فيك الجمال ألوان تشع من قامتك

[حسين عبدالوهاب عبدالكريم]

فيك الجمال ألوان
تشع من قامتك
شعرك سواد الليل
وابيض كمان لون بسمتك
وعيونو زي عين المها
زان الحور لي مقلتك
ناصع البياض
حالك السواد
كل السحر في نظرتك
في وجنتيك شفق المغيب
واحمر لذيذ في شفتك
والورد في خدودك ندي
والصبح نور جبهتك
والجيد كريستال
بل جمان
تسبي القلوب بي لفتتك
والبدر يخجل من ضياك
ذهبي وبديع لون بشرتك
ناعم رقيق
هادي ورشيق
مس الحرير مس كفتك
بس كل ألوان قوس قزح
زاهية وتميس في حلتك
والأرض يكسوها الخضار
لمن تبين في طلتك
والناس جميع في اندهاش
تتمنى تدخل جنتك

[rose]

والأرض يكسوها الخضار
لمن تبين في طلتك
والناس جميع في اندهاش
تتمنى تدخل جنتك

سلام حسين..
مرور وتسجيل فرح ..


ودام الود

[حسين عبدالوهاب عبدالكريم]

والله ظلل بالفرح
يا روز دوام في دنيتك
يديك للعمر الطويل
بالصحة زانت بسمتك
وربك يفرج للهموم
في الدنيا تلقي لمنيتك

[عاطف الشريف البشير]

شكرا حسين .... فطالما وهبتنا الابتسام الراضي من خلال ما تسكبه في ارواحنا من مدام تخالط المشاش دون ان تذهب بالعقول بل تبقى فينا لذتها وطربها الممراح......
لا استطيع ان اوفيك حقا ... لك العتبى بقدر ما امتعتنا
وتقبل محض ودي