الشبه باين .. حسن الزبير

[سوماج]

الشبه باين
ك / حسن الزبير

أعاين ما الـشـبه باين
وعايدة القمرة لي أصلها
كبرنا وكبرت احـزانا
وإنتوا كبرتوا وزدتو حلا
وزي ما القمرة تبدأ هلال
جـمالك إنتي يومي يهل
ومـحيك بـدرو يتجلى
ويزيـد قجة ويوج ويول
وعينيك سارحة ما هماها
يكـتر سهـري ولا يقل
صباحك إنتي حقو الناس
يجوهوا يشيـلوا منو الفال
صباح البشـرى للمحزون
صباح العـيد على الأطفال
وطبعـك فيـه رقة ونفرة
زي طـبع الجـدي الجفال
وأسألي عن سـؤالي عليك
الطـير في سـماه سألتو
لـو لاقـيـتي يـشرح ليك
ما فضـلـت غـير أسرح
وانـاديـك وأشـابـه قيس
وكـل عـيون أعايـن فيها
بـيـنا وبـين عيونك أقيس
وكـل نغم سـمـعت نـداه
وكل خطاوي جـاية تميس
أقول إنتي وخـلاص بنتي
وأبشر زي كــأني عريس

[محمدشنكل]

والله دورت على كلمات الاغنية في جميع المواقع السودانية لكني لم اجدها الا في هذا الموقع الجميل
وهذه شهاده للموقع

[صدقى على معروف]

أولاد جعل سلام ..
دخلت من عشرة صباحاً .. ومازلت سائحاً معكم .. تفتكروا ليه؟
متعكم الله بالصحة والعافية ..