البت من طين

[سامى سر الختم]

البت من طين
جواها حنين
لو صب دفق
ما جف شدر
ما جاع انسان
او ضاع تحنان
راكوبة بيت
مدماك فى حيط
او ساس الناس
البت هى احساس
دفاق حراق
محتله جواى
من زمن الخوف
وكتين الشوف
عدانى وفات
وبقيت هى معاى
زى انى براى
او انى براى
زى هى معاى
والبت هى الطين.

[مينو]

[shadow=#00FF66:b5e1b5de98]البت من طين


سلام.. سامى كل سنه وانت طيب ورمضان كريم وينك ما ظاهر [/shadow:b5e1b5de98]

[ساداتكو]

المبدع سامي سر الختم...

سلام وتاني سلام ورمضان كريم...

أصبر ساااااااااااكت انت تمشي وتجي علي كيفك بس...

ياخي ما تخلينا عشان تعرف الحاصل شنو...

عموماً ان شاء الله المانع خير... لكن اظنك انت جالدو يا حبة من سجارتك دي...


عموماً عوداً حميداً وتاني لما تمشي ادينا خبر عشان نعرف الحاصل عليك يا حبيبنا...


ودمت حبيباً للمنتدى...

[سامى سر الختم]

مينو ..........
سلامات ليك معتقة بى ريحة جروف النيل
وبى بركاوى سكر شاى
وبى طعوميتك
تسأل منك العافيه
ورمضان علينا وعليكى كريم
وتعوديهو بى الخير والصحه
انشاء الله .....

[سامى سر الختم]

ساداتكو........
سلامات ........
فى الحقيقه الواحد
بى يشكرك كتير عن سؤالك عننا
ودا بى يدل زى ما قال الاستاذ
عبد الماجد مره لما سألنا عنو انو انت زول كبير
وانشاء الله تبقى طيب محل ما مشيت
ورمضان كريم وتعودوا انشاء الله
بالرفاه والصحه والعافيه
بالنسبه للسيجاره وكدا طبعا كلامك جزو منو صاح
لأنو كنت عيان فجلدتوا الليله
وكمان بعد الساعه خمسه
يظهر انو شميتا ....

[ساداتكو]

ههههههههههههههه
تسلم اخونا سامي ...

وان شاء الله ربنا يقدرك وما تجلد الباقي ويمتع بالصحة والعافية دايماً...

وربك يجيب العواقب سليمة باذنه تعالى..


ودمت سامي دائماً...