اروع شئ

[سامى سر الختم]

ما اروع انك مره
تطلع بره من حبل الشعور
والريد يلابسك زى عصب
يفتق مساحات للورود
كتر النبض.........
يتماشى فيك نمل الوله
ويحتسى الشوق الشهد
ما البت هى زى هبة عبير
تسقيك طل تبقالا فل
تتنغمش الذات الحياة
والجوه منك ينهبش
ألمسنى ياراكز الشروق
ساعفنى بى لون البروق
ما اتدفق الريد الطمى
ايه يعنى لو زارك جفاف
ما انت حا تحيا وتعيش
بالدهشه والرعشه وسلاف.

[ساداتكو]

يا ولد يا سمسم سلامات...

وشُكراً للإحساس المُرهف الجميل...

وبعدين انت مشيت وين ما ظاهر...

والله ليك وحشة كبيرة...

وأبقى واصل دايماً...

[سامى سر الختم]

ساداتكو ......................
تسلم وخلينى اقول
ليك الرهافه منك انت
لأنو بتحس بى غيبتنا
ومافى اجمل من انو تحس
بى انو فى زول بحس بيك
وشكرا...............

[rose]

[moj=up:5628a3ee53]ما اروع انك مره
تطلع بره من حبل الشعور
والريد يلابسك زى عصب
يفتق مساحات للورود ..[/moj:5628a3ee53]
..

سامى.. أين أنت يارجُل ..
إتدفق وما تبقى رقراق ..
والتحية عبرك للرائع مثلك
محمد أبو عاقلة ..

ودام الود..

[المه]

أخى سامى
[glow=#CC9966:743e5c8b05]ألمسنى ياراكز الشروق
ساعفنى بى لون البروق
ما اتدفق الريد الطمى
ايه يعنى لو زارك جفاف
ما انت حا تحيا وتعيش [/glow:743e5c8b05]
والله رائع
ودى ما جديدة على ناس كردفان
اهلنا الرائعون دوماً
والمبدعون دائما
وانا بحسدكم على
طبيعتكم الجميلة الخلابة
وطبعاً دى من نعم الله عليكم

[Abu baker]

سلام سامي لي صاحب الحضور السامي والمقام السامي "سامي" ..
وسلام لكل الحضور هُنا ..

أروع شئ ..
إنك تكون بيناتنا .. "فِي"
خليك قريب ما تختفي ..
ما عشمنا دايماً فيك.. و
بي وجودك الروعة بتبقى في كل شئ ..
وخيك قريب ما تختفي ..

روعة يا سامي ..

مجتبى ..