نساء السودان لايفهمون الرجال

[الصفر البارد]

كثير من نساء السودان لا يفهمون الرجال وكثير من الرجال لا يفهم النساء السودنيات

هل لنا ان نعرف من كل الاعضاء
من الرجال ماهو عيب المراة السودانية
ومن النساء ما هو عيب الرجل السوداني حتى نقرب وجهات النظر

وشكرا
نرجوو المشاركة
بصورة جادة

الصفر البارد

[الصفر البارد]

اضيف شي بسيط فقط وهو

1- ماذا تريد النساء من الرجل ان يفهم عنهم
2- ماذا يريد الرجل من النساء ان يفهمو عنه ؟
3- هل المراة السودانية رومانسية ؟؟؟؟ :roll:
4- هل الرجل السوداني رومانسي ؟؟ ؟ :? :?



الصفر البارد

[حجر الظلت]

عزيزي الصفر،
أشكرك بداية على فتح هذا الموضوع الجاد،
أما بخصوص من هم الرجال وأن النساء في السودان أصبحن لايفهمن الرجال فهذا في رأيي راجع إلى إختفاء الرجال الحقيقيون والتزايد المستمر في معدلات الخنوثة وسط الأولاد، فالرجل السوداني الحقيقي الذي يجسده الطيب صالح في أعماله ب ( عشا البايتات ) ، قد إختفى وإنقرض تماما.
نعم ، لقد مات (عشا البايتات) و(شيال التقيلة) و(خال فاطنة) و (مرواد العمايا) و(سيد الطاحونة ) و( مقلام الحجج) و( أب شوارب) و (ضكر العقارب) ،
مات الأرباب و( أب عجاج ) و (ود تورشين ) و ( تور الجر) ،
ذهبوا إلى غير رجعة
عزيزي الصفر:
كانت السودانية الأصيلة تفخر بإنها أو زوجها وتقول :
ماهو الفافنوس ماهو الغليظ البوص
ود المك عريس خيلا بجن عركوس
أحي يا علي سيفو البحد الروس
يا بقة عقود السم
يا مقنع بنات جعل العزاز من جم
وقد غنى سيد خليفة :
أبواتك قبيل بحلو لي العوجات
مطمورتك تكيل للخالة والعمات
ويقول :
ود ناسا عزاز جمعوا المكارم كوم
تفخر بيك بنات البادية والخرطـــوم
فهل ما زالت بنت الخرطوم او البادية تفخر ب(شيال التقيلة ) وتبحث عنه ؟
كلا ، لقد إختلت الموازين والمقاييس ومعايير الرجولة والأنوثة ، أصبح الشاب يبحث عن البنت الجامعية المتحضرة و ( المروقة) والقيافة . وأصبحت البنت تبحث عن المغترب أو (العريس المرطب ) ، أو الذي يسكن الصافية.
إذا فقد إختفى الرجال الحقيقيون وتبقى أشباه الرجال .
يعني بالعربي كده يا الصفر يا أخوي المسألة كلها بقت جايطة الولد من البنت ما بتفرزه .
رحم الله ست الدار بت أحمد،
رحم الله الزين،
رحم الله السرة بت عوض الكريم،
وهاك مني دي :


http://www.alsudanonline.com/php/viewtopic.php?t=404

[عبد العزيز عبد الماجد]

عزيزي الصفر،
أشكرك بداية على فتح هذا الموضوع الجاد،
أما بخصوص من هم الرجال وأن النساء في السودان أصبحن لايفهمن الرجال فهذا في رأيي راجع إلى إختفاء الرجال الحقيقيون والتزايد المستمر في معدلات الخنوثة وسط الأولاد، فالرجل السوداني الحقيقي الذي يجسده الطيب صالح في أعماله ب ( عشا البايتات ) ، قد إختفى وإنقرض تماما.
نعم ، لقد مات (عشا البايتات) و(شيال التقيلة) و(خال فاطنة) و (مرواد العمايا) و(سيد الطاحونة ) و( مقلام الحجج) و( أب شوارب) و (ضكر العقارب) ،
مات الأرباب و( أب عجاج ) و (ود تورشين ) و ( تور الجر) ،
ذهبوا إلى غير رجعة
عزيزي الصفر:
كانت السودانية الأصيلة تفخر بإنها أو زوجها وتقول :
ماهو الفافنوس ماهو الغليظ البوص
ود المك عريس خيلا بجن عركوس
أحي يا علي سيفو البحد الروس
يا بقة عقود السم
يا مقنع بنات جعل العزاز من جم
وقد غنى سيد خليفة :
أبواتك قبيل بحلو لي العوجات
مطمورتك تكيل للخالة والعمات
ويقول :
ود ناسا عزاز جمعوا المكارم كوم
تفخر بيك بنات البادية والخرطـــوم
فهل ما زالت بنت الخرطوم او البادية تفخر ب(شيال التقيلة ) وتبحث عنه ؟
كلا ، لقد إختلت الموازين والمقاييس ومعايير الرجولة والأنوثة ، أصبح الشاب يبحث عن البنت الجامعية المتحضرة و ( المروقة) والقيافة . وأصبحت البنت تبحث عن المغترب أو (العريس المرطب ) ، أو الذي يسكن الصافية.
إذا فقد إختفى الرجال الحقيقيون وتبقى أشباه الرجال .
يعني بالعربي كده يا الصفر يا أخوي المسألة كلها بقت جايطة الولد من البنت ما بتفرزه .
رحم الله ست الدار بت أحمد،
رحم الله الزين،
رحم الله السرة بت عوض الكريم،
وهاك مني دي :
http://www.alsudanonline.com/php/viewtopic.php?t=404

