دروب الريده

[الحاج أبو عاقلة]

[color=#f600ff]دروب الريدة

دروب الريده دائماً شوك
وسكه طويله فيها ضنى
مسافه تفتر العشاق
حصادي الفيها كل فنى
ورغم قساوة المشوار
عذاب وهموم مشيتها أنا
رضيت يا حلوه بالمقسوم
أشيل الليل سهاد ومنى
**************
أسافر كيف بدون عينيك
ومن دنياك وين أرحل
أتاتي خطاي وسط الشوك
أتوه كل عمري ما أوصل
وين درب الخلاص منك
معاك كل الأمل كمل
خلاص تاهت مراكب الريد
وغير دنياك مافي أمل
***************
معاي صورتك وسادة نوم
أقلب فيها وأتذكر
أداري اللهفه في قلبي
وأخبي الريده لو أقدر
أكتم أهه في جواي
أهه جديده تتفجر
وأمسح دمعه من عيني
تنزل دمعه تتحدر
***********
وراك في سكة مجهولة
ما فترت خطاي لسه
شايل زادي جرعة هم
أحاول قلبي لو ينسي
أعود مجبور بدون خاطري
بلا عنوات ولامرسى
أقاوم حدة الأشواق
أفتش ريدي وين أمسى
*************
أطوف الدنيا عشان عينيك
وأرحل في ديارا أسوح
كايس نظرة تشفي أذاي
من خدٍ لطيف وصبوح
وأرجع تاني دون خاطري
أقّضي الليل براي أنوح
أضمد في جراح سفري
وتتفتق جواي جروح

[Abu baker]

سلام .. أبوعاقله ..
وأجارنا الله وإياكم في فقيد الكلمة والوطن محمد طه محمد أحمد .. له الرحمة ونسأل الله السلوى لأهله ..
وعوداً حميداً .. والدروب ديه شايفه قست عليك كتير .. رغم وعورة تضاريسها .. وإني أراك تخوضها وتجوبها متحسساً أماكن الأشواك نازعاً إياها وإن أضناك المسير .. متزوداً بتلك الصورة الجمالية .. العيون النجل .. وصورة المحبوب .. ويخيل لي الشوك ما أظنه يلقي طريق لرجل مشحون بهذي المعاني الجمالية .. والكلمة المنتقاه ..

دمت بهذا البوح ..

وأبقي واصل ..

مجتبى ..

[الحاج أبو عاقلة]

حبيبي مجتبى
أن القلب ليحزن والعين لتدمع ولا نقول إلا ما يرضي الله
الا رحم الله شهيد الصحافة محمد طه محمد أحمد

أما عن منشدتي فقد أستعصمت بالبعد عني وها انذا أتطاول عسى وأن أطول أخمصها

[أبوبكر محمد الصادق]

الرائع بروعة كلماتك أبو عاقلة

لا أملك إلا أنه أحي عبرك النهود التي تجلت في شخصك

قلنا نشكل حضور

تحياتي

أبوبكر

[الحاج أبو عاقلة]

حبيبي الراقي أبو بكر محمد صادق
شكراً على الحضور يا راقي

[أنور ميرغني]

شكراً لك صديقي الحاج ولقلمك الذي طوع الحرف وأهدانا الألق .
تحياتي ...

[الحاج أبو عاقلة]

رفيق الدرب الشاعر أنور ميرغني
رمضان كريم
عذاراً لم أطالع هذا البوست في حينه
شكرا لك على الأطراء ولكن يا حبيبي يبدوا أن شياطين الشعر في رمضان مصفده وربما نضب المعين من الكلمات
أسأله لي ولك دوام العافية
وشكراً
أبو عاقله - النهود

[ساداتكو]

