حماس من جوه

[ودالدشينابي]

دربك فيهو شوك

كلمات والحان:احمد الصديق الجميعابي

قلبك حديدو اصم ودربك فيهو شوك
لو الحديد مشبوك بخافك عدوك

براقك برق كشف المخبى وشلع
وانقدا السحاب ماخلى جمرا ولع
الوادي اب لعوت اليله شرا وضلع
سيالو انتكا وعرق السمر اتقلع

تمساح البحر الفوقو الكريك والطين
بحرك قلتيب بيعاني في الوزين
يا دقر الدميره الساكن مع الوقنين
لدقك في الضفر حالآ تسم العين

معروف للخلوق والعالم يشهد تب
ثابت في محلك يا الكلامك صب
ما بترجع وراك يوم تركب الاصهب
لا من النمور ولا الاسود ترعب

هو البعتر بقع ورجلينو بتوطاهن
وبغير اتجاهو غير يوعي للسواهن
من قبالو كم ولع جفايرو طفاهن
والبلد المحن لابدء يلولي جناهن