أخونا دهب
لماذا كل هذا الغضب
يا سيدي وكأنك تنعت الرجل السوداني بالوفاة
لا أخي العزيز ما زال هناك الكثير والكثير من يحملون في أنفسهم كل صفات الرجولة والشهامة والعزة بالنفس وما أكثرهم
فظهور مجموعة من الشباب حتى ولو كثر عددهم لا يعني تعميم ذلك على الكل
وهذا ليس رأي وحدي انما يشاركنا في هذا الرأي كثير من الشعوب
والحديث يطول.

[عبد العزيز عبد الماجد]

اضيف شي بسيط فقط وهو

1- ماذا تريد النساء من الرجل ان يفهم عنهم
2- ماذا يريد الرجل من النساء ان يفهمو عنه ؟
3- هل المراة السودانية رومانسية ؟؟؟؟ :roll:
4- هل الرجل السوداني رومانسي ؟؟ ؟ :? :?
الصفر البارد


الاخ الصفر البارد
الرومانسية قبل الزواج ما زال فيها شئ من التحفظ
أما الرومانسية بعد الزواج فطبيعة تربية السوداني محاولته عدم البوح بكثير من مشاعره تجاه زوجته ظنا منه أن ذلك يقلل من شخصه أما المرأة السوداينة فبعد مرور فترة من الزواج تعتقد بأن اهتماماتها من المفروض أن توجه الى ترتيب بيتها والاهتمام بأطفالها والمطبخ بتبعاتو وكثيرا ما تنسى نفسها وزوجها
طبعا لا أقصد الكل ولكن أشير الى عدد كبير رغم انو الانفتاح العالمي الجديد بدأ يغير بعض الشئ من المفاهيم دي.

[الصفر البارد]

الاخ دهب

تحية ليك حقيقية وانت تضع بداية الحلول لقضية قومية وهي رجولة الرجل السوداني المعاصر

وكلام دهب قال ----
عزيزي الصفر،
أشكرك بداية على فتح هذا الموضوع الجاد،
أما بخصوص من هم الرجال وأن النساء في السودان أصبحن لايفهمن الرجال فهذا في رأيي راجع إلى إختفاء الرجال الحقيقيون والتزايد المستمر في معدلات الخنوثة وسط الأولاد، فالرجل السوداني الحقيقي الذي يجسده الطيب صالح في أعماله ب ( عشا البايتات ) ، قد إختفى وإنقرض تماما.
نعم ، لقد مات (عشا البايتات) و(شيال التقيلة) و(خال فاطنة) و (مرواد العمايا) و(سيد الطاحونة ) و( مقلام الحجج) و( أب شوارب) و (ضكر العقارب) ،
مات الأرباب و( أب عجاج ) و (ود تورشين ) و ( تور الجر) ،


---------------------------------------------

انا معك يا دهب في كثير مما ذكرت ولكن كما قال عبد العزيز فان هنالك مازال كثير من الرجال فيهم الصفات التي ذكرت

لكنا ننشد الحل في الوقع المعاش اليوم ونريد ان نضع يدنا على الجرح قبل ان يتحول الي قرقرينة تبتر جزء من الجسد

ارجو ان تفيدنا بما هو الحل والمشكلة معروفة امامك
فيما يخص ماذا تريد بنت اليوم من الرجل والعكس اعتقد احنا عايزين المشاركة القوية منك يا دهب ومن الاخوات في المنتدي فهم نصف المشكلة ونصف الحل بيد اخوتنا كذلك
انا في انتظار حلول منك يا دهب

الصفر البارد

[الزعيم]

الصفر البارد جد أسمك عجيب..

لكن أقوليك لو عايز تعرف الراجل السوداني فاقد شنو في المرأة بس (الرومانسية) يا خي نسوانا ما عندهم الكلام ده خالص لكن لو عايز تنهذب زي ما بقولوا الخليجيين عرس ليك سودانية توريك نجوم الويل وسهر الليل وتخليك تولول..


