موجة حب تضرب الشباب والبنات على قفا من يشيل

[هشام عباس عمر]

يقول عنى اصدقائى اننى شخص بدائى او حسب وصفهم (دقة قديمة)وربما لهم مبرراتهم فى ذلك ..وبطبيعتى احب كل قديم ...يسكرنى الكاشف فى اغنياته ولا اجد وصفا لحالتى عندما اطالع شيئا عن شعر وشعراء الححقيبة .اتنسم مع وردى عبير الانسانية يطربنى الذرى ابراهيم عوض حد الهوشة ومع العميد احمد المصطفى اجزم ان الانسان ماخلق الا كى يغنى واعود مستغفرا وعثمان ححسين يعتقلنى فى وكره المهجور مرورا بكل الرائعيين حتى مصطفى سيد احمد مطربى الاول ...وعندما استمع الى مايسموا بفنانى الشباب تصيبنى هستريا لا اشعر بعدها بشى الا انى اصدقائى يتهموننى بسب العقيدة فى حالة الهسترة مستغلين فرضية ان المحس لا دين لهم ولا ادرى من اين للناس ببينة ان الحلفاويين والمحس (نل)...
وفى تراثنا المحسى قصص للعشق والهيام وثقت فى اغانى رائعة باللغة النوبية لدرجة تمنيت معها لو ان الجميع يتقنونها حتى يقفوا عليها ..وقرات وانا صغير اروع روايات الهيام عن اروع الكتاب فى زمن الكتابة الجميلة وعندما كان شمالنا ومصر دولة واحدة تاتينا ابداعاتهم مع كل فجر فكان يوسف السباعى ورد قلبى واحسان عبد القدوس وكنت لا انام وثروت اباظة وشى من الخوف .....
المهم رسخ فى زهنى صورة واحدة للحب معنا وممارسة ....ارفض بعدها كل الآخر مهما كان...فصرت من اكبر العشاق بدون حبيبة وهائما من غير وجهة لاننى وببساطة ارفض ما يسمى عند جيلى اليوم بالحب واضعه فى خانة الهبل ولا اود ان اكون اهبلا....
فى مرحلة الجامعة مرت بنا امثلة كرست فى داخلى كراهية هذه الظاهرة ..ترك الشباب كل اهتمام الا الفتاة واقسم بالله ان بعضهم ما كان لهم دافع فى الجامعة سوى تلك الجلسة (على النجيلة)ومن اجلها كانوا يذهبون..فهل الحب يختزل الى هذه الدرجة وهل هو مبتذل بهذه الشاكلة؟؟؟؟؟؟؟؟؟؟؟؟؟؟
اما عن حب الكافتريات اخجل ان احكى ....
ما يزيد من استغرابى ان الجنس الاخر رضيت ان تحصر نفسها فى دور المسلية للرجل .فان كان الشباب قد اختزلوا الفتاة فى هذا المستنقع الاثن فما معنى ان تستسلم هى؟؟؟؟؟؟؟لماذا لا نضع الجنس الاخر فى قالب انها جزء بل ومهم منا لماذا لا ننظر اليها من الجانب الرائع ؟؟؟والى متى ستلعب الانثى فى مجتمعنا دور الجارية عندما تكون هى الحبيبة وتتقن دور الخادمة عندما تكون الزوجة ؟؟
بعد كل هذا يصفنى اصدقائى بالدقة القديمة ...لست كذللك ...
هل لانى ارفض ان تكون فى حضنى دمية ؟؟؟هل لانى لم اجد (هيلة)-بطلة القصة النوبية-؟؟؟؟؟؟؟؟؟؟
انا اتطلع لامراة نخلة .ارميها حجرا ترمى ثمرا..
فما رايكم فى حب زماننا؟؟؟؟


