mohammed elrasheed hassan
12-08-2006, 03:56 AM
__________________________
ما ضهبت أقول لقيتك
انتى في كل الخواتم والنجيمات والعواتم
والمغنين المطاليق
ما حزنت اقول بكيتك
نحن في حزن المخاليق
الفرح جاييك وعد غنوة اولاد التحاريك
السعد ولا البعد البعد ولا السعد
كنت في ليل الخوابى تهاتى بينات الطوابى تحاكى جقليب السعى
الجناييت خلو حجرك ريحى خوفى
وعين مزرزرة من شقا الفرح المرابى ومنية الوعد الدعى
يا ديارى الوين أنى
تور عفين الشين أنى
ما أضينه وزين أنى
وانت في خوفك تكاتل رفة الطير والحفيف
وانت في شوفك تخاتل عيلة الجلبك خريف
وانت في اللالوبه مصلبة البنيات النسيمات الحفيف
بطنك كرشت غي البنات نافي
دقنك حمشت جلدك خرش مافي
وكنت في اللالوبه مشنقة الوليدات النجومى ومحبس النفس الرهيف
وكت الوهم وافيت وكت العلم جافيت
صدق الوعد نافيت مره الصدق نافي
وكنا بنشيل الغباين والأناشيد
جهدية الأورطية جهدية الحالقونا
شدو جمالن جونا
وجلبنا ليهم سمسم السمسم ما كفاهك حلبنالن سعية
وجينا للبقعة ام قبايل سيل من الوادى الكبير
الكفيف شايل الكسيح يا عيون ود أبكير
واحدة من توشكى وتقلع تانى تقلع في المطامير
يا جبة الدرويش البابا بسل العيش الله بسله
والبابا خدمة الديش الله بسله والبابا القول بشويش الله بسله
البابا القول عضير البابا القول عضير
يا عيون ود أبكير عماك في حقك دية لي زمنا مو جهديه جهديه الورطية
يا عيونى شن بتشوفي يا امونه شن بتشوفي
شدرا تالا اليمامة ولا الصقر الحمامة ولا البطن التفوفى
يا امونه شن بتشوفي ويا عيونى شن بتشوفى
جهدية وسيف وراية تبروقة وخيل وشاية
أزان بالجوع أزن لى أم خوفك فايت خوفى
تلت التلاتة شلت تانى التلات محلت
والتالت جا يبشرنى سرقوا الدايرين حتوفي
سنة والعيش بالنبضه قلبك شاباي للنبضه
جونى العشا ما لقونى الجهدية ماكله كتوفي
يا امونه شن بتشوى ويا عيونى شن بتشوفى
شايف الدموم واللمة
بين الدقون والعمة
واللانى فوق معلق صدر الحدي منوفي
ما ضهبت أقول لقيتك
انتى في كل الخواتم والنجيمات والعواتم
والمغنين المطاليق
ما حزنت اقول بكيتك
نحن في حزن المخاليق
الفرح جاييك وعد غنوة اولاد التحاريك
السعد ولا البعد البعد ولا السعد
كنت في ليل الخوابى تهاتى بينات الطوابى تحاكى جقليب السعى
الجناييت خلو حجرك ريحى خوفى
وعين مزرزرة من شقا الفرح المرابى ومنية الوعد الدعى
يا ديارى الوين أنى
تور عفين الشين أنى
ما أضينه وزين أنى
وانت في خوفك تكاتل رفة الطير والحفيف
وانت في شوفك تخاتل عيلة الجلبك خريف
وانت في اللالوبه مصلبة البنيات النسيمات الحفيف
بطنك كرشت غي البنات نافي
دقنك حمشت جلدك خرش مافي
وكنت في اللالوبه مشنقة الوليدات النجومى ومحبس النفس الرهيف
وكت الوهم وافيت وكت العلم جافيت
صدق الوعد نافيت مره الصدق نافي
وكنا بنشيل الغباين والأناشيد
جهدية الأورطية جهدية الحالقونا
شدو جمالن جونا
وجلبنا ليهم سمسم السمسم ما كفاهك حلبنالن سعية
وجينا للبقعة ام قبايل سيل من الوادى الكبير
الكفيف شايل الكسيح يا عيون ود أبكير
واحدة من توشكى وتقلع تانى تقلع في المطامير
يا جبة الدرويش البابا بسل العيش الله بسله
والبابا خدمة الديش الله بسله والبابا القول بشويش الله بسله
البابا القول عضير البابا القول عضير
يا عيون ود أبكير عماك في حقك دية لي زمنا مو جهديه جهديه الورطية
يا عيونى شن بتشوفي يا امونه شن بتشوفي
شدرا تالا اليمامة ولا الصقر الحمامة ولا البطن التفوفى
يا امونه شن بتشوفي ويا عيونى شن بتشوفى
جهدية وسيف وراية تبروقة وخيل وشاية
أزان بالجوع أزن لى أم خوفك فايت خوفى
تلت التلاتة شلت تانى التلات محلت
والتالت جا يبشرنى سرقوا الدايرين حتوفي
سنة والعيش بالنبضه قلبك شاباي للنبضه
جونى العشا ما لقونى الجهدية ماكله كتوفي
يا امونه شن بتشوى ويا عيونى شن بتشوفى
شايف الدموم واللمة
بين الدقون والعمة
واللانى فوق معلق صدر الحدي منوفي