وأنا شخصيا بعرف رجال كتار مزوجين بشتكو من النقطة دي أنا عايزة والأولاد دايرين وشنو ما عارف داك.. وأمي قالت ليا.ز
يا أخي أنا مالي ومال أمك جيت علشان أرتاح في بيتي ألاقي ابتسامة وجاي تعبان من الشغل والاقي الجو مهيأ تماما وزوجتي مهيأة نفسها لاستقبالي..
علشان البيت يكون محل راحة ما مكان عكننة ..
والكلام ده بقى سبب في فشل العديد من الزيجات بعد العولمة والانفتاح والمرأة هي في يدها مفاتيح الراجل لكن وين مع الإنترنت والفضائيات الموضوع خلاص فلت.. كمان لاحظنا عزوف بعض الشباب عن الزواج من سودانيات واقبالهم على زواج الأفارقة والآسيويين.. والله يكون في العون يا صفر يا بارد

[الصفر البارد]

الاخ عبد العزيز

التحية والشوق ليك

فما ذكرت انا اعتقد بانك مصيب لدرجة كبيرة ولكن المطلوب كيف نقود الحياة الزوجية بعد الزواج ولماذا لا يكون هنالك رمانسية بعد الزواج وهل الرومانسية عيب حسب التقاليد السودانية ام انها تدل على نقص في الرجولة لو الراجل بقى رومانسي

ثم لماذا يتبشتن حال الزوجة السودانية بعد الانجاب
ما هو موقف الشرع ( الدين الاسلامي ) من اسلوب الزوجة السودانية والزوج السوداني من ناحية العادات والتقاليد السودانية
الا ترى اننا السودانين بعيدين كل البعد عن معاملة الزوجة حسب ما امرنا الرسول صلى الله عليه وسلم ؟.؟؟؟؟؟؟؟؟؟

ارجو الاجابة الشافية ان كان لديك معلومة عن الامر
وليك خالص تحياتي

الصفر البارد

[بوب مارلي]

سوال هام يا جماعة

وين هم النسوان ديل الفى السودان مش الاول يكون عندنا نسوان
ديل 99 % مسترجلات عدددددددديل

اول امس واحد من اولاد الديم في الخرطوم قال انه زوجتة ضربتة ليك علقة لمن قرب يبول في رجلينة

هسع نقعد لجنس دا
رومانسية شنو يا جماعة في السودانية


بوب

[ramadanko]

عزيزى بوب
انت خليك بللاى مع سيجارتك دى
شن خبرك بالنسوان
الوقت كلو انت شايل سجارتك دى فى خشمك ومقهىىىىىىىىىى
وبعدين تعال هنا دة راجل شنو دة البتدقو مرتوو دة

والله الا يكون زول ما مالى يمينو ومرتو عنها العصمة هاهاهاهاههااهااااااااا

[الصفر البارد]

عزيزى بوب
انت خليك بللاى مع سيجارتك دى
شن خبرك بالنسوان
الوقت كلو انت شايل سجارتك دى فى خشمك ومقهىىىىىىىىىى
وبعدين تعال هنا دة راجل شنو دة البتدقو مرتوو دة

والله الا يكون زول ما مالى يمينو ومرتو عنها العصمة هاهاهاهاههااهااااااااا



اسف يا بوب ان ارد تيابه عنك لكن الامر غريب


وين هو الرجال يا رمضان


الصفر البارد

[لحظة صمت]

الموضوع شيق جدا جدا
ولكن اين نساء السودان
والله حرام اللي تعملوه فيهن
نازلين عليهن من اول الموضوع

انا باروح اعمل حملة اعلانية لجميع نساء السودان حتى يدافعوا عن انفسهن

ساستمر في المتابعة حتى ارى الحل

[هادية بدر الدين]

هل هذة دعوة للتعميم
انا شخصيا ضد التعميم ولا اعتقد بان كل الرجاء سواء وكل النساء كذلك لكل شخص شخصية وتربية مختلفة عن الاخر وعندما نقول الرجال السودانيين او النساء السودانيات ثم نناقش اى موضوع بهذا التعميم اعتقد ان هذا لا يجوز المجتمع فية الشخص الجاد وايضا العاطفى جدا وفية الذى يخفى شخصيتة وراء الجدية او الرومانسية وهو ليس كذلك لعقدة او شكل من اشكال التربية ولكن بجولة سريعة فى المنتديات السودانية وجدت ان كل السودانيين رومانسيين من خلال الكتابة وخاصة تحت الاسم المستعاروكذلك النساء وهذة هى المشكلة فى نظرى لماذا نخفى دواخلنا فى الحياة العامة ونظهرها بعيدا عن الاعين.

