أنور ميرغني
04-09-2006, 11:09 AM
مالو طال غيابك
يا أغلي من عينيّ
إنكويت بنار هجرك
والشوق فاض بي
تلاتة شهور فرقة وعذاب
وأريتك عارفة العلي
ياما وراك ضقت الألم
باريت الخلا والصي
***
شلت أشواقي جيتك
قاصد أحطم حاجز المسافة
شايل قليب مجروح يردد
وين حبيبتي ومين الشافا
جيت معاي كل الأماني
أحلم ببسمتك وكت نتصافي
البسمة المن دواخلك بتعكس
ريدة ظاهرة وقلبي شافا
***
لكن أه وأه ما الزمن
راجيني بالألام والشجون
قاصد يسرق فرحة التلاقي
ويطعن القلب الحنون
سألت عليك كل اللاقيتو
وشوقي باين في العيون
سألت ما لقيت رد
بدت تهد صبري الظنون
***
بكيت كتير وفي درب الرجعة
أنغصبت علي المشي
ومات فيني الأمل قلت خلاص
ضاع الحلم ضاع كل شي
وحاولت إتناسي هواك
بس بسيمتك كيف تتنسي ؟؟
وكيف أنساك أنا ؟؟ وأكتم
نبضات قليباً كان معاك منتشي
يا أغلي من عينيّ
إنكويت بنار هجرك
والشوق فاض بي
تلاتة شهور فرقة وعذاب
وأريتك عارفة العلي
ياما وراك ضقت الألم
باريت الخلا والصي
***
شلت أشواقي جيتك
قاصد أحطم حاجز المسافة
شايل قليب مجروح يردد
وين حبيبتي ومين الشافا
جيت معاي كل الأماني
أحلم ببسمتك وكت نتصافي
البسمة المن دواخلك بتعكس
ريدة ظاهرة وقلبي شافا
***
لكن أه وأه ما الزمن
راجيني بالألام والشجون
قاصد يسرق فرحة التلاقي
ويطعن القلب الحنون
سألت عليك كل اللاقيتو
وشوقي باين في العيون
سألت ما لقيت رد
بدت تهد صبري الظنون
***
بكيت كتير وفي درب الرجعة
أنغصبت علي المشي
ومات فيني الأمل قلت خلاص
ضاع الحلم ضاع كل شي
وحاولت إتناسي هواك
بس بسيمتك كيف تتنسي ؟؟
وكيف أنساك أنا ؟؟ وأكتم
نبضات قليباً كان معاك منتشي