ملحوظة................................ز
فكرت ان ابدا مشاركتى معكم بهذا الموضوع الخفيف حتى لا اثقل عليكم من قولة تيت..وبعدين لو قلنا سياسة الجماعة قسموا البلد بيناتم التقول جنينة ابوهم..ولو قلنا رياضة شداد حالف طلاق مافى زول ينظر الا هو وذاتو مشكلتنا فى البلد دى انو اليمسك حاجة بيفتكرا حقتو تخيلوا انو اربعة اشخاص بيسيروا البلد دى من يوم الاستقلال هم البيعارضوا وهم البيحكموا.....اما الفن الواحد يخجل يكتب وزول قامة زى عثمان حسين ما لاقى حق دوى الملاريا ...
عشان كدة قلنا هاكم الحب دة ...وبالله الحابى فيكم ما يشمنى انا ما قاصدكم انا قاصد ناس الزقاقات المظلمة بعد المغرب وان كان معاكم واحد منهم يشرب من البحر يعنى حيلقانى وين وذاتو مين فيكم عارفنى؟؟؟
المحسى
مغترب بالخرطوم وما لاقى النوم

[الصفر البارد]

الاخ الكريم هشام

بصراحة اعجبتني المقالة بتاعتك واظن اننا من نفس الجيل حيث ينتابني نفس الاحساس وشكرا ليك بانك عبرت بسرعة عما يدور في خاطرنا وتاكد بانك ليس الوحيد في هذا الاحساس فكل ابناء جيلنا لهم نفس الاحساس المحبط من حولنا من افرازات المجتمع السوداني التي لا تشبهنا في شي انما هي ثقافات ملطوشة من قنوات فضائية هابطة وهي ليس ثقافة بقدر ما هي انحلال خلقي واجتماعي وكل الحركات دي جاية من بورة الفساد في العالم العربي القنوات الهابطة وعلي العموم فان امر جيل السودان في خطر وعلينا ان ندق الناقوس من الان او يضيع كذلك الجيل القادم


ليك كل الود

الصفر البارد

[هشام عباس عمر]

الاخوة الصفر البارد ودهب والوسيلة
خالص الود
اندهش حقيقة لمدى تجاوبكم السريع وملاحظاتكم الجيدة ...واكثر ما اسعدنى اننا التقينا على ذات الراى ....
نعم للقنوات الفضائية دورها الكبير ولكن قبلها ياسادتى لا يمكن ان يتم الغزو بهذه البساطة الا اذا كان المتلقى لا يملك شيئا من اسلحة الدفاع والملاحظة ان جيلنا لا يملك وبالتالى لا تصبح القنوات الفضائية هى الاساس انما فراغنا واتحدار فكرنا ...
وسنفرد للقنوات الفاضية وبرامجها الجنسية حيزا فى مقبل الايام .....
هل الوضع السياسى القائم له دور فى هذا الفراغ الفكرى الكبير ...ام هو متطلبات عصر ولكل جيل اشيائه كما يقال؟؟؟؟؟؟؟؟؟؟؟؟؟؟
اخى الصفر البارد--وودت ان اسال لماذا صفر وما سبب البرود؟؟---اخى ارجو ان لا تستخدم اسم (امة عربية)لان العرب لا يستحقون هذا الاسم والافضل (اللمة العربية)
شكرا لاهتمامكم..واعد بالمزيد..
محسى مغترب بالخرطوم

[حجر الظلت]

تحياتي يا أخ هشام ،
بالتأكيد الحكومة هي رأس المشاكل لأنو في يدها تغير حاجات كتيرة ..
لكن نقول شنو بس؟
وزيز الثقافة مشو ليه عشان يدي الناس قروش للنشاط الثقافي قال ليهم أنا أديكم قروش عشان حبيتني وحبيتك :?:

حكومات تغور إن شاء الله يا أبو الشوش ..
ويتواصل البوست

[الثورة]

ياأخ الصفر البارد وياأخ هشام عباس انتو شكلكم من الجيل الضيّع السودان ولسه بنادي بانو بِمثِّل العادات السمحة والتقاليد الممتازة نحن في الوقت الحالي في عصر العولمة والانفتاح علي العالم واكبر دليل انكم الان مسجلين في موقع علي الانترنت ,مافي داعي للشعارات البراقة بتاعتكم دي وانا اعتقد انوبدل الزول يقول الحاجة دي كعبة حقو يحاول يشوف محاسنها ويصلح سلبياتها بدل النواح الضيع البلد دي :evil:

[هشام عباس عمر]