[الصفر البارد]

هل هذة دعوة للتعميم
انا شخصيا ضد التعميم ولا اعتقد بان كل الرجاء سواء وكل النساء كذلك لكل شخص شخصية وتربية مختلفة عن الاخر وعندما نقول الرجال السودانيين او النساء السودانيات ثم نناقش اى موضوع بهذا التعميم اعتقد ان هذا لا يجوز المجتمع فية الشخص الجاد وايضا العاطفى جدا وفية الذى يخفى شخصيتة وراء الجدية او الرومانسية وهو ليس كذلك لعقدة او شكل من اشكال التربية ولكن بجولة سريعة فى المنتديات السودانية وجدت ان كل السودانيين رومانسيين من خلال الكتابة وخاصة تحت الاسم المستعاروكذلك النساء وهذة هى المشكلة فى نظرى لماذا نخفى دواخلنا فى الحياة العامة ونظهرها بعيدا عن الاعين.



الاخت االكريمة هادية بدر الدين


شكر ليك على المرر الكريم بس عايز اضيف شي هام ليك وهو نحن طلبنا من النساء ان تكتب ماذ يردون من الرجال وطلبنا من الرجال ماذا يردون من النساء وهذا الامر لتقريب وجه النظر بين الطرفين وحتى يكون الموضوع مفيد لازم تكتبي ما هو ماخذك على الرجال في السودان في اسلوب التعامل مع النساء قبل الزواج وبعد الزواج وبعد انجاب الاطفال وعند المشيب دا هو الموضوع المطلوب نرجو منك المشاركة في الامر من هذة الناحية ولا تحريمنا من افكارك المتتمازة فنحن نحتاج لوضع دراسة في الامر ونستفيد منك في كل كلمة تكتب منك

ليك التحية

الصفر البارد

[حجر الظلت]

فوق يا الجماعة في البوست ده َّّّّّّ!!!

[الصفر البارد]

كثير من الشواكش هذه الايام لماذ لست ادري هل هو موسم الهجرى الي الشوكيش اما ماذا

عرفت انسانة جميلة الشكل ولكن بكل اسف ليست جميلة الطباع وهي تحب اكثر من 20 رجل في نفس الوقت وكلهم تضحك عليهم والحمد الله انا لم اكن من مجموعة الـــ 20 المرحومة وهي تقتل بمعدل رجل كل 25 يوم وهي ما زالت في سن الـــ 25 سنة ومن بنات امدرمان العريقة بكل اسف

لكن هذا ليس الجديد فان الشاعر بشير عتيق كتب قاصيد كثيرة في القدر وطعن الحبيب في الظهر ولا يغيب عنا اغاني محمد وردي القديمة كلها تتكلم عن خيانة الحبيبة للحبيب مثل اغاني " قاسي قلبك " وبعد ايه " وهي كلها من شعر الشاعر العملاق اسماعيل حسن

لكن اين الجديد في خيانة البنت للرجل في عصرنا الجديد فقط الجديد

ان قلب بنت الزمن دا بقى فندق عدددددديل وبه 6000 غرفة :lol: :lol: :lol: :lol: :lol: :lol:

وبنات زمان كانت قلوبهم عبارة عن عدد من الركوبات المحدود جدا جدا
:twisted: :twisted: :twisted: :twisted:



الصفر البارد

[zaroog]

كل الحاصل ان نساء السودان سطحيات ولاحظو تصرفاتهم في المناسبات :lol:

[himmed]

الاخ الصفر البارد:
خالص التحايا لك وانت تفتح بابآ مغلقآ قل ان نفتحه لنعرف ما بداخله !!
كما قلت اعتقد اننا كسودانيين ينقصنا الكثير فى طريقه تعاملنا سواء كان ذلك عند معاملتنا لبعضنا البعض كرجال ونساء وحتى عند معاملتنا لغيرنا .
نحن كسودانيين نميل الى الحزم فالشخصيه السودانيه بطبعه rigid لا يقبل النصح الا نادرآ ويصر على الخطأ ولا يعترف به وحتى اذا اعترف به لا يعتذر ويتساوى فى ذلك الرجال والنساء.
معظم الرجال عندنا يعامل المرأه كأنها خلقت لتسمع كلامه وتنفذ مطالبه ولا يسمع لها اى رأى الا من رحم ربى !! فالرجل منا ديكتاتور فى منزله وفى عمله وفى حواره وهذا سبب ما نحن فيه اليوم من تخلف فى معظم مناحى الحياة وهذه الصفات نرثها من آباءنا ونحن بدورنا ننقلها الى ابناءنا .
اما النساء فأغلبهن ارتضين بذلك وبعضهن لا هم لهم الا الثرثره وارتياد الاسواق والتباهى امام صديقاتها وهذه الصفات تكاد تكون موجوده فى معظم السودانيات اللائى يعشن خارج الوطن .
نحتاج جميعآ ان نسمع كلام بعضنا ونشاور بعضنا البعض وما خاب من استشار .

