الشاعر علي الطبيب النجضاني

[النجضاني]

الشاعر علي الطيب من سكان قرية الرضمة وهو شاعر متفرد بين اقرانة بقوة الكمة ووضوح المعنى سلك مسلك الشعراء الغزل والمدح والفخر وبدع واجاد ثم انتقل الي شعر الوعظ الارشاد الديني .رحمة الله رحمة واسعة
انفى الشرك للخط والنجوم لا تسابــــــــر
وامرك و اتكلو للمولى الكريم هو بدابــــر
اكشف غمتك زي حلمة المو مســــــــابر
ات ماك الة في الكان والبكون شن خابر

عملك حصو لايبور عليك هن سمـــــــــتو
بي تفويض امر لله خشمك اصمــــــــــتو
كان سويتليك جناح حمبتبو الكون طفتو
ما بتنطو تقدير الاله في قسمــــــــــــتو

[شنتير]

يا سلام على الحكم والبلاغة والفصاحة
هازول زيدنا مما عندك زادك الله من فضله

[النجضاني]

علي قال:
عندي نصيحة لي وجه الله يا سامعين
زمن الضيق بتروى الاخرة للزارعين
تيرابة الخفية وارضها المســـــكين

[النجضاني]

ومن كلام شاعرنا علي الطيب تاي السيد : وكان قد راى احد التجار فا طر رمضان
سيد ابيض ضمير تابع الهوى الما بــــدوم
محكحك دقنو في بحر المناكر اعــــــــوم
شراب البنينسون جايب في تنايا تـــــروم
بجي رمضان بقول قالي الحكيم لا تصوم

[النجضاني]

شاعرنا كما ذكرنا امتاز بشعر الوعظ الديني وهنا عنده مربوعة يحث فيها الناس على الصدقة في السر قائلاً
ارقع مخفي في المي دايمة كتر صبرك
واعطف بي ضرايا مافي زولا اخبــــــرك
الرزاق برزقـــــقك مـــــــــــدة ما بدبرك
شيلك راوية خاف من العطش في قبرك

[النجضاني]

وقال شاعرنا علي الطيب النجضاني في نقس السياق
ينهي الناس عن متابعة ابليس اللعين

ارفض منو لا يبلغ مراد في جسوسك
داير في مدارس الطيش اسوي دروسك
بلاد صالح العمل زيد فيها علي تروسك
اكرم جارك امرق للضيوف مدسوسك

[النجضاني]

نتقل الي شعر الغزل

تشهدلي الكوكب والسوجع القايـــــمة
الليل باخدو فوق كيعاني والناس نايمــة
احمد ربي البلل شوقي في مي دايمة
اخدت ايام مع الرعنة ام ظروفا قايــــمة

[النجضاني]

شفق ود الزبير قال يا الرهيف ليها
شاف خدادة كالبراق علي وجنيها
ضامر هافه خلقة ربنا البـــــانيها
جدية عفيفة خداد المجزيات فيها

[شنتير]

شاعرنا كما ذكرنا امتاز بشعر الوعظ الديني وهنا عنده مربوعة يحث فيها الناس على الصدقة في السر قائلاً
ارقع مخفي في المي دايمة كتر صبرك
واعطف بي ضرايا مافي زولا اخبــــــرك
الرزاق برزقـــــقك مـــــــــــدة ما بدبرك
شيلك راوية خاف من العطش في قبرك

النجضاني سلام عليك
نعلك عافية
هازول والله زولكن دا بالحيل كلامو سمح
لكن آخوي البيت المعلم بالأحمر دا مااااااااااا وقع لي
دحين أكان لقيتلك فريقة أكتبو لي تاني
الله إديك العافية

[أبوصالح]

[/CENTER][/FONT][/SIZE][/COLOR]

النجضاني سلام عليك
نعلك عافية
هازول والله زولكن دا بالحيل كلامو سمح
لكن آخوي البيت المعلم بالأحمر دا مااااااااااا وقع لي
دحين أكان لقيتلك فريقة أكتبو لي تاني
الله إديك العافية
لك التحية الأخ الكريم النجضانى على أيراد هذة الأشعار المعبرة .

أستميح الأخ النجضانى عذرا أخى الشنتراوي فأقول :

البيت الما وقع لك دا انا ذاتى ما وقع لى و أكان ما أخاف الكضب البيت دا اظنو طفّر من وزن

المربوع لأنو زى ما انتا شايف كالتالى :

ارقع مخفي في المي دايمة كتر صبرك
واعطف بي ضرايا مافي زولا اخبــــــرك
الرزاق برزقـــــقك مـــــــــــدة ما بدبرك
شيلك راوية خاف من العطش في قبرك


1 : فالشاعر يطلب من المنصوح أن يقوم بكل معروف فى هذة الدنيا الزايلة و يكثر فيها من لزوم الصبر .
2 : و أن يكثر عطفه على المساكين فى الخفاء بدون أن يعلم به أحد .
3 : لأن الله الرازق طالما رزقه فى سالف عمره و أمهله .
( هنا مربط الفرس , و الى أن يحضر الأخ النجضانى أظن أن البيت تصحيحه كالآتى :
( الرازق برِزقك مُدة ما بدرّبّك ) و كما تري أخى الشنتراوي سيختلف وزن المربوع قليلا لكن لا بأس لأن المعنى سيستقيم .
4 : أخيرا الشاعر يطلب من المنصوح ان يحافظ على خصلة من خصال الخير ترويه من العطش فى قبره .
جزاك الله أخى الشنتراوي و الاخ الكريم النجضاني خيرا .

[النجضاني]

السلام عليكم
الاخ بوصالح والاخ الشنتراوي
الرزاق برزقك مدة مابدبرك
هذا البيت يعني ياخواني ان الله هو الرازق ان العطية اي المدة ماها خسارة
والدبارة تعني الخسارة اي ان ماتدفعه في الصدقة ربنا يخلفه لك وماهي خسار
او دبارة كما قال .
يطابق قوله حديث الرسول صلي الله عليه وسلم قال
الملكان اللذان يقولان اللهم اعطي كل منفقا خلفا واعطي كل ممسكا تلفا
وجزاكم الله خير
وانشاء الله اكون قد وصلت المعني

[د خضر الخواض]

تحيه للنجاضه اهلى اين ما حلوا...