يبدو ان المنتدى موعود بثائر فمرحبا بثورة..
انا لست كما وصفتنى اننى من الجيل الضيع البلد لانى من الجيل الضائع..
فتحت عينى فى العام 1978 وبالتحديد فى اليوم الثانى من شهرها السابع وحينها كانت حرارة الصيف ارحم من حرارة الوضع السياسى والفنى والرياضى فبعد زبح نميرى كل مختلف معه زبح النعاج زج بالفنانيين والادباء فى السجون ليكمم الكلمة بل حتى انه اصدر قرارا بايقاف الرياضة ؟؟
وعندما وعيت سمعت عن الانتفاضة التى اتت بالفضفضة (حكومة الصادق)...
ولانى مقتنع ان مشانق نميرى افضل من رؤساء البيوتات ومن يعيشون فى جلباب جدودهم فلا اظن ان احدا اعجبه الوضع.....
ثم كانت الطامة الكبرى وعذاب الله الاكبر عندما صحى البشير قبلنا واستلم السلطة.
وحتى الان لم اعيش مجرد ان اعيش كالبشر تقول لى ضيعتو السودان؟؟؟
هو السودان ما كان ضايع متين؟؟؟؟؟؟
ببساطة يا اخى انا انسان فقد كل ما هو جميل واريد ان اسرق الجمال من بعض ماضينا عل علاتها لان لا حاضر لنا ..اعيش الحب الصادق الذى افتقده فى الحقيقة اعيشه فى الاغنية الخالدة ...وعندما ارى فرقنا تنال الخمسات والستات التى لا توجد حاليا حتى فى كرة السلة اهرب بذاكرتى لديم الصغير وكأس الامم الوحيدة....وعندما اشاهد فنانى الشباب لا يجيدون سوى هز الجزوع اهرب لامثال الكاشف ..
حديثك عن علاج السلبيات رائع ولكن يا سيدى السلبية التى نبحث عنها هى فى ذاتنا
فارجوك ان تحارب الجلابية المكوية بالكاشف فلن تجد سلبا فى الحياة..
ويبقى الود

[الزعيم]

UP
راجع ليك تاني يا مبدع يا رائع بس برفع البوست هسع كويس ولا ما كويس 8)

[ramadanko]

وفى تراثنا المحسى قصص للعشق والهيام وثقت فى اغانى رائعة باللغة النوبية لدرجة تمنيت معها لو ان الجميع يتقنونها حتى يقفوا عليها ..وقرات وانا صغير اروع روايات الهيام عن اروع الكتاب فى زمن الكتابة الجميلة وعندما كان شمالنا ومصر دولة واحدة تاتينا ابداعاتهم مع كل فجر فكان يوسف السباعى ورد قلبى واحسان عبد القدوس وكنت



اخى هشام
سلام
دى مقتطفات من حديثك المهم المقال شيق ولكن اردت ان اوضح لك بعض الامر
اولا شمالنا لم يكن منتمى الى مصر ولكن مصر هى التى انتمت الينا
وان اثارها هذه هى نبعت من ارضنا نحن وانت منحدر من السلالة النوبية بغرب البلاد وليس انتمائك هو لمصر وانما اتمنى ان يكون انتماءك الى جزورك وايضا لدينا من الكتاب والقصص السودانية ما تفوق الروايات المصرية قوة وتشويقا
المهم ارجو منك ان تذهب الى الدار السودانية للكتب بشارع البلدية وان تقتنى بعض من مراجع التاريخ لتعرف قيمة بلدك وتاريخها
ولك الشكر
:lol: :lol: :lol: :lol:

[هشام عباس عمر]

ue]شكرا يا زعيم ...حسب وعدك انتظرتك فلم تعد حتى الان ياخى بان وليك الامان...
اخى رمضانكو شكرا للمداخلة ولكن...
بالرغم من انك قمت بنسخ سطور من موضوعى للرد عليها ارى انك جانبتها فانا لم اقل ان شمالنا كان ينتمى لمصر وانما قلت اننا كنا كدولة واحدة ولا خلاف فى ايهما سبق الاخر ولكن الاهم انه هناك شى من المودة المتبادلة بيننا والمصريين رغم الهنات السياسية التى حدثت بمجئ الانقاذ فارجو ان لا تفهم حديثى بالخطأ ثم ترد عليها؟ اما حديثك عن انحدار النوبة من الغرب لى اختلاف فيه يحتاج الى عودة اوسع فلك الشكر..[/size]

[الزعيم]

ue]شكرا يا زعيم ...حسب وعدك انتظرتك فلم تعد حتى الان ياخى بان وليك الامان...

