طال علي النوح والسهر (على نسق اغنيات الحقيبة)

[حسين عبدالوهاب عبدالكريم]

طــال علي النــوح والسـهــر
وجــار علي جفـــاك والدهـــر

لي لحظـــــك سيفــا شهــر
لي فـــوادي العاشــق قهــــر
كل مـــن يلقــــاك انبـهــــر
بي هـــــواك يا نايــر جـهـــر

يا شبيــه الحــــور والقمــــر
يا بديـــع يا حـــالي الثمــــر
الجمـــال من حســنــك أمــر
للقــوام بالنــور قـــد غمـــر

في مقلتيـــك قـد زان الحـــور
في روعـــة من شتى الصـــور
تتلـــو لي من حسنــك ســور
شوقي ليــك في القلب اعتـور

يا جميل لي طرفـــك سحـــر
كم سهــــرت الليل للسحــر
شوقي ليك نـــوم عيني دحــر
وزايــــده نـــارو لهيبــا وحــر

يا حبيبي هــــواك قــد وقـــر
في فــؤادي الخـــالي استقـــر
من بعـــــادك عايــش سقــر
وفي وصالـــك طـــاب المقـــر

ليك ســلام ما صبحـا سفــر
أو كســـــا خديــــك الخفــر
مهمــا يقســو الــريم أو نفــر
أصلـــو ذنـــب الحـــب مغتفر

[المه]

المبدع حسين عبد الوهاب
أخى دوماً
إن الروعة تتجلى فى كل ما يجود به قلمك
مهمــا يقســو الــريم أو نفــر
أصلـــو ذنـــب الحـــب مغتفر
والكلام ده صحى ول تبع القافية

[حسين عبدالوهاب عبدالكريم]

اختي نجلاء تحية طيبة وبعد

انا واحد بحبه بجنون
ده لو لطشني كف
ما برده ليو

اما سمعت
عين الرضا عن كل عيب كليلة
وعين السخط تبدي المساويا