[مينو]

كل سنه وانتو طيبين
لقيتو الدار مافيها نسوان وشيمتو الهواء
قالو القى الهواء بضرى عيشو
ليه شانين حمله علينا
:twisted: :twisted: :twisted:
(وين هم النسوان ديل الفى السودان مش الاول يكون عندنا نسوان )
امك اختك خالتك ووووووووو
( ليه القسوة دى)
ديل 99 % مسترجلات عدددددددديل
يابوب :twisted: :twisted:
(تفتكر ليه استرجلن النسوان)
1- ماذا تريد النساء من الرجل ان يفهم عنهم
2- ماذا يريد الرجل من النساء ان يفهمو عنه ؟
3- هل المراة السودانية رومانسية ؟؟؟؟
4- هل الرجل السوداني رومانسي ؟؟ ؟

رفقا بالغوارير
ليه مااجبتو على بقيه الاسائله ماذا يرد الرجال من النساء
اى مره فينا عايزه راجال بمعنى راجال والراجال ما شنب ولا بنطلون ولا جلابيه
راجال بقول
أنا البحر الكبير وكتين يحمّـر ...
أنا الضل الضليل لي الداير يقيـل ...
أنا الرمد البخـلى العين تسيـل
رحـل الكحـل وكتين يميل ...
أنا الجن المخالطاه أم غـزيل ...
أنا اللبا العـقب الكـرامة
أنا الاسـد النتـر الفي صـدرة شـامة ...
أمر الضعـاف عـند الظـلامة ...
أنا المـووووووت الخلي الناس أتامه
أنا حـلال أخـوه ...
أنا خـزان عـدوه ...
أنا الاسـد النتـر لا تـزعجـوه ...
أنا السيف السنين جــردوه
أنا حلال رفيقة ...
أنا الـدابي إن رصـد لي الزول يعيقـه ...
أنا فـراج الرجـال وكتين يضـيقـوا
أنا المـامــون على بنااااااااات فريقة أنا المامون على بنات فريقه
المراة ليست رومانسيه ولكن عايزه حقها العاطفى
المشكله فى الرجل السودانى بيكتم مشاعرو اتجاه زوجته قليل جدا تلقى راجل سودانى بقول ليه مرتو بحبك ليه مابتقولها ماالعيب فى ذالك ما الحرام فى ذالك ليه بتبخلو بمشاعركم ليه عندما نطلب منكم التعبير عن هذه المشاعر تقول عنا رومانسيون وابعد من كدا واحد يقول ليك النسوان ديل فايقات واحد عايزانى ادلعها وماهى ماكله وشاربه ليه
هل الدنيا اكل وشراب
الرسول صلى الله عليه وسلم كان يداعب زوجاتو ويلاعبهن ويمزح معهن
دائما الرجل السودانى ينظر للمرة نظره دونيه لايشاورها فى اىشى وهى مجرد ست تلد له اطفال وتربيهم لو واحد شاور مرتو وحسسها هى جزء منه يقول خلاص لبستو خاتم ليه بس كدا دا ظلم وظلم قاتل
ولو كل طرف ادى حقوقو واجباتو بالكامل ماظن تكون فى مشكله

بجد انا حزينه جداوانا بسمع كلام ذى دا من الاخوان
ونحن البنقول انتو عزنا ليه بسسسسسسسسسسسسسسسسسسس
:( :( :(

[himmed]

كل سنه وانتو طيبين
لقيتو الدار مافيها نسوان وشيمتو الهواء
قالو القى الهواء بضرى عيشو
ليه شانين حمله علينا
:twisted: :twisted: :twisted:
(وين هم النسوان ديل الفى السودان مش الاول يكون عندنا نسوان )
امك اختك خالتك ووووووووو
( ليه القسوة دى)
ديل 99 % مسترجلات عدددددددديل
يابوب :twisted: :twisted:
(تفتكر ليه استرجلن النسوان)
1- ماذا تريد النساء من الرجل ان يفهم عنهم
2- ماذا يريد الرجل من النساء ان يفهمو عنه ؟
3- هل المراة السودانية رومانسية ؟؟؟؟
4- هل الرجل السوداني رومانسي ؟؟ ؟

