اجمل وكمل ما قيل في الفخر الجعليين

[النجضاني]

قال الشاعر الفذ الذي وهبة الله لنا الفرجوني

نحن اولاد جعل تركة بني العباس
وجدنا عم نينا وغرة للفراس
البشتم عروضنا خصيمو خير الناس
الجاتو السور من فاتحتن لي الناس
غير نسل الحسين في كافة الاجناس
دربنا مستحيل لا يغشكم خناس
متوهد سنينا اللعضام هراس
باقي الناس جسد نحن القلب والراس

[أبوصالح]

قال الشاعر حمدان في مدح الشيخ ابراهيم محمد فرح عمدة عموم الجعليين في فترة الادارة

الاهلية :

عمدة فايدة حرّم بالاسم والمعنى

ولين كفة ما بوازنوهو حاتم و معنى

جناح الرحمة فرّا وتحتو جملة جمعنا

كلمتن شينة بهظار عُمرو ما سمّعنا


******
جلوسو تملّي زي تمر الحجاز بيناتنا

ولي سياتنا يغفر ويحكي بي حسناتنا

بالاحسان ملكنا و طوطون لسناتنا

عرضنا عروضو بالعفة و بناتو بناتنا

*******

ما جرجلو حُرمة وفي عوايد جابا

وما سوالو شكرة وباكر اتحجّابا

بدل ما يوري سلطتو ديمة اترجابا

حاكم وباقي اجواد ايدو زين والجابا

******

مغرم بالصلح زي البرق يسرعلو

ويقضي يومو ما بين ديل رضو وديل زعلو

تقول في مطيرقو سر رب العباد واضع لو

أول ما يجرجر بيها يقبلو فعلو

[النجضاني]

الاخ ابو صالح مشكور علي المرور
مشكور علي هذة الرائعة التي كتبت واستاهلو عيال جعل كل خير
هولاء الرجال المشبعين بالمكارم قال الفرجوني في قصيد ة طويلة
يستحضرني فيها قوله:
وين متل الزبير فوق المخمس شد
وجيبي المتلو ياعند برنو طارح الحد
ومثل هولاء جاز لنا ان نفخر بهم

[د خضر الخواض]

مرور على هذه المفاخر

[النجضاني]

مشكور الاخ الخواض علي المرور
ونحن اولاد جعل نافين كلمة العيب
خلقة لسانا من وبنة عشيرنا اديب
الجار والعشير بنشيلو بالترحيب
والامر البهز جبال صبرنا عجيب
((الكلمات للفرجوني))

[انا المك]

شكرا على الموضوع

[أبوصالح]

المك عبد الدايم
الدود اب زنود حجّر مشارع الساحة
تور عنزة ام هشيم الفى المحاص نطاحة
عبد الدايم المك نور الدجى و مصباحه
فرّاج كربة اليوم اب دمي و كتاحة
اب سيفا سنين ياخد الفقر و الراحة
سيف لا معاهو قول لا معاهو تاني فصاحة
ياالضل ا لرهيف الفي الخلوق مرتاحة
القاصد ديارك بلقي فيها براحة
ياك خريف الفاره ياك مسراحة
العاداك ياالليث وين يضوق الراحة
كل الخاصموك ياابرسوه مرقو قماحة
ضربك في الصفاق لا بعالجو كي لا جراحة
اليوم العبوس احفادك بلاقو فراحة
سيوفن لي قضاريف الرجال ضّباحة

[الضريوابى]

ودالبنا قال فيها العززوها واساس كراماسيادمكانه كلهم فراس قصدى اولادجعل تركة جنى العباس دفرواوماتوافى ضهور الخيول يباس فيهاالمك نمر حرق الخديوى صباح ودرحمه الزبيردفرمع الشلواح فيها بنات جعل حفظن شرفهن صاح لبعن صرة النيل حاكن التمساح

[الضريوابى]

هولاءاهلنا فجئونى بمثلهم

[عبدالله البنا]

رفا ق الضيف انى حل هبو لهم للضيف ضم والتزام