حافظ شندي
30-12-2009, 09:33 AM
الغربة ..ذاك الحلم الذي داعب مخيلة الطفولة .. وعانق ذهن الشباب .. فرسم بفرشاته السحرية أجمل الأحلام ..صوره البعض على انه المارد السحري الذي يأتي ملبيا اجاتك ..حاملا لك إياها على بساط سحري .. مهديها لك بلا نصب ولا كبد ولكن ..من خلال تلك الأبيات .. نلقي بنظرة على واقعنا وننزع الأقنعة من فوق أعيننا لنرى الغربة كما هي ..لا كما رسمتها لنا أحلامنا ..
خواطر مغترب
بسم الله أبـدأ وأقــول يـا معين
يقدرني أجيب لي قـولا سمح وزين
أرسلوا لي أمــي الغالية بت حسين
كلامـي ليهـا كـلوا شـوق وحنين
كيف حالكم يا أمــي كيـف عاملين
كنت جنبــك أنطط زي جنى الوزين
ما بنسى يوم كنا في حوشنا مجتمعين
واصـريت عليك وكمان حلفت يمين
وبعتي لي سوارك ومعــاه الغويشتين
أشرنا وحجزنا وللقيـام بقينا جاهزين
وقلــت ليك خـلاص بكرة مودعين
لـي أرض الخليـج يا أمـي قايمين
وطفـرت من عينيك الغاليـة دمعتين
وقلتي لي يا وليدي بقيت للغـربة متين
كنا صغار يا أمي أصلــوا ما واعين
وجينـا للغربــة بحماسـنا مندفعين
ولو سألتي عني حالي زي حال مسكين
والله بقيت وحيــد وحالــي حزين
أبلع في العبرات وتفضحني دموع العين
قـــدر مـا أخفيها تسيل علي الخدين
مهما أكبـــر قدامـك بظـل دريفين
جسمي هنا إلا قليبي معاكم كل حين
سافـرنا وبعــدنا وسمـونا مغتربين
وقلنا ناخد سنة وبالكتير سنتين
نعــدل حــالنا وليكـم نجي راجعين
ووعدناكــم بالشنط الكبـار والكراتين
من زمـان كنت بحلم بالفيـلا أم دورين
تكـون ناصية وفاتحـة علـى شارعين
وعربية تريحنـي مـن مشـي الرجلين
ورصيـد ادخروا في البنك نظـام تأمين
وعروس جميـلة تمــلا وتكيـل العين
غير المصاريف ليكم كل شهـر شهرين
وما كـان حلمـي براي إلا الزيي كتيرين
وبدل السنة امتـدت غربتا عشرة سنين
وما معــروفة يا أمـي نهـايتا متين
سؤال ما لقينا ليه إجابة وبقينا محتارين
وما حققنا فـد حلـم واحد من الحلمين
وربك يستر وما تبقــى لينـا عشرين
والأمثلة كتيــرة هنا لا واحد ولا أتنين
والوصلوا من زمــان..سنــة سبعين
والمن زمنــي البدرس لليــوم قاعدين
وحتـى المشـوا تانــي جـوا راجعين
وصلنا وبدينا العمل وكــان نظـام شفتين
من تشرق للضهر والمساء نجي راجعين
نســوق الليل بالنهـار ليه مواصلين
صحتنا وشبابنــا إتهدوا بقـوا دايبين
ومـا فـي عطلـة إلا الجمعة والعيدين
وأصحاب العمـل ذاتن لينـا مستعبدين
قلوبن قاسيــة شديــد ناس ظالمين
أقوى من الحجــر لا بتحن ولا بتلين
حتـى لي حقوقنا كمان كتيـر هاضمين
الليه سنة ما استلم راتبو والليـه سنتين
والراتب ذاتــو يا أمي مــا شيتاً زين
ناس تشتغل بي ألف وناس أقل من ألفين
وفـي ناس كايسـة الشغـل ومـا لاقين
باختصار يا أمـي ناس كتيـرة تعبـانين
والمآسي كتيرة حاصلة بحكيها ليك بعدين
وما بقـول ليك الحال سمـح ولاهو شين
لكـن نحمــد الله..تـرانا نقول عايشين
إلا يا أمي عيشتنا ذاته بقـــت بين بين
ناس عايشة بالصبــر وناس تاماها دين
وفي ده الحـال تميت لـي قريـب سنتين
وبرضـو بعتبر نفسـي مـن المحظوظين
أحمد ربــي كتير وأكون مــن الشاكرين
وعرفتــه قيمـة عفوك ورضــا الوالدين
دايما تقول لي ربي يسهله عليك في الدارين
وفي الحكومة اشتغـلت كنـت من العاملين
وإتفكيـت مـن مشاكل الكفيـل والدوامين
مافي أي مقارنة بين عملي القبيل والحين
وأزيـدك من الشعـر يا أمي كمان بيتين
حتى للعـلاج عملــوا لينا نظـام تأمين
لكن أهل البلد يا أمــي بقوا لينا كرهانين
ولـي وظائفنــا قالــوا يعملـوا توطين
والبلد لا خيراً فيها ولا منظر يسر العين
يشكًروا في كارفـور وأبــراج الكويتيين
حتـى نافــورة جــدة بيهـا مندهشين
بالله كيــف حالن لو شافوا مقرن النيلين
ولا بـلادي الراضــي عليها رب العالمين
الذوق والجمــال علـي بيبـانا مكتوبين
الغربــة سلبت شبابنـا ونحـن ماحاسين
وبرضــو أدتنا كتيـر والله مــا ناكرين
أدننا الشوق والهم بقينـا معـاه سهرانين
اسألي لي الله يا أمــي وكمان أهل الدين