رفقا بالغوارير
ليه مااجبتو على بقيه الاسائله ماذا يرد الرجال من النساء
اى مره فينا عايزه راجال بمعنى راجال والراجال ما شنب ولا بنطلون ولا جلابيه
راجال بقول
أنا البحر الكبير وكتين يحمّـر ...
أنا الضل الضليل لي الداير يقيـل ...
أنا الرمد البخـلى العين تسيـل
رحـل الكحـل وكتين يميل ...
أنا الجن المخالطاه أم غـزيل ...
أنا اللبا العـقب الكـرامة
أنا الاسـد النتـر الفي صـدرة شـامة ...
أمر الضعـاف عـند الظـلامة ...
أنا المـووووووت الخلي الناس أتامه
أنا حـلال أخـوه ...
أنا خـزان عـدوه ...
أنا الاسـد النتـر لا تـزعجـوه ...
أنا السيف السنين جــردوه
أنا حلال رفيقة ...
أنا الـدابي إن رصـد لي الزول يعيقـه ...
أنا فـراج الرجـال وكتين يضـيقـوا
أنا المـامــون على بنااااااااات فريقة أنا المامون على بنات فريقه
المراة ليست رومانسيه ولكن عايزه حقها العاطفى
المشكله فى الرجل السودانى بيكتم مشاعرو اتجاه زوجته قليل جدا تلقى راجل سودانى بقول ليه مرتو بحبك ليه مابتقولها ماالعيب فى ذالك ما الحرام فى ذالك ليه بتبخلو بمشاعركم ليه عندما نطلب منكم التعبير عن هذه المشاعر تقول عنا رومانسيون وابعد من كدا واحد يقول ليك النسوان ديل فايقات واحد عايزانى ادلعها وماهى ماكله وشاربه ليه
هل الدنيا اكل وشراب
الرسول صلى الله عليه وسلم كان يداعب زوجاتو ويلاعبهن ويمزح معهن
دائما الرجل السودانى ينظر للمرة نظره دونيه لايشاورها فى اىشى وهى مجرد ست تلد له اطفال وتربيهم لو واحد شاور مرتو وحسسها هى جزء منه يقول خلاص لبستو خاتم ليه بس كدا دا ظلم وظلم قاتل
ولو كل طرف ادى حقوقو واجباتو بالكامل ماظن تكون فى مشكله

بجد انا حزينه جداوانا بسمع كلام ذى دا من الاخوان
ونحن البنقول انتو عزنا ليه بسسسسسسسسسسسسسسسسسسس
:( :( :( الاخت مينو كل عام وانتم بخير
اوافقك الرأى فى معظم ما كتبتيه وخاصه حكايه عدم المشوره دى !! فنحن معشر الرجال السودانيين نعتبر كل شئ رجاله وبس ونعمل الفى رأسنا حتى ولو كان خطأ .. نحن لا نشاور بعضنا الا نادرآ وهذا اهم سبب لتخلف السودان فى كل شئ . لا بد ان يعترف الشخص بأخطائه وهذه ليست من شيمتنا كسودانيين .انا لا اتفق مع الشخص الذى قال وين النسوان لأن حواء السودان والده والحمد لله والمرأه السودانيه بلا فخر هى أطهر وانقى واجمل النساء واعتذر لك بالانابه عن كل من اخطأ فى حق النساء السودانيات وأذكرك بقول الله تعالى ( هن رحمه لنا ) ولك العتبى حتى ترضى ..

[osama bo seba]

الاخ العزيز الصفر البارد على فكرة اتمنى انك تغير اسمك لان الشتا دخل علينا وخايف عليك من البرد ومشاكله
ثاني حاجة اشكرك على هذا الموضوع ولكن اعتقد انك طرحته بصورة وضعت الرجل السوداني والمراة السودانية فى اطار محدود للغاية على الرغم ان المشكلة عامة وليست محصورة فى الرجل السودانية او المراة السودانية يعني هذه المشكلة وجدت كلما وجد الرجل والمراة يعني علاقة ازلية ومشاكل ازلية ليست المراة السودانية ولا الرجل السوداني بل عموم الرجل وعموم المراة بالعالم كله واذا بحثنا فى الموضوع بدقة فيجب ان نسأل لماذا لا تفهم المرأة الرجلة لماذا يوجد بيهم فتور بعد الزواج لاننا لو سالنا السؤال هذا على مطلقه لاعترفنا بان الفتور موجود قبل الزواج ولكن العكس صحيح
الاجابة كالاتي المسئوليات هي السبب الرئيسي قبل الزواج المراة غير مسئولة من الرجل وليس الرجل ملتزم تجاهها باية ملتزمات مادية فالرومانسية كالصاروخ الذي يقطع طريقه الى القلوب دون اية عوائق
فتجد مرحلة الخطوبة مثلا او الاعجاب كل طرف بالاخر مرحلة جميلة ولكن بعد الزواج لو قال الزوج لزوجته انا احبك طلبت هي بدورها شئ لها فتستغل الرجل باحلى لحظاته فلذلك يفضل الرجل الصمت والعبوث عن الابتسام والفرفشة ويعوض هذا مع اصدقاءه واحيانا مع امرأة اخرى لا تشكل اي عبئ عليه
وليس السبب عدم وجود رجال او اصابة الرجل الخنوثة والعياز بالله
وايضا من الاسباب الضغوط التى تمثلها الحياة اليومية على الرجل ضغوط على اعصابه لكي يوفر لبيته وزجته وابناءه كل متطلبات الحياة الكريمة ولكن كلما كان الرجل فقيرا كلما كان اشد بعدا عن الاسرة فلا وقت للتلاقي لانه اساسا متكدر فى عمله وحينما يذهب الى منزله لا يريد اية مشاكل مادية جديدة لانه مازال يكد ويتعب لكي يسدد خانات اخرى مفتوحة ولم تسد وكانه يحرث فى بحر
واخيرا اقول لو امن كل من الرجل والمراة ان الرزق بالسماء وما توعدون فيرضى كل طرف بنصيبه ولن تزيد المراة الرجل حملا على احماله ولا يزيد الرجل امراته حملا على احمالها اليومية
واقول ايضا الايثار لو اثر كل واحد الاخر على نفسه لانسابت الامور كالمياه بمجاريها

