قالت لا !!!

[أنور ميرغني]

أقول شنو ؟؟؟
ما كل الغناوي
إتقالت فيك
وأي شاعر إتغزل
قلت شاف عينيك
حتي الغيوم
منشرة في الأفق
بتفتش عليك
شافك القمر إتلاشي
وساب مكانو ليك
حتي الطيورلما غنت
كانت فرحانة بيك
والنيل الشاقي بلدنا
كان بحكي روعة مشيك
بس كان مناي جنبك
أنسي عذاب سنيني
ووكتين تشع بسمتك
تذوب جليد أحزاني
ونظرة من عيونك
تطفي نار حرماني
ولو شفتي كيف
حبك سكن فيني
وبعدك صبحت تايه
ديمة ذايد أنيني
ما كان قلتيها لا
وللألام وراك سبتيني
برغم الحب الباين في عيونك ؟؟
بتقوليها لا ؟؟
تحكمي علي أسيبو كونك
أسيبك ؟؟ وين أقبل ؟؟
ما خلاص بقيت مجنونك
ويشهد الصباح
الشال صفاهو من لونك
والشمس السرقت ضوها
من نور جبينك
محال أسيبو دربك
أو أقول أمشيها خطوة دونك
محال أهدم قصور أمال
شيدتها في مدن عيونك
محال !!!!!!!!!!!!

[أنور ميرغني]

منعول أبو الريدة
التهين سيدا وتذلو

[سامى سر الختم]

منعول ابو الريدا
التهين سيدا وتذلو...

[مينو]

انتو عارفين ياحبايب اجمل حاجه تهينك الريده لانها تحسسك بوجودك برغم هى امر لحظات الالم لكن الالم الذيذ جدا

[أنور ميرغني]

شكراً سامي علي المداخلة والتعليق
ولك ألف تحية ..

[أنور ميرغني]

شكراً كتير الرائعة مينو وبقول ليك صدقتي الألم لذيذ جداً بس برضو عزة النفس غالية ...