اندهي لي أهل الخيـر وجملة الصالحين
يشيلوا لي الفاتحة ويطبقوها بي ياسين
لي ديارنا سريع نعـود ونكون غانمين
وعليكـم الله كمـان انتـو يا سامعين
أمنوا ولي دعواتنا قولوا آمين آمين آمين
خواطر مغترب
بسم الله أبـدأ وأقــول يـا معين
يقدرني أجيب لي قـولا سمح وزين
أرسلوا لي أمــي الغالية بت حسين
كلامـي ليهـا كـلوا شـوق وحنين
كيف حالكم يا أمــي كيـف عاملين
كنت جنبــك أنطط زي جنى الوزين
ما بنسى يوم كنا في حوشنا مجتمعين
واصـريت عليك وكمان حلفت يمين
وبعتي لي سوارك ومعــاه الغويشتين
أشرنا وحجزنا وللقيـام بقينا جاهزين
وقلــت ليك خـلاص بكرة مودعين
لـي أرض الخليـج يا أمـي قايمين
وطفـرت من عينيك الغاليـة دمعتين
وقلتي لي يا وليدي بقيت للغـربة متين
كنا صغار يا أمي أصلــوا ما واعين
وجينـا للغربــة بحماسـنا مندفعين
ولو سألتي عني حالي زي حال مسكين
والله بقيت وحيــد وحالــي حزين
أبلع في العبرات وتفضحني دموع العين
قـــدر مـا أخفيها تسيل علي الخدين
مهما أكبـــر قدامـك بظـل دريفين
جسمي هنا إلا قليبي معاكم كل حين
سافـرنا وبعــدنا وسمـونا مغتربين
وقلنا ناخد سنة وبالكتير سنتين
نعــدل حــالنا وليكـم نجي راجعين
ووعدناكــم بالشنط الكبـار والكراتين
من زمـان كنت بحلم بالفيـلا أم دورين
تكـون ناصية وفاتحـة علـى شارعين
وعربية تريحنـي مـن مشـي الرجلين
ورصيـد ادخروا في البنك نظـام تأمين
وعروس جميـلة تمــلا وتكيـل العين
غير المصاريف ليكم كل شهـر شهرين
وما كـان حلمـي براي إلا الزيي كتيرين
وبدل السنة امتـدت غربتا عشرة سنين
وما معــروفة يا أمـي نهـايتا متين
سؤال ما لقينا ليه إجابة وبقينا محتارين
وما حققنا فـد حلـم واحد من الحلمين
وربك يستر وما تبقــى لينـا عشرين
والأمثلة كتيــرة هنا لا واحد ولا أتنين
والوصلوا من زمــان..سنــة سبعين
والمن زمنــي البدرس لليــوم قاعدين
وحتـى المشـوا تانــي جـوا راجعين
وصلنا وبدينا العمل وكــان نظـام شفتين
من تشرق للضهر والمساء نجي راجعين
نســوق الليل بالنهـار ليه مواصلين
صحتنا وشبابنــا إتهدوا بقـوا دايبين
ومـا فـي عطلـة إلا الجمعة والعيدين
وأصحاب العمـل ذاتن لينـا مستعبدين
قلوبن قاسيــة شديــد ناس ظالمين
أقوى من الحجــر لا بتحن ولا بتلين
حتـى لي حقوقنا كمان كتيـر هاضمين
الليه سنة ما استلم راتبو والليـه سنتين
والراتب ذاتــو يا أمي مــا شيتاً زين
ناس تشتغل بي ألف وناس أقل من ألفين
وفـي ناس كايسـة الشغـل ومـا لاقين
باختصار يا أمـي ناس كتيـرة تعبـانين
والمآسي كتيرة حاصلة بحكيها ليك بعدين
وما بقـول ليك الحال سمـح ولاهو شين
لكـن نحمــد الله..تـرانا نقول عايشين
إلا يا أمي عيشتنا ذاته بقـــت بين بين
ناس عايشة بالصبــر وناس تاماها دين
وفي ده الحـال تميت لـي قريـب سنتين
وبرضـو بعتبر نفسـي مـن المحظوظين
أحمد ربــي كتير وأكون مــن الشاكرين
وعرفتــه قيمـة عفوك ورضــا الوالدين
دايما تقول لي ربي يسهله عليك في الدارين
وفي الحكومة اشتغـلت كنـت من العاملين
وإتفكيـت مـن مشاكل الكفيـل والدوامين
مافي أي مقارنة بين عملي القبيل والحين
وأزيـدك من الشعـر يا أمي كمان بيتين
حتى للعـلاج عملــوا لينا نظـام تأمين
لكن أهل البلد يا أمــي بقوا لينا كرهانين
ولـي وظائفنــا قالــوا يعملـوا توطين
والبلد لا خيراً فيها ولا منظر يسر العين
يشكًروا في كارفـور وأبــراج الكويتيين
حتـى نافــورة جــدة بيهـا مندهشين
بالله كيــف حالن لو شافوا مقرن النيلين
ولا بـلادي الراضــي عليها رب العالمين
الذوق والجمــال علـي بيبـانا مكتوبين
الغربــة سلبت شبابنـا ونحـن ماحاسين
وبرضــو أدتنا كتيـر والله مــا ناكرين
أدننا الشوق والهم بقينـا معـاه سهرانين
اسألي لي الله يا أمــي وكمان أهل الدين
اندهي لي أهل الخيـر وجملة الصالحين
يشيلوا لي الفاتحة ويطبقوها بي ياسين
لي ديارنا سريع نعـود ونكون غانمين
وعليكـم الله كمـان انتـو يا سامعين
أمنوا ولي دعواتنا قولوا آمين آمين آمين