[الصفر البارد]

والله كلامكم كله تمام :cry: لكن الحاصل شنو احنا نسوان السودان بتاعنا ديل لازم يتغيرو في كل شي حتى شكلهم ششششين عددددديل :twisted: والشنا في الطبع مش في خلقة الله

ولنا عودة



الصفر البارد

[osama bo seba]

اعتقد ان المسألة مسألة شاكوش حار احر من الشلوت
ههههههههههههههههههههههههه

[الصفر البارد]

بالعكس والله لا شاكوش ولا حاجة وعلي فكرة انا بكتب باسم الصفر البارد موقتا اصلوا اخونا الصفر البارد نايم في مستشفى بالندن اتمنا من الجميع ان يدعو له بالشفاء
اما انا اسمي هو معتصم احمد شريف صديق الصفر البارد

ومحافظة علي ظهور اسم دكتور الصفر البارد في المنتديات اقوم بالكتابة نيابة عنه حيث هو من اعطاني الازن بذلك


معتصم احمد شريف / عن الصفر البارد

[osama bo seba]

اللهم اشفيهو وارفع عنه يارب العالمين واجعله كفارة عنه امين امين
وشكرا ليك يا معتصم

[نورس السودان]

السادة المتداخلون ..

لا أرى لمسا للموضوع بجزيئياته ..

أى أن نكون جادين فى الطرح لنقاش موضوع موضوعى

وبدون تعميم ..

[abukrtona]

بصراحة شديدة جدا المرأة السودانية ما عندها ثقافة جنسية لمن تتزوج يعنى لمن تعاشر الرجل جنسيا ممارستها بتكون بطريقة آلية ولا تمتلك اى فنيات لتمتع الرجل انا ما عايز اوقل تعملزى الخواجات لكن برضه تكون عندها شوية ثقافة ولمن الواحدة تمتع راجلها كويس الراجل عينه ما بتزوغ بره ولا كيف يا جماعة ؟

[بوب مارلي]

والله يا ابو كرتونة كلامك ديشششششششششششششك صح 10000 % والله بنات السودان بااااااااااااااااااااااااااااردات للطيش



اخ انا ديشك تاني :lol: :lol: :lol: :lol: :lol: :lol:




بوب مارلي المسطول


:twisted: :twisted: :twisted:

[abukrtona]

يعنى نتكلم بصراحة شوية والكلام يخص المتزوجين اكتر وليس من يبحثون عن الهوى والعبث هل المرأة السودانية تعرف فنيات القُبلة ؟ هل تعرف كيف تحضن زوجها هل تعرف كيف تثيره ؟ الحكاية ما حفرة دخان وبس !
هل لها معرفة بالوضعيات الجنسية المختلفة التى ممكن ان تساعد الرجل فى ممارسة الجنس معها ؟ ما عايزين نقلد الخواجات هل تعرف بعد ان تنتهى العملية الجنسية مالذى يحدث بعد ذلك ؟
الكلام موجه ايضا للرجل السودانى حتى لا نظلم المرأة وحدها
ارجو الحديث بصراحة علمية وشفافية ..........

[nizar]

( راجع إلى إختفاء الرجال الحقيقيون والتزايد المستمر في معدلات الخنوثة وسط الأولاد، فالرجل السوداني الحقيقي الذي يجسده الطيب صالح في أعماله ب ( عشا البايتات ) ، قد إختفى وإنقرض تماما..)


السيد دهب .. وكل من يشكو من التخلف وقصور الادراك :

ياراجل اختشى..!!
دا كلام تقولو... هسه اولادك يمشوا وين.. كدا بتدسهم .. لو شفت حاجة منهم .. يا فضيحة....!! ياخى انت بتتكلم عن اولادك وبناتك واولاد اخوانك واهلك وجيرانك ..
انت ذاتك تمشى وين .. كان الرجال انقرضوا ؟؟؟؟؟؟؟
يا اخوانا .. ما اى زول متشائم اومريض نفسيا" او فاقد رجولة .. كان عنده وللا فى الحواليه.. يطلق احكام معممة على اجيال كاملة ..
دا كلام غلط.
وبتدخلونا فى مواضيع امراض الواقع والمجتمع و الزول السودانى،
اقروا يا اخوانا... للشيخ محمد الشيخ - جامعة الخرطوم.. (دراسات عن المجتمع السودانى وبنيات الوعى .. مكتبة الجامعة) .. لو دايرين تعرفو روحكم..
وبارك الله فى من عرف قدر نفسه ..

كلمة اخيرة:
الحمدلله ..
الحوالينا كلهم رجال ... رجال
ونسوان .. نسوان ..
والخير لسه موجود فينا...

