فوق الحنان

[جعلية مؤصلة]

انا ياما اديتك مشاعر
بس انت ماأهتميت بحالي
وعشت بي حبك معذّب
وسبت ايامي الخوالي
أديت حنان فوق الحنان
وبيك كتير زدت انشغالي
اهديت قليبا" ليك حنيّن
وانت ما دريان بحالي
بي كلام الناس وقولهم
وبي حديثهم ماببالي
لاني ردتك ريد حقيقي
وليك ابدا" ما بداري
حبي ليك ياغالي اطهر
من خيانة ومن تعالي
وماتسيبني براي ابكي
وخلي حبنا حب مثالي
وماتقول انا مني أبعد
لانو فوق حدّ احتمالي
من ديواني (المجرمة)

[قوار]

الجعلية المؤصلة
ايوة كده ورينا الرومانسية الدفاقة دي
شايفك نوعتي وطلعت شوية من ساحة الجريمة لي ساحة الغرام والشجن
كلام جميل واصلي يا مبدعة

مع مودتي؛؛؛

[جعلية مؤصلة]

شكرا اخي قوار علي المرور؛واكيد الحاجات لو ما نوعت فيها ومشيت بوتيرة واحدة مابتبقي عندها طعم ويوم حلو ويوم مر والله لا وراك المر؛آمييين؛سلمت

[حافظ شندي]

ماشاء الله عليك...
حلقي بينا في افق الرومانسية.....
وخلينا نشتم من طيب عبيرة الفاح

مزيدا من التقدم..

[ملاك فتوار]

رائعة.........

[جعلية مؤصلة]

اخي حافظ شندي يسعدني مرورك هذا وأهو قلنا نغير شوية من الاجرام؛سلمت




ملاك فتوار ؛؛؛؛ مشكووووووووووور عالمرووووووووور

[حمدي السمر]

نص ممتع

[جعلية مؤصلة]

شكرا لمرورك ود بقروسي ؛سلمت