rose
29-09-2006, 03:24 PM
حليل الكانو مغشوشين ..
وما قايلين ..
بأن الزول خلاصة طين ..
وداك الحين ..
يبق النور .. وتتعرى الحقيقة المرة للعينين ..
أتاريك .. كنا عميانين ..
وكلنا فيها يلايجار ..
وفوق درب الهلاك .. طاشين ..
وداك الحين ..
حقيقة الأمر لينا يبين ..
وحاتكن .. انتو ياالسامعين ..
داك الحين ..
مابتشفع .. قصور شامخات ..
وبرضو كمان بيوت الطين ..
وأصحاب الحرير والجوخ ..
بدار الآخرة عريانين ..
هناك أعمال ..
هناك أفعال ..
يوم الموج يلاقى الموج ..
وفى بحر العرق خايدين ..
حليل الدنيا .. هادى الدنيا ..
لمان .. نسكن الأشبار ..
هناك .. عرفت ..
يا سرا عجيب وغريب ..
بذور تبذر برحم الغيب ..
تخدر .. فى اليباب وتجيب ..
برحم الغيب تجابه الريح ..
تلاوى الريح ..
ويمشى الريح ..
يولول فى الدروب و يصيح ..
شتيلة القدرة .. تكسر حدة الاعصار ..
وياما بذور تموت فى التربة ..
يا ما بذور تحن للموية .. كايسة الرى ..
وفوقها تزغرد الأمطار ..
وشن بنقول ..
كلامنا الهايف المعسول ..
لسانا سنين ..
سنين ودنين ..
وديمة يطول ..
وشوف نادونا ..
قالو الزول ..
هوى يا زول ..
اذا ..
طعنتنا بس .. بس شوكة ..
شن بنقول ..
ياالله .. ويا الله ..
وديك اللحظة .. نطرى الله ..
ننادى .. نهاتى من أعماقنا ..
يا ستار .. ويا ستار ..
تعالو .. أقيفو ياالماشين ..
وما عارفين ..دريب الحى ..
أصلو الموت .. دريب الحى ..
كان فى الوادى ..
أو فى الصى ..
لا بفرز ..
ولا بيعرف كبير وصبى ..
حتى الجاهل اليتاتى ..
لسه .. جنى ..
اللولنة .. ناس أماته ..
داخراتنه .. راجياتنه باكر ضى ..
يكشف الغمه .. يبرى الزمة ..
بين أخواته ..
يكبر بكرة يبقى أخى ..
شن نسوى ..
ديك ساعة البريده الحى ..
ونحن علينا .. ووب وأحى ..
وماممكن .. ولا يمكن ..
أحد يفلت من الأقدار ..
مصير محتوم ..
اذا كسناه .. أو درناه ما بنلقاه ..
أو حاولنا ..يوم نهرب ..
محل قبلنا .. ما شى معانا ..
شادى رحاله ما بتعب ..
وما بيضهب ..
اذا اندشينا ..
حشرنا ذواتنا جوة أجحار ..
حيوصل يوم ..
بشيش يوصل ..
اذا صاحين .. اذا نايمين ..
اذا ماشين .. اذا قاعدين ..
حتى ان كنا فى جوف الحرير راقدين ..
والا نحاحى .. خايدين طين ..
يجيك من وين ..
ما معروف يجيك من وين ..
منو البيشوفو راى العين ..
براهو بيعرف المقصود ..
دا .. سر الواحد المعبود ..
يقوت مرضان .. ومتحدر ..
يجى لى زول .. لضيد وشديد ومتقدر ..
يناطح الصخر والأحجار ..
يفوت دى الدار ..
ويدخل بعدها .. دى الدار ..
ونواصل ..
ودام الود
وما قايلين ..
بأن الزول خلاصة طين ..
وداك الحين ..
يبق النور .. وتتعرى الحقيقة المرة للعينين ..
أتاريك .. كنا عميانين ..
وكلنا فيها يلايجار ..
وفوق درب الهلاك .. طاشين ..
وداك الحين ..
حقيقة الأمر لينا يبين ..
وحاتكن .. انتو ياالسامعين ..
داك الحين ..
مابتشفع .. قصور شامخات ..
وبرضو كمان بيوت الطين ..
وأصحاب الحرير والجوخ ..
بدار الآخرة عريانين ..
هناك أعمال ..
هناك أفعال ..
يوم الموج يلاقى الموج ..
وفى بحر العرق خايدين ..
حليل الدنيا .. هادى الدنيا ..
لمان .. نسكن الأشبار ..
هناك .. عرفت ..
يا سرا عجيب وغريب ..
بذور تبذر برحم الغيب ..
تخدر .. فى اليباب وتجيب ..
برحم الغيب تجابه الريح ..
تلاوى الريح ..
ويمشى الريح ..
يولول فى الدروب و يصيح ..
شتيلة القدرة .. تكسر حدة الاعصار ..
وياما بذور تموت فى التربة ..
يا ما بذور تحن للموية .. كايسة الرى ..
وفوقها تزغرد الأمطار ..
وشن بنقول ..
كلامنا الهايف المعسول ..
لسانا سنين ..
سنين ودنين ..
وديمة يطول ..
وشوف نادونا ..
قالو الزول ..
هوى يا زول ..
اذا ..
طعنتنا بس .. بس شوكة ..
شن بنقول ..
ياالله .. ويا الله ..
وديك اللحظة .. نطرى الله ..
ننادى .. نهاتى من أعماقنا ..
يا ستار .. ويا ستار ..
تعالو .. أقيفو ياالماشين ..
وما عارفين ..دريب الحى ..
أصلو الموت .. دريب الحى ..
كان فى الوادى ..
أو فى الصى ..
لا بفرز ..
ولا بيعرف كبير وصبى ..
حتى الجاهل اليتاتى ..
لسه .. جنى ..
اللولنة .. ناس أماته ..
داخراتنه .. راجياتنه باكر ضى ..
يكشف الغمه .. يبرى الزمة ..
بين أخواته ..
يكبر بكرة يبقى أخى ..
شن نسوى ..
ديك ساعة البريده الحى ..
ونحن علينا .. ووب وأحى ..
وماممكن .. ولا يمكن ..
أحد يفلت من الأقدار ..
مصير محتوم ..
اذا كسناه .. أو درناه ما بنلقاه ..
أو حاولنا ..يوم نهرب ..
محل قبلنا .. ما شى معانا ..
شادى رحاله ما بتعب ..
وما بيضهب ..
اذا اندشينا ..
حشرنا ذواتنا جوة أجحار ..
حيوصل يوم ..
بشيش يوصل ..
اذا صاحين .. اذا نايمين ..
اذا ماشين .. اذا قاعدين ..
حتى ان كنا فى جوف الحرير راقدين ..
والا نحاحى .. خايدين طين ..
يجيك من وين ..
ما معروف يجيك من وين ..
منو البيشوفو راى العين ..
براهو بيعرف المقصود ..
دا .. سر الواحد المعبود ..
يقوت مرضان .. ومتحدر ..
يجى لى زول .. لضيد وشديد ومتقدر ..
يناطح الصخر والأحجار ..
يفوت دى الدار ..
ويدخل بعدها .. دى الدار ..
ونواصل ..
ودام الود