[osama bo seba]

هو الرجل ذاتو بيعرف ما هو احتياج زوجته نفسيا وجسنيا ام بيعاملها كانه بيعامل ارض بالطورية ما مهم يشقها كيف المهم يزرع وبس
الثقافة الجنسية مفتقدة لدى الطرفين الراجل ما عنده طولة بال والمراة منتظراهو يحرك المشاعر ولكن لا حيات من تنادي

[ام بادر]

ياخوانا انتو ناسين حاجة مهمة جدا"
الطهور او الخفاض او العدل او او او او وااو اواو كل الجرايم البتمارس فى حق المرة السودانية
ولانه كل الظروف ما طبيعية بالتالى العلاقة ماحتكون طبيعية وبالتالى الراجل فى فتيشه للمتعة حيقارن زى بوب مارلى وابوكرتونة وحيلاقيهم مسترجلات او ما نسوان زى الحبشيات اوباقى النسوان
وهنا الفرق
والله يكون فى عون المرة السودانية

[nizar]

الله عليك يا أم بادر .. جيتى فى العرق..
ياخوانا أمراض المجتمع السودانى كلها تبدأ وتنتهى فى المرأة ..
والمراة دى لو عارفنها صح .. حتبكوا عليها ليل نهار على كل الممارسات والأشكال الانحرافية اللى واجهتها .. ومن هنا صفقة مليانة لأخوانا فى جمعية مكافحة العادات الضارة .. وكان الله فى عونهم ..
وشكرا" ليك كتيييييييييير يا ست الفهم والراي يا أم بادر..
ياخوانا ما تنسوا أنه المرأة دى .. أختكم وبنتكم وعمتكم وخالتكم وحبوبتكم وحبيبتكم وزوجتكم .. وفوق كل ديل أمكم ..
يا خوانا فى زول منكم يرضى اللى بيحصل دا فى أهله... ماأظن..!؟
فى سؤال مطروح من بدرى..
هل فعلا" .. يفترض لعقلية الزول السودانى أن تتغير...!!!؟؟
وننسمع منكم..

[الصفر البارد]

:( 8) :cry: :twisted: :evil: :lol: :cry:



الصفر البارد

[osama bo seba]

الحمد لله الراجل فينا بيقبض ليهو مرتب زايد وقروشو معمرة جيبه تمام والاولاد كلهم ماشاء الله ناجحين ومافي عوجة بقى بس علاقته الجنيسية الما مريحاهو علشان كده مازلنا نتكلم ونختلف ونتفق ومشاكلنا كلها تمام تمام الا دي
اعتقد ان مشكلة الرجل والمرأة مشكلتها الحالة النفسية لو كل الضغوط خفت من على كاهل الزوجين سوف تلقاهم ماشاء الله ولا صواريخ سام ستة

[النمر]

ياأيها الصفر البارد
لعلمك لا يوجد أي عيب في المرأة السودانية غير أنها ست بيت ممتازه ومربية من الدرجة الأولى , وأشكرك على طرح الموضوع

[محمد عبدالرحيم]

تحية طيبة يا الصفر الحار

تحية طيبة لكل المشاركين

تحيه خاصة لنزار

الموضوع جميل وشيق ولكن فعلا كما طرح نزار السؤال هل يفترض لعقلية الزول السوداني أن تتغير؟

أقول نعم نعم نعم قال تعالى ( إن الله لا يغير ما بقوم حتى يغيروا ما بأنفسهم ) صدق الله العظيم أقول لا عيب في التغيير
أقول لا عيب بالإعتراف أولا بوجود الضرورة للتغيير
وأول ما نغيره النظرة الدونية لأنفسنا وذلك بطرحنا لمعايبنا في كل مكان وزمان .إن قلنا السودان قالوا السودان شين قذر مخيف
إن قلنا المرأة السودانية قالوا باردة زي ........ البارد إن قلنا وإن قلنا وإن قلنا فالرد معروف مسبقا سوف ننظر لنصف الكوب الفارغ ولم ننظر للنصف الممتلئ
المرأة السودانية له خصائص مميزة كلنا يعرف بعضا منها فهل تساعدوني في معرفة هذه الخصائص ؟ بإنتظار 1000 خاصية مميزة للمرأة السودانية .

[سلفاب]

بعد التحيه .عزيزى النساء موجودات فى السودان لكن وين الرجال البدقو الباب .مش يعنى مافى رجال فى لكن بسيط شى لا يذكر وبعدين المراه السودانيه كيف تكون رومانسيه اذا هى اليوم كله تخدم فى الاولاد .والراجل . وتنضف فى البيت وهاك ياغسيل شنو هى ماكينه..المطلوب من الرجل يوفر ليها الراحه والوقت علشان يكون عندها وكت للرومانسيه...........ولعلمكم مافى احسن من السودانيات . الا من رحمه ربى