هه :P أقوووليك بصراحة شديدة بدخل موضوعك ده كل يوم وأكون مجهز ردي ليك لكن لمن أراجع كتابتك وتناولك للموضوع صدقني بسرح بخيالي بعيد جدا وأنسج لي نفسي عالم من الخيال اللامحدود وده كلوا في مخيلة الزعيم الضيقة.. لأنوا حال المشوكشين (يدخل على العدو) وخاصةً لمن يكونوا مغتربين ..
المهم بدخل وأبكي وآآآآآآآآآآآآآآآآآه آآآآآآآآآآآآآه لو تنفع آه يا بو الشوش..
تعبت هسع بس في الكلمات البسيطة الماعرف جبتها أنا من وين لأني صراحة بتوه في حاجاتي لمن أدخل البوست ده بالتحديد .. وبفقد الثقة في نفسي تماما شفت .. المهم ما أظني تاني أريد يا شوشو لأني بصراحة شديدة كرهت الريدة.. فالحب عالم تاني أمل بيتحول لألم أخطر من اللآم السرطانية في لحظة من الزمان.. خاصة لو إنو البتريدوا عرف هو بيعني بالنسبة ليك شنو لأنك وهبتوا وأديتوا أغلى ما تملك قلبك أحاسيسك مشاعرك عواطفك وآآآآآآآآآآآآآآآآآآآآآآ أحي :(
في الوقت الإنو الشي ده من المفروض توفروا لأقرب الناس ليك الكانوا محتاجين لي كلمة بس ولو بالتلفون علشان يطمئنوا عليك مش عل..
خلاص ما قدرت يا أبو الشوش أعفي ليا كويس ولا ما كويس [/size]

[Nachtigall]

up

[هشام عباس عمر]

شكرا للزعيم..وتعالوا نسرح مع آلامه قليلا...
يا صديقى العزيز بقدر ما كانت كلماتك البسيطة صادقة تنبع من حناياك المتوجعة بقدرها يا صديقى احسست بك وكان الله فى عونك لانى شربت من ذات كأسك وعرفت مرها...ولكن ياصديقى ما لايقتلنى يقوينى فانت تعلم كم هم الذين انكسروا بمعاول العاطفة وفؤوس الحب وآخريين يحولون الالم الى اعجاز وانتصار على كل ما هو ضعيف فى الدواخل فارجو ان تكون عصى الدمع شيمتك الصبر...
ثم يا صديقى جلست انوح اكثر من سبعة اعوام على من كسرت كبريائى وحطمت شباب قلبى واقتنعت اخيرا ان البكاء لا يفيد والافضل ان اجعل الماضى تجربة تنير لى طريق المستقبل وزادا يقينى طول السفر...وان كان الاختلاف بين قصتينا يختلف فى شكل الكارثة .فقد فهمت من حديثك ان للقدر يد فى مأساتك وانا كانت هى قدرى وغدرى وقاتلتى ....وان يكن ساعود لك

[نوره]

احيك على تناولك للمواضيع الهادفه من مجتمعنا والتى يسدل عنها الحجابوالا تناقش بشكل موضوعى وجاد..........
اوافقك الرأى فى عدم وعي الشباب والقصور الحاصل فى ارتباطهم مجتمعهم تنكرهم للفنه وموروثاته .ولاعمم فهناك القله الواعيه..........
لست وحدك من يصفونك بالرجعيه والتخلف انا ايضا عانيت من ذلك وانا من هذا الجيل الذي يسموننا (بجيل الانقاذ) ليس لنا ذنب غير اننا وعينا علي زمنه ودرسنا وفقا لمناهجه ولك ان تتخيل بقية التنشئه .فال شباب غير ملوم وانما العتبى عتى حكومتا التضليليه هىمن عزلتم عن مجتمعهم (والله يتوب عينا)
اما بالنسبه للحب فهو قيمه ساميه نحن من بايدينا المحافظه عليه