[color=#f600ff]دروب الريدة

دروب الريده دائماً شوك
وسكه طويله فيها ضنى
مسافه تفتر العشاق
حصادي الفيها كل فنى
ورغم قساوة المشوار
عذاب وهموم مشيتها أنا
رضيت يا حلوه بالمقسوم
أشيل الليل سهاد ومنى
**************
أسافر كيف بدون عينيك
ومن دنياك وين أرحل
أتاتي خطاي وسط الشوك
أتوه كل عمري ما أوصل
وين درب الخلاص منك
معاك كل الأمل كمل
خلاص تاهت مراكب الريد
وغير دنياك مافي أمل
***************
معاي صورتك وسادة نوم
أقلب فيها وأتذكر
أداري اللهفه في قلبي
وأخبي الريده لو أقدر
أكتم أهه في جواي
أهه جديده تتفجر
وأمسح دمعه من عيني
تنزل دمعه تتحدر
***********
وراك في سكة مجهولة
ما فترت خطاي لسه
شايل زادي جرعة هم
أحاول قلبي لو ينسي
أعود مجبور بدون خاطري
بلا عنوات ولامرسى
أقاوم حدة الأشواق
أفتش ريدي وين أمسى
*************
أطوف الدنيا عشان عينيك
وأرحل في ديارا أسوح
كايس نظرة تشفي أذاي
من خدٍ لطيف وصبوح
وأرجع تاني دون خاطري
أقّضي الليل براي أنوح
أضمد في جراح سفري
وتتفتق جواي جروح

****************************
لي قدام يا باشا...

[الحاج أبو عاقلة]

شكراً على المرور
الحبيب ساداتكو

[أبوبكر محمد الصادق]

صديقي اللدود أبوعاقلة

رمضان كريم

شكلك الأيام دي قاعد في النهود

أين إبداعاتك ياجميل

تحياتي

أبوبكر

[الحاج أبو عاقلة]

حبيب القلب الغالي أبو بكر محمد صادق
لك التحايا
لازلت مسكون ومثقل بالقصائد ولكن خصصنا هذا الشهر الفضيل للتلاوه والمسابقات الدينية خاصة وأن شياطين الشعر لم تجد بداً للتفلت من عُقٌلِها
أنا في النهود ملهمة الإبداع وسأحاول الإندياح بعد العيد إنشاء الله

[حسين عبدالوهاب عبدالكريم]

دروب الريدة
رغم قساوة المشوار
لذيذه وفيها لينا غنا
ومهما تعاني فيها قلوب
الا عذابه لينا هنا
ومهما تشكي من آلام
وفرقة وشوق ونار وضنا
تعيش الحب بكل احساس
وتحلم بي لقاه مني
وايه الفايده لما تكون
حياتك ليس فيها عنا
وحبيبك ليس يدلل
وكت ما تريده ليك دنا
وين الشعور بالشوق
ولهفة ريد تزيده ونى

[الحاج أبو عاقلة]

الرائع حد الدهشه
حسين عبد الوهاب
والله شواغل الأيام حرمتني من مطالعة هذا البوست في حينها
كم هي رائعه هذه الكلمات التي جاريت بها دروب الريده
شكراً كتير على هذا الإبداع

[مينو]

وراك في سكة مجهولة
ما فترت خطاي لسه
شايل زادي جرعة هم
أحاول قلبي لو ينسي
أعود مجبور بدون خاطري
بلا عنوات ولامرسى
أقاوم حدة الأشواق
أفتش ريدي وين أمسى


ليه الجفا يا ابو عاقله

ان شالله خير وكل سنه انت طيب

[الحاج أبو عاقلة]

العزيزة مينو
تحياتي
والله لم أكن جافي ولكن عطب في جهزي (اللاتوب ) منعني من منافحتكم ولكن بحمد الله تم إصلاحه اليوم بحمد الله
تحياتي إلى الجميع

[محمد ابوعاقلة]

وراك في سكة مجهولة
ما فترت خطاي لسه
شايل زادي جرعة هم
أحاول قلبي لو ينسي
أعود مجبور بدون خاطري
بلا عنوات ولامرسى
أقاوم حدة الأشواق
أفتش ريدي وين أمسى
*************
نفس الكلام الجابني تاني
دي هبشه ... لقيت نفسي فيها
وزي ما انت كتبت
خلي اي واحد يلون لوحتو براهو
وين بتوديك ... وكيف تلون
الحاج ... انت شديد .... ما اظن

[الحاج أبو عاقلة]

حبيبي الشقيق
محمد أبو عاقله
كيف حالتك
أنا شديد والحمدلله وسأعود قريباً للتحليق معكم في سماء هذا المنتدى بإذن الله