عشان ابوي

[جعلية مؤصلة]

في بدايه دراستي لجامعة التمريض العالي كنت رافضة رفضا قطعيا ان ادرس بتلك الجامعة ولكن ارضاء"لابي درست وتخرجت واستلمت عملي بالمستشفي ؛كان شاقا"عليّ واصبح ليلي نهار ونهاري ليل من حجم الشغل فكنت لا احادث احدا" من عناء التعب فكتبت قصيدتي لاعبر عن مدي المعاناة التي كنت اعيشها؛؛ فقلت فيها:__
لاصديقة تحن عليّ ولا حبيبا" لي بيسألْ
لا قريبا" لي بواصل ولا اخويا لي بيأمرْ
حتي والدي بحن ليه لما البعد بيناتنا بطولْ
لو حصل لاقيت حبيبي فجأة تلقاهو بيكشّرْ
من نحافتي الشافني بيها ومن سواد لوني المخدّرْ
ومن سهر قدّد عيوني ومن فتر خلاني انطرْ
انطر الحظ الرماني في غياهب المك نمرْ
لابضاحك لابوانس حالي حال زول بحتضرْ
دة كلو عشان اراضي ابوي ويسعد بيّ ويفتخرْ
يقول للدنيا جبت بنيْتا" في المدد زيّ البحرْ
ويرضى عني ويباهي بي.......... وانتظرْ
انتظر فرجا" قريبا بي نجاحي واحتفلْ
من ديواني المجرمة

[عماد المتمه]

ههههههههههههه

كل التعب والسهر يهون عشان خاطر رضا الوالد

نص جميل حقيقة
وحق لاباك ان يفتخر بك

ومايهمك بكرة الحبيب بضحك اكييييييييد

تفبلي مروري

[جعلية مؤصلة]

عماد المتمة؛؛؛ بتضحك في السهر القدّد عيوني دة وللا شمتان ؟؛عموما حسة الوضع اتغير 180 درجة؛ونعم الحال لا سهر ولا قرف ولا خدار!!!؛سلمت

[روعة شندي]

الله يعينك يعنى حننتينى

[الكاهلية]

صح لسانك وجعلك الله باره بوالديك

[الدُراشابي]

كل التعب عشان رضاء الوالد يهون ,,,,
انشاء الله بكره الحبيب يشوف منك البعيجبو ويفتخر بيه ,,

[جعلية مؤصلة]

روعة شندي ؛تسلمي يا اختي علي مرورك الرقيق ؛وحنيتك دي بالدنيا علي؛ سلمتي

[جعلية مؤصلة]

الكاهلية يديك العافية ؛ودة اقل ما نقدمه للوالدين؛الرضا والطاعة

[جعلية مؤصلة]

الدراشابي ؛؛؛سلمت اخي ومشكور علي مرورك الرائع

[انوركو]

ابوي انشاء الله لي تسلم

[جعلية مؤصلة]

انوركو؛؛سلمت وسلم اباك بس طلب بسيييييط منك ؛لو حافظ باقي الاغنية بتاعت(((ابوي انشالله لي تسلم )))نزلا لينا واكون شاااااكرة

[انوركو]

ما عندك مشكلة بس للعلم انا ابوي متوفي ( شيلي لي الفاتحة )

[جعلية مؤصلة]

البركة فيكم انتو ؛وحاكون منتظرة بقية الاغنية ؛لانها عاجاني شدييييييد

[انوركو]

أبوى انشاء الله لي تسلم ابوي يالطيب الانسان ويا دراق سيوف الهم حنين كلك سماحه وفال وفيكا مهابة الابطال والقلب الكبير يا يابه فيهو براءة الاطفال ملان حنيه يا يابه واراده تفتت الصخره وعامر ديمه بالإيمان وزى الواحة فى الصحراء تدل التائهه الطشه وتبقى قداحه للضيفان تعشى اللسه ما اتعشى ابوى قادوس سواقى النيل ونخلاتن تهش للدنيا شاربات همبريب الليل سديد رايك أبويا يا أب راي ويالقلبك تملى معاي ومهما اقول عليك من قول ابوى ما بيوفي ليك غناي ابوي نسمه هجير الصيف اصيل طيب مجامل ما بعرف الزيف طبعك يابا طبع انسان عنوان لرجال الريف

[جعلية مؤصلة]

يا لجمال هذه الكلمات؛؛؛؛تسلم انوركو انشالله

[انوركو]

تسلمي دي اقل هدية للوالد العزيز

[كمال كيلا]

انشاء الله يا رب تنالى رضاء الوالدين


واصلى يا ست الاسم

[عبدالله ودعجيب]

الضغوط الكتيره دى هى الطلعت منك إنسان مبدع

[جعلية مؤصلة]

كمال كيلا ؛تسلم ومنور البوست؛ويتقبل دعوتك

[جعلية مؤصلة]

العجيبابي ؛تسلم يارب والازمات تولد الابداع!!!!؛سلمت

[صلاح البدوى]

كلام يضرب فى الوتر
حقا أنه أبداع حد الدهشه حد التلف
دمتى دوما لوالدك ويحفظك الله أيتها الرائعه

نحن فى أنتظار سيل قلمك ونزف حرفك

[جعلية مؤصلة]

تسلم اخي صلاح ؛والوالد مقدر

[صلاح بدر العوضى]

كل قاسى فى رضا الوالدين يهون
مو داب سهر أب تفديهو بعيون
أنتى درة - و خلّى الكاين يكون

[جعلية مؤصلة]

كل قاسى فى رضا الوالدين يهون
مو داب سهر أب تفديهو بعيون
أنتى درة - و خلّى الكاين يكون

هن العيون وينن؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!؛تسل م اخي صلاح علي الاطلالة

[خبيب عبد الحليم]

:5sds:روعه يابت شندي:5sds:

[خليل الفاضل]

القدر إن عناك فوق اليباس تزلق
وإن عمت البصيره عماها مابتشلق
لو اضمن رضاء امى وابويا مغلق
اكون فى سعاده لوكان من لسانى معلق

نص ممتاز