هروب !!!

[أنور ميرغني]

دة أخر كلامك يا قاسية ؟؟؟
خطاي تايهة في دربك
وإنتي للوداد ناسية ؟؟؟
حياتي كيف تكون بعدك ؟؟؟
وريني يا سالية
وليه تحرمي قلبي الفرحة
بكلمة منك نافية ؟؟؟
ودي الريدة في عيونك
في بسمتك سارية
****
قاسية ناسية إنتي
وفي شريعتك
الحب غير مباح
يا زهرة بتدسي العبير
تخليهو قلبي للبكاء والنواح
شنو الخلاك تقسي علي ؟؟؟
تحرميني عطراً فاح
تخجلي من الحنان تترددي
تذيدي جراحي جراح
تبخلي علي بقربك ؟؟؟
وين حنانك لي راح
****
ولو تعرفي يا زاتي
كم كم بريدك
جيت بلهفة
وختيت قلبي في إيدك
قلت الزمن القاسي يلين
تكوني لي وأكون وحيدك
****
قبلك ياما تهت
وياما طالت بي الدروب
صدفة لقيتك قلت خلاص
أحزان وبدت تذوب
لقيتك متوشحة النور
لابسة العفاف توب
الأمل في سمايا بان
شفت الشروق يادوب
بلهفة حكيتلك حكايتي
وللأسف كان ردك هروب
وليه يا درة كان ردك هروب ؟؟؟
ليه يا درة كان ردك هروب ؟؟؟

[أنور ميرغني]

هروووب

[مينو]

up
up

[أنور ميرغني]

الرايعة مينو لك التحية ..

[خالد العزيب]

شفت الشروق يادوب
بلهفة حكيتلك حكايتي
وللأسف كان ردك هروب
وليه يا درة كان ردك هروب ؟؟؟
ليه يا درة كان ردك هروب ؟؟؟

الاخ انور .... كانت قصة لم تكتمل عايشتها انا ولكن كان الهروب نصيبي انا وليس (درة) بالمناسبة كما يقول المثل ( الضبر ضبر البلغاء والطعن طعن ابي محجن ) تطابق الاسم تماما !!! انت بتقراء الافكار والله شنو ؟؟؟؟

[أنور ميرغني]

أخي خالد العزيب شكراً كتير علي المرور ولكني أخي لم أفهم كلماتك فهل هروبك كان من قصتي
لعدم جودتها وعدم إكتمالها كما قلت أم لشئٍ أخر .
ولك خالص تحياتي وشكري .