ماهو الفافنوس

[ساداتكو]

وهاكم دي مني لي الفارس عمارة ود المك نمر:

ندمانة أم بنونة كان ما جابتك
ندمانة بنونة كان ما شافتك
وندمانة المتمة كان ما ولدتك
وندمانة البلد كان نستك
وندمان التاريخ لو ما كتب كلمتك
وندمانة الأرض لو ما فيها دوام لمستك
وندمانة الرجال الما حضرت ريستك

[MakilNeem]

ساداتكو
هيييع

عقب .. حررررررررررم

[مينو]

ندمانة أم بنونة كان ما جابتك

يا ساداتكو


http://www.zahrah.com/zpix/wel182.gif

[ساداتكو]

أشكركم شكراً يتدفق من أعماق صدقي إلى حيث أنتم شامخون يا أخواني على مروركم على أعمالي وانبعاث الثقة والفرحة في دواخلي...

فلكم الشكر والشكر أيضاً أهديه لكم وشكراً ثالثاً وحتى لا ينتهي الشكر...

[blur:66c9af2060][moj=up:66c9af2060]- وأعذب تحياتي -[/moj:66c9af2060][/blur:66c9af2060]

[نفرتيتي]

ايه سادتكو الكل عارف المك نمر جري كيف

[ابو الصادق]

ندمانة أم بنونة كان ما جابتك

يا ساداتكو


http://www.zahrah.com/zpix/wel182.gif


ترحيبك بساداتكو بقول وراء الاكمة ما وراءها


ما تورينا من زمان جعليتكم



احبة دخلنا من باب الفرح النبيل ومناكشاتنا نبيلة


تقوموا فينا انتم عيال جعل



دمتم جميعا

[arah$]

ايه سادتكو الكل عارف المك نمر جري كيف

تعرف انا من زمان نفسي اعرف قصة جري دي شنو؟؟؟!! بس جري متين وبوين؟؟ يا جماعة المان المك نمر ولع نار في الانجليز كيف تقولوا جري؟؟ واعمل حسابك..انحا جعليين بنأكل الزلط..بس بالكاتشاب!!!

[ساداتكو]

والله يا نفرتيتي بقولو الحرب فرُ وكر...
ولما كان الباشا بيعمل عمايلو السودة في كل انحاء السودان ومافي زول بيقوليه عينك في راسك...
قام المك نمر أراح السودان منها... ويعني انت بتقول المك نمر جرى كيف...

والللللللللللله لو بتلاقيني اوريك انو هو جرى كيف...

لكن بس نقول حال الحروب هكذا يا نفرتيتي يا حبيبنا...


- أرق التحايا بعد دا كللللللللللو يا باشا -

[Abu baker]

ايه سادتكو الكل عارف المك نمر جري كيف

تعرف انا من زمان نفسي اعرف قصة جري دي شنو؟؟؟!! بس جري متين وبوين؟؟ يا جماعة المان المك نمر ولع نار في الانجليز كيف تقولوا جري؟؟ واعمل حسابك..انحا جعليين بنأكل الزلط..بس بالكاتشاب!!!

سلام .. ساداتكو ومرحبتين حبابك ألف وأبقي داخل ..
وليعلم الجميع أن الحرب كر وفرٌ ..

مِكرٍ مُفرٍ مقبلٍ مدبرٍ معاً كَجلمودِ صخر حطه السيل من علِ

مجتبى ..

[ساداتكو]

هههههههههههههه

... أبو الصادق انت مالك زعلان كدي ... أظنك من أولاد مهيرة بت عبود...

واللا الحاصل شنو؟؟؟

[ساداتكو]

حبابك يا اخونا وحبيبنا البيه بنكون عامرين...

وقول لي اخوانا الزعلانين ديل:
أنحنا المن زمااان صغيرنا بعدل الراس
وانحنا البينا كل العروب تنقاس


[blur:3bee438b67][moj=up:3bee438b67]- أعذب التحايا -[/moj:3bee438b67][/blur:3bee438b67]

[Abu baker]

و..
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا ...

[ساداتكو]

[blur:628ed868d2]مشكور على الفكرة الجديدة...
وزي ما قال اخونا:[/blur:628ed868d2]أنحنا اولاد جعل اهل الساقية اللترفع واسوقه
بندى الصافنات للزول هديه يسوقه
ساعة الشوف يشوف والحاره يعمر سوق
زى كور الغنيمه تلقانا نحن نسوقهوقُل لكُل من احتقر أبناء جعل بأن كُل هذا صحيحٌ
[moj=up:628ed868d2][blur:628ed868d2]- تحياتي -[/blur:628ed868d2][/moj:628ed868d2]

[ابو الصادق]

ايه سادتكو الكل عارف المك نمر جري كيف

تعرف انا من زمان نفسي اعرف قصة جري دي شنو؟؟؟!! بس جري متين وبوين؟؟ يا جماعة المان المك نمر ولع نار في الانجليز كيف تقولوا جري؟؟ واعمل حسابك..انحا جعليين بنأكل الزلط..بس بالكاتشاب!!!


