خالد الجعلى
29-12-2009, 12:37 AM
هذة القصيدة للقارى
ازهرى بخيت البشير من ابناء الزيداب
بسم اللة ابتديت رتبت للقافية
صديت للرسول طه اب علامة نبيا
فوق اولاد جعل سلسلة الهاشمية
من عم الرسول نسبتا عباسية
نحنا اولاد جعل نسبتنا مى مقطوعة
شجرة عزة فى ارض الشرف مزروعة
وارثة سيوف وارثة خيولة وارثة دروعة
ارض الموت دا بابورة ومكان مشروعة
هاك تاريخنا صادقة روايةمى مقطوعة
نحنا نشبع التائهين سنين الجوعة
نحنا التار نجيبو نسكت الموجوعة
نحنا اعداءنا من روعتنا شفنا نجوعة
نحنا ورثنا من ابواتنا خيل ودكاكر
ونحنا سماءنا لليبانا دائما عاكر
نحنا الدارنا للعشرتنا دائما شاكر
ونحنا نوصل للبنقولة اسع وباكر
نحنا جعلة عباسية هيلنا الريسة
ونحنا بحورنا تصعب للبدور تقيسة
نحنا عروضنا اصلو العفة وردن ميسة
اسعل الوقعت النيل المعبق ديسة
نحنا نجومنا مالكات المدار مابغيبن
ونحنا سهامنا للعاداءنا ديمة يصيبن
ونحنا ظنونا فى الزينات دوام مابخيبن
ونحنا نساءنا وقعن صرة التنين عشان ما يعيبن
نحنا الريسة هيلنا ومن قديم مثبوتة
ونحنا قلوبنا بحبال الثبات مربوطة
نحنا ايدنا للداير السلام مبسوطة
ونحنا اليابى نجدعو فن دقيقة نجوطة
نحنا جعلة عباسيةنحنا اصالة عباسية
نحنا دروبنا ريض بتزلق اليمشية
نحنا ايدينا للدايرنو تدى سخية
نحنا اليبى نجدعو فن نعبى الدية
نحنا بحرنا ساهل غرفو
نحنا كرمنا مان باخلنو للبنعرفو
نحنا سمحنا زى شم الرياحين كرفو
نحنا كعبنا من الفية اخير تنصرف
نحنا بندخل الحارة اب سيوفا لمعن
ونحنا نفوسنا عند الموت نعل ماجمعن
نحنا جدونا زى وادى المطور الهمعن
ونحنا نسكت الباكية ام عيونن دمعن
نحنا بندخل الحارة ام سلاح قجة
ونحنا قلبنا ثابت فى المحاص ما لجة
نحنا صغيرنا بالجود والسخوة ملجة
نحنا بننحر الشيل ام حوارا عجة
نحنابندخل الحارة ام سلاحا رزة
ونحنا قلبنا ثابت فى المحاص مخزة
نحناصغيرنا باالجود والسخوة مغزة
نحنا السيفنا لرقاب الرجال كم جزة
نحنا بنركب الحورى البيعجب خطبو
ونحنا حماية الجيران متن ماغبو
نحنا صغارنا باالجود والسخوة اتربو
نحنا نبانا امنبو الكفر بى ربو
ارجؤ من ادارة المنتدى تثبيت هذة القصيدة
ازهرى بخيت البشير من ابناء الزيداب
بسم اللة ابتديت رتبت للقافية
صديت للرسول طه اب علامة نبيا
فوق اولاد جعل سلسلة الهاشمية
من عم الرسول نسبتا عباسية
نحنا اولاد جعل نسبتنا مى مقطوعة
شجرة عزة فى ارض الشرف مزروعة
وارثة سيوف وارثة خيولة وارثة دروعة
ارض الموت دا بابورة ومكان مشروعة
هاك تاريخنا صادقة روايةمى مقطوعة
نحنا نشبع التائهين سنين الجوعة
نحنا التار نجيبو نسكت الموجوعة
نحنا اعداءنا من روعتنا شفنا نجوعة
نحنا ورثنا من ابواتنا خيل ودكاكر
ونحنا سماءنا لليبانا دائما عاكر
نحنا الدارنا للعشرتنا دائما شاكر
ونحنا نوصل للبنقولة اسع وباكر
نحنا جعلة عباسية هيلنا الريسة
ونحنا بحورنا تصعب للبدور تقيسة
نحنا عروضنا اصلو العفة وردن ميسة
اسعل الوقعت النيل المعبق ديسة
نحنا نجومنا مالكات المدار مابغيبن
ونحنا سهامنا للعاداءنا ديمة يصيبن
ونحنا ظنونا فى الزينات دوام مابخيبن
ونحنا نساءنا وقعن صرة التنين عشان ما يعيبن
نحنا الريسة هيلنا ومن قديم مثبوتة
ونحنا قلوبنا بحبال الثبات مربوطة
نحنا ايدنا للداير السلام مبسوطة
ونحنا اليابى نجدعو فن دقيقة نجوطة
نحنا جعلة عباسيةنحنا اصالة عباسية
نحنا دروبنا ريض بتزلق اليمشية
نحنا ايدينا للدايرنو تدى سخية
نحنا اليبى نجدعو فن نعبى الدية
نحنا بحرنا ساهل غرفو
نحنا كرمنا مان باخلنو للبنعرفو
نحنا سمحنا زى شم الرياحين كرفو
نحنا كعبنا من الفية اخير تنصرف
نحنا بندخل الحارة اب سيوفا لمعن
ونحنا نفوسنا عند الموت نعل ماجمعن
نحنا جدونا زى وادى المطور الهمعن
ونحنا نسكت الباكية ام عيونن دمعن
نحنا بندخل الحارة ام سلاح قجة
ونحنا قلبنا ثابت فى المحاص ما لجة
نحنا صغيرنا بالجود والسخوة ملجة
نحنا بننحر الشيل ام حوارا عجة
نحنابندخل الحارة ام سلاحا رزة
ونحنا قلبنا ثابت فى المحاص مخزة
نحناصغيرنا باالجود والسخوة مغزة
نحنا السيفنا لرقاب الرجال كم جزة
نحنا بنركب الحورى البيعجب خطبو
ونحنا حماية الجيران متن ماغبو
نحنا صغارنا باالجود والسخوة اتربو
نحنا نبانا امنبو الكفر بى ربو
ارجؤ من ادارة المنتدى تثبيت هذة القصيدة