكرام :
بخصوص الصورة الأولى:
دي صورة الفريق القومي في التمانينات:
الواقفين من اليمين: شنان، قلة ، إبراهومة، غير معروف ، جمال أبوعنجة، سامي عزالدين، غير معروف، صديق العمدة ، بريمة،
الصف الثاني : من اليمين :
مجدي عبدالغني، سكسك، حمد دفع الله، تنقا، غير معروف، العوني ، طارق، غير معروف،
جلوس من اليمين:
احتمال يكون كندورة، غير معروف، عيسى صباح الخير، كمال عبدالغني، غير معروف، غير معروف، عاطف القوز، الديبة.


هذه الفريق رغم قوته لم يستطيع أن يصل الى نهائيات أمم أفريقيا، ولم يسجل شيئاً يذكر، رغم ذلك فقد أستمتعنا كثيراً بـ: سامي وحمد والديبة وبريمة وطارق أحمد آدم وعقليته الكروية الفذة... وإبراهومة ود المسعودية (الفنان) الذي اعتبره أفضل لاعب وسط مر على البلاد حتى الآن، طبعاً بجانب جمال أبوعنجة الذي يختلف عنه بقتاليته ومثابرته...
دائماً ما أقول أن بريمة لو ظهر اليوم لكان عملاقاً في الدوري الأسباني أو الإنجليزي أو الإيطالي... فقط لم يسعفه الحظ والوقت ...
مع ذلك كنت هلالابي...
بدر الدين اخوى حبابك بدور اسألك الفرق شنو بين مجدى عبدالغنى ومجدى مرجان سؤال بس

[nizar]

المنتخب فى الثمانينات ..شئ جميل
ولكن السؤال هل المنتخب زمان أقوى من المتنخب اليوم ام العكس صحيح؟؟؟؟؟؟؟؟؟؟؟؟
وعشات نكون موضوعيين .. نقارن بين مستواهم ومستوى المنتخبات من حولهم .. وبين مستوى المنتخب اليوم والمنتخبات من حولهم...
ويلاكم نقارن..........

[حجر الظلت]

up