المك نمر ماجري سرورة لكن الحاقدين حرفوها النمر بطل قومي بمعني الكلمة ولو عند ناس بتفهم كان عملوا ليه تمثال انا ما جعلي ولا مناسبهم لكن القصة اتوقعت مجتبي احكيها ليك
لكن امري لله احكيها باختصار اسماعيل باشا ابن محمد علي حاكم مصر اراد احتلال السودان لجلب الذهب والعبيد عندما وصل المتمة مكان مملكة الجعلين اهان المك وضربة بالكدوس في وجهه اراد المك ضربه بالسيف فمنعه وعملوا خطة لقتله ورد الاهانة قاموا عملوا بارتي للحاكم وحرقوه مع عساكره ولما خاف المك من غضبة الحاكم علي حريمه انسحب الي الحبشة
تمت الحدوته وبكره يا شاطره بحكي ليك هروب الخليفة شاطره اجري نومي

[Abu baker]

سلام أبو الصادق .. سلام سارة ..
وطبعاً سارة بتنتمي للجعليين وما أظن يخفي عليها ما كان من أمر المك نمر والمك مساعد الذي كان رأيً سديداً وقتها ..
وكمان لأن قبائل السودان كلها تشكل لي وطن بغض النظر لأي القبائل أنتمي آثرت أن يكون تساؤل ساره تهكماً علي كل الذين لا يقدرون ذلك حسب فهمي !!!.. ولا بأس في أن نورد ما كان من أمر المك نمر والرأي السديد المك مساعد ..

مقـتل إسماعيل بن محمد علي باشا 1822
بدأت الثورات تظهر في مختلف المناطق بسبب الازدياد المتواصل في الضرائب التي فرضها الأتراك على السودانيين إذ أن الضرائب السنوية للممتلكات كانت تقدر بنصف الثمن. فلما هدأت تلك الثورات بعد أن زاد الولاة في قسوتهم وزادوا في ضرائب الجهات الثائرة إذ أن الجزيرة زيدت ضرائبها من 35,000 ريال إلى 50,000 ريال وكذلك أراضي الجعليين.

وصل إسماعيل باشا إلى شندي في ديسمبر 1822 وأمر المك نمر والمك مساعد بالمثول أمامه وعند حضورهما بدأ الباشا بتأنيب المك نمر واتهامه بإثارة القلاقل ومن ثم عاقبه بأن أمره أن يدفع غرامة فادحة، الغرض منها تعجيزه وتحقيره (1000 أوقية ذهب، ألفي عبد ذكر، 4 آلاف من النساء والأطفال، ألف جمل ومثلها من البقر والضأن) واختلفت المصادر في الأعداد لكن اتفقت في استحالة الطلب. رد المك باستحالة الطلب فأهانه الباشا وضربه بغليونه التركي بإساءة بالغة أمام الحاضرين . حتى أن المك رفع سيفه فأوقفه المك مساعد وتحدث إليه باللهجة الهدندوية (التي عرفوها عن طريق التجارة مع سكان البحر الأحمر) فأبدى المك رضوخه وأظهر خضوعه بأن دعا الباشا إلى العشاء وذبح له الضأن وهيأ له الحرس وأمعن في خدمته وأخبره أن الغرامة ستدفع في صباح اليوم التالي، أثناء ذلك كان الجعليون يطوقون الحفل بالقش من كل مكان مخبرين رجال الباشا أنها للماشية التي ستحضر و قبيل انفضاض الحفل أطلق الجعليون النار في القش فمات إسماعيل ورجاله خنقاً وحرقاً. نتيجة لذلك ساءت معاملة المغتصبين أشد الإساءة حتى أنهم قتلوا في إحدى المرات 30,000 من الجعليين العزل، استمر المك نمر في إغارته على الدفتردرا حتى بلغت خسائر رجاله عدداً عظيما فهاجر المك إلى حدود الحبشة حيث خطط مدينة أسماها المتمة أسوة بعاصمة الجعليين في الشمال ومكث هناك عدة سنين حتى مات .

استمر حكم الدفتردار العسكري للسودان واستمرت المجازر البربرية كما أن الجنود الذين لم يتسلموا مرتباتهم لمدة ثمانية أشهر بدءوا بالبطش والنهب ليجدوا متطلبات حياتهم، إلى أن ثار الرأي العام الأوروبي ، فأمر محمد علي، الدفتردار بالعودة سنة 1824 محاولة منه إنهاء الحكم العسكري وإرساء نظام إداري أكثر إنسانية. وخوفاً من أن يحدث مثل ما أحدثه المك نمر ..
هذا ماكان ساره هذا ما حدث أبو الصادق ويكفينا أنهم جدود لنا نحسبهم أرسوا دعائم الأمن والسلام لوطن نعيش حاضره الآن ..
ولك التحية ساداتكو ..