ا

[حجر الظلت]

up

[حجر الظلت]

الأخ الرائع هشام عباس ..
أولا لك التحية وأنت تستنشق الآن عبق التاريخ وتتنسم ريحة الدعاش في قريتكم ( كرمة البلد) ،، نرجو أن تعود إلينا بسرعة بعد أن تستجم قليلا من صخب المدينة وقد عرفتك عاشقا للريف ، تستهويك حياة البساطة وتجد الأنس في مجالسة البسطاء تستمع لآلامهم وتستمتع معهم بقضاء الليالي المقمرة في رمال كرمة ..
أما آن لك أن تعود يا صديقي ؟؟

[حجر الظلت]

البنات على قفا من يشيل

[معاوية]

الأخ هشام عباس شكلك من الجيل الحالي العائش في زمن جده وقالب حياته كلها فلسفة وتنظير الجيل اللي الواقع العائش لاعاجبه لاعائز يغيره هو ذاته لو سألته في النهاية إنت عايز شنو يقول ليك والله ماعارف ياأخي عيش واقعك وأصحى من نومك وبلاش منها الفلسفة الرجعتنا وراء دي :x

[ابو الصادق]

جيلك يا حليلو يا ابو الشوش حب من غير شاكوش
اولا دخلت السياسة في الحب ده كان زمان الان السياسة والحب طرفي نقيض الحب حياة حتي بالامه واهاته وشواكيشه طبعا الم بتجنن ذي الزعيم وانت الشواكيش الخفيفة بتاعة النجيلة تحب واحدة بعد فترة تديك شاكوش وتحب واحد تاني عادي الواحد اكون رياضي لكن مثلك ومثل الزعيم وكل البحبو جد هولاء صادقين في زمن لا يستحق.
السياسة هي للاسف اصبحت فرض عين لماذا لانها بصراحة
1-الحياة لان بكرة انط انقلابي ويحرم الكتابة وين بتمشي الا تحاربه وتصبح سياسي متمرد.
2-الاكل والشرب الان ببيعوا الكهرباء والماء والدواء طيب لو ما اغتنوا سوف يبيعون الهواء والهواء التاني يعني حب بالجمرة الخبيثة تخيل شكله كيف
3-مافي سياسة بدون احزاب ولاديمقراطية ولو تركت الديموقراطية سوف تعالج امراضها بنفسها بس اختاها العسكر والانتهازين
4-احزابنا فيها امراض الدنيا والاخرة لكن اياها احزابنا ذي اهلنا ممكن نغير اهلنا ولا نعالج تخلفهم .
5-انتم جيل انضغط حتي جاب البترول اصبروا جيبوا الحرية وتعال بعدين نتقابل
ياخي انت واخوانك ادرسوا التاريخ بعقولكم لا بعقول النتهازين الذين يشتمون اركان الديموقراطية اي البيوت السودانية اكثر تشرد
بيت المهدي والمرغني ونقد والترابي و...........................
اي البيوت اكثر فسادا او الوزراء الاكثؤر فسادا وزراء الدكتاتورية من غير شك
واحد سفير في لندن كتب في السوداني قبل يومين قال كلام عن الا حزابلو قراته سوف تغير رايك لانه مافي حرية من غير احزاب
طولت لكن ياابو الشوش واحد بشوف نازحين في العراء بيضربوا بالطائرات في بلاده بقدر اسكت وانوم مرتاح ياخي قارن بين البشير وشارون
البشير مسلم ودارفور مسلمين
شارون يهودي والفلسطينين مسلمين
كم عدد ضحايا شارون وكم عدد ضحايا البشير
يا اخي ليت البشير يعمل هذه المقارنة ويحضر رده لله من الان
ياخي عمر ابن الخطاب بخاف علي بغال العراق وعمر البشير بضرب خلاوي القران بالطائرات ياخي كيف ما نبقي مليون سياسي واسف للاطالة