مجتبى ..

[arah$]

شكرا" ليك أبوالصادق علي رواية القصة..لكين أنا عارفها..معقولة يامااااان أنا جعلية وما بعرف قصة المك نمر مع أسماعيل باشا..وذي ما قال مجتبي ((أنا سألتا بطريقة أستهزاء بالأمر))..لكين قصتك رسخت لي القصة اللي كانت في رأسي..وشكرا" ليك كمان مرة علي الكلام ال1000 دا..((وبعدين أنتا عملتا خير..طيب ما تتموا للنهاية*)) في داعي لي شااااااطرة أمشي نومي دي هسي..لزومها شنو عليك الله؟؟!! غايتو حالة..أخير منها وجع الضرس علي قول وحدة أختنا..

أخ مجتبي..ياسلام عليك يامااااااان..تاااريخ بتفاااااصيل..شكرا" ليك يازووووووق علي المعلومات دي..والله ما قصرتا معانا اصلو..اصلو..اصلو ...نهائي كدا..ما قصرتا..جزاك الله الف خير..ويا نفريتيتي..عرفت ولا نقووووول تاني؟؟؟؟!!!

[حجر الظلت]

فوووووووووووق

[حجر الظلت]

وهاكم دي مني لي الفارس عمارة ود المك نمر:

ندمانة أم بنونة كان ما جابتك
ندمانة بنونة كان ما شافتك
وندمانة المتمة كان ما ولدتك
وندمانة البلد كان نستك
وندمان التاريخ لو ما كتب كلمتك
وندمانة الأرض لو ما فيها دوام لمستك
وندمانة الرجال الما حضرت ريستك
====

[ساردية]

ايه سادتكو الكل عارف المك نمر جري كيف
لااعرف
كيف اخاطبك بصيغة المؤنث ام المذكر ولكن
وبما ان نفرتيتى ملكة مصرية قديمة ساخاطبك اختى العزيزة على هذا الاساس

عزيزتى قيل
الحرب كر وفر
اذا مااعتمدتى على مادرس فى المراحل الدراسية عن كيفية خروج المك من شندى
واذا كنتى باحثه عن الحقيقة فعلا وليست الاستفزاز فعليك بالرجوع ايضا الى المراجع التاريخية الاتية
علك تجدى اجابة لسؤالك وستجدينها ان شاء الله
1/ تاريخ وجغرافيا السودان لنعوم شقير
2/ السودان عبر قرون لمكى شبيكة
3/ اللملوك الهارب 0 لكاتب لبنانى اسر بعد الحريق وتمكن من الهروب
4/ مملكة الجعليين من حجر العسل جنوبا وحتى ملتقى نهر عطبرة شمالا لمحمد سعيد معروف
اما رواية خروجة فيها من الفروسية مايشيب له المولود
رجل حرق ابن عظيم مصر لو لم يملك من الشجاعة لما حرقة فكيف له بالهروب
وهذا مايسمى الان باللجو السياسى
يحكى عند خروج المك من شندى وفى طريقة الى الحبشة مر على بعض قبائل البطانة وطلب منهم ان يمدوه ببعض الماء هو ومن معه
ولكن تلك القبيلة رفضت الا بعد ان يعطيهم المك سيفة مقابل الماء
كيف لرجل ان يتخلى عن سيفة وهو رمز عزته
واى شرف عندما يكون سيف المك بطرفها ( سيفو ينسف الدرع الحديدو مقرن )
وافق المك ولكن على شرط
انزل لبدتة هل تعرفين معنى كلمة( لبد) ارجعى الى قصيدة امرى القيس فى المرحلة الثانوية تجدى المعنى فى هذا البيت
(يزل اللبد عن حال متنة كما
ازلت الصفواء بالمتنزل )
من ظهر جواده وطلب منهم ان يقطعو هذه اللبده بسيفة ان استطاع فرسانهم من ذلك فالسيف حلال عليهم
ومعلوم ان اللبد محشى بالصوف وعند كل ضربة ترتد تعمل ( ياى )
عجزو عن الشرط
تناول المك السيف وبضربة واحده شق اللبد وهز سيفة مخاطبا
اكان اديناكم سيفونا نديكم ضرعاتنا
وباخد الموية بالقوة
وعندها قال لهم اى احد عقلاء القرية
الزول ده ماكن قدرو بيقرضكم ادوه الموية وخلوهو يفوت
شربو وحمل سيفه والعزة تسير فى ركابة
كيف لمثل هذا ان يهرب وهو يسير واثق الخطا
وليست هارباخائفا كالذى يتخبطة الشيطان من المس
(وان عدتم عدنا )

[محمد محبوب]

ايه سادتكو الكل عارف المك نمر جري كيف

غايتو يا نفرتيتي الكلام ده بجيب دم عديييييييييييييل كده